Yankee Wazowski的個人專頁

預早先電話book枱，walk in 比較難有位位置有d難搵，觀塘B1出口直行第二個街口左轉，經過The Wave，行前少少，抬頭望見到白底紅字“美興工業大廈B座“入口，要上一樓停車場，先通到去A座泰式奶茶幾大杯，有香味，奶味，但泰式會偏甜。怕甜朋友請少甜雞肉沙嗲串燒好味，每串都係啖啖肉，冇乜肥，燒得幾好個汁都夠多，可以再濃dd分享之選：小食拼盤蝦餅彈牙大件，魚餅厚身，春卷香脆好抵食黃咖哩牛腩 加 烤薄餅好多牛腩，蚊得好淋洋蔥吸引左咖哩汁好正，仲有薯仔個薄餅焗到漲起，送汁食好好味…查看更多

環境幾好，坐得舒服但偏貴，而且性價比偏低叫左set dinner 2份，都要700左右埋單頭盤：黑椒吞拿魚三文魚籽最好食係頭盤，黑椒味好濃夠辣夠香，魚籽增鮮，點上碟一點點不同的醬汁，會有唔同風味然後有周打蜆湯餐湯，都ok幾creamy，配左兩個牛角包仔進入個碟大，食物少嘅環節li個冇乜特別烤牛肉，五成熟失望係比較韌，明明已經係最貴個set，牛味唔算好出，醬汁同燒豬個汁一樣，配料都一樣，係d炒菇，加舊蕃薯溶，調味都一樣豬排就真係唔太好食，好硬好乾身最後甜品好翻d，好味d結論係佢喺區內相同餐廳相比，較貴，而且熟食質素都一般，係環境好，人少，坐得闊d。可能飲酒食生蠔嘅體驗會好過食set dinner…查看更多

1月尾嗰陣好急趕想book個高級high tea慶祝長輩生日好多餐廳一個月前已full打去Tiffin已爆，但reception好好，我夜晚10點打去，佢話君逸咖啡廳都可以serve一樣嘅tea set，同樣價錢，所以即刻book左，有得食就好嘅心態去到灣仔，餐廳喺酒店地下大堂左邊，水池樓梯後面坐底後叫左一人一份tea set先來沙律千島醬蝦沙律，幾開胃，蝦幾新鮮港女tea set全照每人有一隻芝士牛角包，芝士好多，食左已半飽美中不足係個包係凍嘅，如果焗翻熱同脆，更有酒店水準頂層：精緻甜品，全部都比較甜紫色：最好食，係芝士蛋糕加cherry醬朱古力：好食，但好甜紅色：玫瑰味，有花香，好食，內有mousse同海綿蛋糕黃色：有白朱古力，好甜中層：鹹點，ok，冇特別覺得邊樣好好食黑色：最好食底：每人2舊scone，檸檬味幾香同幾鬆，但好飽肚，食唔哂，改賣帶走左飲品，覺得叫茶抵d，大壺d可以加水，因為太甜，好想飲水我叫左杯熱朱古力，係個錯誤，甜上加甜另外可出去拎自助甜品：Macaroons 勁甜松露朱古力 勁甜好濃好重口味椰子雪糕 好食雲呢拿雪糕 好食，冇得輸奶茶雪糕 大大伏，苦澀水果，waffle冇食，太飽服務：電話booking好好reception，落單嘅人都正常但送餐/serve table嘅人呢，我嗰日就冇咩服務，好多都要自己主動request，包括要杯水都要問兩次先有，俾茶又漏左俾杯性價比一般，都唔平，如只係想影相chill下，可以2人share一個tea set比較抵玩…查看更多

寶琳慧安園商場嘅一間小店只有2張枱，位於商場樓上一角，十分隱秘但也喜歡，人少少，如包場一樣，安靜舒適環境十分清雅，有好多花裝飾擺設木元素加上陽光，小窗簾，很有舒適感覺我地食左兩款意粉，加椰汁紅豆冰每款都係老闆娘即叫即整蒜片蝦炒意粉蒜味好濃，蝦也爽口意粉軟硬適中，幾好食，也好夠飽價錢好抵，四十幾蚊忌廉吞拿魚意粉好香香草味，配吞拿魚醉，好好味忌廉汁都好夠，上哂意粉度，味道好都係勁抵椰汁紅豆冰當日推介，只係十蚊我地坐在牆邊，欣賞下餐牌…查看更多

新都城新開的熊小館，來試下味餐湯： 忌廉湯，正常茶餐廳嗰種有一小塊多士附近冇餐廳整千層麵，所以貪新鮮試下商場本身經濟d嘅西餐廳都少左上枱時多熱，即焗勁多醬，麵幾軟，一層肉一層芝士汁勁肥，食左一半開始飽，但如果鐘意食肥嘢，有芝士/白汁味嘢，會滿足到有蕃茄醬味，肉都好多，一層層老公叫左lunch set，上面嘅餐湯多士就係跟餐的白茵汁牛扒配薯菜薯條都幾熱同脆，牛扒就正常啦有個侍應都好細心咁主動俾茄汁我地環境係咁嘅，都幾多卡位唔太貴，又坐得好少少熊仔公仔都好多衞生d我就冇亂摸了，只係影相門口有隻好大埋單…查看更多

又WFH，多左幫襯車仔麵外賣自取有折，用QR code落單，減少左毒L的心理壓力強烈推薦：香菇素湯 湯底好好飲，有好多菇碎喺底，味道濃郁，清得來好有翻屋企飲湯嘅感覺已經食過好多次，覺得好食嘅送有：麻辣腩肉好似肥牛咁簿又香辣牛腩有筋又有肉，煮得夠淋入味魷魚男人次次都點司華力腸唔係周圍有，大大條蘿蔔好味辣豬肉/ 韭菜餃子雖然得2隻，但有餃子食係開心d麻辣醬，菜脯都好食我鐘意食米粉，男人愛揀粗麵除左粉麵應，佢有得揀菜底，生菜通菜韭菜，生酮飲食/ 減肥嘅美女都好岩食…查看更多

成個月之前去嘅，喺康城好新，環境也舒服，服務唔錯叫左經典4人餐，加埋一，預算一千多黑松露溏心蛋正，好食，跟餐叫抵d有松露香，蛋又半熟，好想食多舊小籠包皮好簿，餡多汁，味道好，記得趁熱食夾d薑絲醋汁就好好食，飲埋d肉汁烤鴨，重點鴨皮脆，皮下肥嫩多汁，肉不會很多這個份量4個人食都好夠配上蒜蓉， 蔥段 ，烤鴨醬，青瓜 ，好食到不得了另外包鴨嘅粉皮好煙韌，每塊都有紙隔開去保持濕度，亦不會痴埋一堆，容易分食隔離有煲雲吞金華火腿煲雞湯個湯好好飲，金華火腿嘅味道，仲有雞嘅精華都喺哂度，仲有好大件雞喺入面d雲吞好大，如果易飽，就留翻個肚食左其他嘢先囉宮保蝦球 最好食亦最驚喜嘅一碟蝦球大大粒，蝦肉炸得香脆，個甜酸醬汁有少少辣，而且好上汁，超好食啊翡翠班塊魚塊份量不少，魚肉都處理得幾好，不腥也沒有散開，有露筍有薑片，都好味，但相比套餐內其他食物，佢會比較清淡酲醋小排骨li個喺個套餐度最麻麻地嘅菜式，d排骨係太淋口感有d怪，味道唔太突出，而且好快凍食左咁多重口味嘢，碟菜好重要，中和下菜都唔錯，仲可以食粒粒炸蒜子整體都好好，坐得舒適，服務員快手醒目又有口罩套，消毒濕紙巾供應…查看更多

平日下午約3點到來人超多，坐室內要等位冇人喺前面，店員都堅持要叫哂所有飛嘅號碼叫幾次先俾你入的，要慢慢等隨了話你知坐邊張枱，所有嘢都係客人自助的。酒店價錢，服務就追不上了，個人覺得服務質素拉低哂成個體驗:(Pink Smoothie 好味，顏色幾靚飲到真材實料，也飲到豆奶味，但好細杯抹茶蛋糕，如網上好評一樣，幾好食，好多cream，蛋糕鬆軟，甜味和茶味平衡，恰到好處Blueberry banana crumb cake都好食香甜而鬆脆Apple juice最唔抵，舊冰大到填滿隻杯，飲唔到幾多啖食物：好滿意，係好食價錢：好貴，酒店level服務：近乎零，乜都self service，咁嘅價錢，對比好多小店cafe，服務質素係佢最扣分嘅地方環境：海邊位置本來好正，餐廳環境都靚，不過人一多就冇哂感覺了，唔會chill，室內的枱擺得好近好迫位置：海邊靚，但地鐵站行到去就幾遠…查看更多

路痴指引：黃大仙站E出口 (一出站，調頭，向山上行，近消防局)li間真係好食，幾年前會每星期揸車一家人去食，自從親戚搬左，就好耐冇來了米粉：好滑，順口，浸得夠軟，吸湯力高好好味湯：加沙嗲汁，牛腩汁，會好好食的麻辣醬：超級香辣，麻味出，怕辣者可淺嘗，不會後悔，係令成碗麵upgrade 嘅必加辣醬，每張枱上面都有4個送連凍飲：$45 好經濟牛肚：好鐘意佢整得爽口d，個味好好，雖然唔係好貴嗰隻金錢肚，但係係佢特有嘅風味，次次都食豬紅：滑得來唔削，唔會腥，有味水餃：好食，有兩隻，可以揀韭菜餡，椰菜餡各一咁食酸齋：細心之選，會分碟仔另上，酸味適中，溫度唔會凍冰冰，亦唔會油佢仲有樣好，好衞生方便，每個人客都有個膠盤托住食物同飲品，好細心…查看更多

深水埗近中電後面，有li間環境幾好，食物又唔錯嘅西餐廳炙燒吞拿魚沙律幾好味，材料豐富，好多菜，有藜麥，紅羅白，蛋，菜欣賞佢有沙律嘅選擇，可以揀得fresh d light d 另一個係和牛漢堡好juicy嘅牛，牛味濃個包好大好厚身仲有d黑松露醬汁提香午餐兩個人食，加埋$160…查看更多

中秋節又到，想食下月餅，可以到深水埗生隆餅家喺北河街四黃白蓮蓉月餅有四個蛋黃，好正，每啖都又甜又香蛋黃有鹹香味，圓碌碌仲有豬油香味，好邪惡，但好食每個獨立包裝，盒底有防潮珠買左一個雙黃黃蓮蓉一個雙黃白蓮蓉一個單黃五仁兩個四黃白蓮蓉我唔需要鐵盒，全單減十蚊事前冇訂到，好在星期日walk-in買都有貨…查看更多

星期一晚上來到，選擇了望窗的位置人不多，十分舒適有差電位，很乾淨，溫暖的木系M6 三文魚籽和風蜆肉意粉味道不錯，蜆肉和三文魚籽都很多不過意粉份量唔會好多，食量大的話要加點小食M2 明太子鮮蝦意粉蝦都有幾隻，味道幾香可以自助去拎Tabasco, pepper, cheese 粉蜜桃奶酪強烈推介，比較少地方有賣而且味道很好有奶香奶味，質地好滑，同時有桃肉粒和桃香，清甜，飲完仲會有飽肚感跟餐叫可補差價餐牌要到旁邊正門進入環境清幽…查看更多

星期日中午來到，好多人排隊走廊好熱…排隊等左30分鐘，隔住口罩焗到頭暈…建議有人走就快少少俾人入去等…見到有人走，但仲係等好耐都冇得入食物present得幾靚，環境影相都靚，好文青，影相最好但味道好一般，咖哩汁暖的，唔夠熱…份量就好夠大份意粉係正常應有嘅水準三文魚同黑松露份量都好多上菜好快杯Mocha好好飲，好香，唔甜但服務態度唔係咁好食物5分鐘就到齊了，但係杯Mocha等左30分鐘都未到，意粉都食左一半，因為知道有限時問左一位咁岩行過嘅女職員，想睇下有冇漏單，佢嘅回應係："整緊架啦你等下啦"然後我地d碟好快趕住俾人收左…服務態度咁樣需要改善…行勁遠來到…價錢唔係平……查看更多

街坊先會知道嘅景林炒麵佬晚上漆黑中嘅角落發出溫暖嘅光沿住d光就會搵到嘢食醫肚有炒麵有小食外賣翻屋企慢慢食我地叫左雞排，鴨胸同蟹柳炒麵三十幾蚊好多麵，食到好飽仲有其他料，例如晚餐肉，腸仔，火腿仲有個雜錦炒麵like左佢fb免費可以揀多個送通常會幫襯埋隔離嘅串燒，都好食價錢好抵食仲有d芽菜蔥條配料，味道可以要辣，食落有d豉油味，似乾炒牛河嗰隻味，不過唔會油淋淋小食食過炸雞軟骨份量有大細揀唔洗等好耐就整好，好衞生…查看更多

經常放工後來買酸麻辣涼拌粉皮外賣做晚餐 (要夠早收工，佢7pm左右就關門)又平又好食，三四十蚊搞掂俾多幾蚊加大，會正d酸麻辣汁一試愛上冇再試其他味…夏天食好正粉皮夠軟滑，透身，質地好好食過出面一d比較粉同硬的，佢嗰隻粉好食d配料好多，食到粒粒芝麻，花椒粒，辣椒粒，芫荽，蒜汁，青瓜絲辣有分大中小BB辣，本人小辣已經不行了…食到後面辣度會加強，辣味持久…佢嘅麻辣汁完全唔油膩，食到底唔會見到一層紅油膠住個嘴，辣得來係爽嘅好食又平，即叫即撈，所以要等配料：雞絲(推介)蟹柳(好食)…查看更多