sandyzeng的個人專頁

今日去完柴灣拜山，同長輩一行10人去杏花邨名苑飲茶，服務差，食物素素亦很一般。我哋訂座枱，但居然要等！星期六早上11點，有咁多人咩？等咗十幾分鐘唔對路，入去一睇，發現裡面有不少吉枱，大枱亦有吉，只係未執，我去同經理講，佢無回應我，四周圍望，似乎無其他侍應有空，就自己去執枱，最終搞咗約半小時才能入座。我哋張枱無點心紙，鄰桌卻有三本放點心紙的簿，大概係執完枱無放回。我哋啲點心嚟晒後，有侍應突然以質問方式問：「你哋啲點心紙呢？」我哋話無，佢就飛咗本點心紙的簿到我哋個轉盤上，係「飛」，佢原來執枱見咁多放點心紙的簿，就「分發」番去本來的枱。食物質素亦麻麻，蝦餃燒賣一籠三隻，福建炒飯無乜料，主要係雜豆。酥皮焗叉燒包，好勁油酥味！幾年前曾光顧，屬略高檔的茶樓，各方面都屬中上。而家只有價錢高檔，服務和食物質素甚至差過茶餐廳！性價比極低！如不改善，好快執笠！…查看更多

作為街坊，已多次光顧下午茶餐，平日仲免加一，抵食！有12個茶餐可以揀，包埋嘢飲，份量頗大。香料和配料充足，吃得出泰式味道！此店環境最吸引！位於新商廈的10樓，有露天座位，居高臨下，風景開陽，對面就是「怪獸大廈」（可順道打卡）。初春微風輕拂，都幾chill！室內環境都好好，由於一邊全部都係打開的摺門，有充足的自然光，加上樓底高，空氣流通，而家疫情期間，會食得更安心。…查看更多