or#Tm65294101的个人专页

灣仔必食拉麵🍜要咗餃子🥟，餃子係點醋，今次有埋黑椒、胡椒，所以令到餃子更加野味拉麵- 本身麵質中等，有咬口，不是平時軟林林的拉麵，讚👍🏻黑毛豬-其實食唔出係黑毛豬，都係普通豬肉味，比較喜歡麵質同湯底湯底- 要咗神虎湯底，濃厚豬骨湯味，好重骨膠原，最緊要係拉麵本身有掛湯，成件事好夾！總結：兩個人要$200多，兩個拉麵一個餃子，性價比算正常，不過食物質素係讚，絕對可以回頭！…查看更多

見到全白色，裝修幾吸引，就入去試吓星期日晏晝1:00，餐廳到八成滿。如有朋友喜歡室外，出邊有三張枱，可以吹住自然風，享用食物，都好舒適。要做一個bagel, 有牛油果同雞 $78Bagel 🥯 炕得乾咗啲，牛油果加雞肉，沒有什麼驚喜，正常嘅蒜香辣椒腸仔意粉🍝 $79-蒜香味好濃，好嘢未-意粉煮得比較硬，同平時茶餐廳的有分別，喜歡有口感的朋友應該會喜歡這個意粉牛角包🥐$23-喺餐牌上看不到牛角包，見到有人食，特登問侍應，侍應好像也不是十分清楚 -最後就咁散嗌-牛角包正常嘢，都算好味咖啡：-有驚喜啲拉花🌹唔係普通心心，或者普通嘢，係一隻兔仔-應該都好考功夫，拉花係靚嘅，抵讚總結：兩杯咖啡，兩個主食，一個牛角包$260大概只有5成飽，性價比不十分高 …查看更多

去火車站上面食個下午茶，星期六日，四點幾左右，food Court冇人。自己自由揀位坐之前食過佢個炸雞髀飯，今次就試吓去啲麵食點咗佢嘅雞扒喇沙-雞扒後肉，有成隻手指厚-點咗米線🍜， 米線偏林，本人鍾意食有咬口嘅米線，所以下次會試下拉麵奶茶🥤-走甜，茶底好，好飲朋友點做咖啡，好難飲，下次記得點奶茶🧋抵食，份量夠大，性價比高…查看更多

星期五12:00到達餐廳，見到只有三成滿，即刻坐低食飯坐低咗5分鐘，叫侍應落菜，侍應話只有經理負責，因為只有佢有iPad ，全個餐廳得一部iPad 其他人只會上菜同執碗等咗15分鐘先可以寫菜，原來落單即俾錢所以又要等經理攞貨信用卡機嚟收錢一來一回又冇咗10分鐘要自助斟水，全部熱水。最好一早攞定，可以攤凍佢結果等咗20分鐘，米線先上到先唔評論嘢食，咁樣嘅節奏好難做得快可能經理要諗一下物流上怎樣安排才是最好。冇可能經理 1） 落單 2）收錢 3） 仲要睇埋外賣🥡餐具係喺枱嘅側邊，不過一拉抽屜，摸到立痴痴米線係好味，彈牙，唔會煮到林晒，不過不是太大驚喜。總結/ 一碗米線要$58，等咗半個鐘先有得食，未必會有下次…查看更多

知道成日排隊，所以搵個週末，落大雨嘅時候去，都要排20分鐘白雞湯湯底-有啲似新年雞湯咁嘅感覺-飲到有雞湯、金華火腿熬製而成的-飲完有少少口乾，飲晒成碗會有啲膩拉麵-麵質彈牙，偏硬-都比較掛湯，所以係好味第一次見拉麵舖有女仔紮頭髮嘅橡筋俾你用，好體貼不過兩碗拉麵差唔多$200，性價比好低，仲要排咁耐隊，未必有下次啦⋯⋯其實都食到有味精，只不過睇得到師傅都好用心整，所以都係心機錢…查看更多

夜晚7:30經過餐廳，見到有人排隊，就知道系好嘢，立即入去試吓見到佢有車仔麵、海南雞、胡椒雞、雲吞雞、多數粉麵為主今次要做一個車仔麵，酸辣豬頸肉薯粉撈麵車仔麵- 麻辣湯底好夠麻香，唔係特別辣- 雖然韭菜餃有進步空間，皮唔係太薄，不過食得到家嘅味道-魷魚🦑正常夠爽好夠味酸辣豬頸肉薯粉撈麵-係港式撈麵，唔係內地酸辣嘅味道-有清湯另上，麻辣醬另上，可以自行選擇，調味-好足料，有酸菜、菜譜、雲耳、青瓜 等-一個女仔都未必食得晒兩個粉麵+ 兩個凍飲$96，價錢合理，性價比好高！…查看更多

經過旺角，見到好多人排，就試一試佢全部都係馬來西亞菜裝修- 都好有馬來西亞特色，例如牆上壁畫、碗筷、整體裝修，都好似去咗馬來西亞/星加坡咁。叫咗三個餸辣死你嗎- 仁噹牛肉 $66-煩係椰汁🥥斑斕飯-味道偏甜，少少濕濕地-仲有蝦片伴碟玻璃魷魚配通菜$58-最快上嘅一個餸-主要都係食醬汁味，醬汁偏鹹，重口味-一定要有個飯或者麵，平衡一下味覺肉骨茶（一字骨）$138-一碗大概有四至五條一字骨-整得好入味，肉骨茶可以無限任添-最好係第一坐低，叫咗這個菜式，就已經有一杯肉骨茶馬來西亞拉茶$22-冇得走甜，味道偏甜-如果鍾意食清清地嘅朋友未必喜歡總結：兩個人食三個餸已經食唔晒-平時食量都唔細，不過今次份量偏大-尤其多肉骨茶同飯，容易漲胃3 個菜， 共 $284 冇+10%算抵食，不過喜歡味道淡清清地的朋友不會喜歡，適合重口味朋友仔…查看更多

對比其他甜品店，選擇唔多，最多可以揀茶底冬瓜茶底，奶茶底 等不過值得推介嘅係佢嘅芋圓-有咬口得來唔會太硬-白色的都好好味-冬瓜茶底唔會太甜-食完有啲清新嘅感覺，仲有少少冬瓜嘅甜味環境：可以大概坐最多30人如果唔多人嘅時候，坐喺店內食個甜品都幾寫意如果多人，就會好嘈吵，因為枱與枱中間唔係太多空位，有D擠擁嘅感覺。其中一個賣點係可以電子落單，每張枱都有個二維碼，自己掃完之後，電子落單俾錢，哥哥就會帶甜品俾你。方便快捷。…查看更多

第一次去紅磡火車站搵嘢見到翻新咗個food court就去試吓星加坡海南雞飯 知道係火車站嘅 老字號，每次翻身，佢都屹立不倒，就知道佢唔野少今日試吓佢要做一個鹹雞腿飯$45-雞皮都夠味-肉質唔會鞋，仲保留住嫩滑嘅味道-不過要注意碎骨，有時會有少少碎骨-女孩子的話記住要叫小飯，因為份量大概有三碗飯，有機會係你一個禮拜嘅飯量 炸雞腿飯 $45-可以免費轉油飯-切得好大舊，一個雞腿大概四至五件，不過咬落去啖啖肉，別有一番風味總結：環境尚算企理，所有杯、兜、餐具，全部都係新嘅。味道非常好，絕對唔會有下次歡迎外賣返屋企添！美中不足- 本來可以坐低之後先scan QR code點菜，不過喺電話度操作，手續繁複，結果都係去舖頭度直接嗌。…查看更多

見到有間新開嘅芋圓甜品，試一試先叫咗大滿貫，有1）芋圓 - 芋圓夠煙靭2）珍珠 - 有咬口3）紅豆 - 唔會煮到林晒，或起沙，正4）涼粉 - 涼粉大大嚿膠匙羹係獨立包裝，乾淨衛生幾好味😋總共$35，比台灣嘅仙芋鮮平…查看更多

來到觀塘，就試吓依間出名嘅麵食星期六下晝1:30到達，崩沙腩已經賣晒唯有叫普通牛腩點知都好有驚喜佢啲牛腩肥肉比較多，不過咬落去油膩感唔會太重，比出面牛腩大嚿完整雖然你見到有肥高，不過一啖食落去，好有牛腩嘅香味再嗌多咗個菜肉雲吞$36 8粒-一睇就見到餃子皮好薄，係我喜歡的類型-見到啲餡料，圓轆轆成粒魚蛋咁大，就知道真材實料-咬落去雖然豬肉比較多，菜比較少，不過食得出自家包嘅餃子總結：兩個麵， 1 個整雲吞，$130，喺出邊食唔到嘅牛腩味道，會繼續回頭…查看更多

之前一直都見過超級市場，有賣呢隻麵，不過都冇試過今次經過北角匯，見到有舖頭做立即咗入去試吓，麵食都係新鮮既好味。下午茶餐：1） 煎韭菜餃-餃子皮比較厚- 餡料唔夠多- 有啲太油，雖然係脆口，不過食落去，油膩感好重- 未必會再有下一次2） 五花腩撈麵（幼麵）- 麵爽口彈牙-見到條面係方形嘅，所以食落俾扁麵，更加有口感-撈麵有芝麻醬，好野味3） 麻辣一人鍋-結果兩個下午茶餐都係唔夠飽，要多一個麵食-湯底可以再加，花椒味比較重，唔係特別辣，所以湯底都讚-餡料有牛肉、墨魚丸、椰菜、同一個 麵，扁身的，感覺食幼麵開心啲總結：如果下次經過，都可以入嚟食一碗麵，一定有驚喜…查看更多

本身已經訂咗位，又吉枱都唔俾個客坐，一定要坐好擠擁嘅一邊，而餐廳另一邊係完全冇人話晒疫情，你張張枱坐滿，而枱與檯中間唔夠一個人嘅身位，要打橫先入到嘅，而另一邊係冇人，都唔俾個客入去坐 🤯🤯😡😡要求咗兩次，因為完全未嗌嘢食，人都未來齊，見到餐廳另一邊真係冇人，吉台等人坐，再問個帶位嘅哥哥，點知佢黑口黑面話「唔得」…… 最後隔咗15分鐘再問多佢一次，先至比轉檯，嗰陣時都8點幾，堂食到10點，跟住就話有人啱啱cancel，你要個落台階一定比你嘅 🙄野食幾好味都補唔返成肚氣呢個哥哥是應該係新來，之前係其他靚仔，態度好服務好，聰明又醒目。睇吓呢個哥哥做得幾耐啦，佢唔做，我就嚟啦⋯⋯…查看更多

喺土瓜灣見到有越南菜頭入去試吓其實出邊都有唔少人排隊，其他餐廳唔見有人排隊，都知道而家應該好野蟹膏湯檬粉 $68- 好香蟹膏味，一啲都唔似揸流攤-檬粉有啲似米粉，同出邊食嘅夢粉有啲唔同-湯底好夠濃上菜時熱辣辣，好好味以為食完蟹膏會好膩，不過因為係湯粉，所以還好，仲飲得落成杯沙冰烤豬肉法包 $48- 包皮外脆內軟，唔會硬骨骨- 豬肉煮到好香，唔會乾爭爭再加埋秘製辣醬，自己鍾意幾多落幾多，唔會令到個包林，晒非常好其實個包好蝦人整，做得唔好，會好難食，食到個口損晒。不過依度完全冇呢啲問題。食完法包，侍應仲會攞濕紙巾俾你，俾你抹手咁嘅服務喺邊度搵牛油果沙冰 $32-有牛油果香味，打得好滑-唔會加得太多奶，比例合適紫米乳酪沙冰$32-試新嘢，有啲酸酸美美咁，因為有乳酪，又有啲紫米俾你咬下咬下，唔會好似珍珠咁又多糖又唔健康，紫米純天然，夏天飲好開胃總結：食咗兩個餐，兩個嘢飲，總共$180。仲要冇+10%，但服務有咁好，食完都覺得自己賺咗！…查看更多

要咗一個麵-食落同平時米線唔同-麵質咬落有口感-湯底麵本身惹味，好掛湯，特別好味Kaya多士-多士炕到好鬆化-牛油同Kaya 醬 一半一半，咬落好有質感-雖然好有邪惡感，真係值得一試XO醬蘿蔔糕-XO醬本身有油，所以蘿蔔糕成碟油膩感比較重-蘿蔔糕切做方型，一口一塊，方便食叫咗拉茶☕️-唔記得咗嗌走甜，唔知道可唔可以走甜，本身茶有甜味，可以走埋甜，更加好！茶味會更加出色總結：去深水埗地鐵站行2分鐘就到，位置方便。長期都有人排隊等食，餐廳冇得book位，所以先到先得，會特登再嚟食下次試叻沙湯麵同埋肉骨茶…查看更多