Lambeth的个人专页

食物味道一般,只係勝在夠大碟,係體力勞動工人既份量,飲品就有返小小茶餐廳水準,樓面女工都幾有性格,但係我地熟口熟面就有講有笑,見到佢地對某些客都會唔係幾禮貌精選午餐每日五款,有時五款都唔岩胃口,就會叫個鮮茄牛肉飯總括唔好有太大期望,純粹充飢…查看更多

側魚涌區食午餐又便宜又抵食既選擇唔多,一大班人食飯提議去呢間又冇人反對既呢度係其中一間,特別推介係佢地既海南雞飯,送湯或菜蜜,凍飲唔加錢,起晒骨,食過好多間價錢同味道都係呢間嬴,偶爾冇油飯跟,跟白飯都唔會有怨言,老闆同老闆娘都係泰國人,每次去都會微笑點頭打招乎,只係出出入入會有小小寸步難行感覺,整體黎講都係食得開心…查看更多

老婆生日,行過唔駛等位就衝左入去我地叫左一個set dinner$368,再加個脆豬手$168頭盆係三隻蠔,一隻美國,一隻愛爾蘭,一隻澳洲,鮮跟住煙三文魚沙律,我老婆唔食三文魚,我食晒,其他我老板搞掂,呢個得湯係龍蝦湯,足料,夠味,掂主菜係美國1855牛仔扒,medium,正再加個豬手,有水準甜品心太軟,佢再跟個dryers雪糕出黎裝修可能因為新開所以好靚,地方唔太大,但係每張台都好大,坐得舒服,有門口食煙位,但係唔見議坐,車流量都幾多,會食塵價錢係一般西餐價,呢個價錢有呢個質素係抵,corkage收兩舊不如係佢度order佢地比較主打海鮮同蠔,如果要order wine,會見議chablis或sauvignon blanc,冇記錯錯個wine list好似係$3xx下次再去會試下海鮮盆,呢次因為個身有支紅酒,所以冇乜食海鮮最主要係老婆生日佢食得好滿意好開心…查看更多

一行四人雖然等位時間係零分鐘,但係點完菜就要等上四十分鐘,菜式如下:小籠包兩籠鍋貼兩客火腿津白蝦仁煨麵嫩雞煨麵叉子燒餅清炒蝦仁先來叉子燒餅,又幾好食喎,幾香,跟住到火腿津白,不過不失,接下來兩個麵一齊到,好明顯係浸左好耐,麵條係碎既,應該係放左係廚房好耐冇人送餐,再來係鍋貼,得個暖字,攤到凍晒,得返小籠包同清炒蝦仁未到,等得唔耐煩,然後同個侍應講取消個清炒蝦仁,繼續等個小籠包,等多十分鐘最後到左,幸好係熱既,好可惜肉餡係"鞋"既,仲要係好"鞋"!我都相信價錢同質素係成正比,但係呢個水準真係交唔到貨,唔緊要,最多冇下次,諗住結賬走人都要出錯多兩次,第一錯,張單仲計埋個清炒蝦仁,第二錯,幫我結賬個女人話:"我地近排冇做清炒蝦仁,點解會寫落去架?"問返我轉頭?錯在落單個位侍應,近排冇做,即係唔係第一日冇做都竟然唔知照幫我落單,勁!!…查看更多

每朝都呢度買早餐,十二蚊包一杯熱飲,一D都唔貴,直頭係平,又快手,有時八點半前冇咁多人唔駛排隊,叫野食俾錢右埋取貨都唔駛一分鐘選擇有雙拼三文治,點心,檽米雞或者腸粉腸粉落調味料永冇手軟不設堂食,不設送外賣服務…查看更多

個名係茶餐廳,其實係快餐店,茶餐廳有少粉麵飯,佢冇有著制服員工做野快手正路,唯獨一個冇著制服戴眼鏡阿姐落單好慢兼冇記性,欠缺茶餐廳侍應既專業,仲要鬧人店舖唔覺有煙,但係次次食完都成身油煙味,陣味仲要好耐都唔散最突出既係塊雞扒,炸得好夠脆皮,凍檸賓只係加凍飲錢,冇開天殺價其他食物一般,整體黎講已經做得好過上一手好多…查看更多

佢唔憂做,冇訂位冇得食,訂左位電話落埋菜一坐低就有得食經常一行人都有十二,三人做節食午飯雞要預早打電話訂另外仲有乞衣雞,個缽細細,但係裝到好多雞,推介有椒鹽豬扒,椒鹽鮮魷,鹹蛋蒸肉餅,糖醋魚,京都骨,金銀蛋時疏,啫啫雞煲,羊腩煲,介蘭牛肉白飯任裝,老闆都幾囂張,但係感覺冇咩惡意,只係冇咩親切感,呢個可能係老飯店特色次次都係平均每人五六十蚊,抵過去飲茶…查看更多

係呢區工作,所以平均一星期都有一日黎呢度食飯係比較硬,但係撇除呢樣野,味道都可以獅子頭舊肉會比其他上海菜館細涼瓜比較爽口(可能唔夠熟),但勝在夠苦(本人喜歡冇飛水)滑蛋蝦仁如果用平常午餐角度來看尚可擔擔麵個湯幾足料仲有D特價飯天天新款以為食宧唔夠飽,但係原來都幾夠份量客飯午餐$31包餐飲,豆漿(冷或熱),生渣茶(冷)或菊花雪梨茶(冷)菊花雪梨茶冇乜雪梨味,但係都喜歡天氣最凍個幾日所以餐飲都有熱阿姐招乎幾好,可能見得我地多所以都就更加好傾…查看更多

冇寫用餐日期,因為一星期有4日都會去買佢,冇寫慶祝紀念,因為只係充饑,第一次去呢度並唔係買麵包,而係買油炸鬼,佢又炸得脆D,又大條D,又賣得平過粥檔5毫子,佢仲有鹹煎餅,牛脷酥同煎堆,麵包鋪做埋粥檔野仲要好食過人~~~勁!!另外有蒸曼頭,都幾好食,好似兩蚊一個麵包貨如輪轉,經常出爐,多人買自然新鮮,菠蘿包個半,甜餐包個半,腸仔包兩個半,沙翁都好食,不過唔記得幾多錢炸牛肉包就麻麻地,呢個我就寧願俾多小小錢去第二間買麵包價錢平,相對體積亦會略小,但未至於迷理注意既係輔幣問題,佢地D包好多都要五毫子尾,但係佢地唔收一,二毫,一係就準備定一個五毫,一係就等佢找五毫…查看更多

專程去看水舞間匯演,五時開埸,六時半完畢,看完逛了一會找地方吃晚飯,看到這間有火鍋或鐵板燒烤,而且價錢于算貴,所以就去試一試.四個價目選擇,$138,$158,$178,$288$138是海鮮,有3隻蝦,一隻小蟹,3隻青口,兩隻花甲,3粒帶子,4~5件三文魚,小量金菇和兩隻菇$158是肥牛雞排羊肉豬排小量金菇和兩隻菇$178是$138+$158的混合體,但調較到一個人的份量$288是和牛,羊架和肉類(詳細不太記得)每份一配一碗白飯是日我們兩人點了一份$138和一份$158和兩杯生啤,埋單$410環境幽美,池畔晚餐,有小許雨粉,幸好有超級大傘提供…查看更多

服務惡劣,食物糟糕,簡簡單單既菜式都要等左半個鐘先到第一味,之後到左條魚仲要蒸唔熟,佢拿返入廚房再整,再出黎既時候佢聲稱"走油",但係條魚就俾佢地整到太老,好"鞋",家常便飯基本野都做到咁,連火鍋佢都有人彈我真係唔敢再去,同區大把選擇,我真係唔會再揀佢…查看更多

今晚叫左兩個鐵板餐,一個鐵板牛舌飯,一個鐵板肉眼扒飯5成熟,不過不失兩個都可以用優惠價$16.8叫多個租品,個燒蕃薯雪糕真係正,真正期待既原來係個甜品服務都幾好,有任何要求都會"冇問題"唔知係咪好多鐵板餐既關係,桌面有d油滑既感覺…查看更多

女友生日叫左兩個3courses上菜耐左小小,不過食晚飯我比較鍾意慢慢黎頭盤一個鵝肝同一個沙律兩個人share,兩個都幾好,main course一個rib eye同一個比目魚扒個rib eye好好食,比目魚扒我冇食到,但係女友話好好食甜品一個心太軟同埋芝士雪糕(唔記得左叫咩名)心太軟我冇食到...因為我唔食朱古力,但係女友話一般芝士雪糕係因為唔記得名,但係記得食落去係一個有芝士味既雪糕,我唔係咁識欣賞開瓶費一百,比同區平一半,有一個靚女酒侍專服侍你加酒,其他人唔會掂環境好似古堡咁,好得意我會再去…查看更多

相識5週年同女友食飯,環境冇得頂,好彩冇book到outdoor,因為好凍,可能係weekday所以有window seat頭盤order左個大海鮮桶,我地兩個都細食,所以食完已經飽左一半main course 我叫左個rib eye,肉既質素幾好,好夠鮮服務態度都好好,只係個wine list要咩酒冇咩酒,最後叫左支bench mark,餐廳價三百幾蚊又幾好喎,plum味都幾重…查看更多