lovelovegg's Profile

約咗朋友食飯，星期日夜晚都幾多人，要等位。但等位都快。食物選擇多，冬陰功湯好好飲，飲品都好好飲，泰式奶茶唔會太甜店員服務都好。有户外位置，但價錢都偏貴。上菜多人時都偏慢波蘿炒飯無左菠蘿🍍有啲差，但太多人叫呢個炒飯，所以都無哂菠蘿上菜。唔知係咪無哂菠蘿，飯有啲濕。食物大致上都ok…Read More

今日經開啟德體育園，就試下嘅間早餐早晨選擇唔算多，但份量啱啱好，唔會太大份揀左番茄🍅通粉加牛角包，味道ok，番茄湯濃。牛角包🥐都唔會一切就碎。但飲品就唔係好值，凍檸水要加$6，沒有奶茶同檸檬茶揀。特色咖啡飲品都加錢都幾貴環境舒服，對住啟德跑步🏃‍♀️場，但無咩服務。可以一試早餐…Read More

揀左平日試早餐，咖啡店黎講，免收加一，係幾吸引，對住落地大玻璃，啟德既景係幾靚早餐都好多款選擇，有淨面包配飲品既輕食，另有通粉套餐，亦有乳酪餐。揀了香草番茄🍅通粉，好好味。炒蛋唔油，多士份量啱啱好，唔會食完通粉後，飽到食唔到面包。面包口感好好食，唔似外面餐廳早餐，一塊大面包，勁乾。飲品都好出色，蜂蜜檸檬，唔會太甜。食完早餐解油膩幾好。樓上環境，舒服，採光度十足，位置空間闊落。員工不多，平日早餐一人打理，但出餐都唔會太慢，下次可以試下午茶…Read More

休息天到啟德食早餐，位置多，望到跑道，夠陽光。早餐選擇多，有健康養顏餐選擇，好特別，但無試試左最基本的通粉，面包出色，通粉好大份，最後都係食唔晒，夠足料飲品叫左檸檬茶，少甜，但都係好甜。餐飲有待改善。下次可以試下奶茶位置坐得舒服，環境好，可能係閒日無人等位，可以坐耐啲，無人打擾值得一試…Read More

經過走入店試下，但味道真心唔好食雞翼尖勁油燒賣味道還可以腸粉都好食至於店舖係賣糖水，但第一啖食落去，唔好食。黑白糖水，以為賣相係黑白分明，點知拎黎係白色一片。黑芝麻糖水加腐竹糖水，黑芝麻完全係水狀，勁稀整體係店員ok，但味道好差…Read More

店舖現時試業中，整體尚算運作順利車仔麵牛腩汁足味，每枱都有菜脯同辣椒油，加入湯底，湯味更濃河粉唔會好散同太冧，浸入湯後，入口都爽。酸齋麻麻，沒有酸甜味。雞翼尖還可以。豬頸肉同午餐肉上碗時太大塊，配菜選擇都算多，但腩汁湯食完好口渴加配飲品價錢合理地方乾淨暫時只現金支付…Read More

約咗朋友聚會，安排靠窗位置坐得舒服，食物質數可以，份量與價錢配合。可惜當日下午一時已經沒有pizza餐廳不限時間，所以坐了一個下午，方便傾計，全程服務員亦不會打擾。Set lunch包飲品，價錢合理食物選擇不多，但適🈴朋友聚會…Read More

咁啱經開又一城，周圍食嘢地方都排哂長龍，見劉一手火鍋店無人排隊，就諗住試下。問門口女侍應，未齊人，可以入去坐住先定要等齊人先入得？話兩位入去坐。我人未到齊，得一但人，唔知佢意思想點。佢重覆翻呢句，咁我估係入去坐，佢又唔帶位，話隨便坐，揀好坐邊，又話個張唔得。態度完全睇唔起人。放一大盆調味黎，咩都唔講就行開，至少都同人講聲，揀調味料🧂轉頭過嚟拎走。相反，男待應有禮貌得多。食物方面，可以的。份量適合女生。味道不錯👍🏻價錢都合理。環境裝修得不錯。建議可以去第二間分店食，唔怪之得，無人排😥…Read More

今日經開新蒲崗，被咖啡店的外觀吸引，特意走入試試。店內並沒有設很多枱，下午3時到，都要等位置。食物方面，試了巴斯克芝士蛋糕，很好味，一點也不感到漏，而且份量剛剛好。飲品方面，點了檸檬特飲，很酸。下次會試花茶。店內環境很舒服😌，與三五知己相約的好地方。…Read More

第二次到青花食飯。餐牌選擇都頗多，適合三五知己用餐。今次5人一同用餐，所以都可以試不同食物。金邊粉，唔辣，大蝦🍤有兩隻，都幾大。份量足夠兩人食用。波蘿炒飯就有少許失望，本身以為上碟會有菠蘿🍍盛著炒飯，但上菜沒有。味道略咸，不太喜歡。小食拼盤，男生較愛炸大腸。整個拼盤味道都不錯，配合醬汁，幾開胃。沙律🥗一般，洋蔥🧅粒切得太大粒，很難入口，蟹肉味不多，配芒果，只食到芒果🥭味。串燒有點硬，不夠熱，味道一般。甜品6個，有冷有熱，幾好味。食完正餐，再來一個甜品剛剛好。飲品方面，三色冰影相很靚，但太甜。楊枝甘露沒有奶蓋味道。其他幾杯飲品，都不錯。性價比不高，價錢略貴，相隔一段長時間，是可以再去。但泰國菜仍有很多選擇，這間就一般。…Read More

第一次食，網上有好多人都話好好食，所以特意黎試下叫了清湯牛腩河同牛丸米。另外又叫了炸魚皮同蘿蔔。入到店，見枱枱都叫蘿蔔，所以我們又叫了。果然，好清甜，好好味。炸魚皮也好出色，香脆可口，完全唔淋。至於清湯牛腩和牛丸米，味道還可以，感覺唔係太特別。湯好清甜，加左醋同辣油，味道更好。店內人流都好多，想食既話要預翻時間排隊。店內環境乾淨衞生。不過，人流多，外面排隊人亦多，所以店內坐唔耐，食客食完就走。整體來講，食物環境不錯，難怪得到米芝連。下次會再試。…Read More

趁假期，到附近酒店放假，夜晚就落街覓食。男朋友話試越南野。餐牌價格偏貴，但都知道港島食嘢價錢遍貴。餐廳環境好大。餐牌選擇都多。叫了牛肉湯河同雞絲湯檬粉，但兩個粉湯底都偏咸，食完都覺得好口渴。份量都十分足夠，一碗粉已經好飽。飲品方面，叫了青檸紅茶，味道不錯，與其他食越南野食餐廳都一樣味道。小食方面，男朋友叫了春卷。他話春卷好好食，唔油膩。最後$341埋單。價錢小貴，未必會再去食。北角有太多嘢食，係附近行既朋友，可以試吓其他野食。…Read More

講到華富村，好多人唔陌生，今日特登走入華富村睇下，好喜歡呢種懷舊感覺。網上好多食評都話要試下呢間冰室，既然係附近行下，所以就試試。冰室餐牌都好懷舊，選擇都好多。叫咗沙嗲牛肉麵同秘製雞翼配沙律，雞翼可以配薯條，但因為中午已經食左飯，所以就叫沙律。沙嗲牛肉麵湯都不錯，麵不會太淋，配出名奶茶不錯。不過，怕甜既朋友就記得叫少甜，杯茶都幾甜。雞翼配薯條，不過不失。另外，見餐牌某d飲品好得意，就叫左凍奶水，飲落都好重奶味。試過一次，就好了😅地方懷舊，冰室愈見愈少啦，值得一去，下次可以再去試其他既野食，聽講豬扒都唔錯。野食好抵食👍…Read More

咖啡店內只有少許座位，所以堂食客一般都要排隊，但值得一排，店內食物及環境都充滿驚喜。與姐妹試了朱古力布朗尼，如果一個人食，就會覺得太漏。兩個人share剛剛好。布朗尼蛋糕邊有燒焦感覺，蛋糕邊不太甜，幾好。傳說賣得最好的蛋糕是抹茶巴斯克蛋糕，果然好好味。抹茶🍵味濃，蛋糕🍰份量剛剛好，如果再大件一點，就會太漏。飲品方面，試了抹茶同培茶拿鐵，拉花好靚。兩款飲品都好飲，配蛋糕一流。不少人到店買外賣，食物的確不錯👍🏻很值得遠道而來堂食或買外賣。今次食唔到三文治🥪，下次再到店內食三文治及試其他蛋糕。環境復古，店員服務態度非常好，一定會再去🥰…Read More

看到小紅書推介這間店，特意走到土瓜灣試試。近年，市區重建計劃，土瓜灣有好多新cafe，所以餐廳突圍而出，就要花點心思。總體來說，環境幾好，但食物質素有待改善。餐廳有75折，但人流不是太多，主要都是情侶。店內服務非常好，店員都很有禮貌。用餐時，聽到有一對情侶點了牛扒，但不滿意牛扒餐，表示不能入口，換了沙律，店員都耐心聽佢批評，餐廳店員質素不錯。我們點了兩份炒飯。蟹🦀️炒飯不錯，入口熱，份量適合女生，不會太大份。前菜沙律🥗非常出色，南瓜湯沒有南瓜🎃味，有待改善。男朋友點了另一款炒飯，鰻魚。賣相不錯，但他說份量不夠，碟大但飯少。而且，他說炒飯不熱，上桌時是温的。他不太喜歡這款飯。飲品方面，Iced latte 要加$15，但感覺咖啡相對外間西餐廳份量少，但味道不錯，入口奶味不太重，與咖啡配合。男朋友的紫玫瑰茶，沒有什麼特別，用茶包加熱水，建議大家加$15轉飲品。甜品，綠茶味更易入口。另一款味道，麻麻。以全單75折優惠來說，可以一試，但不會重到。同一商場，有太多選擇。餐廳想留客，要改善食物質素。餐牌價錢，同類好食西餐，有更多更好選擇。…Read More