ChristineChan8379的个人专页

之前有朋友推介，所以早在兩個月前已經book咗枱諗住食hightea慶祝情人節(呢度起碼要預咗一個半至兩個月前book比較好啲同可以揀自己心水嘅時間）。入到門口已經俾餐廳嘅裝修和高樓底吸引住。服務員安排咗我哋坐喺中央梳化位靠落地玻璃的位置，坐得很舒適，角度也很適宜影相，而且即刻問我哋需要飲啲乜或者水之類的，之後一直都有服務員嚟問我哋有冇需要幫忙、食物可以與否、和不斷幫我們refill水。而且介紹鹹點和甜點的時候都很有耐性和詳細。價錢我覺得是相宜的(in such a great environment, services and food), $748 for 2 persons + 10% service charge，每人可以點四款鹹點和四款甜點，而且仲有四個scones (2 plains + 2 raisins) served with 三隻不同味道的jams and a honey + butter/cream.因為係新年關係，甜品也是為咗慶祝新年而新設計和製作的，裝飾也很有新年氣氛，味道也很特別和不太甜。整個hightea食得很開心、很滿足！值得推薦！…查看更多

其實大坑都有幾間西餐廳都有唔錯嘅好評，我自己亦有去開嗰頭食嘢，但係呢間食澳洲菜嘅餐廳特別多好評而且食物望上去都好特別所以就同朋友去食。點知一食難忘，尤其係個fried stuffed drumstick and cauliflower 加上佢哋嘅醬汁真係味道一流而且食得出有心機做出嚟。另外個蟹肉意粉和牛扒都好好味，蟹肉意粉味道調教得好好（雖然有啲辣），而個牛扒味道亦唔錯而且肉質好tender。另外甜品係曲奇加雪糕，雖然好似好簡單但係合併埋一齊食也不差。咖啡梗係唔使講啦、當然係沖得好好飲（我杯cappuccino 啲milk foam 亦打得好厚）所以總括嚟講係好有水準一食難忘嘅！值得推薦👍另外佢哋嘅services 唔錯，efficient 同有耐性，又幫我哋影相，而且keep住幫忙refill 水。今次我用OpenRice book枱, book咗平時食lunch，所以早幾日book就可以啦！同埋如果可以嘅話可以book早啲（佢哋12點開始），因為早去冇乜人嘅時候佢哋比你自己揀坐邊度，我地就揀咗窗口位坐、另有一番風味！…查看更多

其實之前已經嚟過呢間餐廳食晚飯鐵板燒，都有寫過食評。今次就嚟食咗午市鐵板燒，仲要有優惠，鐵板午市套餐買一送一。而因為我同老公和仔仔三個人一齊嚟，佢哋亦安排到三位一齊坐鐵板燒枱（當然有隔板隔住）。其實咁嘅價錢我覺得真係好抵食，有龍蝦、鮑魚、銀雪魚、牛肉同其他餐前餐後的食物。食物和味道仍然都係咁新鮮同好食，還有每碟食物的擺設和presentation都唔錯，師傅都會很用心機擺設每一碟食物和其他裝飾（有些食物還會有金箔和新鮮花瓣伴襯）。另外我都叫咗一個鰻魚飯set俾仔仔食，鰻魚也不馬虎，係用炭燒的來做（所以服務員也提醒製作需要20至30分鐘）。還有日本清酒也做優惠，我哋叫咗買二送一杯（每杯都係原裝即開蓋，很衛生）。整個午餐我們都很滿足、食得很滿意，會繼續再去食的！…查看更多

今年因為疫情只能食聖誕午餐，避開酒店不是我們選擇之列，我哋好簡又方便咁book咗Cova食Xmas Lunch. 其實呢間Cova已經嚟過無數咁多次，未裝修之前食物質素一直下降，但出奇地裝修後今次嘅服務及食物質素回復水平。因為我地係昨日去食（12月27日）我book位嘅時候問佢有冇a la carte 供應俾小朋友選擇(因為我唔知係咪剩係得Xmas set 嘅選擇）當時佢話唔清楚之後Check完會打返俾我，我等咗冇幾耐佢真係打返俾我仲講得好詳細。所以我同老公兩個叫咗two Xmas Lunch Sets, 和另外叫咗個 carbonara 俾我仔仔 。由麵包->頭盤(鵝肝）->龍蝦湯->(龍蝦同牛扒）->甜品（心太軟）都係恰到好處好好味。而且我仔仔問我仲有冇芝士條嘅時候（麵包藍裏有芝士條的，不過佢好快就食晒三條）服務員聽到即刻問我係咪想要多啲芝士條即刻俾多啲俾我仔仔（我仔仔好開心、即刻多謝哥哥）。所以整個lunch都覺得好滿意、好滿足！又有返再去呢間餐廳食嘅意欲啦！…查看更多

其實自己都已經嚟過好多次，無論魚蛋粉、牛腩河、撈麵等都食過同咁好食，咁多年來都維持水準嘅一間粉面店，其實都唔使多介紹！今日就食咗坑腩牛筋撈粗麵（第一次咁樣雙拼食，因為之前通常都係叫坑腩撈粗或者片頭坑腩撈粗）我覺得呢個雙拼組合簡直係完美、超好食！同埋每次我都會叫埋鮮油奶多士和熱檸蜜，咁先至係Perfect match to me! …查看更多

今日老公生日帶咗佢嚟試呢間tenpenyaki. 而So far 食過咁多次鐵板燒呢間係最新鮮、最精緻同最好食。鮑魚和龍蝦都是新鮮活的、而且牛肉真是用了上等的A5雪花日本牛（雪花牛肉係入口即溶的），每碟份量也很足夠！而且師傅煮每一樣餸都恰到好處，味道調得好，和煎的生熟度到剛剛好。還有值得一讚的是前菜，那個蟹肉南瓜湯很新鮮很好味，還有一個炸物做到好似一個海膽咁的也很特別。另外，服務也一流和細心，對食物和酒類很熟悉。廚師也很有禮貌，每次每道菜都問我們味道是否適合。呢間餐廳絕對會再去食！…查看更多

在銅鑼灣找到一間好味又有人情味而價錢大衆化的餐廳。其實我已來過已有5次以上，每次帶仔仔上課外堂等他放學時候到會來的，有時食早餐或午餐或晚飯都有，全部都味道很好及滿意，而且老闆都有時會問好唔好食或味道好唔好，在銅鑼灣難得的一間唔貴，好食又包肚，選擇又多的餐廳。還有他的奶茶，檸茶及鴛鴦都冲得好好飲(有時我要少冰嘅時候佢真係只是俾少少並唔係其他餐廳咁叫少冰都俾好多冰）。而且每次去佢哋都好友善咁叫客人隨便坐。還有他們的瑞士雞翼真的整得好入味，仲好食過太平館餐廳好多。很值得再去及介紹的餐廳！👍…查看更多

平、靚、正的拉麵店! 👍拉麵價錢唔貴, 而且有齊晒紫菜、叉燒(有些厚度, 不是很溥的一片）新鮮海帶及雞蛋, 面的質地是中厚度的蛋面（不是出邊鋪頭的幼身白麵條）.味道很好，食完唔口渴.而且小食也不貴! 餃子皮溥, 味道亦很好! (比起出面一X拉麵簡直差天共地, 如果你要有齊晒啲餸在一X拉麵起碼百幾蚊碗, 而且叉燒溥到飛起, 還仲有咁多人排隊, 費解!)我喜歡支持有心做的店舖,這間味道很不錯, 希望這間可以keep到!值得推介!我下次會再來!…查看更多