WWMM90的个人专页

北上既餐廳係平既, 但係有時香港d街坊小店都唔會好貴, 一於支持下.葵芳球場呢邊好多食肆, 識路既人一定黎呢邊搵食, 小店多價錢唔貴, 仲唔會下下設時限.揀左呢間泰國餐廳小店, 話小店其實都唔細, 人太多所以有兩邊鋪位, 仲好唔洗坐咁迫.泰國野梗係先要個泰式拼盤, 有炸蝦餅, 炸春卷, 炸雞翼, 豐富既炸物滿足左食香口野既慾望. 皮好脆口, 唔油膩, 咬落索索聲. 佢個春卷係以粉絲做主要餡料, 所以食左無咁飽濟.個人黎講又真係好鍾意食粉絲, 所以要多個馬拉盞雜菜炒粉絲, 所有粉絲都吸收晒馬拉盞既香味, 食落真係好野味, 唔會煮到太淋.泰式鱸魚又係必食, 不過今次唔要明爐, 要芒果絲脆炸鱸魚, 又係要香口野.加左芒果絲好開胃, 口感清涼D, 天氣熱最啱.炸鱸魚係起左D肉去炸, 所以入口係無骨, 不過都要小心食. 肉質炸左仍然保持嫩滑, 無魚腥味無骨, 啱晒平時少食魚既人.呢餐好滿足, 食物好味份量夠, 又唔洗限時趕交枱.…查看更多

呢間日本過江龍日式餐廳, 最初開業次次行過都好多人排隊, 隨住新鮮感既過去, 而家無人排.一睇餐牌價錢, 非常進取, 不過響海港城商場都無辦法. 既然咁進取就隨意叫兩款試下好了.朱古力香蕉梳乎厘班戟, 賣相靚好啱打卡. 不過梳乎厘本身蛋味唔夠, 太鬆散入口即溶, 無口感. 朱古力醬唔算好甜, 所以配落無咩味既梳乎厘剛剛好.滿天星肉汁安格斯牛扒蛋包飯,  其實佢一個普普通通既蛋包飯已經唔平, 所以要個有牛扒既, 心理上覺得抵D.牛扒有點韌, 而且肉質都幾乾, 無肉香味. 蛋包飯正常水平, 唔特別, 性價比唔高.整體食物好普通, 但價格偏貴. …查看更多

放假日很想慢慢享受時光, 散步來到科學園午餐, 這里有好多餐廳選擇.最後選擇這間日式餐廳, 環境很舒適, 落地大玻璃, 很悠閒的感覺.要了海膽特上什錦刺身定食, 剌身擺位很精致吸睛.先嚐一口海膽, 很滑溜, 味道鮮甜不腥, 很細膩的.帶子跟甜蝦也很彈牙, 鮮味十足, 沒有一點冷藏味.魚分別有三文魚, 吞拿魚及油甘魚, 三款都係軟嫩, 很不錯.白飯很大碗, 女生吃不完. 還有漬物, 食完減少飽濟感.…查看更多

天氣開始熱, 朋友們都無咁大癮打邊爐, 所以今次飯聚我地食小菜.呢個菜名好正, 棍打牛魔王即係韭菜花炒牛脷, 牛脷夠軟腍, 唔韌, 切到一條條易入口又有咬口.韭菜花翠綠唔老, 咬落無渣, 鍾意韭菜花既人一定好喜歡.而且用豆豉炒好香好惹味, 食落好醒胃.有刺激D既辣子焗蝦, 用辣椒, 胡椒, 洋蔥等配料同D海蝦一齊焗, 一開張錫紙超級惹味, 一聞到已經食指大動.海蝦隻隻手指咁粗, 食落特別彈牙, 好鮮甜. 而辣椒既味道又夠入味, 辣度適中, 好開胃, 送酒食一流.…查看更多

響附近上堂, 都係食D野打個底先, 費事食太飽所以要左幾款小食, 每款都係十幾蚊, 唔算貴.有豬皮蘿蔔, 豬皮夠爽口, 厚身有質感, 唔會一夾就散.蘿蔔夠腍, 清甜無苦澀, 而且個沙嗲湯底入晒味.韭菜豬紅, 份量夠多, 豬紅夠滑溜, 有口感, 韭菜爽甜新鮮, 好香韭菜味, 有打冷菜風味.瑞士汁雞翼個瑞士汁甜甜地唔會太咸, 夠晒入味, 雞翼肉質夠滑唔鞋口.呢度仲有車仔麵食, 眼見好多款餸, 下次會黎食下車仔麵.…查看更多

閒時四圍覓食, 呢晚走到九龍城, 幾條街都食店林立, 見呢間西餐廳幾多人, 價錢相宜, 店員熱情地招呼入內, 一於試試.想食得清D, 所以要個櫻花蝦蟹肉意大利飯, 意大利飯唔易做得好, 呢度既飯軟腍度適中, 飯一粒一粒, 唔會太濕, 個汁剛剛好, 食落夠creamy. 櫻花蝦同蟹肉夠鮮味, 整個味道都好清新, 加多少少蟹籽, 食落更有口感.即焗蒜蓉包, 上枱已傳來陣陣蒜蓉香味, 好吸引. 個包焗到好脆口, 中間帶軟熟, 蒜蓉夠香但唔會濃到口臭既感覺,好開胃.餐湯有南瓜湯, 南瓜味濃, 仲有一絲絲既南瓜, 杰身足料.全部食物都好滿意, 性價比高.…查看更多

難得放假可以出街買下野, 先落九龍城食個午飯再落太子, 九龍城食肆多但又無咁迫, 所以好多時都會黎.泰菜好多, 所以揀呢間食西餐, 午餐有set既, 價錢大約由50幾到90蚊不等, 唔算貴, 而且款式仲幾多選擇, 有豬牛鴨魚柳, 無肉類既千層面, 長通粉都有.揀左紅酒繪牛肋條改配薯蓉, 牛肋條都唔少, 牛肋炆得夠腍身, 入口軟嫩, 一D都唔韌, 而且夠晒入味, 好正.薯蓉好滑溜, 薯味濃郁, 食完都唔覺太漏. 仲有D雜菜響底, 感覺健康晒.午餐份量唔會太細碟, 味道好好味, 呢SET野晚餐再推都大把人食, 抵讚.…查看更多

新年開工無咩野做, 同同事行左黎呢邊lunch,坐得舒服D就入左呢間拉麵店.午餐有飯有麵, 黎得當然食拉麵, 揀左雜錦拉麵.雜錦既餸每款有一舊, 义燒, 豬軟骨, 蟹柳之類, 肉都炆得夠腍, 而且入味, 唔乾無起渣.至於拉麵, 軟硬度屬適中, 咬口幾爽且彈牙, 唔會太易浸腍.而個湯底唔會太咸, 食完無口乾.之後仲加左煎餃子, 一客4隻, 2人share剛好.煎得幾香口, 脆脆地金黃色, 唔算太油.餃子皮夠薄, 咬落軟腍啖啖肉餡.另服務十足, 無叫飲品但店員勤於加茶水, 感覺良好.…查看更多

天寒地凍最正就係圍住個火爐食野暖下身, 而家圍爐唔止可以打邊爐, 羊腩煲, 仲有雞煲都係唔錯選擇, 靚煲皇就幾款都有得食, 所以今晚約埋老友一齊黎.麻辣雞煲一上枱已傳黎陣陣香味, 因為香料既莞茜, 洋蔥, 辣椒等夠多, 焗一陣炒一炒更加惹味. 雞肉肥大肉厚, 啖啖肉好滑溜, 舊舊都入晒味. 呢個麻辣麻味唔算太重, 辣度適中, 好易入口, 一路食都唔會太飽濟. 仲要左碟牛肉黎打邊爐, 肥羊唔算太肥, 入口夠嫩, 牛味濃郁. 每片都唔會切得太薄, 食落好口感.…查看更多

夠唔夠都會黎呢間食中菜, 2口子食唔洗加一, 化算好多呢.坐位闊落, 有卡位, 有即沖中國茶, 唔係茶膽, 感覺良好.燒腩仔拼义燒係我飛佛, 每舊都切得大大舊, 燒腩仔個皮真係好夠脆, 一邊咬一邊聽到卜卜聲, 食落唔會好咸, 肉質夠嫩. 义燒就更軟腍, 好入味, 無特別order肥定瘦, 黎到半肥瘦剛剛好.清湯蝴蝶腩, 都係鍾意食腩, 啖啖肉. 呢個蝴蝶腩都係切到大大舊, 炆得夠晒腍, 富肉鮮味. 仲有蘿蔔墊湯, 又係腍晒索晒D精華, 好夠甜. 而個清湯好重胡椒味, 辣辣地夠晒暖胃, 加左莞茜更加香.…查看更多

聖誕節四圍跟朋友見面慶祝, 呢晚黎到荃灣廣場對面既西班牙餐廳, 雖然鋪位細細, 但裝修好靚, 坐位舒適, 好有格調.西班牙黑毛豬火腿併盤, 併盤有60個月同20個月既火腿, 有兩種唔同口感.呢款唔記得係幾多個月, 不過入口較軟腍, 無咩筋唔韌, 亦唔會太咸.呢款顏色較深, 入口較另一款硬身一D, 但都好易咬, 而味道都較另一款濃, 夠入味.脆皮豬腩肉, 外皮真係夠晒脆, 索索聲, 唔會太燶, 外脆內嫩. 肉質跟脂肪平均, 所以入口夠嫩. 味道唔會太咸, 配上蛋黃醬更加提升.仲有肉腸煮青口, 數量都幾多, 青口漲卜卜夠肥美, 青口鮮甜又夠煙韌.配埋肉腸一齊多D咬口, 而且味道唔會剩等海鮮咁dry.呢晚7點後好多客人, 而且多數都係訂枱客, 如要慶祝訂枱先穩陣.…查看更多

聖誕節食西餐一定好多人, 所以選擇食熱辣辣既泰國野慶祝, 九龍城選擇夠多.睇左評語呢間唔錯, 而且環境唔會太迫, 可以慢慢食.聖誕節黎到都好多人, 等左一陣間先有位.先要個泰式酸辣鳳爪, 食一下都辣辣地, 不過好醒胃. 好香莞茜蔥既配料香味.無骨鳳爪好爽口, 唔會淋patpat, 食完真係好開胃.燒豬頸肉份量足, 片片切得幾厚, 肉質軟腍入味, 燒完唔會太乾, 保持肉汁.而且燒得唔燶, 感覺無咁熱氣.泰式炒通菜, 菜新鮮唔老, 條條都夠晒翠綠, 食落爽口. 泰式帶少少辣味, 唔咸剛剛好.仲有椰汁西米糕, 老板話係自家製, 食落唔會太甜, 食左兩件都唔覺漏.西米淋得黎但唔會太漿口, 帶少少椰汁香味, 泰好味.總括味道唔會太濃太淡, 辣味易入口, 好開心既一餐.…查看更多

上次黎食過好正, 趁假期又約埋D朋友一齊再食過, 不過今次幾多人, 要等左一陣先有位.今次都係要左卜卜蜆, 鍋底唔貴而且蜆既份量又多, 食晒卜卜蜆就開始打邊爐.近住中秋最興奶黃, 要左碟蝦膠奶黃丸, 加左少少奶黃, 所以睇落都係黃黃地既, 不過食落就唔會太重味, 奶黃味道清D, 唔會太甜.仲有黑松露鮮蝦餃, 皮夠薄但無穿, 蝦膠食落好爽口, 而且黑松露味仲幾濃香. 手切牛頸脊打邊爐既精髓, 厚薄適中, 入口特別彈牙, 而且軟腍有咬口, 肉既鮮味一啖啖浸出黎, 令人回味.新鮮魚卜好大個, 好滑唔腥, 食落好爽口, 索埋D湯食更加好味.…查看更多

好耐無去日本, 太掛住日本拉麵, 行完商場一於搵間食下先.商場內都幾多野食, 不過呢間環境似日本多D, 而且價格唔算貴, 可以好好食番餐.除左餐牌上既食品之外, 牆上仲有"是日精選"既食品, 睇見樣樣都想食.小食點了鹽燒五花腩, 燒至金黃, 外表香脆, 除左鹽仲帶少少黑椒, 特別惹味.五花腩肉同脂肪各分一半, 入口唔肥膩, 更覺香口. 而且肉質軟嫩入味.拉麵點了雜錦拉麵, 豬骨湯底, 湯底味濃唔油膩.拉麵爽口, 咬落煙韌彈牙, 食到索索聲, 頓時感覺去左日本.雜錦既材料仲有义燒, 大大片肉夠嫩, 唔算太多肥位. 豬軟骨夠腍, 軟骨位仲好黏口.其餘有大大條蟹棒, 粟米, 海帶, 流心蛋.整體風味似日本拉麵小店, 而且呢度食得悠閒, 唔洗趕45分鐘交枱, 很自在.…查看更多

約埋幾個朋友出旺角食飯, 我地最鍾意去靚煲皇, 地鐵行過去都係十分鐘內, 唔洗響旺角同人迫餐死.今晚無落雨又唔係太熱, 坐左露天位食小菜, 露天感覺舒服, 無拘束, 可以開懷大飲大食大笑.小菜要左出名既小炒王同泰式蝦丸小炒王既九菜花新鮮翠綠, 爽口無渣, 魚乾帶咸香, 夠惹味, 夏天夠晒開胃.炸蝦丸炸至脆卜卜, 一咬好脆好惹味, 而入面既蝦膠打得夠均, 特別彈牙, 而且食落唔會太油膩.呢間真係好鍾意佢地D鍋物, 所以點都叫個招牌靚煲皇, 入面主要有扇貝, 豬軟骨, 仲有超甜既粟米同蘿蔔.個湯底夠晒豬骨味, 仲帶D扇貝既海鮮鮮甜味, 簡單得黎好易入口, 唔會滾到好多油.扇貝又夠新鮮大隻, 食落煙韌彈牙. 豬軟骨夠軟腍同黏口, 好入味.而且而家用apps訂位, 每4位或以上就有飯後冰鎮水果盤送, 生果鮮甜又解暑, 讚!!…查看更多