Joey_yip的个人专页

見到一直做緊單點嘅快樂小羊出左套餐，就決定試個套餐抵唔抵食，上到去啲員工好細心咁同我哋介紹，原來個套餐每位238嘅價錢，仲包埋個海鮮拼盤仲要係二人份量，成日個套餐啲份量都幾多架，即使個價錢抵左好多，但個質素都keep到，真係真心推薦…查看更多

今日晏晝突然間想同朋友打邊爐，看見快樂小羊嘅傳單，見到啲折扣幾抵，朋友又講起質素幾好，跟著派傳單個位小姐就話最近新出左個午市套餐好抵食架，我見佢價錢又唔貴，同出面食任食價錢差唔多，所以就同朋友上去試吓，上到去可能因為係晏晝啦，唔係好多人，環境都幾舒服，原本以為會有窗，點知冇，不過都唔會有好大壓迫感，我地就叫左二人自選套餐，落左個麻辣湯，肉方面我地就唔係好識分，所以就問左職員，職員都幾勁係肉嘅肉質同油脂方面都好了解，跟著就推薦我地食太陽卷同埋千層肋卷，其他仲叫左鴨血、毛肚，職員仲介紹話一定要試下個油條，之後見到隔離枱點左個羊架勁香，作為羊嘅愛好者，緊係試吓啦，我地都叫左兩舊試吓，之後我哋就好自然咁出去攞醬料，之後職員就話佢地個湯底係主打，唔洗點醬料，我哋就姑且試下啦，點知又幾好，個羊肉好鮮，個湯底都幾有味，唔重味精，其他配料就正正常常啦，不過個油條點左湯都幾正，個羊架試落啖啖肉又juicy，估唔到打邊爐嘅舖頭都有羊架食，仲要咁正，到最後埋單都係488，同平時出面任食個價錢都係差唔多，質素又高過其他任食邊爐，又咁好食😋下次一定搵埋成班朋友黎試吓。…查看更多