mrs.happy的个人专页

這是六月十八日的食評，不過當時此餐廳未有openrice 的account ，所以現在才寫。以前去過orange elephant 九龍城分店，覺得一般，唔知點解咁多人食，因為味精其實幾重。今次路經附近，見佢新開在大角咀，於是去試一試，心唸點都應該好過此舖上一手的泰國菜啩。午餐叫咗香茅豬扒飯，首先塊肉個樣已經好唔ok, 好厚粉同個樣好似隔夜食剩咁，味道完全同香茅冇關係，仲要係唔熱。跟住仲發現，咦！鷄黎嘅？！。原來半塊扒係豬，半塊係雞！ 是是但但併埋一碟！ 於是我同個阿姐講, 佢夠膽死話佢地新開張，d雞係送嘅！ 我真係O咀，送？ 第一你事先冇講，第二，如果係額外送，份量唔係應該比正常多咩？ 根本就係廚房亂比，個阿姐仍然不停講送架送架，堅持冇錯，直到我話我真係唔食雞呀，佢先肯話幫我換番，不過最後我叫佢收走碟野算，因為真係冇哂 mood 同埋唔知佢會唔會加料...絕對不會有下次:(…查看更多

Saturday nite, 有人想食生蠔，有人想食意粉，但大家都不想去旺區，於是碌完openrice 就決定走黎西環開餐。雖然見好評如潮，但中得伏多點都有d戒心，加上睇相d賣相不算太正宗鬼佬feel西餐，所以就冇乜期待。先講d蠔，叫咗三種蠔，共半打試下先，都ok 新鮮，但係比起真正嘅蠔吧始終差少少，可能流量唔夠大，所以食少少就可以了。枱面有bread stick ，個人prefer 真係麵包多d，呢d好現成feel，麻麻地。我地叫咗個白汁香草蜆，經理話冇曬紐西蘭蜆，只有馬拉蜆，比較細隻，不過我地照殺。咦，估唔到呢個幾好食，d蜆唔大但都幾肥美，個sauce 好重牛油味，酒味反而少，好滑，如果有d新鮮麵包索下d汁就好了。另外叫咗rib eye steak, 7 成熟，又ok, 冇乜血水但又好多肉汁，d伴菜係grilled vegetable，感覺新鮮，好味。最後係好虎蝦濶意粉，呢個掂! 需然d蝦煮得乾咗少少，但d意粉同d菇好爽，好得意，好似d手工意粉，呢樣真係估佢唔到。個蕃茄汁也恰到好處，偏少少淡, 我like😋所以呢餐喺冇期望之下就有驚喜。我覺得如果間餐廳喺裝修佈置上再搞搞佢就更perfect, 因為宜家有d唔上唔落，有少少leung, 明明西餐但又掛個福字喺牆，又有d客人喺d某一幅牆紙簽名，好怪。anyway , 今餐d食物係ok 嘅。…查看更多

最近好似同d筋有仇，早幾日食了碗多筋到𡁻完吞唔到嘅生牛pho, 以為今次黎grand hyatt steak house 可以食番d似様d嘅牛，點知...先講環境，之前預早兩星期訂枱，註明生日飯，但係只係被安排於某角落的一個二人卡位，張枱好細，而且燈光係超喑 (成間餐廳都係暗，但那個角落值頭係食乜都睇唔到咁）加上冷氣大，於是要求換位。待應帶我地走去餐廳嘅另一part ，嗰度全部係四人卡位，冷氣真係細，但一入去就聞到陣酸縮味，不過算了，費事又換，唯有照坐。先講主茶那兩位牛扒，因為真係一肚氣。 waitress 介紹我地食tenderloin 及Canada striploin, 由於我先生不喜歡太血淋淋，於是叫medium well, 不過waitress 話怕太熟, 會幫我地調較到中間粉紅，不出血水就ok, 我仲覺得佢好pro...當時。點知黎到，舊tenderloin 差不多well done 兼over cook, 只有中間位有10%係粉紅，其餘係熟到乾曬，似湯渣咁，個waitress 問o 唔ok, 我話好似太熟了，佢笑笑口話七成熟係咁，然後就走了😑唯有怪自己要求medium well...然後到塊striploin...幾成熟已不重要，因為成塊都佈滿筋！！係成塊！切到手都痛，亦𡁻唔到，只能盡量切到非常細去睇下邊忽冇筋，我唸成塊扒真正落肚係得15%肉。😑由於之前的龍蝦湯，crab cake 同 Tuna tartare 已食到飽，所以冇去投訴換過塊，但唸住之後埋單waitress 應該問意見時會反映下。BUT, 執枱埋單到行出個門口都聽唔到個句"今晚d野食ok ma"...😤其餘食物略評：Tuna tartare-ok , 新鮮Crab cake -好香，啖啖蟹肉Lobster bisque-太creamy, 龍蝦味淡，一份兩個人share 都好滯…查看更多

朋友說這是他嘗過香港最好吃的Pho, 於是我帶住幾大嘅期望去試呢間pho。正所謂希望越大，失望就越大，今次尋pho 之旅就有少少失望而回。舖頭地方不大，但舒適，今日天氣熱但呢度冇開冷氣，雖然半開放但都食到成身汗。入返正題，order 咗最 classic 的pho bo (薄西冷生牛河），多蔥。湯底比香港一般大路的pho 清甜, 雖然沒有濃濃牛味，但都唔錯，at least 味精唔勁。牛肉份量足夠，幾嫩滑，可惜好多筋, 所以大部分牛肉𡁻完只能lur 返出黎😫洋葱，蔥同芽菜都唔少，河粉係幼同實淨嗰隻，我自己就比較喜歡闊身好滑嗰種河（曾經喺Melbourne 試過超滑的pho, 香港就暫時只有大角咀某越南小店有呢種滑度）。整體來說此pho 我比75 分。返而今次嘅小驚喜係份炸春卷，咬落d餡有陣海鮮味，點少少枱面支檸檬辣椒醬就very good。如果以食pho 黎講，呢一碗吃過一次就算了。…查看更多

對上一次（大概一兩個月前）食呢度嘅外賣炸肶真係超好食，個外皮好薄好脆，肉質又好滑，好食到連嗰少少痴住條骨嘅肉都唔放過...然後仲周圍同人推介， 叫佢地一定要去食。可惜今日隻炸肶就真係差好遠，d炸粉厚咗，肉嘅調味冇乜（可能餣得唔夠耐），不過肉質仍然係滑。 難得一次食炸嘢嘅quota 就咁浪費咗😞希望今次只係個別事件，三多唔好因為多咗分店而水準下降。* 佢嘅炒腸粉，意粉同炒菜仍然保持水準，不過雞肶唔好食就真係好失望嘞。…查看更多

今日終於初嘗文記車仔麵，大熱天時排了大概十五分鐘，食後感就是名過於實。食車仔麵最令人興奮就係唸揀咩揀餸嘅時候，而且呢度係排住隧揀餸，比完錢先坐底，所以排隧時一定要唸定食咩。打算食柚皮同最出名嘅韮菜餃已經賣晒，當時只是中午時段，失望。最後揀咗：豬手：好淋，都ok豬皮：淋同有d咖哩味，比較細磈，見到有d仲有毛喺上面大腸：ok淋但唔算好入味，有d糕喺入面雞翼：甜甜地瑞士汁味，不過又未去到好好食，唔明點解話出名我叫咗幼面, 個面唔彈牙，好鞋口另外個湯我冇加辣，甜甜地，好怪，好深色以為腩汁味，點知好似甜豉油咁味...所以食剩一嚿豬手冇食，因為感覺好「漏」。我老公嗰碗（冇影相）有加辣，不過都係甜。佢揀咗：魚片頭：竟然唔係炸而係白雪雪潮州魚蛋咁，食落口唔彈，仲好勁味精味。出名嘅玻璃尤魚：爽口，正常紅腸：正常冇特別總括黎講唔明點解咁多人排隊，其實真係好一般至麻麻地…查看更多

今晚係好友生日食飯兼聚舊，原本還暗暗擔心因早兩年黎過d裝修好舊同成陣up味，但原來已經重新裝修了蔥油炸雞香口不算太乾, 薑汁芥蘭也好好味，好爽口，切曬d葉，感覺好似食蘆筍。素鵝一般，好平淡，沒有素鵝應有香味。煎倉魚，上面鋪了酸菜, 另附一些辣汁，幾特別，小心多骨。the classic: 上海粗炒，食咗一半就冇食，因為實在太太太多油了春卷就是一般的春卷。冇影相嘅仲有小籠包 （皮薄多汁），同涼伴海蜇頭(爽口不過碎濕濕，非常細粒）。整體黎講食物一般，不過待應們好友善同風趣，同埋好友共聚，所以成餐飯都係食得好開心嘅:)入坐時嘅小插曲：因冷氣滴水問題我地轉了兩次枱，所以在此提提大家入坐時留意一下。…查看更多

以前喺美國成日食Taco, 返來香港就好小見有得食。 早排行開旺角見到久違了嘅Taco, 於是外賣幾件來試。我試了炸魚Taco, 一個order 共有三件。一食就好感觸，係回憶嘅味道雖然不是最好食的，但都好似，牛油果醬好滑，salsa sauce 就比較少，如果可以多d就好了。另外個栗米皮好脆, 炸魚就個皮厚咗小小，整體可以接受。不過食完感覺幾熱氣，同埋三件要一佰一十幾蚊，所以間唔中食下就可以了。…查看更多

上星期六同老公在大角咀食lunch, 唸起網友曾推介此店，於是決定去試一試。可能天氣好熱，所以冇乜人食韓國野，只有幾枱客。此店樓底高，地方很大，所以坐得幾舒服。Lunch 已經set 有幾款選擇，我地點了人參鷄同鍋飯。yes, 外邊成三十幾度，仲食呢d真係怕流鼻血人參雞煲到好綿，隻鷄好似一夾就溶化，肉質好滑。但個湯好「傑」，可能d糯米煲得太耐，個人比較喜歡比較稀身d，另人參味不太濃。鍋飯賣相好好，不過老公話個醬不夠辣，味道差少少。跟餐附送的餃子和炸鷄，幾好味，餃子好香口，裡面有d粉絲，正宗韓式總括黎講食物環境唔錯，服務都好好，洗手間好乾淨呢個價錢有咁嘅水準我覺得好抵，不過地點吊腳d，希望此店繼續努力…查看更多