Iriskwong97的个人专页

今日朋友House warming，玩完一輪就落咗樓下搵嘢食。朋友介紹呢間，食過非常之好食。室內環境非常之舒適，所有餐具非常潔淨好用，就連凳都係designer Chair，完全估唔到係一個小區嘅小店。兩個人叫咗好多牛，佢部iPad有解說好多唔同牛肉不同部位的來源和食法。兩個牛肉精花多眼亂，都唔知揀乜好，就求其揀左幾樣未食過嘅部位。我最鍾意食果樣，就係個樣同正常牛腩冇乜分別，但係真係非常吸引嘅招牌牛腩！佢同平時牛腩最不一樣嘅地方，就係佢嘅脂肪分布非常均勻，個舊牛腩嘅肥肉是彈牙的，好似一個氣泡裏便包住牛肉汁一樣，一咬就會爆破！百吃不厭！仲有樣食完都唔知係牛肉邊個部位的胸口磅。Menu介紹可以輕煮15秒，或者煮足3分鐘都可以！我兩種都有試過，比較偏向15秒嗰種。入口爽滑好咬口，牛肉味非常重！感覺好似食緊牛筋同肥肉中間嘅薄膜一樣！我哋食到尾聲嘅時候，剛巧其他食客都已經走晒，亦係員工放飯嘅時候。我將一個非常彈口嘅讚岐烏冬放入鍋裏，輕輕煮幾分鐘已經好好食，既沾滿沙嗲汁，亦保留烏冬嘅彈口！下次過嚟探朋友，一定會再嚟食！…查看更多

今日早左放工，就兩個人過嚟食。五點幾冇乜人，諗住可以慢慢坐啦。我叉叉佢媽媽，六點幾，叫人快啲走，我未食晒啲嘢就叫人走啦。個擔擔面越嚟越差又唔再講，個酸辣湯又要賣特價，又要唔好食，又唔夠料又水lau lau。小籠包皮薄嘅，不過呢就冇汁嘅不過鱔糊係幾好食嘅，個鱔都幾新鮮，韭菜又唔痴牙。識咗10幾年，我諗今次食完之後，一年之後都唔會嚟嘅喇🤯🤯🤯。早幾年見到美味齋執笠，就知道佢冇晒對手，點知越做又愈差，幾十年老字號都冇用呀。5流食物， 9流服務呀…查看更多

今日係投票日，投完票就梗係去醫肚啦！我隔離太興就滿左人，見到呢間野好似好香咁，就走咗入嚟食街坊生意，鍋貼大王，阿姐忙到都唔得閑招呼咁多個位呀！難怪嘅，你煎炸之物真係又脆口，又好食，又多汁，又新鮮，係爭在食完怕喉嚨痛姐！雞翼，非常正！好食過KFC或者麥當勞譚仔超多一早知道咁好食就要個淨雞翼啦米線，炸醬，魚腐就真係普普通通啦。個炸醬真係負評呀，唔辣唔淋又無落花生，要加11蚊架！木耳就普通啦，都幾爽口嘅最後見其他人都有叫，就叫咗個豆腐花！不過好多人都叫鹹嘅豆腐花，我就唔夠膽食啦，最後就要一個甜嘅睇怕今晚都唔使食晚飯🥣…查看更多

尖沙咀行完街，諗住行去佐敦再行一轉。攰攰地就想食啲嘢。之前都聽過朋友講呢間野好特別，就上OpenRice搵吓呢度地址啦！經過左門口都唔覺眼，個招牌唔係好大個呀，不過入？到之後就發現裏面好多人！唔知係唔係附近酒店多，有一半客都係講英文嘅亞洲人或者外國人！由於喉嚨唔係好舒服，今日就唔食炸雞啦。咁岩今日天氣寒冷警告，就叫咗個石頭鍋做晚飯。老闆落單之後首先送上一式三份嘅韓式小食，唔好見佢細細碟，三樣嘢都非常入味！尤其個薯仔非常之林，啲汁又浸得入味。石頭鍋就要等一陣嘅，不過就物有所值！凍冰冰食個熱辣辣有飯焦味嘅石頭鍋，當堂成個人都暖晒呀！…查看更多

繁忙時間去好似做賊咁。。。平時唔係行開灣仔，不過今日過黎政府大樓有野做。一點就度度都多人架喇，咁都無乜所謂既，不過質素就真係好大分別。叫左個全日餐a2，errrrrrr，佢居然話南記無米線🤢🤢🤢🤢🤢佢問我幾多辣，咁就小辣啦。點知出到黎。。。先知寫左酸辣。。。我明明係想食麻辣架囉，貴兩蚊架！快快手趕住就求其skip左唔問！？咁唯有照食啦，個米線硬到明顯無乜煮過。塊魚蛋片。。。。凍既，浸熱都懶🌚🌚🌚🌚🌚🌚食連鎖店都唔求特別好食，求穩定啫。出品咁求其，都係過隔離大家樂啦！…查看更多

本身睇咗呢度嘅食評，俾佢嘅擔擔麵吸引左，諗住入嚟食碗擔擔麵啦😳😳😳。點知入到黎又三心兩意，選擇困難症，結果坐咗15分鐘先叫嘢食。最後叫咗一碗牛肉餃麵，加個辣汁，個辣汁真係好勁，加左一匙已經頂唔順，瘋狂地出汗。💦💦💦佢個豆腐皮蛋，真係極度非常之好食。酸度調節啱啱厚度，豆腐非常之滑溜，皮蛋好入味，可惜皮蛋得少少。👉🏻👈🏻水餃非常之好，咬落去爆汁，又唔會太熱辣親個口。結果，我見到隔離枱，叫咗個炸水餃，非常非常之好食嘅樣。我心諗哎呀，但係已經冇肚再食炸餃子啦！唯有下次再嚟喇🏃🏻‍♀️🏃🏻‍♀️🏃🏻‍♀️…查看更多

放工同同事過嚟食飯，本身想食隔離米線，不過人哋已經關左門，就坐低食呢間茶餐廳啦。😢平時都有食開佢嘅早餐同午餐，所以本身都對佢好有信心，又好有期望嘅。不過咁就俾佢呃左啦😫我朋友叫咗個鰻魚飯，咁係幾唔錯嘅，雖然要差唔多＄70。至於是日精選啦喎，就係個西冷牛扒啦嘩！我食到半半塊牛扒，我朋友都稱讚我啊！佢話「你嘅牙齒都幾健康喎！」點解咁講？因為塊牛扒，仲韌過皮鞋塊皮呀👞👞👞🤢🤢🤢仲要買成＄60 ,好後悔揀咗呢碟餸，明明平時食常餐都冇乜問題至於個特飲，次次黎都飲嘅，係幾好飲嘅。不過下次就會早餐時候先再嚟食啦👋🏻👋🏻👋🏻…查看更多