FishHarri的个人专页

經Mira e-shop 購買假日brunch 每位＄328。menu 見有好多食物，可惜未必款款出色。炸豆腐&蝦多士剛出爐，好味。冬蔭功湯的蝦肉會溶響口(梅的), 蟹肉羹不錯:)。小食可追加：豬頸肉和炒肉碎，肉質比較乾:(。最差的食物是：沙爹(牛＆雞串燒)：非常乾，像華園牛肉乾，整碟（共8串）浪費了。炒菜，炸鷄翼，正常發揮。生蝦，一上枱已見冰已溶，生蝦浸於凍水內，好可惜。其他未提到的（無骨鳳爪&青醬鮑魚），就是不用一提了主菜選了咖哩牛肉和蛋黃蝦碌（二人出席,每人選一款），咖哩是甜的（奇怪），蝦的肉質正常。已經很飽/“漏”，亦不值得再追加小食。最好吃是椰子雪糕（可惜冇得encore)。總結：不會再試（4/10)。…查看更多

經酒店 e-shop訂購 原價$468 for 2, 特價$421.2 for 2, 芒果做主題，價錢抵，味道尚可（一般），包一杯紅/白/氣泡酒或芒果椰奶沙冰(可選其一)，及每人選一款茶飲/咖啡/或茶(可選其一），用WG 茶包，推介"蝴蝶夫人 (green tea)。惜當日不夠職員，落 order 比較難。地點好近炮台山站，方便。環境舒適，惜冷氣不太足夠。總括性價比評分：68/100…查看更多

見門口排長龍（十多人），改用QR code 點餐自取。去到攞餐時見冇人排，想問下能否轉外賣，我show 個QR code 問收銀處戴眼鏡身型稍胖之負責人，" 請問呢個no. 如果未整我想轉堂食" ，負責人二話不說就話："你想堂食就排隊唔好諗住打尖" :(…我根本冇呢個意思！！！跟住想問下另一阿姐呢個no. 整好未……佢竟然關埋度玻璃門！！！後來趁另一年輕女員工遞外賣比門口另一人，我先有機會問下我個no. 做好未。氣結，呢度員工真巴閉！…查看更多

新城市廣場7/F 新開泰式火鍋見噤早未有人流，搵新野試下。叫左個一人餐$98 （11am - 5pm供應），免費一碟泰式蝦片（普通脆）必收$15 醬料費（三款味道）>>> 海報已註明，好均真！:)真實上菜見到嘅食物同宣傳海報好符合。自選項目：我揀左冬蔭功湯底，飲完唔頸渴。牛板腱四片，肉質不錯，有啲厚度。手打烏冬，似上海粗麫。指定項目：三款菜，兩片肉腸，一隻冬菇（冇咩味），金菇，兩片蕃茄，兩件蜂巢豆腐，一件粟米（開二）自選飲品：泰國象牌梳打水（不用加$）職員態度：有禮貌地方環境：清潔，新淨因為我早上11：35就入座，非常靜總結：值得試！…查看更多

用open rice book左枱，諗住free flow 紅白酒，當日冇人打黎confirm 不特止，去到話冇同佢book定任飲喎，其實佢響FB做宣傳，都冇講呢啲細節。問佢有乜野酒揀，待應個friend (根本唔似待應）話唔知………後來有個疑似男待應埋黎，話只得白酒一款揀…………如果噤叫free flow...... 不如取消左佢算。結果係噤以叫左支啤酒飲左就走………仲要唔凍………酒吧黎咖？！？！其實係咪樓上cafe黎咖！？…查看更多

侍應好多，遇兩個，兩個唔得！今日唔講野食……翻新街市新式裝修職員有整齊制服，有人帶位入座，以為唔洗再食大家樂。今日有32度，入座後心知不妙…唔夠冷氣嘅？隔離哥響度撥扇，我最終成身汗。一坐低放低杯水，我以為上手飲淨……因為得一啖。侍應放低食物，成張枱得我一個，做乜放對面？？我飲唔哂杯熱啡因為好熱（個咖啡亦都好苦），收呢個價，可以做得好少少，我下次食番大家樂，貼地啲！……都係忍唔住講，個鮮茄通，大xx好食啲！…查看更多

星期五6.30 等到7.30pm 先有得入座，真係墟冚！企門口嘅男職員可能唔夠精神，用手勢叫我自助攞飛（我自動報告我冇book 到位）裝修好有日本料理feel, 主要係bar 枱，食物種類好多，有壽司，卷物，關西燒，串燒，日式‘小炒’，烏冬等等。好奇怪叫左串燒好快就上枱，但係唔會好熱（唔通一早整熟只係用火槍燒下表面？），我叫左個小蜆麵豉湯，我想用羹飲，問待應攞羹，佢覺得好奇怪點解我要攞羹，話‘通常啲人唔用羹就噤飲’，其實攞一樣餐具，比個自由我好嗎？手卷旁嘅酸薑，我未食哂就收左（好在問第二位女待應佢願意攞過比我），個氣氛有啲似打仗。。。。上菜好快，收碟都快，因為限住1.5小時交枱:(我叫左關西燒（$98選左三品），燒牛舌（表夠脆，內淋，牛味不太濃），燒豚肉露筍卷，豆角炒牛柳（有啲咸），蟹肉牛油果手卷（普通啦），Sunset 特飲（明白＄48係唔會落太多燒酌的），巨峰soda （幾好味）。總括黎講，非集團式嘅日式食肆（共兩間分店），‘一杯’係可以再encore，只要非繁忙時間黎嘆下，係好味嘅！…查看更多

經open rice 訂了7.30pm 枱，7pm 已到，待應對於那‘水蛇春’噤長嘅訂枱list 好疑惑（最後open rice 冇tick到我出席個booking）。同埋我響remarks 度打左‘朋友生日’，原來係根本冇意義嘅。收銀姐姐係nice 嘅，枱與枱之間距離係近嘅:(。三文魚沙律啲蔬菜幾新鮮，芝士焗蠔ok 喎。蟹餅係凍嘅，排包好脆，不過唔夠芝士。安格斯西冷牛做到medium rare , 但嗰個‘羊後膝’。。。。。好似食棉花糖噤淋，仲有個焗大蘑菇（其實兩吋直徑）都尚算creamy （入面加左蛋黃）總括黎講，下次我只會主打再試下食牛！…查看更多

做唔掂！買三個‘菜肉包’兩凍一熱，等左十分鐘，發現漏單，遲來先上岸，有人發忟憎，我都埋去催促，結果，我個熱包係暖嘅，換過一個。。。。都係暖嘅。。。。今日氣溫得八度！！！！相反，新港城街市呢間效率高！啲包讚！好熱！！！…查看更多

晚上六點半，七成滿座，有湯飯同米線。試左米粉小辣（有河粉，米線揀咖），餸都有廿幾款揀，我試左三樣好獨特嘅餸包括魚腩，牛肉餅同勝瓜！勝瓜渌到八成熟，好爽口呀！魚腩大約三四塊“薄片”，食唔到有幾新鮮，最有趣係三粒牛肉餅，好彈牙，似牛丸嘅質感！三餸＄38，女士食都夠飽嘅！總括黎講，可以再黎…查看更多

大約下午三點半到，要等十零二十分鐘啦，入到去，樓底係高，但冷氣唔夠，一路食麵一路流汗:(叫左三個下午茶餐：牛肉麵，豬手麵，奶油吐司。。。。牛肉麵湯底夠色不夠味，粗麵較硬唔彈牙，攪到我都唔想食哂個麵，牛肉ok 淋咖。。。豬手麵個湯底反而不錯，但豬手做得不夠色水，炆得唔夠耐，個幼麵中規中矩！最好係奶油吐司，面層烘得好脆口，厚多士夠鬆軟敗筆係隨餐附送飲品，我揀左冬瓜水，但用左幼身飲管，根本篤唔落個杯嘅膠面應該食過呢次之後，可以等佢再進步我先再去光顧！…查看更多

閒日八點半到，坐左有三圍人（一半滿），最驚喜有駐場歌手自彈自唱到十點。先叫左個蘑菇湯，好creamy好滑身。然後食‘塔塔蜆’，尚算新鮮，好大隻！再黎大蘑菇沙律，以為係沙律夾雜蘑菇，出奇地沙律只係配菜，大蘑菇頂頭放滿洋葱焗，個菇好juicy! 再食出名嘅豆豉豬肶意大利飯，真係唔錯，豬肶夠淋夠香，個飯最好乾身少少就冇得頂了！忍唔住叫多塊豬鞍扒，有啲失望，醃得太咸，冇哂肉味，個面煎得唔夠脆。食到好飽！埋單＄800…查看更多

閒日晚上六點半到，不用等位。舖位好細但都尚算好坐。叫左兩個拉面，湯底係好味嘅，最出色係件叉燒，好淋！份量比較適合女士。叫多個芥末汁餃子，個汁唔錯好醒胃，又唔會煎到‘’肥淋淋‘’可再幫襯嘅小店！…查看更多

星期六下午七點到，不用等位，舖內有五六人。職員會介紹各款烏冬（第一次幫襯），又有menu 詳細介紹（種類唔多，專心做好手打烏冬）。於是選了蛋撈粗烏冬拼雞肶。粗烏冬係有咬口的，不過若擺放七味粉響枱面比客用會更好。雞肶似用鹵嘅方法（不要期望太高），成個餐份量係好足夠的！味道係可以的，下次要試埋幼烏冬睇下彈唔彈牙，同其他種類嘅‘湯底’先！係可以再幫襯的！…查看更多

閒日十二點九到冇book 位，等左一陣，店員好有禮貌邀請坐住bar 枱等，又俾兩杯水！叫左份豬鞍set lunch 有湯（蘑菇湯，唔係creamy 嗰種），沙律（菜算新鮮），遺憾係豬鞍唔juicy, 比個好咸嘅梅汁蓋哂啲肉味了！個all day breakfast 味道係一般，炒蛋唔夠滑，小牛角包唔夠脆。。。+＄15炸薯條配黑松露沙律醬就唔錯，即炸又乾身！honey coffee 冇乜驚起，iced latte 不錯！！總括黎講，呢度嘅環境同服務，黎飲下coffee 係唔錯嘅！…查看更多