高師奶的个人专页

今日同高生澳門半天遊。先黎西灣安記飲杯奶茶叉叉電。喜歡佢地既奶茶將奶同一壺茶分開上，自己沖都幾有風味。不過第一杯奶味就會重d，飲左小半杯之後，就將剩低既茶沖埋落去，味道就剛剛好啦!再食左沙丹豬扒燴意粉，豬扒唔會炸到好硬，仲有少少肉汁，d意粉係粗意粉所以腍少少都OK。新裝修好既西灣安記令人坐得舒服d，不過，d冷氣好凍。…查看更多

星期六晚同高生，高媽媽及高妹一行四人食完晚飯行完Jusco，肚裡面尚有空間，當然是甜品時間啦! 天氣炎熱，好自然大家就向住好芝味既方向行啦! 其實早幾個星期高妹已經同我地黎過，已經係一試難忘! 今晚好好彩，唔使等位就有一張四人枱，我地既食物有:高媽媽"熱白果腐竹薏米旦花糖水" - 好滑好香，腐竹煲到溶哂，好似飲緊新鮮甜荳漿但又有白果味，好新鮮，唔似出面一d糖水舖咁翻煲過。高生"楊枝甘露黑珍珠" - 唔太酸又唔太甜，有好足料既芒果肉同西柚肉，果d黑珍珠我地研究究竟係乜野，咬落去好爽口又有一陣黑芝麻香味，呢個係我食過好多糖水舖最足料既楊枝甘露。連一向唔食酸野既高生今次都主動食!高妹"藍梅+青檸雪芭北海道3.6牛乳窩夫" & 我的"香蕉+朱古力雪糕北海道3.6牛乳窩夫" - 嘩!! 一上枱就傳黎一陣香氣，窩夫切落去既時候好脆但又軟軟咁(一d都唔硬!)，青檸雪芭唔係淨係好似普通果d咁好酸好冰，呢個少少酸得黎又甜甜地，好醒神。 朱古力雪糕登時比下去變得普通啦! 一啖脆熱窩夫夾雜住冰冷既雪糕，又冷又熱又酸又甜，真係好似d幻得幻失既愛情感覺! 服務我地既都係幾個年輕男仔，第一次黎既時候我都有少少懷疑，畢竟好幾次試過年輕人服務既食肆都因為其工作態度以至食物口味都令人失望。不過，今次好唔同，樓面及廚房內的三位年輕人都好認真好有heart咁去做野，真係要讚，希望你地會繼續用呢份熱誠去做好呢間甜品屋，唔好一多人幫襯就變得"行"貨啦! :)雖然呢度地方好細，只得四張枱，而且好逼，但沒有令人侷促既感覺，反而坐得親親蜜蜜咁食甜品咪仲sweet囉!! PS. 食左咁多野，埋單都係$75，以此食物質素，絕對超值!! …查看更多

公司最近搬到有線大廈附近，試過兩日落去食lunch，兩次都係食<<雪菜肉絲炆米>>，味道麻，普普通通，不過成三十幾蚊只係包一杯熱飲同一碗例湯就不太實惠，而且這個價錢這個食物質素就一點都不化算。而且兩次食完都好口渴! 相信大家都明點解!同事一天叫了<<星州炒米>>外賣，我試左少少，d味道只有咖哩粉味，奇奇怪怪，連平時對食物口味一點也不挑剔既佢都只係食左兩啖就掉左啦! 之候就係我杯外賣熱奶茶，平時既茶餐廳既外賣杯係用有臘做coating既紙杯，而呢度既外賣杯就係用發泡膠既，問題就係呢d發泡膠外賣杯吸左好多廚房既油煙味，所以每飲一啖都會聞到果陣油煙味! 所以，如果要買外賣熱飲就要另外準備多個杯，倒起黎飲就會避開呢陣油煙味啦!…查看更多

一向都很喜歡試不同品牌的dark chocolate truffle，但令我特別愛常常心思思想吃的始終是Jean Paul Hevin的。它不像Godiva及Leonaidas 般甜，又沒有La Maison du Chocolat 般嗆喉。Jean Paul Hevin的一咬下去，軟軟的口感，那股可可的香氣即時湧出，吞下truffle後，口來仍是留有淡淡的甘香~~ 絕對是我的最愛Truffle!近日再買了一盒Small Size的Truffle，發現他們把圓盒改為方盒，看上去盒好像細了，問sales是不是仍是一盒10粒，她說是 :) 我就告訴她盒轉了好啊，因為以前的圓盒盒蓋不是蓋得很牢的，現在方盒改善了很多!不過，如果夏天買了不是即時吃的就要小心，我曾經一次大熱天時買了一盒，已經用冰包包著，可惜那天太熱又很久才回到家，所以溶了:( 所以，最好當然是買來即時品嚐，又或是差不多回家時才買吧，因為在炎熱的天氣下，冰包也很快溶掉的。…查看更多

今晚原本打算同老公食沙田既星期二Pizza，可惜只得室外位，唯有轉移陣地至新城市廣場。見到iThai好多人等位，肚餓得黎又想想地食Pasta同Pizza於是就揀Tutto啦。入到去，waiter比左三張枱我地揀，我地揀左靠近一個car位既二人枱，初時car位無人坐，但後來黎左一班人，當個女仔坐落去時，我地成張枱都震左一震，每次當個女仔埃前埃後時，張枱又震，真係坐得好不安，所以最後都要轉枱。:(是晚，我地叫左一個二人套餐:本來係雜菜湯，但我地加左$8每人都轉左龍蝦湯：先黎兩個芝麻餐包+牛油，但只係比左一把刀(仲唔係牛油刀喎!)，雖然係兩公婆食飯啫，但都唔使只比一把刀都我地用掛，乜d刀好矜貴嗎? 個芝麻餐包都不過不失啦。龍蝦湯就差d啦，好鹹，好此"畢"左最底果d出黎比我地咁。湯都未飲完就上個廚師沙律，張枱都無位放! 沙律都有不種類既火腿，煙三文魚同菜。個salad dressing都係鹹左d，比較好食d係果粒蕃茄仔!夏威夷Pizza - size都好大個，不過個餅底雖然係薄底，但係一d都唔脆，仲"林林"地，係個邊脆少少，上面d火腿，菠蘿同芝士都唔太多，個醬d味又奇奇怪怪，總之就唔好食啦。白汁露筍煙三文魚扁意粉 - d扁意粉煮得好硬，煙三文魚好鹹仲有少少腥味，反而唔係主角既紅椒絲好鮮甜。餐飲叫左兩杯凍檸茶一杯少冰。但"正常"果杯d茶好少，真係得d冰水味。而少冰果杯仲要支飲管屈果邊放左落杯野度，唉..... 出面是但搵間食肆都無一d咁差既凍檸茶!值得一提既係果度d侍應服務態度，全部都係年輕人，但全部做野都無heart無禮貎! 無人會同你講"請問......" "唔該" "多謝"，只係問"要唔要?"，其中有一個帶黑膠眼鏡的年輕男侍應係全場最無帶個心返工，因為食食下，老公捧住隻食完既碟希望佢拎走，望住佢叫佢好耐佢先用一個好唔願意既態度拎走；老公之後望住佢示意叫埋單，但佢望住老公然後轉面扮睇唔到!! 以此等食物同服務質素，難怪星期六晚最旺既時間都唔使等位啦! 今晚埋單$346 (完全唔值)，但多謝今晚既晚飯經歷令我有動力上黎Open Rice寫第一篇食評。…查看更多