moychan2的个人专页

商場新開好多人排隊，排隊嘅地方係完全冇冷氣個個熱到出晒汗重要等咗好耐條隊都冇郁過望過入面係有位但唔知點解又唔俾人入問佢點解唔俾人入又答非所問真係唔敢再嚟🙏🏻🙏🏻…查看更多

我哋三個人想搵啲有酒飲嘅地方食飯吹水上OpenRice search到呢間餐廳食完之後非常滿意😍我哋叫咗1. 無骨鳳爪2. 松露什菌意大利飯3. 紙包香茅焗爐魚4. 火焰香草黃油雞5. 肉醬芝士薯條所有嘢都係好食㗎！！好鍾意食佢個肉醬芝士薯條😋杯Dancing Grape都好好飲👍🏻服務態度又好會主動同你換碟、斟水我哋有朋友生日，帶咗個蛋糕去識得同你點哂蠟燭先拎個蛋糕出黎重送咗盤shots比我哋慶祝生日我哋會再嚟架🧚🏻✨謝謝你哋咁細心嘅服務…查看更多

行完山好想打邊爐，喺Openrice 好隨緣咁搵，就搵到呢間餐廳去之前打電話去問有冇位，個女侍應態度超好，好有耐性咁同我講解間餐廳有咩食，可以點叫，價錢係點，大概幾多就夠飽，完全冇嫌我煩🥰😂間餐廳坐得都幾舒服，我哋兩個人叫咗一份三峽香辣烤魚加六個配菜（$338），辣度適中（對比之下，譚仔三小辣會辣啲），都幾有蒜香味，配菜特別推薦蓮藕同淮山😋😋 之後我哋另加土豆粉同魚皮餃，夠飽有餘。野飲就叫咗玫瑰蜂蜜同檸檬碟豆花，個人比較喜歡玫瑰蜂蜜多啲，飲落去幾舒服。我哋嗰日去都幾多空位，但覺得呢間嘢餐廳值得多啲人去，所以專登黎打個食評，值得一試架，服務態度又好，欣賞💁🏻‍♀️💁🏻‍♀️…查看更多

今日同友人嚟食飯，餐廳好浪漫，坐得好舒服，又有不同既燈飾，好有聖誕氣氛！其實呢度都好合適一班朋友上嚟gathering, 個一晚都見到有3-4枱客係上黎慶祝生日同交換禮物😂我同友人見到2人餐都幾抵食，就即刻落單啦！餐湯好飲，味道夠濃又唔會話好重味精😋之後就係三文魚柚子沙律，份量都幾多，同朋友都食唔哂😂😂最緊要就係個南瓜帶子意大利飯，呢個飯我畀10個手指公啊👍🏻👍🏻材料好多好豐富！我同友人都好鐘意佢個fish and chips, 炸得香口又唔會乾！但食到呢味我已經飽咗啦，所以食唔晒🙈飲品方面我哋叫咗lemon & giner tea, 同埋cranberry juice, 兩樣都幾唔錯😋本身想試埋甜品，但已經食唔落喇🙈🙈成個餐500蚊有找，好豐富啊！下次郁會再約朋友上哂gathering!…查看更多

同家姐放假唔知食咩好，剛好經過富善就入咗嚟啦其實呢我最初就比佢嗰個蠔鍋吸引入嚟嘅但點知入到黎坐低先發現暫時冇呢樣野🙈🙈🙈結果我就帶咗個蕃茄湯底嘅豚肉喎轉果下有少少唔開心，但識落竟然覺得幾驚喜個蕃茄湯底又幾好食喎！😂再加埋個手打烏冬非常滿足我家姐要咗一個刺身丼飯，呢個就一般啦如果唔係因為嗰個番茄湯，我諗我會比OK但個番茄湯為間餐廳加咗分😂😂上網睇返見到人哋話嗰個蠔鍋反而唔好食🙈似乎黎呢度點餐都要謹慎…查看更多

我哋四個人一齊嚟食飯👭👭不過大家都唔算好肚餓， 所以四個女仔叫咗個二人餐再加一個小菜，咁叫法人均大概$111左右我哋二人餐要咗個水煮魚、宮保雞丁同埋渝北涼粉額外再加咗個萵筍整體來講都算幾好食我係覺得水煮魚啲魚可以再滑啲，但味道是不錯的，特別欣賞佢裏便嗰個薯粉👍🏻同埋個涼粉覺得冧咗啲，或者佢本身係咁， 只係我哋唔識欣賞佢😂宮保雞丁同萵筍都好食架順路嘅話會再嚟食嘅我朋友食咗好幾次架啦，相信點都有啲保證…查看更多

放咗工同親愛的同事食餐好嘅放鬆下基於覺得呢間印度素菜好似幾特別咁就嚟咗食啦地理位置亦都非常好，尖東站L5出口行兩三分鐘就到，門口已經其左個印度人招攬生意非常容易搵到😌😌入到黎就已經聽到唔同嘅語言啦呢到都幾大，分室外同室內，同多幾個朋友黎食嘅話完全唔擔心座位嘅問題同埋有一樣我覺得特別嘅係，呢到檯面係會放支裝水好啦，首先講下飲品先，我同朋友都叫咗分別都叫咗Lassi（拉昔）佢好勇敢咁挑戰salty lassi，我偷人飲咗一啖，覺得係咸味嘅酸奶，幾特別但我都係鍾意我果杯多啲我果杯係Mango Lassi，酸酸甜甜，好開胃野食方面就要咗個Rava Dosa（粗粒米煎餅），呢個幾好食，果餅嘅口感係脆中帶軟，軟中帶脆啲醬要惹味嘅有，要清新嘅，任君選擇之後一要咗個Kaidai Paneer Panjabi（旁遮普芝士雜菜咖喱），另配Butter Naan（印度牛油煎餅）好惹味，一定要配啲餅黎食，非常之搭配！用手撕啲餅果下好療癒啊！最後兩個人埋單$247.5，其實幾抵食唔叫嘢飲嘅話可以叫多個餸添總括而言呢度係個非常唔錯嘅印度菜體驗！十分多嘅選擇，MENU嘅菜式亦令我呢啲唔熟悉印度嘅人大開眼戒😆想體驗異國風情嘅人，不妨黎試吓…查看更多

今次係我第二次嚟食啦，咁一定係好食先有第二次啦🙊🙊我哋叫咗豬耳、 口水雞、 蒜蓉萵筍、 炸饅頭當然最重要嘅係「酸菜魚」！！！！豬耳同口水雞都好食，川菜來講， 真係唔算辣，適合香港人嘅口味（我哋都冇辣到要嗌野飲，老人家即係飲水算🙈）萵筍平時唔多食，兩次都有嗌佢，清清地非常之唔錯炸饅頭都好正，雖然佢啲饅頭比之前縮咗水但可能都係件好事因為之前食完個饅頭都已經好飽但佢至少要叫半打😂😂😂真係難handle咗啲最重要！嚟到呢度一定要叫酸菜魚我想講真係好好食嗰啲魚勁滑，啲娃娃菜吸晒啲味我哋直情係飲咗好多湯😂😂😂我相信不久嘅將來我就會嚟食第三次💕…查看更多

今次係我第二次嚟食，可以嚟食第二次，證明佢嘅質素一定有返咁上下上次我食咗椒鹽九肚魚、柚子排骨、蠔餅，都覺得非常唔錯👍🏻👍🏻今次同朋友再嚟食，叫咗豉汁炒大蜆、腰果雞軟骨、腐乳通菜同麻油海蜇雞腐乳通菜係好食嘅，夠惹味呢個都係好食嘅，非常香口，同椒鹽九肚魚一樣，我覺得都係炸得好好👍🏻至於個海蜇滑雞呢啲海蜇唔夠爽脆，我覺得似啫喱多啲啲雞係好滑，但好似冇乜雞味😂😂所以我唔太推薦呢一味個炒蜆真係好麻麻，啲蜆唔係好新鮮，食落有腥味，唔識形容，總之唔鮮甜有好多隻都冇開.....同埋不時食到沙有好大嘅改進空間🙈🙈🙈🙈不過總括而言，我都會比好評因為其實上次嚟食我係真係覺得樣樣都幾好食，今次好似嗌得唔啱，就有啲失望所以黎到要識嗌餸，唔係乜嘢都好食😂嗌啱嘅話真係好唔錯，佢菜式好多，同埋價錢合埋…查看更多

因為返夜嘅關係，所以經常把握時機捉住阿媽一齊食lunch💕呢間餐廳開喺屋企附近，今日又落雨，近近哋黎呢到就啱哂😌晏就12:30黎食，唔係好多人餐廳環境非常唔錯，幾有feel，坐得好舒服👍🏻媽媽話唔算好肚餓，佢話要揀啲冇咁飽架喎😂我比佢話事，佢就揀咗要燒澳洲肉眼扒伴薯菜配燒汁同夏威夷風光薄餅（我心諗：咁都叫冇咁飽🙈）午餐會跟$25嘅嘢飲同餐湯餐湯係羅宋湯，幾開胃，最緊要夠熱（阿媽嘅標準👼🏻）嘢飲就叫咗杯熱Latte 同果汁果汁係紅菜頭蘋果汁，第一次去餐廳飲到啲咁特別嘅果汁，又幾好飲喎！阿媽話覺得有啲似黑加侖子味個薄餅係薄批黎架！好香脆👍🏻味道很好邪惡嘅芝士拉絲！🤤🤤個扒叫咗七成熟，呢個價位嘅牛扒算唔錯薯菜好出色，外脆內軟，我阿媽食咗勁多😂見到佢menu 有啲慢煮菜式，下次黎想試下個價位都好合理呢👍🏻…查看更多

同朋友好想食泰國菜，三個人就嚟咗呢間食啦星期四黎食，7點9入座，限時個半鐘，不過今日好似唔多人， 我哋都食到成九點半先走我哋每人叫咗一個椰青，$38一個好冰涼，又鮮甜，正👍🏻👍🏻餐廳做緊優惠，食夠＄200就可以加入蚊要一個餸，四揀一我哋食夠＄400，就要左一個泰式木瓜沙律同泰式生蝦個木瓜沙津少少辣，正正常常生蝦都唔錯，未算好爽脆，不過陪埋啲醬料幾開胃我哋仲叫咗一個泰式炒金邊粉、海鮮冬陰公同小食拼盤炒金邊粉幾好食值得推薦冬陰公亦都好出色，我覺得係香港食過嘅冬陰公裏面都算係令人回味👍🏻👍🏻小食拼盤呢，我會覺得正嗌串燒會比較好因為最好食係佢啲串燒，其他嘅例如春卷、魚餅都中規中矩埋單三個人食咗四百零幾蚊（我哋每人一個椰青架）人均一人$135到，覺得抵食👍🏻…查看更多

正所謂，幾飽都好，食甜品係有另一個胃所以見就腳就黎咗海記見佢啲芋圓佔咗佢個menu咁大篇幅，我哋就叫咗兩款黎試試佢我哋要咗個紫薯雪樂冰芋圓豆腐花同紫薯香芋雪樂冰配芋圓首先評價下啲芋圓先我覺得太甜，冇番薯味，亦都冇芋頭味個紫薯雪糕，個味道有啲複雜坦白講我覺得麥當勞之前嘅紫薯雪糕好食啲（雖然都係太甜）比較覺得值得欣賞嘅係，個芋頭冰係有芋頭粒，甜度適中食落唔錯不過我諗下次有機會再嚟嘅話我都唔會食呢兩樣野🙊🙊佢話晒都叫合桃坊，可能下次你會叫個合桃甜品， 睇下可唔可以令佢係我心目中翻生😂其實重叫咗個冰青白玉冇咩好講，因為真係幾一般🙈不過呢度勝在就腳，附近糖水選擇又唔係多如果真係喺呢頭食完飯，想有下場同朋友吹下水，可能都仲有下次，不過下次會揀番啲中式糖水黎試吓，希望感覺會好啲啦👼🏻…查看更多

諗住近近地，喺大埔搵一間坐得舒服嘅餐廳Beans的確係好唔錯嘅選擇，環境唔錯最鍾意佢部份嘅櫈係有扶手，坐得好有安全感，傾計都舒服啲今日一點鐘嚟食，兩個人等位等左5至10分鐘我哋各叫咗一個set lunch我要左蕃茄肉醬溫泉蛋長通粉味道唔錯，幾開胃，我只係略嫌個長通粉硬咗少少跟餐配送咗杯咖啡，又幾濃郁喎👍🏻👍🏻👍🏻跟set lunch加＄25就可以換一件蛋糕我就要左一件stone佢係芝麻味嘅外層，應該係柚子味嘅餡我本身唔係好食芝麻，但我又覺得佢幾好食喎如果鍾意食芝麻味濃啲嘅話，佢就符合唔到你呢一個要求不過佢成件蛋糕係幾清新㗎，唔會覺得膩所以都值得推薦埋單每人八十蚊左右…查看更多

喺體力耗盡嘅一日，真係好想食返啲好嘢而好嘢嘅定義，好多時都會係指日本菜😂😂😂Doraya呢間餐廳，好耐之前有聽人介紹過今日厚福街經過突然諗返起，機緣巧合之下就嚟咗食啦🤤同朋友一人帶咗一個定食，再加多份蟹子沙津，夠飽有突！正常味道，就係蟹子沙律嘅味道（$48）燒藍鯨吞拿魚醬油漬定食（$138）我幾鍾意喎，吞拿魚絕對唔係咬落去有好多跟嗰啲口感，雖然唔算入口即溶，但都算係溶溶地，呢個價錢其實好fit！個茶碗蒸真心幾好食，好滑，食到最尾好飽都覺得自己要食埋佢😂😂👍🏻最後埋單每人百七蚊左右…查看更多

同朋友黎夜晚十點幾黎打邊爐，冇諗過咁夜仲要食啲咁heavy嘅嘢竟然要等位😂可想而知，呢間嘢係幾咁多fans(其實我三個月內都食第二次啦🙈）星期五宵夜有七折我哋叫咗美人鍋，諗住補補身😂佢隻烏雞真係好正，個湯勁甜，重要愈煮愈甜！！！同埋其實要做呢個湯底，係唔需要叫咁配料我同朋友叫多咗，食唔哂👉🏻👈🏻我哋叫咗本份、蜂巢豆腐、響鈴、新竹米粉、金菇、芋絲如果少份響鈴或者新竹米粉嘅話呢就應該fit哂但係真係好難抉擇佢響鈴即炸又唔會好油，新竹米粉又好好食不過如果真係要揀，陪呢個美人湯都係食清啲好，所以要揀嘅話都係會放棄響鈴我會繼續黎架（偶爾），因為其實唔平宵夜都要$150-200一位但食完會覺得係養生🙊間唔中食一次啦🙊…查看更多