心太軟_2015的个人专页

因天氣太熱，晚上都不想外出吃飯，悶悶的又不知道吃什麼，在外賣平台找到這間星星Togo外賣有75折，再在openeice食評看了一下，雖然食評數量不多但太多是正評，所以便姑且試試，估不到有驚喜😯男友叫的這個牛骨湯套餐，飯像是日本十殼飯，飯質軟熟，上面的一片蛋卷也很好吃，配菜也豐富，有菠菜，泡菜和炸雞粒，雞粒略嫌凍掉了不好吃，但牛骨湯頗有牛味，送來時還是熱的很不錯這個是我叫的海鮮辣豆腐湯套餐，配菜也一樣豐富，湯的味道很好，微辣中帶酸，怕辣的我也覺得很好吃，內裡海鮮也算多種類，有小蝦，青口，魷魚粒和蜆仔，豆腐也很嫰滑另外也叫了一份星星紫菜包飯餐盒，份量很多，紫菜包飯的質素很好，很多蔬菜，反而飯的份量不多，很健康，配菜則是辣炒年糕和韓式炒粉絲，兩者味道也不差。總括星星的餐盒質素不俗，包裝也很細心精美，份量也很充足，也夠熱，不怕會吃不飽，絕對是我會回頭再吃的韓食小店…查看更多

:hu上個月去食呢間好似幾出名嘅奶奶雞，真係食到啤一聲。個元祖奶奶雞d汁根本就係普通豉油雞汁，但濃度係十倍，咸到阿媽都唔認得，墊底個薯粉索完汁更咸，幾好口感都食唔落啦，d雞件又唔嫩，結果成碟雞只食左一半，連打包都嫌費事!!另外叫左個冷面，又係難食，d麵毫無咬口，唯一係片雪梨好食少少...野飲亦非常搵笨，咩柚子啤酒，原來只係普通韓國啤酒加"篤"柚子茶醬，一d都唔好飲，梨子味汽水亦只係雪碧...但每杯盛惠$4x...成餐較正常係生菜包烤牛...埋單盛惠$480(2位)，早知食大煱口打邊爐好過!!唔該唔好再掛韓菜名目賣垃圾食物啦，呃到人幾耐?打呢篇食評只係提醒各位小心中伏，我唔明點解仲咁多好評，當晚連我鄰座嘅食客都話"d野好咸，間野麻麻"，證明其實打手甚多，或者係跟風就覺得好食，自行定奪啦!!…查看更多

昨天因要到醫院覆診，離開時已是5時多，感覺有點餓，又在OPENRICE見到腸粉皇好評甚多，本來也考慮改吃其他東西如附近的大婆牛肉麵，但心想平日也常吃腸粉燒賣，這裡的會有幾特別呢？便姑且一試。 例牌地要了腸粉加燒賣的組合，承惠$12，老闆很親切友善地問我要甚麼醬、拎走或站吃，接着熟練地拿起數條腸粉剪呀剪，然後唧呀唧、溝呀溝，一貶眼便可以吃了。一試之下，果然名不虛傳，真的滑得很呢！不知其實有否下了豬油之類的成份~~米香則因醬料太多不太吃得出來，而燒賣則是不過不失，算合格吧！ 是日雖然天氣熱又下起大雨，但難得吃到滑如絲的腸粉，加上老闆有禮的招呼，站着吃又有何所謂呢？…查看更多

之前睇左好多食評或者朋友都話稻香特價火鍋好抵食，於是尋日(星期五)就同屋企人去試試，9點去到，其實都預左要等位，不過都真係等到差唔多10點先有位，反而樓上小肥羊就冇乜人(可能始終貴d)，阿姐帶我地一行3人埋位，俾左張6人檯我地，好大~~跟手睇睇食咩好~~佢d餐牌都幾複雜，因為太多配搭，一時間都唔知邊個先係最抵，睇睇下有個阿姐行過，捧住2碟蝦(一碟12隻左右)問我地要唔要，話平時要$68，依家特價$48，諗左一陣，是但叫佢俾一碟我地，一睇d蝦都真係新鮮腳撐撐咁喎~~跟住睇左好耐都唔知揀咩食，見到有個豐盛組合，有魚有丸有蚌有菜有雲吞水餃，連鍋底(任選)都係$168，費事諗咁多就要左呢個揀左豬骨鍋底，另外有個牛肉組合，應該都唔錯(下次再試，因為其實我地麻麻地like食魚)此外又叫左唐生菜($18)﹕一般水準，其實個豐盛組合已經有好多白菜仔，可以唔要唐生菜炸魚皮($18)﹕﹕呢個好ok，我地食到停唔到口，$18大大碟，勁抵！肥牛片($38)﹕﹕份量太少，得6片左右，但味道ok芝心墨丸($18)﹕好抵，有成12粒，最衰食飽先送黎，搞到要夾硬食...老豆食左4舊豬骨已經嗌飽，數過有成6舊好大o既豬骨，真係好抵好足料~~3個人係咁食係咁食，好辛苦先叫做食得七七八八，不過條魚食唔晒，都是眼闊肚窄惹的禍~~overall我覺得最好味係牛同蝦，雲吞都好新鮮~~服務方面就麻麻，因為d阿姐做到手唔停，冇咩人黎加水招呼或者落單，又冇俾湯勺我地撈野食，問佢囉，佢竟然俾左隻冇窿o既湯勺的地...唔通佢以為我地想"畢"豬骨湯飲？仲有d野食黎o既速度慢左d囉~~有待改進！埋單$388~~下次叫多d人再encore，不過最好食星期日至四，仲平d~~…查看更多