affect37's Profile

尖沙咀嘅Odelice係間好有法式情懷嘅小餐廳，佢哋嘅菜式唔單止精緻，仲充滿創意，每次嚟都有唔同嘅美味等住你。黑松露蘑菇球: 外面嘅脆皮包住咗香濃嘅蘑菇餡，每一口都有黑松露獨特嘅香味，真係令人一瞬間就陶醉。蘑菇嘅鮮香配上黑松露嘅土壤氣息，簡直無法抗拒。忌廉蘑菇湯: 呢碗湯嘅濃郁程度剛剛好。湯底奶香滑口，但又唔會膩，仲有新鮮嘅蘑菇片，口感好細膩。肉眼扒: 呢道真係我呢次最亮眼嘅菜式。肉眼扒外焦內嫩，經過好細心調味，肉質嘅鮮美同香料完美結合。每一口都有濃烈嘅肉香，再加上餐廳特製嘅醬汁，味道真係好正。無論你係肉類愛好者定普通食客，對呢道菜都會讚不絕口。甜點:香蕉船薄餅: 薄餅輕盈，裡面有香蕉、香濃巧克力醬同香草冰淇淋，真係甜蜜無比。每一口都係幸福嘅感覺，食完好滿足。為呢餐劃上完美句號。總括來講，Odelice嘅用餐體驗真係令我印象深刻。無論係前菜、主菜定甜品，每一道都展現咗廚師高超嘅技術同對食材嘅熱愛。餐廳氣氛舒適，加上服務人員都好友善，真係令人流連忘返。如果你喺尖沙咀搵法式餐廳，Odelice真係絕對值得一試！…Read More

最近去左西環的Burger Joys，我點咗佢地嘅芝士薯條、水牛雞翼同埋磨菇漢堡，真係令我印象深刻。芝士薯條：我超級鍾意佢地嘅薯條，好脆好軟，又金黃色，蘸落濃郁嘅芝士醬，味道真係完美絕配。芝士嘅濃郁同薯條嘅香脆，每一口都好滋味，真係令人回味無窮。水牛雞翼：雞翼嘅肉質好嫩多汁加埋燒烤嘅香氣，真係好吸引人。再加上辣嘅醬汁包覆住雞翼，令佢哋更加美味。呢個組合真係好奇妙，我覺得呢個係我食過嘅最好味嘅雞翼之一。最後就係磨菇漢堡。呢個漢堡真係素食者嘅天堂。磨菇嘅鮮味同埋其他蔬菜嘅香氣喺口中爆發，口感豐富多汁。再加上酥軟嘅麵包同埋濃郁嘅醬汁，呢個漢堡真係令人回味無窮。…Read More

今晚同朋友嚟尖沙咀行街食飯，夜晚去咗The One 搵食，見到有間西餐廳，仲有聖誕節日套餐，我哋就選呢間坐低食餐好兼慶祝埋聖誕節🧑🏻‍🎄聖誕2人套餐好豐富喎！有餐湯/沙律（我哋二人各選一款），頭盤有主廚拼盤，主菜我哋選咗脆皮燒豬腩、龍蝦燴飯，最後嘅甜品就選咗法式椰子撻😌😌餐廳都唔細，環境都唔錯，坐得舒適，好啱嚟相聚傾偈🙂落完單，好快就上前菜沙律好大份，沙律菜種類多又新鮮，配有有酸酸果醋，非常之健康餐湯今次係芝士磨菇湯，啖啖湯有磨菇碎粒，充滿香濃菇味，伴有麵包，好好的配搭主廚拼盤係法國南部篇😆 好豐富嘅有鵝肝醬多士、吞拿魚他他、白毛豬火腿、炸黑松露磨菇球、山羊芝士、餅乾條等好多款小食，真係好有心思，賣相已經非常之吸引，每款味道都配搭得好👍🏻 最喜歡炸黑松露磨菇球，口感特別，味道又調得好好，出面都未食過，好有新鮮感😊食完個拼盤，就上主菜😎脆皮燒豬腩，雖然睇落去份量唔算大，但食落份量係好適中，豬皮真係好香脆可口，豬腩肉表面都有煎炸調味，點埋d醬汁更加美味🤤龍蝦燴飯賣相非常之吸引🤩因為我哋兩個唔係大食，無升級做一隻龍蝦🦞 半隻已經好夠啦😌 龍蝦啖啖肉都好鮮甜，意大利飯嘅調味好夾，唔錯呀甜品時間🤓 法式椰子撻😚 配有一球雲尼拿雪糕，呢款甜品我哋之前都未試過🙈 原來椰子撻都好啱我哋，上面嘅海鹽焦糖醬味道唔會好甜，又有香香椰子味，連埋個冧酒菠蘿粒粒，真係好正😊…Read More

如果你鍾意食川菜，旺角嘅歐美廣場就絕對不能錯過老川皇呢間食店！佢嘅水煮牛肉絕對係川菜中嘅經典之選！湯汁麻辣又鮮香，啖啖都似係一場川菜盛宴。而且佢嘅牛肉韌韌有口感，同湯汁一齊食真係好過癮！煮番湯嘅時候，佢哋會加少少豆豉落去，令味道更加濃郁，真係鍾意到爆!除咗水煮牛肉之外，佢啲四川涼粉亦都出奇地好食。涼粉一份係好大份量嘅，如果你同朋友一齊食，可以共享一下，咁唔使一個人全部自己食晒。佢啲涼粉煮得剛剛好，彈牙又唔會太硬，加埋啲特製醬料，真係令人回味無窮。另外，我都要推薦佢哋嘅鐵板魷魚同辣子肥腸。魷魚係焗籠煮嘅，燒得啲魷魚微微焦香，好滿足口腹之欲。肥腸呢個菜名，聽落去好似好膩好肥，但係唔知點解一入口，卻唔會有咁嘅感覺。肥腸嘅脆口同辣味好和諧，真係無辣不歡啊！啤酒係食川菜嘅最佳拍擋，而老川皇都有好多款品牌嘅啤酒你可以揀。佢啤酒嘅價錢唔貴又夠凍，飲啤酒食川菜，真係好愉快嘅一個晚上！…Read More

老川皇主打川菜，有好多款美味菜式，其中有啲我特別鍾意！首先要介紹嘅係佢哋嘅招牌菜之一，酸菜魚。呢道菜以新鮮嘅魚片同酸菜為主，再配上辣椒，真係一絕！魚片鮮嫩多汁，湯底濃郁，再加上酸菜嘅酸味同辣椒嘅微辣，味道更加豐富。每一啖都可以感受到唔同嘅滋味，絕對係一道令人忍唔住回味嘅美味菜式。另一道一定要試嘅菜式係涼拌香辣海哲。呢道菜用咗新鮮嘅海哲貝，再加埋香辣醬料，口感鮮脆多汁。海哲貝嘅甜味同辣椒嘅香辣完美融合，食起嚟好開胃。唔可以唔提嘅係佢哋嘅燒茄子。茄子燒得剛剛好，外酥內軟，再淋上酸甜嘅醬汁，味道超迷人。每一口都可以食到茄子香氣四溢，好好食！仲有兩道燒菜都好推薦，分別係燒娃娃菜同燒牛舌。燒娃娃菜嘅嫩脆口感特別驚艷，再配上微微嘅燒烤味道，更加美味。而燒牛舌就鮮嫩多汁，肉質鮮美。呢啲都係好適合做開酒菜或者主菜嘅好選擇。…Read More

朋友話好耐無食四川野，所以約左上個禮拜去位於佐敦的老川皇食晚飯。我地分別點左：農家小炒肉用嫩豬肉同好多新鮮蔬菜炒，香味好醉人。豬肉切成薄片，再醃製住，更入味同肉質軟滑。廚師炒菜嘅時候好巧妙地捽炒住蔬菜，保持佢地嘅脆嫩口感同埋同肉片味道完美結合。呢碟小炒肉色、香、味俱全，一咬落去，質感細緻多汁，每一口都令我好過癮。再嚟，講番干扁四季豆。呢碟菜色好靚，豆莢又爽脆，口感好豐富。廚師先高溫煮炒四季豆，令佢保持爽脆，唔會黐手黐牙。然後，佢哋再加入啲調味料同蒜瓣一齊炒，令豆莢保持住原本嘅鮮甜味道。呢碟干扁四季豆煮得剛剛好，唔單止餐飲保留住蔬菜嘅營養價值，仲帶出豐富嘅口感同豆香味。…Read More

禮拜日同左屋企人去位於旺角的「圍爐取暖」食晚餐。呢間係一間以camping 為主題嘅餐廳。佢嘅裝潢同氛圍都係以露營為靈感，帶比人一種放鬆嘅感覺，入面有d露營枱凳同個大帳篷，好有特式，係影相打卡之選。我地點左個皮蛋芫茜湯 ，呢個湯絕對芫茜fans 必點，皮蛋味道濃郁，芫茜的香氣令到成個湯底更加清新。新鮮龍躉魚片 - 魚片鮮嫩滑潤，每一口都感受到魚肉的鮮甜同嫩滑的口感，搭配上清淡的湯底，簡直係perfect match。薄切安格斯牛小排 - 肉質鮮嫩多汁，唔會鞋口。鴨血 - 非常新鮮，口感彈牙。響鈴 - 香口酥脆，吸飽濃郁湯香，美味可口。…Read More

老媽拌麵，之前只係喺屋企食過，都覺得好好味，估唔到居然香港都會開咗餐廳。前幾日去奧海城行街，見到有位，即刻衝入去。座位都算幾開揚同舒服，用QR code落單，非常方便。點咗三個下午茶餐，大家share嚟食。每個都係$50-$60左右，已經連埋嘢飲，嘢飲同嘢食選擇非常之多，非常抵食。和牛炸醬拌面炸醬同麵嘅比例啱啱好，味道非常香濃，配上和牛肉，每一啖都勁享受豆乳香香雞配幼麵豆乳香香雞非常惹味，唔係平時嗰啲鹽酥雞咁，唔知佢點整，可以鎖住d肉汁，重點推介滷肉飯太耐冇去旅行第一啖食落去，好有台灣嘅風味，感覺就好似置身於台灣一樣最後，嘢飲選擇極多，有啲都幾特別，好似有金羅漢果海底椰，我就覺得味道幾特別，好好飲。朋友點鐘叫左士多啤梨沙冰，夏天飲真係一流！總括嚟講，平均每人$70左右，食得好滿足，下次過嚟奧海城一定會再嚟！…Read More

今晚同好耐冇見嘅朋友食晚飯，大家都不約而同想食麻辣火鍋，就響尖沙咀搵間火鍋店..無意間見到呢間麻辣火鍋好似都唔錯，就上咗去食喇～呢間係逐款食物點算嘅，可以視乎返自己嘅情況同budget點野食😌今次我哋兩個人，就點咗個小辣嘅鴛鴦鍋：鼎王麻辣鍋同酸菜白肉鍋😋本身個火鍋嘅湯底都好足料，仲可以任加湯料嘅鴨血豆腐同酸菜白肉👍🏻👍🏻見介紹話鴨血同豆腐都係店鋪名物，當然要食啦🤭 鴨血無出面食嘅腥臭味，豆腐吸盡咗火鍋湯底嘅精華，好有味，好食😋我哋再另加咗丸拼盤、濃香豆皮、手工三色滑、老油條啲肉丸粒粒都好彈牙爽口，仲有鮮味，個人最推介墨魚丸😊手工三色滑：蝦滑、蟹滑、帶子滑三款都係咁出色，鮮甜肉嫩，蟹滑好少食到，個人比較喜歡呢個豆皮好大件啊！火鍋食呢個豆皮都好特別，完全食埋個湯底嘅濃濃味道啊！老油條都唔算細件🫢 店員見到我唔係浸左落湯好耐就夾起嚟，即刻走嚟提議我哋浸5分鐘左右先食，話會好食好多😳 試完店買推介嘅食法，真係好好多，舊油條吸收左唔少湯底精華味道，完全入味👍🏻食食吓，店員見我哋個湯唔多夠，會主動加湯同湯料，唔使驚越食越淡，太好了！…Read More

今晚晚餐想食酸辣野，就同左朋友去佐敦白加士街的景霖米線。餐廳喺佐敦站附近，非常方便。我地分別叫左兩個過橋套餐，大大碗配料十足，價錢又唔貴。本店馳名過橋套餐（大大碗）$65 - 好足料，配料有牛肉、豬肉、豬腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬。仲有生菜、芽菜、韭菜、腐皮。米線煙韌滑溜，有嚼勁，湯底唔油膩。海鮮過橋套餐（大大碗） $70- 日本帶子、仿鮑片、魚腐、魚皮餃、炸魚片、蟹柳、炸醬、生菜、芽菜、韭菜、腐皮。帶子大大粒，啖啖的炸醬炒得香口，加上彈牙的薯粉，夠晒惹味開胃。香草雞翼 - 外皮香脆，雞肉肉嫩多汁，唔會乾爭爭。雞軟骨串- 雞肉及雞軟骨的比例恰到好處，雞軟骨唔會太硬，爽脆有嚼勁。牛肉串燒 - 味道濃郁，口感嫩滑。…Read More

今朝約左同事去公司附近的波士冰室食個靚早餐。餐廳早餐set選擇都幾多，我地分別叫左兩個餐再加份三文治。雪菜肉絲公仔麵 - 雪菜唔會過咸，公仔麵唔會煮得太淋，口感彈牙。蕃茄薯仔螺絲粉 - 酸酸地夠開胃，味道唔錯。炒滑蛋 - 炒得好滑溜，蛋香十足。香草蒜蓉多士 - 方包夠厚，咬落外脆內軟，陣陣蒜蓉香，酥香惹味。芝士火腿三文治 -軟熟嘅麵包包住厚厚一塊芝士，加上火腿，芝味無限。奶茶 - 口感順滑、濃厚，奶味與茶味平衡，奶香同茶香並重。咖啡 -咖啡香味濃郁，口感豐富。…Read More

做完野經過將軍澳，就順便係popcorn的Odelice食埋野先返office。餐廳裝修雅緻有格調，坐得舒適。香草蝸牛 - 法式蝸牛係法國菜的經典，所以叫左黎試下。蝸牛口感彈牙有咬口，薯糰丸子食起上黎煙煙靭靭，整體味道唔錯。香橙烤豬腩 - 外皮香脆，腩肉一層肥夾一層瘦，配埋香橙汁，香甜而且解膩。朱古力Moelleux 蛋糕 – 外面係鬆軟的海綿蛋糕，入面係絲滑的熱朱古力醬，配埋一個雲呢拿味的雪糕球，減少左熱朱古力的膩味。熱帶風 Tropical Passion - 有熱情果、芒果同羅勒，芒果本身有著明顯的自然果甜味，再結合百香果的甜酸，充滿了「熱帶風情」，醒胃解膩。…Read More

Lunch約左朋友仔去長沙灣的味道樂居酒屋聚一聚。餐廳裝修以日式復古為主，午市套餐有多款套餐選擇，每個套餐除左主食之外，仲包左麵豉湯、沙律菜同茶碗蒸。茶碗蒸 – 蛋味好香，口感滑溜軟嫩。麵豉湯 – 口感順滑湯汁濃郁，唔會過咸。沙律 – 有生菜、車厘茄、粟米等，新鮮爽脆，夠晒開胃。牛油香煎銀鱈魚拼大蝦丼- 充滿油脂的銀鱈魚啖啖肉，肥美甘甜，肉質細嫩，香味撲鼻；大蝦夠新鮮，肉質爽口彈牙，煎得好香口。原條炭燒鰻魚定食 - 原條鰻魚好大條，燒得好香口，鰻魚彈牙而且厚肉肥美，魚油味都幾突出完全唔腥，醬汁份量亦啱啱好無蓋過魚味，珍珠米好軟熟粒粒分明，配埋滑蛋同醬汁一齊食，口感同味道都好豐富。…Read More

餐廳裝修好特別，行型格玩味路線，牆上面有好多搞鬼poster同擺設，連菜式名都好特別。普通到無得再普通既炸魷魚圈 - 魷魚圈炸得鬆脆，唔會好厚粉同肥膩。來自舊金山的斧頭豬 - 伴碟有蝦片, 沙律菜, 木魚凍烏冬同芥末。斧頭豬肉質柔軟無筋，油脂感較輕，肉汁豐富，肉味濃郁；木魚凍烏冬好彈牙幼滑。有蟹GO又有蟹肉的蟹蟹蟹意大利扁麵 - 用蟹鉗、蟹肉、蟹子、意大利扁麵砌成一座塔，扁麵沾上蟹粉，濃香的蟹膏蟹肉，啖啖甘香幼滑。朱古力窩夫 - 賣相精緻, 窩夫微脆嘅表面配上鬆軟帶甜嘅口感，外脆內軟，味道甜而不膩。士多啤梨奶昔 - 質地濃厚順滑，奶香重，果味自然…Read More

約左好耐無見的朋友仔去尖沙咀食野，去左港威中心的姚姚酸菜魚。餐廳以Tiffany Blue 為主色調，座位闊落舒適。採用QR Code落單，夠晒方便。我地分別叫左：麻辣香鍋 - 可以自選配料同辣度，我地揀左：蓮藕片、豬手、萵荀片、豆腐。一上枱香氣四溢，配料入口香辣夠味。姚姚蕃茄魚 - 採用新鮮鱸魚，啖啖肉，肉質嫩滑。湯底以酸菜魚湯底為基底，再加入番茄熬製，湯底多左份清甜味道之餘又突出魚肉鮮甜味道。彩虹烏龍冰粉 - 賣相好吸引，紅豆、黑芝麻、提子乾、酒釀糯米丸子等鋪係濃郁的烏龍茶冰粉上面，另外仲淋左椰奶，入口香甜又涼快，絕對係解辣之選。…Read More