SophiakyTse的个人专页

黃店本人是10分支持的但是！必須要待應注意自己的衛生，他散發出劇烈的酸臭汗味⋯⋯ 其他店員大部份態度都良好至於食物，免費贈送的麵豉湯是好喝的，花魚定食那個魚也是正常的，至於那個叉燒就是如圖示的，讓人驚訝地肥⋯ 味道也是極鹹 …查看更多

聖誕假期閑着無聊就去附近新開嘅打卡地點湊一下熱鬧，雖然係歷史建築但係我對呢度嘅歷史興趣不大，有興趣嘅係到底呢度有冇好玩好食喺呢度其實唔止一間cafe甜品，但係隔離我最想試嗰個伯爵茶蛋糕已經賣晒，見到呢間啲星球咁可愛於是就選擇喺呢間度體驗一下當日呢一間係人潮最旺嘅，所以見到長長嘅人龍點餐嘅時候都唔好意思睇得耐，所以求其揀咗比較喜歡嘅味道嘅星球，跟住再加兩杯嘢飲就去搵位啦可能新開業嘅關係，有吉枱但係就冇足夠嘅櫈可能因為人手不足杯嘢飲等左好耐...呢杯桂花沙冰非常之唔錯，除咗價錢偏貴之外我覺得very good, 相對之下鐵觀音珍珠奶茶就顯得10分普通啦最令我驚喜嘅係呢個慕絲果凍，因為賣相一流味道亦都正常不過地球嗰個賣相更加吸引一開始遠睇都唔知道原來係朱古力個星球咁有驚喜諗住叫多個蛋糕試一試，但係呢個芒果椰子就令我失望我覺得佢嘅味道有啲化學下次得閒會再過嚟試埋其他星球🌍…查看更多

早兩日行過見到好多人排隊，今次經過見到冇人又肚餓即刻衝入去，簡簡單單叫兩款拉麵，驚唔夠餸所以追加肉同埋蛋夾落去先至發現原來本身都有蛋同埋肉，因為鍾意食粗面，所以覺得好味，蛋都係流心，簡簡單單又一餐。第二日叫老公去諗住買外賣，可惜冇外賣提供…查看更多

之前一直聽講評語都幾好，終於有機會過嚟試吓落單嘅女店員西口西面，算啦我當佢天生RBF, 況且出面閑閑地食一個都過＄100，呢度＄28就有得食啦！等嘅時候真係充滿期待！等左三個字😍好靚嘅pancake出場啦！立即拍返個震騰騰嘅video ... 但係點解佢唔震嘅急不及待吃一啖落口🙄🙄根本唔係日本食開嗰啲疏呼厘pancake...我即刻推俾我朋友食，點知連我朋友食咗兩啖都決定揼咗佢🤷🏻‍♀️總結我覺得＄28咁高卡路里但係難食...＄28都曬咗呢個女仔啲頭髮好需要焗油…查看更多

隻鴨係好食嘅，但係未至於話會念念不忘嘅程度，其實對比喺出面其他提供北京田鴨嘅鋪頭，佢嘅優勝之處只不過係會獨立將果皮片出嚟，真係唔好掛住影相，要即刻擺入口，因為基本上1分鐘之後已經冇咗入口即溶嘅油香感🤷🏻‍♀️另一個優勝之處就係佢有姜蓉，姜蓉配片皮鴨原來咁好味！但係佢個鴨湯呢就令我有啲失望，個味道冇鴨香呢個算係出色呢隻蟹我唔記得咗咩名堂，其實係有多膏又甜，但係佢個賣相真係有啲差😅，尤其是嗰啲肉碎蛋俾你夾多兩夾...另外仲有碟淮山菜心冇影相🙁因為唔吸引，只係一碟烚菜。都可能會再嚟食嘅但係就未知於要山長水遠特登去囉⋯⋯…查看更多

我已經係第三次為呢一間餐廳寫食評，無數次幫襯過呢一間餐廳，一開始佢開業嘅時候，我係欣喜若狂！因為石蔭一個舊區終於有一間充滿文藝氣息嘅舒服嘅餐廳，佢杯咖啡無論係味道同埋拉花當其時都令到我回味無窮...其實一開始佢嘅食物質素，尤其是午餐及下午茶可以說得上係性價比超低，但係因為佢杯咖啡同埋方便我放狗，所以我都幫襯左好多次。但係早前有一次，一樣咁優美嘅拉花，但係杯咖啡一飲落☹️同茶餐廳差唔多🤦🏻‍♀️果次係食下午茶，佢啲下午茶雞翼係可以剩係得外邊有味，裏面就雪藏味🤦🏻‍♀️尋日，因為同隻狗去完街返嚟想快快脆脆方便食返個晚飯，所以我哋又一次幫襯cozy, 見到佢轉左餐牌，全部英文好似好高級咁，冇咗以前最穩陣嘅牛扒，老闆（我諗佢係啦）話因為轉左廚師。我聽到轉左廚師幾開心！應該會好食好多啦掛！仲要有我哋鍾意嘅手工啤酒！點完餐就滿心期待坐喺出邊等... ...等左勁耐😪😪我心諗無理由架，其中一個餐係牛，應該好快得啊！跟住問吓老細，佢話因為咁啱幾張單一齊入所以耐的😵，咁唯有繼續等啦⋯⋯一上到枱好靚呀（因為係室外夜晚用iPhone6影出嚟係冇實物咁靚嘅），跟住我老公都話換咗個廚師係唔同啲喎！😅但係真係言之尚早☹️我明明記得個餐牌話自己係和牛... 但係蝸牛都冇咁韌囉！但係＄88有咁多塊， 雖然味道真係麻麻，但係我都接受到嘅...跟住等應該有半個鐘啊⋯⋯隻雞都未出嚟，嗰待應都主動出黎同我地講要等多一陣😪😪😪好啦期待已久嘅雞終於出場， 賣相都幾得意（好似雞洒咁），醬汁係有提子同提子乾好似好有心思嘅樣子⋯味道☹️雪藏味🤦🏻‍♀️🤦🏻‍♀️佢到底有冇醃過隻雞先煮？我老公仲話以為係換咗廚師，點知呢個廚師應該係上一手嘅徒弟，因為一樣咁令人失望🤦🏻‍♀️順帶一提唔知道係我自己口味變咗，定係呢一系列嘅手工啤酒真係麻麻哋😕雖然係雪凍隻杯先比我好細心，仲見我等咁耐請我試吓第二個味道.... er😅衷心希望呢間裝修咁有味道嘅餐廳可以係食物同埋飲品嘅味道改進！…查看更多

因為係屋企附近可以舒舒服服咁樣坐低同埋帶狗仔嘅餐廳就只有一兩間，所以放假想放狗嘅時候基本上Cozy係我哋嘅不二之選。 因為餐廳裝修得好靚再加上同埋放假我哋先會去，所以成件事係好舒服嘅。雖然叫餐轉咖啡要加多成＄20，但係之前佢嘅咖啡非常好飲所以價錢絕對唔係問題⋯⋯可惜，大概兩個月之前發現開始味道有唔同，詢問之下原來係轉左咖啡豆，不過其實都OK嘅⋯但係我今日再去，我發覺杯咖啡味道又唔同咗🤦🏻‍♀️🤦🏻‍♀️一問之下原來佢又轉左新配方，佢話依家係三隻豆嘅混合配方其實咖啡豆嘅嘢我真係完全冇知識，但係我飲落去個味道真係好失望。 我會形容為係一杯有拉花嘅茶餐廳味咖啡🤦🏻‍♀️🤦🏻‍♀️佢以前嘅咖啡係好好味道會令人上癮如果你問我會唔會再去呢間餐廳，我都係會嘅，純粹係因為冇乜選擇，唔會再係因為佢咖啡嘅質素呢個蛋糕味道就唔錯嘅…查看更多

其實好多時我食完飯都懶得打食評，無意之間跟返今晚食過的cozy 點知見到有好幾篇負評，而且大部份都冇相，令人不禁懷疑呢間餐廳係咪俾人中傷？！🤔🤔今次同狗仔係九龍城剪完髮返嚟，搵間可以有露天嘅餐廳第一時間就諗起Cozy, 唔知係咪大家都去晒捉精靈(呢間餐廳係冇精靈pokestop😩)，我哋八點去到得我哋一台客，老闆亦好好咁俾我哋坐入去門口位。雖然呢間餐廳選擇真係好少，不過我次次黎親其中一個餐都一定會叫牛扒，另外通常就叫一個意粉。今次我都係叫返例牌一個牛扒，另外一份煙肉意粉。牛扒同之前一樣都有水準（有次我朋友叫全熟，都唔會好un/太乾）今日個意粉就冇上次香蒜咁好味，不純粹我份人鍾意食香蒜多啲。今次餐飲揀咗橙汁，係好細杯嘅😂😂叫得有心理準備。其實喺呢度最好就係飲咖啡，但係我知道飲完我會瞓唔着⋯順帶post一下上次有杯等左勁來嘅朱古力一嚟到，原來店員見到我有帶狗仔佢幫我喺上面畫左隻狗仔啊！你間餐廳啲店員真係好好人，你唔好期望佢哋會好似酒店好專業嘅餐飲服務員咁好快手，但係我覺得佢哋都幾有heart! 另外佢哋個甜品櫃裏面，有一隻玻璃樽裝嘅冰滴咖啡，上次我買咗一瓶geisha, 係好好飲！㗳真啲係真係唔同啲！不過我會買返屋企分三四次飲🙈🙈因為＄100一瓶實在令我慳住飲！大家不妨一試！今次唔記得攞佢哋啲咖啡渣😫😫佢哋好有心機咁曬講晒啲咖啡渣比大家攞走！…查看更多

終於搵得返呢間野！ 差唔多一年前無意間同朋友食過呢間甜品，印象中幾好，所以今次自己一個人再去食。椰青水上年係＄5，而家已經係＄8至於個燉蛋白，都幾好味嘅！但椰汁燉蛋白，係個蛋白上面仲有啲椰奶🤔🤔🤔不過我以為係全部都係固體，同我想像中有啲出入。但係一個人真係冇可能食得晒，因為係超級滯。服務態度就，正常不過冇笑容。題外話呢度係冇精靈嘅…查看更多

朋友大力推介的egg Benedict餐廳經理介紹呢個係最傳統嘅煮法，雖然我唔知道點樣分有幾傳統，但係一嚟到賣相真的一流！其實佢另外有好多款配料，不過我就揀咗蘑菇，第一啖食落去好真係好好味！個蛋煮得啱啱好，磨菇炒得好香，荷蘭醬都好配合😋😋再配合sparking cocktail, 就清新d。不過下次最好都係同朋友一齊來share, 一人一個egg Benedict , 跟住再叫其他嘢食，因為一個人食晒兩個，真係有啲heavy😝…查看更多

不得不承認我是給他名氣所吸引才入去看看的，本來也不是甜食愛好者，所以对曲奇的興趣不算很大啦。 這隻可愛的小熊，$35一小隻，而且好像卡路里很高的樣子，所以最後有沒有買。試食咗佢經典苦味：其實是普通的黑朱古力，辣味：非常有驚喜！第一次食辣嘅曲奇，又不至於真係話好辣（試食¼塊only) 但係個味道又真係幾得意，不過又冇打算買一盒。 所以結果買咗呢一包仔，朱古力伯爵茶，返到屋企打開來食，期望太高啦，我又唔覺得有店員講得咁香茶香，soso only~~…查看更多

一般來荃新天地我都係去食大戶屋，今日去到嘅時候已經last ordered (9:30)但係又好肚餓，於是就求其試一間。 一開open rice , 見到大家都推薦餐包及豬手，餐包真係驚奇地好味，呢個白白地色嘅，外面脆到好似啱啱燒到金黃色嘅棉花糖咁，裏面又好鬆化，大家記得試吓食！我encore左！佢有幾款麵包架！記得指明要呢隻！ 我諗佢係即叫即整所以啲嘢好夠熱，豬皮亦非常香脆，不過個醬好似唔係好適合中國人口味。 海鲜墨汁飯，d海鮮夠新鮮👍🏻👍🏻 成杯果汁提提大家，唔好太晚去食呢間野，d 侍應個個倦到又語無倫次又打爛野，同佢講唔該，佢答：唔緊要... 可能佢覺得我叫佢refill 歺包好對唔住佢掛...anyway, 態度都okay 嘅。…查看更多

之前搭車有經過呢間麵包舖，覺得幾有特色，一直想試，上星期咁岩經過，買咗$19/5個迷你包仔試吓。綠茶朱古力包非常之出色！佢嘅綠茶味同其他連鎖麵包舖有啲唔同，食落去覺得好似天然啲🙈🙈係咪真係天然我就唔知啦，不過我覺得好好味！👍🏻👍🏻今次特登再去買麵包。 呢個圓圈包是日特價，買一送一，抱住唔想洩底嘅心情😁試吓，係果種近似法包、donut, 就是比較Q 的一種😋😋😋 番薯包好多地方都有，呢度冇乜特別啦，不過呢個價錢我覺得算係抵架啦，味道亦非常之唔錯 …查看更多

十幾年前已經開始幫襯銅鑼灣老店，上年偶然發現原來尖沙咀有分店，幾個月也會來一次。排骨菜飯依然都係咁好味！其實我發現尖沙咀分店嘅排骨比銅鑼灣嘅更加脆！ 海蜇醉雞d 雞好滑，皮薄冇乜肥膏 雲吞好像有點退步了 …查看更多