Travelkolic的个人专页

如果食厭咗牛刷鍋、鍋心之類嘅火鍋店，不妨可以考慮下呢間家嫂，因為佢可以一次過滿足你食刺身雞煲邊爐3個願望。呢晚同另外3個朋友一齊食，4個人平均食咗400蚊。一餐打邊爐要400蚊都幾貴，但但但食完你又會好覺得好抵食，因為啲料好新鮮，同埋由前菜小食到最後海鮮打邊爐，每一樣你都想再order 多一次，因為真係好好食。前菜/小食（任食）一坐低張枱，職員就好快上咗啲前菜先，大概有6，7款。呢到啲前菜係任食嘅，當中最我地最欣賞個蝦多士，非常脆口。另外甜薑蓉皮蛋同南乳雞翼都有驚喜，係encall之選。刺身（按人頭計，只上一次）雖然刺身唔係任食，但每款都非常新鮮。佢地係按人頭計，每人可以食到6，7款刺身，呢日雖然有大路嘅三文魚，但反而有海膽。另外呢晚就食咗帶子、劍魚、甜蝦、赤貝、八爪魚。雞煲（任食）食完刺身就會上雞煲啦。啲雞好滑，個汁都好濃，而且除咗雞肉件，仲有蜆肉同雞腎，唔會淨食雞肉咁單調。雞煲係可以追加但唔建議加太多次，因為後面仲有火鍋，而火鍋之後就唔可以食番雞煲架啦。海鮮火鍋（海鮮任食）今晚個湯底係花膠老火湯，可以先飲咗個湯。湯入面除咗有花膠，仲有桂圓同蜜瓜添，放蜜瓜好特別，增加咗個清甜味，但熟咗啲蜜瓜就有啲怪。然後依順序先食丸類、海鮮、牛肉、蔬菜。整體火鍋料種類唔多，如果係食肉嘅朋友可能就有啲失望，因為牛肉同豬肉只有一款。但佢有得叫嘅材全部都好食同新鮮，最緊要係海鮮可以無限加，不過有幾款貴嘅海鮮黎咗一次就話冇曬，同埋飽魚又係，話有得加，但都等咗好耐都冇黎。甜品/飲品唔知點解呢晚冇芝士蛋糕，聽人講好好食。呢晚甜品係香港制造嘅雪糕，有荔枝同綠茶味，味道Ok，奶味重。而飲品係任飲，但酒精類另計，不過呢晚又有免費紅白酒飲。佢啲免費飲料都好高質，係自家制潤喉嘅飲料為主，例如桂圓紅棗、石榴薏米水，好飲但就杯杯好大，好難試飲曬。*成晚仲耐唔耐有紅白酒免費供應添，朋友食完都非常滿意。必定追加：蝦多士、雞煲、牛肉、海鮮…查看更多

因為某日星期六經過維園，見到好多印尼姐姐開Party，所以突發其想，好想去試下印尼菜。之後網上見到呢間近排翻新完嘅印尼餐廳，就立即搵朋友一齊去試食。標題寫初入門印尼菜係因為呢間餐廳裝修過，菜式都有更新到，加入左fusion 西式cafe，可以比一啲想初淺嚐嘅香港人一試。因為印尼菜係香港唔係主流，而一般香港嘅印尼餐廳都比較舊同多姐姐去，加上印度菜本身不靠賣相，靠香料啲味道mix埋一齊，所以好難吸引到香港人去。呢間峇里堂就正好啱年青人打卡。以下係我地4個人所叫嘅菜，簡單評論下啦，首先印尼菜賣相真係唔多適合打卡，呢間都唔例外，但呢到啲汁調得幾好，最欣賞參峇醬炒蜆，個醬辣得黎甜甜地，幾好食。另外金貝飯即係黃薑飯，印尼菜必食，所以我地都有加錢，而且呢到啲飯都好香黃薑。仲有巴東牛肉都好琳，汁有啲似泰式紅咖哩汁，而個雞脾汁係用少有嘅酸蛇果汁調成，都幾特別，其實佢地每個汁獨立餸飯都已經好好食。巴東牛展肉金貝飯 $74峇里豬肋骨金貝飯 $64醬燒雞脾金貝飯 $64參峇醬炒蜆 $66峇里式燒豬汁Bagel $53覺得似港式沙爹牛肉包雙色咖央多士 $34唔知係咪ramdom, 見到人地係黃綠色峇里堂珍多公雞冰 $42東南亞必食甜品珍多冰，配上公雞陶瓷碗鮮檸氣泡咖啡 $18朋友唔鐘意，但我又好鐘意，覺得酸得黎甘甘地，好得意…查看更多

之前同幾個鐘意食野嘅朋友約好咗，每個月都要揀一間異國餐廳試食，食完就當去旅行。而7月就揀咗近排IG人氣餐廳，充滿韓國街頭氣氛嘅小食店。一入餐廳，真係好似去咗韓國街頭咁，好多懷舊嘅小擺設，成個環境好似韓國夜晚啲鋪頭關曬之後，啲街邊小食開始擺檔咁，而呢個都係佢嘅賣點。呢晚我地4個人，平均食咗180，如果食韓國小食黎講係偏貴咗少少。但冇得去韓國旅行，而呢間餐廳係又可以搵番少少韓國旅行嘅感覺，都好開心。而整體小食味道就係正常韓國味道，唯一感覺係嘅配菜小食只有芽菜同泡菜2款，比較少款。🎐 街頭魚糕串（中）💰138有分大同中size，我地叫咗中，一鍋有5串。鍋入面仲有蘿蔔同少少韓國魚片，另外個湯都好飲。🎐 招牌炒章魚💰138好食但份量比較細，章魚少蔬菜多，所以價錢138真心偏貴。🎐 一雞兩味💰198即係原味同甜辣味炸雞，共6件。炸雞都脆，然後甜辣味都好食。🎐 弘大烤腸💰118豬腸好食，琳琳地又有咬口，最適合送酒。🎐 柚子米酒💰65呢日冇曬芒果同草莓味，所以就揀咗柚子味。柚子加米酒個感覺又幾唔錯，都幾啱。…查看更多

番咗成年工，一直都覺得九龍灣工業區係食物沙漠，一係就好貴嘅商場餐廳，一係就普通茶記，根本都唔知道有一間咁好食同抵食嘅法國餐廳。直到有個好朋友又咁啱番九龍灣，無意中發現，食完之後極度推介，所以今日決定一試。呢間餐廳係環球工業大廈1樓，即係時代冰室個棟大廈。標題叫半隱世，其實又唔係真係難搵，但唔係地鋪，要搵下先知有呢間餐廳。提提大家去呢間餐廳要book定位，因為冇Walkin之餘，book咗位仲有九折添。呢日我地4個人，叫咗4個主食加一個小食，九折後每人104蚊，lunch食法國菜真係幾抵食。我地叫咗以下5個，牛骨髓意粉係必叫，因為冇乜餐廳lunch有呢個食到。然後虎蝦龍蝦汁麵都唔錯，食得出係自己煮個汁，龍蝦味非常濃。提提大家，佢地嘅意粉係手打，有分3款厚度不一嘅意粉揀。至於個油封鴨脾好嫩口，個汁都好配個鴨脾，酸酸甜甜咁。唯獨個西冷扒有啲難咬。最後想講午餐冇野飲，但就有佢地用香草浸成嘅青蘋果檸檬水，清清地，幾好飲。南瓜湯炸水牛芝士配莎莎醬 $38油封鴨脾 $98西冷扒 $118牛骨髓香辣牛肉寬帶麵 $108煎虎蝦龍蝦汁寬帶麵 $98…查看更多

春水堂係香港都已經開到周圍都係，應該都冇咩人唔識架啦。不過近排同3個朋友一齊去食，影咗幾張幾靚嘅相，就順便update下啦。例牌去春水堂必會食牛肉麵同飲珍珠奶茶，因為牛筋好淋，牛腩都入味，珍珠奶茶就唔洗講啦。另外個人必食推介就係滷香牛肚，又係超級入味。魯肉飯都Ok，但細細碗都要28蚊架。最後加埋個珍珠鐵觀音吐司就非常滿足。最後想講係整體上春水堂價錢係偏貴少少。打卡度：📸📸📸好味度：🤤🤤🤤🤤舒適度：🏝️🏝️🏝️🏝️御品三寶牛肉麵 $98鐵觀音珍珠奶茶 $34魯肉飯 $28滷香牛𦟌招牌滷味豆干米血糕 $58半筋半肉蕃茄牛肉麵 $92鹽酥雞珍珠鐵觀音雪糕吐司 $58…查看更多

平日好少行尖沙咀，不過呢日約咗個舊同事吹水講下近況，而佢又係好鐘意食野，然後佢話有好介紹，咁就緊係聽佢講，一齊試下新餐廳啦。一上到去餐廳已經被個"人間煙火" 吧枱吸引住。餐廳環境都OK，佢仲有個露天位，夜晚就幾Chill嘅，我地食Lunch就不了。最後2個人食咗300幾蚊，唔算太平，但價錢係尖沙咀都叫合理架啦。🎐Keroro Cocktail 💰118因為太多Cocktail嘅關係，叫咗職員發板，然後佢整咗杯同我件綠色衫好襯嘅Keroro比我飲，酸酸甜甜嘅奇異果醬加上Vodka幾開胃。🎐Summer Mocktail 💰78因為我朋友唔飲得酒精，所以就點咗杯Mocktail。佢地Mocktail得4款分春夏秋冬，而今次個杯係夏天，藍加綠色，波蘿搭上青瓜，好有夏天透心涼感覺。🎐莎樂美腸Pizza 💰108Pizza個餅底好脆，我地吹咗陣水再食番都仲係咁脆好難得，而且個黑醋汁都幾好食，加分。🎐BBQ醬烤西班牙豬肋骨 💰218因為我朋友好大食同想食，死都要叫呢個豬肋骨。雖然要200幾蚊，不過黎到好大份，根本夠4個女仔食有餘。因為好鬼多肉，唔會淨係得骨。仲有個幼薯條又係加分。🎐水信玄餅配雜莓醬 💰88冇睇清楚個餐牌，原本以為係配糖水加雜莓醬，以為好甜，點知食食下有陣酒味出黎，先知係清酒，個酒味都濃，如果唔鐘意，建議一開始落少少先。打卡度：📸📸好味度：🤤🤤🤤🤤舒適度：🏝️🏝️🏝️🏝️人均消費：$300…查看更多

因為番工係上環嘅關係，Lunch約咗附近番工嘅朋友一齊發掘美食，而呢間Triple King Cafe就係我朋友介紹。呢間Cafe嘅Lunch有6，7款午餐選擇，另外仲有2個Special 。而呢日Lunch我地兩個都揀咗牛脷飯配黑椒汁。個飯黎之前仲有個餐湯，好味但可惜冇影到相，最後只影咗個牛脷飯。個牛脷飯好好食，外面煎到脆脆地，但一入口好嫩又唔蘇，而且有四大片咁多，份量好足。…查看更多

之前Have a good day仲係大角咀嘅時候已經好想去試，但一直都抽唔到時間去。直到搬咗去荔枝角，終於搵到朋友一齊去試食。其實呢間Cafe平日Lunch去食，性價比好高，平均50蚊左右就可以食到高質好味意粉連飲品，但星期六就會貴啲，平均要90蚊一個餐，不過因為平日番工唔近荔枝角，只能夠揀星期六。留意星期日Have a Good Day係唔開，唔好摸門釘。呢間Cafe星期一至五係Set好咗Menu，但星期六係Special Menu，換句話說有機會個個星期六都有新口味意粉。呢日我地就揀咗龍龍忌廉汁海鮮意粉、麻香辣炒大蝦墨魚汁意粉、日式胡麻秋葵，另加20蚊可以換任何一杯飲料，而最後就揀咗椰香咖啡冰。椰香咖啡冰 正價$45（跟餐$20）聽個名以為係咖啡冰入面有陣陣椰香味，冇諗過原來係椰子冰另上一杯咖啡仔，建議可以先飲一啖先，然後再淋咖啡上去，你會覺得兩個嘅感覺好唔同，當然加咗咖啡之後，個味道會豐富啲。麻香辣炒大蝦墨魚汁 $88賣相吸引，蝦好大隻，而且sauce好夠，因為我地好怕意粉唔夠sauce，就會變得好乾身。日式胡麻醬秋葵 $38味道正常，不過秋葵係凍食，可以當前菜食。龍蝦忌廉汁海鮮意粉 $88頭先都講過，我地好怕意粉冇咩汁，而呢個龍蝦汁意粉個汁多而rich，好好食，而蝦同青口都多，但如果有埋啲帶子仔加入去就更開心。最後睇埋個環境，其實成間餐廳得6-8枱，比較細，但都坐得舒服。因為星期六工廠區冇咩人番工，所以呢次唔洗等位。不過遲下出名咗就唔知啦。總括黎講，餐廳冇咩打卡食物，但食物水準非常之不錯，以咁價錢有咁嘅味道超對抵食，以後有機會再黎試食其他意粉。…查看更多