heidi1204的个人专页

見順路過去泰國佬買左個冬陰功牛肉烏冬$37 外賣，好開心返到家食，食左一半先見到有曱甴。唯有掉左去。雖然貴店不是大品牌餐廳，但衛生還是應該注意，畢竟是飲食業，客人食落肚的，還是保持清潔。…查看更多

第一次同屋企人一起到丸和堂食，因為老公想食拉麵，上水的確少之有少。入內第一眼見到一張勁污槽既HIGH CHAIR,(心諗唔係得呢張啩）我湊住個細路……入到去等左5分鐘都無人俾餐牌，三個侍應不論男女都黑口黑面。後嚟問佢攞餐牌，先講要自己寫菜號，好快手都有3 杯熱茶到。落左單後，講明唔要門口張HIGH CHAIR,最後都係俾返門口嗰張，仲要唔抹俾我……我當然無用，事關實在污槽到大人都唔會坐。好離譜！食物都好快上齊，仲未開始食，服務員又過嚟叫要埋單先，原來3:45PM已準備落場所以要先埋單，音樂關了，燈都較暗左……總結食物唔差，價錢尚可，服務欠佳，地方環境與大排檔一樣，不能要求有正常餐廳應有既衛生 …查看更多

好耐未試過咁齊腳,今日 lunch time 12:00我同屋企人分別訂左兩張檯,因為想同 bb celebrate birthdays, 嚟到門口時,reception 接見我屋企人只提到一個 booking是否5 個人,當時我走上前說我另有一個 booking ,reception 先清醒說是的,已安排了你們一同坐,我提到我是A La Carte, 其中一位 reception 攞左個 menu 給我,我當時手推嬰兒車,我問她是否要我自行攞埋位,她竟然說:冇錯。當時我心想一間都叫有名的酒店,竟然會有這服務,令我有點不悅。繼而一行人埋位,reception都急急離開,交接給其他侍應招呼,但眼見我地埋檯,沒有侍應幫忙拉凳，我手推嬰兒車亦沒有人幫我拉走一張椅子,結果我地自行照顧自己,當我要求要嬰兒椅時,侍應只幫我放了張高凳在我的身旁,並沒有打算理會我,令我感到好嬲。一直到舉手叫人落單後,屋企人都食左一轉野食了,才有侍應問我地想飲熱水家凍水唔通細酒店咩都慢過內?? 有一位穿西装男肥部長埋了我們的檯問總共有幾多位食 buffet, 我答了3 位。冇幾耐,過了一陣佢又過嚟問幾多位食 buffet, 我感到很煩說三位 buffet, 兩位食 A LA CARTE, 野食都點了,不如你問check check 先啦.佢先沒有再埋嚟詢問。等了20-25分鐘,我地叫的咖喱雞& cheese burger 到了,但又要我舉手詢問是否有麵包跟的,一位肥西裝男才醒覺說冇問題,而家攞俾你。這代表了是否客人不問,就不會俾呢??後來我再詢問另一位侍應攞 oil& vinegar, 個女侍應唔清楚係咩嚟,話問問先,最後部長攞左俾我,但味道有點怪怪的。最後食左兩個小時,我地埋單時,沒有人提到有邊張信用卡有discount,埋完單先見到有10%off, 我攞張單埋去問部長先知有幾張信用卡都做緊 promotion .後來叫埋餐茶一杯 ice tea, 兩杯 cappuccino, 點知等左20分鐘有多都未見蹤影,當然又係舉手叫部長跟跟,之後5 分鐘內 serve。起身走時,有個女侍應埋嚟問是否叫左 cappuccino ,我答佢飲完了,佢仲笑笑口同同事講唔知邊個咁快....總括食物都不錯,係員工服務欠佳,溝通失誤,長期沒有人理會客人所需,知識又欠佳,雖然細酒店,但都有進步空間的。我心諗訂檯時提左有 bb生日,佢地話有特別俾我地,最後什麼都沒有,好失望囉畢竟是band Hyatt... :)大話同不實的都望貴酒店不要胡亂答客人的要求呀。…查看更多