aleeshangxx的個人專頁

週末嚟到黃金海岸嘅 L’Atlantis🌊，整體體驗真係好舒服同驚喜。餐廳位置就係望住海，坐室內有窗望出去，坐露台又可以吹住海風，啱啱撞正日落 🌅，光線慢慢由橙橙紅紅變到夜晚，成個氛圍好chill又浪漫 🕯️。 講返食物 🍴，真係見到佢哋落咗心思： - 阿根廷紅蝦刺身新鮮到啱啱上水咁 🦐，配埋清爽汁料，食落好爽口； - 濃湯超香濃，仲有拉花 ☕，細節位夠晒心機； - 羊架係我成晚嘅⭐，肉質嫩但唔騷，醬汁收得好； - 魚煎到皮脆脆，肉滑到入口即化 🐟，成件事輕盈唔膩。 最欣賞係服務 💁🏻，侍應好有禮貌又唔會「逼住你傾計」，畀到啲空間好慢慢享受，好啱情侶嚟。 整晚氣氛舒服到，食物又有水準，配埋海景，其實真係唔需要太浮誇，已經係一個好perfect嘅約會夜 🍷💕。 📍推介：如果想搵個地方避開市區嘅嘈吵，安靜食餐好嘢，可以試吓L’Atlantis。 …查看更多

前兩日先返嚟香港，就好掛住香港啲嘢食，特別係囍囍小廚嘅水果咕嚕肉，一上碟勁大份，佢真係炸到外脆內軟，炸粉又薄，又唔會過分太多汁，啲水果又多又好夾，撈飯一流，唔係到到都食到咁嘅水準，我一個人淨係食得晒半碟。。。最後仲打包埋。除咗咕嚕肉之外，我仲嗌咗個燉湯，一嚟到嘅時候有啲嚇親，勁多料，仲有兩舊好大舊嘅花膠！溫馨提示，大家嚟之前要book枱，因為我今晚星期五過嚟真係好多人，見到有啲人因為冇book枱而摸門釘走咗🥲…查看更多

大埔開咗間新式大排檔，等我試吓佢咩料先。。。佢哋嘅菜單好豐富，有好多經典嘅茶餐廳招牌菜。我首先叫咗一份菠蘿咕嚕肉，呢個係一道好受歡迎嘅菜式。啲咕嚕肉整得剛剛好，外脆內嫩，配埋醬汁香氣四溢，令人回味無窮🤤🤤除咗咕嚕肉之外，椒鹽瀨尿蝦同埋德國豬手，我都極度推介！識食嘅我梗係唔會食冰鮮瀨尿蝦啦，呢到一食就食得出係用新鮮游水瀨尿蝦，啲肉特別鮮甜，連啲辣椒同埋炸蒜我都拎晒嚟撈飯啊！德國豬手都勁好食，用嚟送啤酒一流，啲皮燒得外脆內軟，一切開，啲肉汁流晒出嚟🤤🤤拍得住我之前喺德國食嘅正宗德國豬手！最後，我要講下呢間大排檔嘅服務。佢哋非常細心地為客人提供服務，即時上菜，確保客人嘅需求得到滿足。搞咩啊？唔係大排檔嚟嘅咩？😋😛…查看更多

每次去葵芳都會去葵涌廣場掃街，但係前嗰幾日就比我發現咗一間新都會廣場好好味嘅韓式炸雞！佢哋嘅包裝仲要好靚添😍蜜糖芥茉炸雞 & Pepper 蛋黃醬炸雞🍗炸雞嘅味道可以Mix 埋一齊，咁就唔使擔心不停食同一隻味會太悶啦！超級推薦蜜糖芥末味，雞肉外脆內超級Juicy，再配埋蜜糖芥茉醬喺面，完全食到停唔到口！辣豬肉拌飯🍚🐷豬肉有少少辣味，就算唔食辣嘅人都應該會食到，配埋大量嘅伴菜撈埋一齊，好味得來又唔係太肥！沙律🥗加$20就可以配一盒沙律，如果大家叫嘅話我建議走醬或少醬料，咁就唔怕會唔健康啦！咁多嘢埋單加埋都係大概$300左右，可以三至四個人食，性價比好高！…查看更多

今日食咗一個好滿足嘅下午茶，食到好飽咁原來係咁幸福😌😌❤️明太子蟹肉意粉🍝 ($138)用料非常豐富，有滿滿既蟹子同超級多蟹肉☺️撈埋creamy既醬，每一啖都係幸福嘅感覺😋辣雞Quinoa 沙律🥗($138)其實雞肉唔算好辣，就算唔係好食得辣嘅都接受到，雞肉有烤過，所以皮特別脆，撈埋有牛油果同Quinoa嘅沙律，食好多都唔會有罪惡感！藍莓芝士凍餅 🍰 (tea set +$38) 非常推薦大家叫埋個甜品，因為真係超！好！食！餅乾底加埋芝士蛋糕，完美嘅組合🤤另外佢每一個tea set 都會包埋一杯嘢飲，我今次就試咗佢嘅紅豆咖啡，唔錯😊…查看更多

竟然有一蚊雞大優惠？😱😱😱前幾日去咗打邊爐，發現只要同台食客人均消費滿$150，就可以一蚊食到餐廳嘅招牌雞煲、椰子雞湯、花膠雞湯、同埋最新出嘅豬骨煲😋😋原本以為係咪一蚊雞煲就會得好少雞，點知食落先發現好足料，食極都食唔晒。今次我就食中辣，真係好惹味啊，食得辣嘅朋友可以試吓大辣👍🏻最後我加咗好多火鍋配料，例如雪花肥牛，蝦滑，脆肉鯇，同埋唔同種類嘅蔬菜，飲咗支大啤酒，埋單兩個人都係五百零蚊，我就覺得性價比好高啦😚順帶一提，脆肉鯇好好味，大家去打邊爐不妨一試喔！…查看更多

前兩日同媽咪去咗大角咀一間小店食串燒，呢間餐廳性價比好高，有全大角咀最平嘅$9一串雞俾肉，而我就最鍾意以下呢幾款串燒啦🤤極尚鹽燒牛舌 $38 🥩呢個一定係必食，因為真係超好食，啲牛舌燒得好軟，牛味非常濃郁，廚師仲要燒到半生熟，建議可以order多幾串😋😋燒生蠔 $38 🦪我同媽咪都覺得好味，日本生蠔加埋蒜蓉一齊燒，食完仲飲晒啲汁添！新疆烤羊肉串🐑加咗孜然粉好有新疆風味，加埋羊肉嘅少少蘇味，如果鍾意食羊嘅朋友一定要試👍🏻…查看更多

俾我搵到元朗一間好味又大份嘅米線🍜🤤涼拌墨魚頭 🐙姐姐極力推介，啲墨魚好爽口，蒜蓉醃過好惹味！麻辣豬耳🐷我嘅最愛，自己一個食咗成碗，啲豬耳好爽，同埋有少少麻辣嘅味道，真係食到唔停口！肥牛小窩米線🍜我加咗蘿蔔同埋豬軟骨，啲蘿蔔超甜勁好食，吸晒湯嘅汁，碗麵同埋啲餸仲要份量好多，食極都食唔晒！豬頸肉小窩米線🍜配炸醬，一樣咁好味，建議食得辣嘅朋友可以試吓中辣，今次試咗小辣覺得真係唔夠爽，等下次都食辣啲先🤤🤤…查看更多

琴日去咗位於荃灣嘅蝦蝦燒食海鮮放題，食足2.5小時😍😍😍估唔到呢度有咁多嘢食，有鮑魚，生蠔，唔同種類嘅海鮮，例如螺、魚、魷魚，非常豐富！肉類嘅選擇都唔少，有串燒、丸、牛扒，燒菠蘿，而家入坐仲要每位都送一串白膳添啊！除咗嘢食之外，嘢飲嘅選擇都好多，我最鍾意荔枝烏龍茶，真係超好飲，甜甜地，好適合女仔飲！拎完嘢食之後就返埋位自己燒啦，仲可以夾流水蝦添，隻隻蝦都勁生猛😍😍一開始夾我都好驚，一夾啲蝦就跳起，我都俾佢嚇到跳起左啊！記得夾完蝦之後要放佢入冰水入面等佢凍暈左先好拎去燒啊！順帶一提，估唔到啲蝦咁多膏，每一隻入面都有一大舊橙色嘅蝦膏，我今次就食咗好多隻蝦，當然啦，要回本啊嘛！最後埋單每位大概$400左右，不過勝在海鮮份量夠多而且又好玩，食嘅時間又長，唔會食個半鐘就趕你走！…查看更多

📍886巷自從搬咗屋之後我就成日都食外賣，因為屋企附近真係冇咩好食，所以今日放咗工就去咗元朗食台灣嘢啦，非常推介以下幾款食物😍😍🤤大腸包小腸 🌭太耐冇去台灣，已經唔記得咗原來大腸包小腸係咁好味，外邊係黐飯，包住一條台灣腸，又多汁，又好味！紅燒牛肉麵 🍜啲牛肉多到暈，食極都仲有，同埋牛肉肥瘦啱啱好，好味道🤤黑金剛豚肉飯🍚超豐富嘅豚肉飯，有勁多配菜，有蛋，豆腐，西蘭花加酸菜。就連啲豚肉都勁多，同埋佢啲醃料好好味，雖然有少少邪惡，不過好好食！食咗咁多嘢，買單都係三百幾蚊，佢啲主食份量好多，男仔都唔怕食唔飽！…查看更多

Dinner with mama in TST 🍴Angus steak 🥩 Very tender and juicy. Medium rare is just right 🤤 could have added a little more salt and pepper thoughMango and prawns salad 🥗 Fresh and healthy. Mum said the mango 🥭 was a little sourTom yum seafood pasta 🍝 My mum’s favourite. Comes with assorted seafood and the Tom Yum base is the highlight of the dish Romantic soufflé 🍷 Very girly and Instagram-able. Could have added more alcohol though Approximately $450 pp …查看更多

前兩日放咗工之後就去咗元朗食一間串燒店，呢度竟然有得食黑色嘅臭豆腐，真係從來未食過，鍾意食豆腐既我又覺得幾唔錯喎👍🏻燒粒粒粟米🌽老闆娘話呢個有別於一般嘅甜粟，會比較煙煙銀銀，食落去比較有咬口，佢仲話仲可以隨客人意願燒脆啲，話有時啲人飲咗酒會鍾意食脆嘅粟米🤤燒蠔🦪非常推介！落咗好多蒜蓉，蠔的鮮味再吸收埋蒜蓉嘅香味，正，我連啲汁都飲晒😍羊肉串🐑好好食，啲孜然粉嘅份量啱啱好，食落去唔會好蘇，但係好惹味，我最喜愛的串燒之一🤤…查看更多

前幾日經過旺角，見到一間餐廳好似Cafe咁，裝修好靚，入去點知有驚喜，原來係食川菜㗎！仲有我最鍾意食嘅水煮魚😍😍另外餐廳在每晚9點30會調校燈光，改變成酒吧形象！水煮魚🐟🐟好正宗嘅味道，撈飯一流，同埋呢個辣嘅程度啱啱好，就算唔係食得好辣嘅人都冇問題。配料仲有萵筍同埋金菇😋豬頸肉串燒🐷燒得好香嘅豬頸肉，外面仲搽咗一層蜜糖，非常推介！雞肉軟骨棒🐣笑得幾惹味，軟骨有咬口翠玉瓜 🥒燒完之後都係好Juicy好好食，非常滿足😌…查看更多

好開心呀! 前嗰幾日淨係諗住同朋友去食餐飯嘅預期下，唔小心去咗間位於旺角嘅貓Cafe🐱🐱我對貓貓嘅抵抗力係零！未開始食嘢已經好鍾意呢度😍😍 10分推介男仔first date 帶女仔去貓cafe… 一定超加分✨ (thank me later hahha😝)呢度啲貓貓每一隻都咁得意，翻晒規！不過都估唔到貓Cafe連啲嘢食都唔錯喎😵我同朋友兩個女仔叫咗個二人餐，有湯，沙律，主菜同埋兩杯嘢飲！忌廉海蜆扁意粉🍝我哋兩個都勁鍾意呢道菜，佢連意粉嘅汁都有蜆嘅鮮味，同埋有勁多隻蜆，性價比好高！牛肉漢堡 🍔牛味好濃好Juicy，除咗大大份嘅漢堡包之外，仲有薯角同埋沙律，好豐富呀😍😍食咗咁多嘢，同貓貓玩左咁耐都係total 三百幾蚊，開心✨…查看更多

屯門開咗新嘅牛扒屋，之前行過幾次都已經好想試㗎啦，今日就試吓佢咩料先。原來呢度係半自助嘅形式，你揀咗一款牛扒之後就可以揀重量，俾錢嘅時候話比店員知，佢就會即場幫你切你想食嘅牛扒㗎啦。我今次叫咗一個肉眼扒套餐。叫套餐好抵呀👍加多$30就可以揀多三樣嘢，我就揀咗沙律、湯同埋飲品。塊牛扒到嘅時候我嘩左一聲，點解咁大塊嘅？正呀！🤤🤤🤤牛扒好juicy，牛味又好重。食得出佢嘅黑椒汁係好有心咁樣調教出嚟，因為黑椒汁係加咗柚子汁架，所以食牛扒啖啖肉得來又唔會太遛。食完之後記得要擺走自己個盤，大家一齊出一分力，清潔嘅姐姐都唔使咁辛苦呀嘛☺️…查看更多