WengerFans的个人专页

好近公司附近, 又知佢地立場, 但都冇選擇去試, ＿無論如何, 既然立場清晰, 又想試下新野, 縱然對泰國野興趣不大, 但有時間又去一去.- 咖喱牛腩農夫飽我硬覺得佢似"馬來西亞的咖喱"多D, 但反而這令我更歡喜, 因為小時候, 爸媽帶我出去吃的咖喱, 就是這種味道 (個人情意結吧)另外凍飲 奶茶, 哈哈, 正常.LUNCH SET 價格非常吸引, 冇加一, 係凍飲+6元貴一點.…查看更多

濶別一年幾冇寫過食評, 是由於太忙, 也有原因是在香港吃來吃去也沒有大分別.自助餐由於價格不是便宜, 加上外出家聚只會大約一年兩次, 所以很多時我都會在OPEN RICE 觀賞其他人的食評以作比較.今次揀選這間, 一來是在九龍那邊, 二來是在OPEN RICE 自助餐排名比較前列.由於較早的食評有寫到甜品部有不禮貌侍應, 我特意用餐前了解一下, 結果係, 係乎那個人已經不再存在.今次食評相片欠奉, 不過只要願意細心看多幾篇文章, 食物種類都給食家們影晒, POST晒上來了.食物質素如下:- 即煮龍蝦: 滿分, 無限添食之選- 蠔/鵝肝燒餅: 食了一次冇特別 (不評分)- 冷盤的蟹, 螺: 我不好, 但我爸話新鮮好味 8 分啦- 刺身: 三文魚好食, 不會雪到硬條, 有鮮味 7 分啦- 壽司: 冇特別, 不建議食.- 串燒: 出極都冇鰻魚, 冇引.  (不評分)- 中式鄧湯: 我媽覺得偏咸, 而我就覺得好好飲. 7 分啦.- 即燒肉眼扒, 羊骨: 羊骨蘇, 肉眼扒我就自己叫佢厚切, 五成熟, 好味過佢地薄燒十成熟好多. (7 分啦)- 甜品: 拿破倫好味, 我會TICK 走少少CREAM, 太多了, 但個皮真係好好味.楊枝金露都係必食, 重料.其他甜品正正常常, 沒有特別想講.服務態度好好, 我覺得個個都溫文有禮. (<== 請人食飯, 我好看重這點, 俾錢食飯是想全部人都享受, 不是用來受氣的)一家人齊齊整整食飯, 去那裡食都是最好的.P.S. 我個仔五歲, 不用收費, 值得一讚.…查看更多

店鋪第一天開章, 首一百人有買一送一優惠, 又順道經過上水, 當然排一排啦.酷熱的天氣似乎想同我作對, 也考驗了各個排緊隊半熟蛋糕的信眾.貼心的是, 服務員會安排水和汽水招待, 很好很好.今次我買了一個比利時朱古力芝士蛋糕.始終近水上中心(廣場)附近, 有VAN 仔總站直接去到屯門親戚家中才開始開餐.沿途也有人見我持住個蛋糕盒, 問我地點位置在那. 始乎這間台灣出名老店本身也有一定號招力.講番食評, 五個人包括我個仔都有份吃, 四個讚好, 一個中上.我自己覺得略覺得蛋糕 質感 不夠硬正, 但食落蛋糕係足料夠味. 朱古力同芝士味道分明. 我個仔不用講, 任何甜食都例舉手好味道, 老婆及另外兩個親戚都食完再添. 仲話下次再食...…查看更多

有一段時間沒來了，又是時候上海一番，今次選擇了南翔。值得一讚的是服務態度，由樓面、侍應到部長個個都面帶笑容，又會主動介紹食物，不錯!食物方面，點了幾個菜，特別講講深刻的菜。燻蛋—味道還可以，略為咸了一點，還是懷念翡翠雲臺的燻蛋多一點，當然價錢也有很大的距離……醉拿手—雖然朋友認為豬手肉質較硬，我覺得還不錯，酒味夠香，不俗。干燒蝦球—推介食品，平日並不太好蝦，今次皆因朋友愛蝦才點這個。蝦肉彈牙，肉質鮮甜，調味佳，賣相亦好靚!桂花糕—超級好玩，痴住隻碟，竟然可以倒轉隻碟都不會掉下來，看著朋友的大膽嘗試，我也驚訝得目瞪口呆。味道一般，桂花味不足，但玩味十足!整體來說，也可以值得一試。特別適合與朋友暢聚，地方夠大，不難找位，亦沒有被迫趕客的感覺。能夠與好友一聚，令這餐更飽足而回，食飯，無非都係想見多朋友幾面。…查看更多

這間餐廳食了好幾次, 昨天再為慶祝結婚週年而來.連續兩年都選址這裡, 當然有我和老婆欣賞的地方.以前在地下, 現在搬上了一樓, 看到海境, 與老婆談心, 反而感覺比之前更好.這裡的服務一流, 起初本來只坐在大堂中間, 但由於我們的要求, 侍應們也願意為我們安排最近窗的枱子.環境氣氛, 當然有著浪漫的感覺, ... 不一會兒, 法國飽放在枱面, 老婆和我已急不及待吃吃, 美味的食物, 當然不止一樣.跟著來的crab ball 是頭盤, 每次來都係必食. 熱辣辣的碟子, 盛裝著一個的crab ball... 惹味, 富有口感.16 安士的肉眼扒 MEDIUM RARE 一分為二後, 我形容為好juice, 好有肉感... 食完後, 都 100% 飽.跟著是 結婚週年送上的小cheese cake 仔, 吃後反而又覺得個肚可以再食....哈哈, 飽到這樣子, 又輪到 banana cream pie, 這個又是每次必點之選. 跟著再試另一甜品 molten chocolate.... 終於都吃不完了. 心裡有著一份一份的滿足感, 跟適當的人, 吃適當的食物, 這就叫做幸福.…查看更多

能夠一家人齊齊整整吃飯, 已經係一件好得無比的事.今次選了這間為父母祝壽, 一來食物美味, 二來係父母親應該好少(甚至未去過)到扒房食扒.今天, 好好彩, 都多數係香港人侍應服侍, 吾駛唸咁多D 問題應該點問好.先吃了CRAB CAKE, 味道似乎比我同老婆第一次食SALTY 左D.佢地的面包仍是這樣的好味. 暖暖的, 加上CREAMY 的牛油, 一流.再繼續享受炸洋蔥圈, 洋蔥皮果然大塊, 亦是可食之選, 但食多過一塊後, 又感覺好油膩.跟住再到個新奧紐良蝦 (大約係咁個名), 又未係想像中咁大隻, 咁好食.肉眼扒真係要MEDIUM RARE 才是最好食. 我今次試左MEDIUM 同埋 MEDIUM WELL, 口感也比之前那次差了.當然, 本身夠肉有TEXTURE, 好味就肯定的.最後, 送來一個生日小蛋糕CELEBRATE父母親的生日.再叫多個香蕉忌廉批, 同樣的美味, 不太甜.做子女的, 能夠將自己認為最好的獻給父母, 這就是最好的禮物.…查看更多

繼 Amour Cafe 外, 又一間好食的西餐廳, 當然這間的環境更乾淨.供快食男女選擇: (午餐之選)心太軟必食, 肉眼扒六成熟必食,羊鞍, 又係六成, 必食.湯吾錯, 沙律可以吾揀.本身跟餐的咖啡都好香好滑.老婆投訴好耐冇試過跟open rice 食好野, 於是乎就要做做research.今次的 research 似乎做得吾錯.兩人選了兩個餐, 肉眼扒 同 羊鞍.先來熱哄哄的面包, 兩種吾同的選擇, 一種法式面包 加牛油, 另一種好似 香草包的物體. 兩種包個皮都夠脆. 香草包都幾野味.跟住就是一湯一沙律.湯料充足, 不似有太多味精, 沙律不作之選, 普通.主菜先來羊鞍, 三條羊骨, 我和老婆每人條半, 加埋芥末 及 薄荷汁, 肉質夠淋, 六成, 味道好.配菜也很新鮮, 比起大XX 同 美X 的配菜, 簡直天與地.薯仔片 加汁 , 正常.另一主菜 肉眼扒, 哈哈, 我覺得佢地個扒表面係脆的, 有牛肉味, 肉汁夠.配菜薯仔片如上.飲品 熱咖啡, 當然緊係即磨機出那種, 但咖啡香味夠.老婆飲熱LEMON WATER, 冇特別.甜品可能就係重點. 心太軟必食, 外脆, 加埋 朱古力汁, 簡直一絕. DREYERS 雪糕, 如是.APPLIE CRUMBLE, 哈哈, 覺得不好.大約 $130 元一位包加一, PERFECT 之選.下次再過海, 有機會幫襯. …查看更多

今次寫評希望可以將美味繼續留下去... (雖然聊聊數句)這間店鋪係我一星期會去一次的. 自在旺角火車站一帶返工後, 都沒有發現又經濟又美味的食物.食的食物, 吾係牛根面, 就係牛腩面, $18 元 1 碗, 勝在面質好味, 餸又多. (河粉食過, 但感覺好一般)牛根係清湯整出來的, 口感一流, 多食也不覺溜.雖衛生, 服務欠奉, 但食物質素及價錢, 仍是吸引不少人光顧的原因.p.s. 好彩咁多次食後都冇肚痛, 應該冇問題.…查看更多

訂了枱個半月, 終於有枱了. 總結, 如果晚市價錢大約五百幾元, 級數算中上.由於食物太多, 又忘記了影相, 寫起食評上來好似冇理神氣咁. 唯有將記得的寫下.刺身, 我食了的主要有三文魚, 帆立貝. 兩者都肥美, 好好口感, 特別係帆立貝, 食左好多件.長腳蟹, 好食. 不過靚的好快俾人拿晒, 係有refill, 但靚的又係俾人拿晒.生蠔, 聽我老豆同我老婆和我阿妹講 好有海鮮味, 不過我吾食得.中湯, 一絕, 好似叫 椰子燉老雞, 我地成圍枱, 包括我阿婆 飲左起碼兩碗. 中式牛柳, 好味, 吾知點形容. (係上級的酒樓都做到這個水準)燒羊架, okay 啦, 食左一隻only雪糕, 係 M 記, 好味過 H 記好多.面包布甸, 正.蘋果批, 酸得很緊要.鵝肝都有, 但州際似乎略勝一籌.海南雞飯, 飯好味, 雞普通.一家人, 連埋婆婆一齊食飯, 雖然知道婆婆食得好少野, 但見到他們笑, 我己經很滿足了.…查看更多

去完護協入貨, 就到附近隨便找一間 "人多" 的食店. 因為我相信, 人多有食物質素, 價錢略便宜 的保證.雖然人多, 但仍找到位置, 地方寛敞.兩個晚餐:羅宋湯同忌廉湯 , 我和老婆都話好好飲, 羅宋湯都有吾少料食.蒜溶飽, 熱食, 好好味. 春卷, 好似有D酒味, 都好好食.焗田螺, 田螺 GOOD, 周邊的薯溶焗過後, 更好味.荷蘭牛扒, 反而覺得普通, 配的薯角就吾錯.雜扒, 一般飲品一般以晚餐價錢, 有咁的食物, 合理, 可以再食.…查看更多

標題可能讓人誤會, 所尋回的, 其實我和老婆之間的感覺.想去這裡很久, 但奈何不太近火車站, 再加上, 有了細路去出外食野, 難度更大吧.今次, 由於同老婆早放工, 大家相約這裡, 回味拍拖週圍試食的感覺.咖哩牛脷飯 ~ 感覺可以在百街買倒一包包的醬汁, 美味好可, 但略為偏辣...石鍋豬軟骨蕃茄湯底烏冬 ~ 這個湯好好飲, 我飲晒, 估佢冇味精吧. 個烏冬出奇的滑. 豬軟骨就係豬軟骨, 冇特別.七味燒雞翼 ~ 入味吧, 但感覺自己整的味道可能更合適. (譚仔記應該仲好味)吉列炸蠔 ~ 這個炸得好好口感, 不用太多粉, 件野幾厚, 蠔身就幾厚.忌廉 ~ 不用說離開後, 仍然很回味這間食店, 更回味尋找好美美食的樂趣.很想很想, 再同老婆再一次去週圍試食, 用味覺, 寫下未來的日記.…查看更多

今天午飯時間, 行過來土瓜灣, 一試這間鋪頭.原本諗住, 個 lunch set 寫住 千島海鮮焗意粉 , 應該同 酥 關係不大, 所以叫左. 似忌廉的餐湯, 一飲下去, salty, 同埋... 有酥味. 飲了兩啖, 冇再飲下去. 千島海鮮焗意粉, 這個雖然有點燶, 但由於多汁, 而汁的味道夠濃, 雖然帶有少許可接受的酥味, 仍覺美味. 值得一試. 另外, 意粉吾太lum, 又吾太 un, 啱我口味. 凍 rose 花茶 , 這個又好好飲喎. 甜甜地, 又清香. 羊奶凍, 值得再食, 吾覺有羊酥味, 吾通... 同牛造的??…查看更多

和老婆兩人預備BB仔用品後, 今次決心行到這間鋪頭.其實, 要行到來這裡, 又真係幾遠.我感到開心幸福的, 不只是來到一間想食的食店,而係身邊有著懷左個九個月胎的妳陪我一齊行來.辛苦妳了, 老婆.簡單食評也寫了在相上.有時間一去吧.…查看更多

昨晚一行四個人, 到了這間七時前入座不用等位的餐廳. 看見open rice第一個食評在今年四月, 唸住新開鋪, 食物水準應該仲有保證. 主要叫了三個餐:湯 X 1 ~ 聽返阿媽同家姐的回應, 一般吧 沙律 X 2 ~ okay 清甜, 但吾知點解, 今次竟然係"甜品"時間才到野菌忌廉蛋包飯 ~ 無敵之選, 少辣, d 忌廉汁同咖喱汁好好飲.... 酥脆雞咖喱飯 ~ 不辣, 酥脆雞連塊皮都好明顯新鮮炸, 食埋. 咖喱汁飯, 好飲. 吉列豬扒咖喱飯 ~ 不辣, 吉列豬扒 真好似正常出面街的. 咖喱汁飯, 好飲. 忌廉碎曲奇 && 草莓味雪糕 X 3 ~ 這個可是主菜, 不能不吃. 原本打算跟住去附近的 H 記食雪糕. 最後因為這個雪糕, 寧可叫多幾個球, 連H記也放棄了. P.S. 老婆為左飲多d 咖喱汁, 食左好多飯..... …查看更多

是日去完護協, 跟老婆行行逛逛, 走入這間一早在open rice 搵定的cafe.但這間cafe, 並不是想像中易找, 可能, 真係太細, 太吾顯眼了.需然天氣炎熱, 但老闆似乎也是怕熱的人, 裡面的冷氣的強度也讓食客想再坐一會.磨菇忌廉湯 -- okay 啦, 不過估吾倒佢用杯裝, 而吾係碗.磨菇芝士牛柳粒長通粉 -- 這個味道, 從未試過, 好似吾spicy的腐乳的味道, 但又幾夾個牛柳粒, 汁夠, 好味.磨菇烟肉意粉 -- 這個和出面吃的一樣, 但又係汁 "好" 夠, 好味.凍朱古力 -- 濃朱古力味.Mocha -- 是日咖啡豆吾記得左是什麼, 但這杯凍mocha, 都只係加二元, 加上味道, 咁我寧願在這裡飲也不到什麼名咖啡店了. 芝士餅 -- 和出面的差不多.吉士蛋 -- 和出面的差不多.…查看更多