apwvsxrwx2bn的个人专页

花雕藥膳雞煲（半隻）$168雞肉新鮮嫩口彈牙，湯底入味滋補，醬油費$8/位，十優狀丸$108每款海鮮丸2粒，共10粒，有部分係手打，牛舌芯$118賣相唯美，肉色新鮮，口感彈牙，強烈推薦，牛胸爽$98 必試！形狀均稱，多汁同時口感不油膩，爽口彈牙，鴨血$59大大舊，新鮮帶有少許會愛上嘅鴨穌味，什茹籃$70擺設好靚好卡通，茹味濃郁滋補，服務費10%店鋪環境好chill好骨子☺️店員服務周到講解詳細，埋單都係$701…查看更多

呢間韓國刀削麵，最吸引亦係最特別嘅就係佢個水冷麵，我平時食飯嘅喜好習慣同其他人有啲唔同，就係中意正餐同水果一齊食，佢碗水冷麵完全滿足到我，首先我中意酸酸尾尾嘅味，最堅嘅係佢碗麵有埋冰粒，啲冰粒都算好大粒，食落好有質感，而且佢碗麵有埋鮮蘋果，勁愛上，啲麵係蒟蒻蕎麥麵，食落毫無壓力。之後要講嘅就係佢個牛骨湯刀削面，首先佢個湯好有骨味，超濃味，啲手工麵好彈牙，口入面都感覺到啲線條，同埋佢啲蒜係勁唔慳咁落，所以成碗都好入味。至於佢個薄餅，脆得黎係適度痴牙gel口，好有層次，基本上如果平常午餐可以就咁當一餐果種，而且好有家常便飯嘅熱度，新鮮滾熱辣出黎，而2杯野飲味道似小朋友中意飲果種水果飲料嘅味。好味到清哂全部一件不漏…查看更多

🍵滋潤養生茶$40原隻雪梨超足料，仲配其他養生材料，唔會太甜，直情係原汁原味，滋潤養生🧋A8野蠻奶奶$40奶味超重，底層有紅豆，好似特色紅豆冰咁鎮江餚肉(牛)$88食落好有鮮味，水晶部份水感岩岩好而且入哂味，自己食多盤都唔漏一家蔥油白切雞$138超多料，肉質非常新鮮新甜，食落唔痴牙好滑，蔥味愛好者必吃，個湯差啲想飲埋極品蜜汁金華火腿$188肉質表層閃亮度剛剛好，味道甜帶咸，個包蒸到好鬆軟，配有桂花味蜜一齊食海鮮全家福水餃$88每一粒塊皮都係用唔同海鮮食材做，手工感極強，沾蒜醋食，地道感好濃炸芝麻團$49絕對係細緻脆，入面係芝麻流心，好gel口好好食，幾飽都食得哂就知咩料另外餐廳服務都好熱情細心，感覺親切同有人情味，係額外加分項🫶🏻中意食野配中式靚碗碟嘅朋友都可以去試💕呢間餐廳少油少鹽少糖，食落零壓力😍…查看更多

呢間係香港第一間韓式炸雞店，因為小妹唔點食炸野，但係比佢個韓式魚子湯強烈吸引左，魚子狂熱者必試，佢個湯雖然係有啲辣，但因為料足，加埋其他配菜，總體個口感係就算辣你都會不由自主一啖接一啖咁食，佢個辣味冇乜甜味，好似泡菜濃湯果種乾辣味咁，鹹鹹地。第二個菜式就係韓式菜包肉，呢個菜係白灼，個軟度灼得好軟糯，林林地好有咬口，因為佢塊肉肥肉部位又好彈牙，肉質位置又岩岩好暖暖地咁，本身都幾飽但你會清得哂成盤，佢有幾個汁沾黎食，全部輪流換住食都好上癮，同埋因為小妹唔點食澱粉野，呢個菜式有營養得黎好食又有益，絕對可以當正餐冇壓力。最後佢本身有自家醃製蘿蔔，又係好出色，強烈推薦！…查看更多

因為我係唔點食澱粉同炸野嘅人，雖然冇試炸雞，但比佢個韓式魚子湯吸引左，呢個湯岩哂中意食魚子嘅人，仲有好多芽菜索哂啲湯一齊食，有少許辣，平時食唔到辣嘅我都易入口同接受，主要系溫度配搭所有材料就算好熱，都忍唔住想一啖接一啖咁食🥵另外韓式菜包肉，呢個有2款汁可以一齊沾黎食，白菜系煮到軟度岩岩好唔太林，包住蒜頭連肉食，刷新左我對”生菜包”嘅味道與口感體驗🥰同埋個餐廳總體裝修地道，算衛生，有鐘仔呼叫服務，都人性化，紙巾盒係痴喺牆到撕落黎用，超方便加分。…查看更多

睇到佢個話梅蕃茄就好想試，一試不能回頭，搞到唔中意食蕃茄嘅人都愛上食蕃茄，佢係冰鎮嘅，兩樣配搭簡直係絕配，佢蕃茄仔咬落去喺個口度爆汁，口感已經好得意，酸酸鹹鹹甜甜咁，我之後一經過應該會例點，另外佢個酒醉鮑魚，酒同鮑魚味嘅配搭令你唔識飽，啲味整得好有層次，口感爽靭又滑，然後就係佢個瑤柱雞湯翅，百幾蚊嚟講都算合理，佢本身加$10有埋白飯，不過我唔食飯，所以冇加，味道就係翅湯嘅味，魚翅料係原條一舊仔掉落去，都有4-5滿匙仔嘅量，最後就係佢個木瓜雪蛤膏，雪蛤膏放到個木瓜中間滿晒，有凍熱揀，不過雪蛤膏嘅味單食就比較淡，一定要連埋木瓜啲肉一齊食就甜少少，食落就係原汁原味嘅感覺，清清甜甜，十分推介。不過佢夜晚比較多人，我見到坐滿晒，晏晝反而唔使點等，一入去就有位，因為佢位唔多，所以大家請自行抽時間去試。…查看更多

呢間餐廳一入到去，就已經好似去左東南亞旅行咁，好有風味同風情，我個人認為佢嘅飲品做得好有特色，我叫果杯係coconut做底，但飲落有啲甜同辣，好得意，之後係佢啲印度薄餅做得好鬆軟，佢個柚子蝦沙律食落好清甜同清新，酸酸地幾爽。食食下又忍唔住叫左佢個招牌特色熱奶茶，仲正！有啲似泰式奶茶嘅味道，但有自家特色野，我好中意有自家秘制味道嘅感覺，所以淨係野飲都帶到好多新靈感同味蕾沖擊，中意新鮮感嘅人應該會愛上呢種感覺，最後叫左佢個煎魚試，雖然我覺得係幾好味，脆得黎好林嘅做法，不過始終有骨我唔中意，但主角一定唔係條魚囉哈哈。…查看更多

講下個服務先，服務員會好自覺幫你加水，而且感覺好有人情味，有枱咁岩生日，老闆親自棒生日蛋糕仲唱生日歌，呢點令人留低深刻印象。接落黎就要講下啲食物，首先係個粟米湯，應該係自家製，平時一般餐廳好罐頭味，但呢間冇味精味，一定係冇咁濃味，但絕對係原汁粟米味，之後呢間嘅牛肉質感整得好鮮，無論係刺身定係牛扒，肉質都係好咬同易軟化果隻，味道亦係中上級數，佢唔係濃烈重口味果啲，但食落你會覺得 ohh nice果種，值得一試，另外個芝士薯容係直接清盤，佢嘅creamy程度同濃香會令你不自覺地食完一啖又一啖，非常推薦！…查看更多

呢間係位於迪士尼入面嘅bakery，姐係你要買左票入到去先食到嘅，喺迪士尼一入去果條大路大街，先講下佢嘅賣點，當然就係裝橫同精品主題野啦，迪士尼fans一定會幫襯嘅甜圈，因為佢大部份嘅donuts都係迪士尼卡通人物嘅化身，有維尼熊，米奇老鼠，其他小眾少少都有，因為我唔係超級fans，所以都講唔出啲名，不過一家人或者一班friends去影吓相打吓卡又真係幾有氣氛，佢個背景同周圍嘅氛圍燈光，基本上隨便影都係靚，不過啲donuts真係食感覺，因為我係食唔哂一整個，太漏，中意食甜嘅可以食得哂，但一定要飲野，可惜冇熱茶，得啲梳打汽水之類，有啲又好搶手賣晒，所以食完一個donuts真係玩幾個鐘都唔想食嘢。…查看更多

見諒因為冬天夜晚好凍，之後一入去坐低點左個湯之後停唔到，全部食到最後一件先醒起影相，講下佢啲燉湯先，其實我夜晚如果想食得健康啲，尤其係宵夜，我一定係去呢間，因為主題比較健康，又係飲茶，通頂都冇咁大壓力，佢啲茶都好有回甘味，至於佢嘅燉湯算足料，入味但飲唔到味精味，每盅湯都佔左一半係材料，感覺幾好，佢個流沙包都好出色，流出黎嘅奶黃食落係做到有沙粒嘅口感，但我最中意食係佢個紅棗糕，好煙靭同埋又唔會太死甜，蒸得好好食，推得推介。…查看更多

佢主要係類似室內大排檔嘅裝修，行起上嚟都唔多方便，地下階磚勁滑果啲，個廁所肥少少都應該出入有困難，如果環境衛生同設計再好啲，應該評分可以再高啲。咁多道菜，個人認為最出色係椒鹽粟米，薯仔炒牛柳粒，同埋佢個燒鵝，個粟米整得幾特別，甜得黎又有少少椒鹽嘅鹹，唔難處理，佢個乾度同硬度咁岩食落唔易痴牙，至於個薯仔炒牛柳粒好入面，如果唔係一枱人一齊食飯，呢道餸可以自己一個食哂，最後係佢個燒鵝，佢個盛器下面會放一個蠟燭仔，好少大排檔會咁上，個皮好脆，啲肉好嫩，成為全枱被熱烈討論嘅餸，推介。…查看更多

佢嘅套餐好適合啲團年飯，冬至，有老人家但唔想喺屋企煮就落街食嘅酒樓，個服務都係比較casual，叫啲姐姐比多壼茶都係溝通混亂嘅style，主打街坊生意。講返佢啲餸，街坊生意黎講，佢嘅味道係算抵食夾量多，一定夠一家四口食果種，晚市酒樓套餐黎講都係平時果啲酒樓野，佢個菠蘿咕嚕肉係幾出色，食落去夠熱，皮夠脆，肉感算彈，有啲食落好粉，佢唔係，所以都覺得幾nice，炸蝦球都好食，佢大部粉啲餸嘅肉質都算彈口，不過我就唔係太中意平均每個餸啲汁太結，應該係hin粉落太多，除左呢樣野扣分，總體都ok。…查看更多

只可以講係不過不失嘅雲吞麵，冇咩特別獨有秘方嘅味道，但我點呢個係招牌野，咁樣嘅價錢黎講唔平架，但就可能係賣懷舊branding野囉，但又唔係好難食嘅，可能經典野不過唔會令到人一食會記得住，尖沙咀呢間仲要坐落啲位好迫，唔太方便郁黎郁去。…查看更多

首先講下點解會無拿拿買佢黎食，就係因為喺同層附近餐廳等位等太耐，行行下見到佢個店面幾interesting，之後抬頭一望就見到佢獨家嘅甜品卷，雖然幾十蚊一件都唔平，但見佢賣嘅產品同甜品有好大反差，就決定一試，萬一好食都係一個可能會入坑嘅體驗，點知真係。佢個黑松露芝士超正，好濃黑松露未，一浸浸咁喺口腔上顎滲出黎，之後芝士口感有少少乾乾地粗，如果滑啲creamy啲就好正，個味係ok ge，朱古力卷直情係好味到我下次想試埋佢其他味，出面脆脆地舊野咬碎會有少少gel牙，口感好正，不過食多件一定會漏，會食唔到正餐，至於佢盤ham就好好食，我試嘅係牛肉乾，味道好牛好特別，值得推介。…查看更多

其實啲野食嘅味道係唔錯，碗紫菜飯超大碗，但肉就唔係好多，你見到個價錢，會好自然套餐咁叫，但唯一唔好係等候時間實在太耐，真係耐到有啲懷疑佢有冇落到單果種，有時到左一個人嘅餐，另外嘅人都唔係即刻接住到餐，佢手機落單嘅，個火亦都有得自己調，野飲都多選擇，沙律得菜，好細碗，碗湯都係超細碗，基本上你食完碗飯，如果食得哂嘅話都會好飽，但我要強調返肉真係唔多，抵唔抵食就見仁見智，主要佢開喺天耀商場，附近落黎食嘅人都多。…查看更多