Ms.Bigeat的个人专页

嗌左兩個外賣酸辣粉，一個加麻辣雞翼，木耳；一個加大腸，魚皮餃。麵底足料，$26來講算唔錯，但配料份量少得可憐，$6木耳得5小舊（味道：未試真，太細舊太少😅），魚皮餃得兩粒（味道：麻麻地），大腸都係得5舊左右😟（味道：正常大腸味），雞翼（同樣價錢，癱仔雞翼好食好多）味道ok, 平時食開癱仔2-3小辣的話，可挑戰呢度中辣。另外嗌左兩個小食：豬耳/椒鹽燒賣。豬耳味道不錯，同樣份量少；燒賣冇椒鹽味，但都炸得脆既。整體唔算抵食，配料選擇少，但味道ok，下次可能齋買酸辣粉算。…查看更多

星期六都要番工，仲要OT，所以決定食餐好既慰勞自己。和富道呢條街，前後有幾間西餐，都係sell環境舒適，中高檔西餐。望左幾間餐廳既餐牌，見呢間比較經濟，set dinner 約$150左右，就入左來試試。set dinner大約有8-10款選擇，牛扒都有2-3款，另外有羊扒，豬扒，三文魚扒，2-3款意粉/意大利飯。本人見燒春雞勁大件又去骨，所以嗌左試試。先來左個餐湯（唔要餐湯可揀沙律），係甘筍忌廉湯，賣相幾特別，用個靚靚既杯裝住，配埋一條手指餅，但味道一般，一般餐湯囉😆等左陣，主菜都來了外皮燒得脆脆地，唔燶，又唔會太油😋肉質鮮嫩。因為去骨，都幾容易handle，唔會食到呢咁hea😬春雞下面有薯菜（薯蓉+翠玉瓜）翠玉瓜ok, 薯蓉一般，但唔難食既之後仲有杯咖啡或茶，凍飲加$4，另外加$10左右仲可以轉其他野飲，例如焦糖咖啡，沙冰，花茶。。。呢個價錢都合理，不過本人太飽，都係留番有機會再試😛（望到隔離枱order左個窩夫，薄薄地配埋雪糕好似幾正🤤下次再試）…查看更多

呢間野全店得5個座位，又聽聞星期六日要排隊，今日難得平日放假，又想食下甜品開心下，所以行左來呢度潮聖😃星期一12點半來到，我地係唯一一枱顧客。全個menu最吸睛，都係個菓子set同埋芭菲。由於想試埋抹茶拿鐵/焙茶拿鐵，所以最後放棄左芭菲，2人淨係要左菓子set同兩杯拿鐵🙂等左5-10分鐘，甜品送到...1. 抹茶松露朱古力： 👍🏻😍2.黃豆脆餅 ：一般3.抹茶栗子餡：栗子比抹茶出色，但塊餅唔夠脆4.忌廉芝士x抹茶班㦸：不錯👍🏻班㦸皮幾香，入面除左有cream cheese仲有綠茶蕨餅，但略嫌唔夠芝士味5.團子x蜜柑x紅豆+抹茶慕絲：抹茶慕絲好滑好香濃😍配上最愛既丸子，perfect🤤🤤唯獨本人認為蜜柑同呢個配搭唔太match6.抹茶蛋卷：整個set的靈魂🤩🤩超好食！蛋卷好鬆軟，白色cream好軟滑，最中間既綠茶味cream好濃郁🤤令人好有衝動想買多舊大蛋卷至於拿鐵，本人的焙茶拿鐵係有埋芝麻味，偏甜，飲到底仲有d芝麻醬未搞混，整體一般般啦，不過食呢個菓子set, 好似要嗌埋飲品先完美😺如果大家住附近，又或者係附近番工，可以來試試🤗…查看更多

同屋企人食生日飯，見呢間餐廳西餐價錢合理，就用openrice book左，主餐牌會有88折。地點不算難找，係開源道麥記斜對面the wave 3樓。半層係the mini friday，隔離係米走雞live，兩邊裝修都幾骨致。晚餐有set dinner for 1，for 2，for 4... set dinner for 1 價錢$1xx~$2xx，有餐湯沙律主菜甜品飲品；如果想開酒飲，建議嗌set dinner for 2，包一支紅白餐酒（主餐牌價錢都差唔多$300）不過家人唔係太想飲酒，所以一人一個set dinner for 1 算。其實主餐牌既食物都唔貴，都係$200幾蚊左右，飲品半價，只係冇湯沙律甜品，個人認為餐湯沙律質素一般，唔食都冇乜所謂🤨主菜我地嗌左pizza同牛扒，份量不小牛扒質素唔錯，厚切，juicy，肥瘦適中，本人嗌左5成熟，個人口味，略嫌生左少少，家人嗌7成熟ok...最欣賞係伴碟既紫薯蓉，幾特別😋另外嗌左水牛城雞翼，唔辣既😅似茄汁雞翼多d反而跟餐甜品有驚喜，朱古力慕絲蛋糕，中間有朱古力脆脆，幾好味總結：如果住觀塘附近/係觀塘番工，都值得去試試，有live band，環境舒適，價錢公道…查看更多

同事係openrice訂左位lunch去呢度食好東西，天后地鐵站行5分鐘就到，唔算難搵。lunch set 定價$98～$128左右，包味噌湯，冷熱飲品。除左有日式（魚生飯，壽司定食...）之外，仲有西式（ribs,，牛扒，牛舌鍋），另外仲有海南雞飯。。。來到日本餐廳，當然係食日式😛叫左個角切魚生飯入面有三文魚，魷魚，八爪魚，蟹籽，玉子...全部都幾新鮮😋除此之外，仲有幾舊青瓜，令到成碗飯再清新d😬不過份量唔多，如果係男士可能會唔夠飽😆可能要加$48追加刺身喇～…查看更多

三兩個friend約左出旺角聚聚，來到朗豪坊，周圍都要排隊，我地唔想等位，就來左13/F 的餐廳睇睇。行到門口見happy hour去到10點，cocktail, mocktail, draught beer 選擇幾多幾吸引，食物方面，有幾款snacks 如：黑松露薯條，nachos，雞翼，洋蔥圈......主食又有幾款pizza, 意大利飯咁，都係百幾蚊左右，就行左入去坐低。環境唔太嘈，都啱朋友傾計。我地嗌左：1. 蘑菇釀雞翼外皮幾脆，唔太dry，但略嫌細隻左少少，唔夠濃味🤤2. 巴馬火腿pizza(含大量火箭菜）parma ham同d菇都好香，pizza底好脆，仲有少少洋蔥，不錯👍🏻要趁熱食3. 海鮮意大利飯夠creamy，都足料，有3-4隻青口，蝦，芝士都好多，好香...食完呢個飯，飽哂😃4. princess peach (cocktail)桃味cocktail, 冇乜特別😆總結：幾適合3幾個fd飲哂食飯吹水👍🏻會再去😊…查看更多

朋友之前來過大讚窩夫好食，所以約埋一齊再去。cafe地點少少僻，地鐵站行過去都要8-10分鐘。。。雖然係咁，都有少少full...星期五晚7:30後都開始多人...因為餐廳唔會趕人走，如果大家真心想試但唔想等位，建議早少少去😬講番食物，整體ok... 芝士西蘭花薯蓉有驚喜～初時以為係就咁一舊舊西蘭花，點知係撈埋落d薯蓉，整到finger size, 然後一齊焗小食仲嗌左雞翼，都唔錯之後嗌埋主角》香蕉朱古力窩夫😻特別之處係，佢有麻糬係中間，煙靭控一定要來試🤗性價比高過the one D字頭十倍😆…查看更多

星期五同同事想食個好lunch慶祝happy friday, 一行十人來到walk in, 冇book位都ok, 被安排坐左係高枱。。。餐廳環境幾好，唔嘈，幾適合坐低飲杯咖啡傾下計☺️set lunch選擇都多，價錢$98-128左右，推介「黑毛豬扒」。雖然「豬」係應該熟d安全d...但聽店員推介，揀左唔要全熟，肉質會冇咁「鞋」，爽口少少，丫又幾得wor!😋set lunch仲包括餐湯（南瓜湯）+沙律+蒜蓉包，都唔馬虎架😬仲有仲有！餐飲可選橙汁/ginger ale/咖啡...任refill！！真心抵👍🏻👍🏻👍🏻店員都好主動走埋來幫你refill~值得加許😂set lunch除左黑毛豬扒之外，其實仲有牛扒，魚，或者黑松露意大利飯，卡邦尼意粉...意大利飯都有同事推介👏🏻臨走見到隔離枱嗌左all day breakfast～不過賣相一般，留番個quota去第二間文青cafe食啦😜…查看更多

家人想慶祝一下happy friday,來到葵芳的上海小南國， 選擇呢度原因係 1)有得訂位， 2)坐得算舒服，雖然有d嘈， 3)中菜， 4)元蹄前菜2碟盛惠24蚊， 花生味道不錯，但另外個碟菜甫麻麻地， 建議轉花生或者選擇不要。涼菜:雞絲粉皮 ($68)5個人食剛剛好， 醬料充足且杰身， 唔會溝水溝到稀哂， 粉皮煙un, 底下有生菜數片， 算是特色嗎!? 豆腐夠滑溜， 用豆腐花來形容都不是很過份。蟹鮮味足， 味道夠又不會過鹹， 就咁食唔用來送飯都ok 。擔擔麵: 基本上一個成年男士可以ko一碟，1…d…都…唔…辣…:( 本人比較喜歡硬少少有咀嚼空間的麵質， 所以這個不推介。小籠包: 全晚焦點， 皮薄， 建議各位用陰力起筷，落筷點落左包的頂部 吃的時候先在頂部小孔吸湯汁(小心燙口)， 吸完再吃皮及餡。 (識得食，記得一定要咁食!!!)生煎包: 值得一試， 湯一定冇小籠包咁多， 但都是要用陰力夾 以及當心燙口壓軸嘉賓: 元蹄曾經於上海當地的小南國吃過此菜式， 雖名氣不及外婆紅燒肉， 但本人覺得此菜比紅燒肉更出色，回到香港都一直記掛著此菜。元蹄份量驚人，建議各食家6人以上才點。 脂肪及肉的比例大概是1:2， 炆得好焾， 入口即溶 醬汁味道恰到好處，甜酸醋味得宜， 如果有少少花生伴碟就不得了！!說真的， 相比之下， $198一個元蹄， 確實抵食，起碼真係自己係屋企整唔到。總結: 此店確實值得一去， 價錢雖小貴，前菜粉麵飯份量亦不算多， 每份2-3人食用， 但勝在口味清淡， 家中若有老有少， 都是不錯的家庭聚會的選擇。…查看更多

Happy friday跟朋友吃完晚飯， 來了甜品工房食糖水。 7點幾經過時， 舖頭得3-4個人; 但到食完飯9點幾， 排籌已經排到出馬路 不過好彩晚飯未落格， 呢度人流又去得快， 等左35-40分鐘就有位喇!今次叫左個冬之戀(由上至下) 曲奇雪糕， 芒果粒， 小丸子， 軟雪糕， 粟米片曲奇雪糕- 質感似雪芭， 冇咁漏，， 但曲奇味唔重， 一心期望佢係雪糕個種creamy口感的我有少少失望 芒果粒- 唔酸， 份量可以接受小丸子- 糯米製品我至愛 份量ok多架，， 大小份量都適中， 但有幾粒煮唔透， 好硬軟雪糕- 滑過麥記新地好多 :) 有2層， 唔錯， 夾埋粟米片一齊食， 好味!粟米片- 佔1/3 杯， 雖然夾埋雪糕一齊， 但冇因此變淋， keep住脆。。。:> 估計用上了家樂氏原味粟米片， 淡淡地。。。 愛甜之人可能會唔鐘意。。。食到咁上下，， 覺得好飽。。。 😂由於用左團購劵，， 60蚊當100蚊用。。。 咁既價錢都係值得等的。。。 但建議一心想來試的食家最好係非繁忙時段(正餐時間)來食， 始終50幾蚊的甜品已經算貴， 如果再花時間等位， 計埋time cost就唔抵食喇。。。…查看更多

公司同事生日，指明要食sift 的 cake... 之前食過佢banana chocolate cupcake,, cake上的chocolate cream甜到冇左朱古力味， 搞到我對sift失去信心。今次見佢menu寫住"signature" chocolate cake,,就俾多次機會佢，， 果然，，冇令我失望 輕輕用叉拮落去，，已經feel到外面個層朱古力好rich...食落口，，不得了。。。件cake用左guanaja 70%... 即係70% cocoa... 甜度苦度恰到好處...件cake入面係chocolate fudge cake 同crunch... 雖然出面層chocolate cremeux 已經好濃朱古力味， 但出奇的冇遮蓋左個fudge cake 陣朱古力味， 加埋d crunch...好有咬口好正!!! 完全係3點3下午茶的好拍檔。。。…查看更多

週末來到元朗閒逛， 一心想來食地道野， 就揀左呢間車仔麵來試。 經過門口見座無虛席， 就膽粗粗行左入去。叫左個細雜油麵 (細雜=咩料都有， 豬皮蘿蔔魚蛋魚肉鳳爪豬紅……) 加一杯涼粉奶茶， 等左3-4 分鐘就有得食 廿幾蚊碗有咁多料的油麵確實好難搵，， 但係呢碗麵毫無質素可言，， 蘿蔔切得太細冇口感，， 鳳爪大腸豬紅普遍都冇咩特別，， 油麵係淋， 一咬就散開， 仲有渣。。。只可以話:一分錢一分貨。。。 如果專登來元朗食野，， 唔需要浪費寶貴quota食呢d...之後來埋杯涼粉冰>>又幾ok 喎，， 奶味算重，， 但又唔係完全蓋過茶味，， 涼粉都有口感，， 煙煙un un...唔會話因為落得太多魚膠粉硬哂。。。 13蚊一大杯，， 都算有良心，， 唔係加勁多冰增加容量個種，， 抵飲過出面d珍珠奶茶啦。。。 如果夏天行元朗行到熱辣辣，， 來呢度飲杯涼粉冰懷舊下都ok ge...…查看更多

Happy friday約了同是東涌線的朋友去葵芳巡舖兼小聚。兩個港島區上班族，放工來到葵芳已是8點幾。為左爭取時間，我地選擇了shopping 完先食晚飯。難得小聚，想搵個地方除左食野之外，都可以坐下傾下計，shopping完8點幾， 就來左葵青劇院旁的牧羊少年。先講環境，餐廳毗鄰葵青劇院， 加添了幾分休雅，同葵廣完全係兩個世界。 餐廳分室外及室內， 室外大部分是4人或6人雅座。 木製枱櫈配合白色的帳篷， 以及柔和的燈光， 感受到有幾分浪漫， 來這裏約會或慶祝紀念日， 感覺一點也不失禮。雖然係星期五， 但出奇地，等左5-10分鐘就有位。我地兩個人， 分別叫左2個小食， 1個主菜， 1個甜品。 自問唔係一般港女咁細食， 但係呢一餐， 食完真係好有實在感， 唔係食左陣風落肚。 小食叫左串燒雞肉及焗西蘭花。串燒雞肉好有驚喜， 皮脆肉嫩， 香口得來又唔會太焦， 本來因為節食緣故想唔食雞皮， 但佢脆到炸子雞咁， 實在難叫人忍口， 都係遲下跑多幾圈減低罪孽。 芝士焗西蘭花亦不錯， 份量正常， 又無話焗得太耐而變淋。內有少量煙肉， 增添香味及層次感。主菜叫左蕃茄海鮮寬麵。 蕃茄味唔會太酸， 海鮮真係有蝦有青口有魚塊， 都算足料， 唔似其他餐廳俾兩舊蟹柳當海鮮。雖然只係6x蚊， 但賣相都絕對唔敷衍， 上面真係會撒左d香草伴碟， 都係忍唔住手，相機食先。同朋友傾左個幾鐘， 一路傾路聞到好香窩夫味， 所以當佢話差唔多last order, 我地又追加左士多啤梨雪糕窩夫。 一上枱， 牛油香撲鼻， 由於是即制， 窩夫的温度已經開始將綠茶雪糕溶化。一碟窩夫有4小塊，面積大約街邊格仔餅咁闊， 厚度大約是街邊的兩倍 *v* 外脆內軟， 上面撒了少許糖霜， 除左使賣相更吸引外， 又增加左層次感。 將雪糕放係上面， 雪糕慢慢地在上面溶化，一冷一熱，層次豐富。隨碟還有草莓醬，忌廉及新鮮草莓， 草莓新鮮且甜，但不是人造， 浸糖水那種甜。抵讚! 按個人口味隨便配搭， 1人兩小塊的窩夫，都略嫌唔夠 奈何，， 本人的quota實在太少了， 還是留待下回encore再吃。。。總括而言， 餐廳坐得舒適， 平民價但食物有水準， 最重要係唔趕人走， 實在係葵芳呢個旺市中， 一個俾人relax的好地方。…查看更多