JoJo&Ki Ki的个人专页

半小時才出餐，漏單？？？唔知道？鬼咩，眼見一出就出同款4碟，過咗咪有排等囉，仲要限用餐70分鐘，30分鐘先到個飯俾我，我嗰個乜乜雲吞就好快到，打算等埋仔嗰份先一齊食？大家諗諗，擺咗半小時嘅意大利雲吞有幾好食？？？？垃圾!本身食物係正正常常，但趕時間就一定唔好去喇，又趕又食到一肚氣!…查看更多

上年已到這店慶祝母親節，一致好評，因為我自己有個3歲嘅小朋友，所以每次選擇食店要求都會高D，環境+質素係首選，故今年繼續選擇哩間為我哋慶祝母親節嘅食店對象，今次湯底揀選了蕃茄湯底+皮蛋湯底原來“響鈴”佩“蕃茄湯底係絕佩的，好夾!首選係推介肥牛，新鮮，好味!哩度海鮮類都唔錯，我推介鮑魚仔!另外哩度D丸類及鮫類都非常有特色，多數係自家製的，今次選了“雞鮫”，原來係雞包仔內嘅函包上鮫皮製成的，還加上薑汁，帶出雞嘅鮮味，出面火鍋店一定未食過啦，不妨一試! …查看更多

6月7號係小妹生日大日子，我Honey一定有飾心既安排傢啦，佢原來挑選左哩間法國餐廳同我慶祝，哩間餐廳氣氛唔錯，幾好。我地睇過mean之後都係決定order"法國浪漫二人套餐"，如下:法包:暖暖地，幾好食，硬係好食過其他餐廳。白酒煮大蜆:嘩......真係未食過咁大粒蜆肉，好鮮味，一個字"正"。煙三文魚沙律:三文魚&生菜都好新鮮。蟹子鮮蝦濃湯:個湯真係好濃，蝦既數量都唔少，再加上有蟹子，感覺好特別。黑醋汁鵝肝:可能之前我未食過鵝肝，今次係第一次食，所以覺得好好味，上枱時已經傳黎陣陣香味，入口外脆內軟，又大塊，有哩道菜簡直係值回票價啦。青檸雪芭:第一口食覺得好有新鮮感，食食下又幾好食喎，哩個雪芭好似係想清一清鵝肝d濃味，之後就可以食真主菜既味道。龍蝦意粉(主菜): 都有幾舊龍蝦傢，味道都幾好。肉眼扒(主菜):幾好，有肉味，好"林"。心太軟併雪糕:honey話個心太軟好甜，但都唔差。法式焦糖布丁:我覺得甜左少少，有少少"溜"。凍檸茶兩杯: 當然係冇咩特別啦。Tiramisu(生日先有): 好好味。總括黎講哩間餐廳我好滿意，不論食物及服務都一流。ps: 多謝honey為我安排哩間餐廳慶祝生日！…查看更多

~愛狗之人請勿到此餐廳~趁放假(24/5)，同honey同狗狗去赤柱行下玩下，我地經過近電梯附近有位侍應派傳單，他十分恩勤咁介紹有咩食俾我地聽，佢見到我地拖住隻狗，仲同我地講"狗都可以入傢，不話要坐門口個d枱"，我地聽到之後都覺得可以一試既，之後我地過左一陣之後就決定去試試，上到去之後見到門口真係有幾張枱，但我地望去遠處有露台位置，咁我honey就問一位女侍應，我地拖住狗狗可否坐露台位置呀?果位女侍應答我honey係可以既，咁我地當然選擇露台位置啦，最初我地將狗狗放在凳上，過左一陣，果位女侍應同我地講應該要將狗狗放入袋裡面，咁我地都有照做，我地就將狗狗放入袋裡面，將袋放在凳上，再過左一陣，有位中年男侍應過來好唔禮貌咁同我地講將袋放在地下，佢仲同我地講將凳係俾人坐唔係俾狗坐，我地已經將狗狗放入袋裡面啦，佢仲想點？所以整到我honey好嬲，連order左d野食我地都冇理決定走，走之際，佢仲同我地講"哩度係做人生意唔係做狗生意傢"，係人聽到都滾啦，不知所謂，今時今日既服務態度點得傢？早炒早著啦，唔怪得之冷清清啦.........…查看更多

星期二晚同honey行旺角，食飯時間當然係搵野食啦，落雨濕濕，咪是但搵一間算吧喇，經過哩間舖頭，見有個侍應猛叫"好好食傢，入黎試下啦"，見台灣野都唔會差得去邊啦，咁我地咪入去試下囉，睇過餐牌後發覺價錢算好平，二人餐只不過係$68，二人餐可以選擇兩個小食、麵或飯一碗、兩杯飲品，飲品凍飲要加$2，台灣飲品就加$5，我地見咁抵咁試下個二人餐囉，兩個小食我地叫左"素雞"同"炸大腸"+魯肉飯，咁飲品我選擇左珍珠奶茶，而我honey就選擇左熱檸樂，食食下honey留意到張單寫上$68, $5+$5，咁$5就係我杯珍珠奶茶啦，咁另外果$5呢？熱檸樂明明係熱飲黎傢喎.....？明明話凍飲+$2，台灣飲品+$5傢？？？咁我地咪同番頭先果個侍應問過明白囉，佢竟然問我地"係傢，熱檸樂要+$5傢"，我同佢講頭先明明係你自己話凍飲+$2，台灣飲品+$5傢喎，熱飲咪唔駛+錢囉？佢諗左一陣之後仲離普到話唔係"罐"上所以要+$5，大家有冇試過飲熱檸樂係"罐"上傢呢？哈哈，簡直係離普......>.< 之後佢承認係佢既疏忽，佢承認即係係佢既錯啦？但佢依然係冇改番張單，只係"鬼食泥"咁講唔好意思，今時今日咁既服務態度咁得傢？…查看更多

honey話想食沙律，honey提意去哩間食。我地第一樣當然係叫左"凱撒沙律"啦，又真係幾好食，好正；第二叫左春卷(地中海&泰國)，上檯已噴到香噴噴，好香口；最後叫左個意大利闊麵，哩個真係麻麻地，好油、好膠，懷疑落左好多"師傅"，食完冇幾耐已經好口渴。…查看更多

今晚一行六人慶祝父親節，book左8點，我地7:45到達都可以入座，我地order左以下食物：蝦串香芒柚子沙律：麻麻，酸左少少。炸軟殼蟹: OK，好香口。串燒(豬+牛): OK，同其他地方食既冇咩分別。薄餅: 好好味，好薄。紅咖哩豆腐: OK，好野味。椰青焗海鮮飯:分量係少左D，味道可以接受。油墨菜: 上菜時已經好香，好好味。火煱:分量十足，抵食。蝦餅:好彈牙，好好食。…查看更多

7/6(三)係我生日，奇奇特別選擇哩間俄羅斯餐廳為我慶祝，我地大概7:30到達，但都已經7成滿坐，侍應十非細心解釋mean上既食物，我地考慮後order以下食品:俄式麵包(碎肉):食落去好熱，好好味，好正。($15)菠菜芝士焗虾:味道好香，但普通左少少。($75)羅宋湯:份量少，普通。($50)豬肋骨串燒:味道ok，勝在有得睇佢點燒。($145)牛尾意粉: 好正，牛尾醬汁好好味。($125)布丁: 好好味，可值得一試。($45)餐廳特式之處係有兩位穿著俄羅斯民族服裝o既俄羅斯人唱歌,氣氛唔錯，及餐廳內有一間-20度晚"ICE BAR"，有興趣可以感受下-20度有幾凍.....其實又唔係想像中咁凍既！…查看更多

16/5(二)哩晚因為有d野一定要見honey，既然都係要食飯，所以我地就去左哩間試(佢亞妹上次黎過話幾好)。由於我地7:00入坐，時間尚早，所以都只係得一、兩檯，食物方面都ok，算多選擇，價錢都合理，服務都幾好，8點到就開始多番少少客。…查看更多

4月8號晚同honey去左哩度試下，環境都唔錯，但嘈得d囉，因為有live band唱歌，整到我同honey傾計好似鬧交咁，食物方面都ok既，細細碟，岩d情侶去試囉，可以試多幾款麻。…查看更多

3月16日係我honey生日，所以我兩星期前已經book定"swinging chair"，因為只得兩張，所以要快book喇！"swinging chair"感覺好新鮮、好得意！我地選擇左dinner for 2，頭盤可選湯或沙律，我地當然每款各一同honey share啦，第一主菜就選擇左長通粉，長通粉好好味，好creamy，次菜有兩款選擇，我地當然係每款各一啦，分別係"海鮮拼盤"(海鮮)及"錦繡拼盤"(肉扒)，兩款都好好味，之後突然熄曬燈，因為要出個mini"tiramisu"蛋糕為我honey慶祝，d waiter仲為我honey唱生日歌添，當時令我honey好suprise，我地都好滿意！個"tiramisu"好好味，好正！…查看更多

同honey鬧完交之後，行行下就路徑此店，睇見門口有位"白髮婆婆"派傳單及狂sale有d乜野食，好似唔入去唔得果隻，見佢舖頭名叫"專業咖哩皇"，而honey又對咖哩特別有興趣，咪我咪話不如試下。我地到達約8點半，對比附近既舖頭哩間都算多人，我地點左一個叫俄羅斯套餐$52 (有餐湯，可以選任何一款燴飯)，我地選左"海鮮燴飯"，但佢同我地講要$58囉，另點左一個乾咖哩羊扒跟烤餅$68，不過果女侍應話要$78，佢話其實已經加曬價喎......另再加多一碟清炒椰菜(全店只得1款菜)，honey話乾咖哩羊扒味道都ok，而我唔食得辣既都入到口，唔算辣，這裡清水任飲，在檯上，好方便。…查看更多

星期四晚同honey拍拖，honey話想打邊爐，咁我地就搵火鍋店啦，我地行到某條街地下，見到有兩個亞姐派傳單，好鬼死嘈，之後我地再行多一個圈之後就決定去果度其中一間{第一火鍋}，可能仲係早(7:30)，所以未滿位，唔駛等，果度d侍應男侍應好過女侍應，男侍應服務都算ok，而d女侍應"亞姐"就扮曬睇唔到你咁，今時今日既服務態度點得傢？食物方面都算ok，(牛孖根好好食)因為係任食($73/位)，送一渣飲品，湯底另計，唔好咁高要求啦，但坦白講都唔差囉~~~~最後埋單兩人total$226！…查看更多

繼上次去[峰壽司]等左1個鐘之後，另一間[一壽司]都唔弱，都等左9個字，[一壽司]裡面裝修都幾好，有一個好大個既魚缸同好大個既雀籠，食物種類都算特別，味道唔錯，幾好食，但都係壽司為主，小食就少左少少選擇，侍應態度好好，好有禮貌！…查看更多

前幾日聽個朋友講"世紀酒店"自肋餐好正，D牛扒好正，D生蠔係要同侍應ORDER既，上檯時仲有冰墊低傢，佢講到咁吸引當然要試下啦，問過HONEY之後我地就決定星期五去食。原來1月份開始做緊"任食和牛"，整體黎講各款食物都OK，幾好，食物種類轉得好快；推介(一)"牛扒"-好好味，好有牛既味道，好香，好正。推介(二)就係本人最鍾意食既"魚生" -有4款選擇，好正，好大"舊"，源源不絕咁供應，正！推介(三)"生蠔"-真係要同侍應ORDER傢，生蠔都唔差...咁既價錢可以食到咁多正野，抵啦！($168/PERSONS+10%, 另2-4人,85折；5人或以上8折)…查看更多