joeywongtc的个人专页

見到Mikiki新開咗間餐廳係Plato嘅分店因為好耐以前食過佐敦果間分店印象中都唔錯所以一新開就即刻走去試呢間分店點知就中曬伏我哋係週末下午去幫襯兩個人叫咗兩個假日午餐套餐包餐湯/沙律、主食同飲品我哋兩個都揀咗餐湯是日餐湯係南瓜湯得個咸字完全冇南瓜味 之後主食方面第一份叫咗紅酒燴牛肋條意粉 （$108）個意粉係凍嘅好似啲頹canteen加pat汁咁牛肋條只係正常味Canteen質素但係收西餐廳價錢 另一份叫咗香蒜欖油海蝦炒意大利粉 （$88）啲意粉同蝦係冇味嘅 不過好彩起碼係熱嘅最後餐飲方面欣賞佢冰果茶係唔使加錢又夠大杯但係杯茶叫咗少甜都甜到乜咁整體嚟講完全唔推介無相睇係因為完全唔值得打卡同本身無諗住寫食評但食完真心失望覺得要同各位分享等大家唔好中伏食物質素完全對唔住個價錢如果收$60-70一個餐都算啦雖然坐得都舒服同服務質素OK但唔會再幫襯…查看更多

平時屯市就行得多，但都無留意呢間餐廳，因為佢嘅位置唔太起眼，係喺Aeon超市果層嘅一間小店。今次係第一次幫襯呢間餐廳，感覺唔錯，以後又多一個選擇既然叫大門拉麵，緊係要試佢嘅拉麵啦，我叫左大門特製拉麵唔算話真係超超超好食，但咁嘅價錢唔洗加一算係咁，流心蛋又好食 再叫左個餃子（無影相），正常水準發揮，唔係特別出色，但係個皮煎得脆嘅，都唔錯總結黎講，係屯市用餐嘅一個好選擇，唔貴，餐廳細細地但環境ok，有啲日本嘅味道…查看更多

同朋友去機場等check in，第一次食呢間餐廳。夜晚7點幾8點，餐廳門口唔多人等，好快就入到 餐廳入面位置唔多，但都可接受唔算太逼。同朋友一人叫左一碗豚肉拉麵，仲叫左一碟六件餃子share （無影相）個拉麵都幾好食 個流心蛋真心正！豚肉同炸雞都唔錯，仲可以加芝麻，讚！餃子就略嫌煎得唔夠脆，但都好味，加埋醬同醋食唔錯！Overall唔錯，店長（唔知係咪，疑似日本人，店員叫佢boss）好好服務態度，下次再黎機場會再幫襯！…查看更多

第一次幫襯呢間餐廳，喺Openrice book位好方便，仲有小食優惠，不過因為我地有朋友生日，要左生日優惠，就無得同時使用兩個優惠。餐廳安排左我地坐樓上，環境都唔錯，幾岩傾計，同埋都無趕我地走。 我地叫左每人一個lunch set左至右，上至下L7, L5, L6, L8我就叫左L6個鬆餅超脆，都幾好食，不過成份食曬有啲飽朋友話佢地係果啲餐都好食，而且包埋沙律/湯同飲品，價錢都合理啦過左一陣我地叫侍應上埋個蛋糕，呢度就有啲失望了 因爲個蛋糕有啲細，淨係夠一個人食不過唔洗錢，又畫埋碟，都算係咁啦！Overall覺得呢間餐廳都唔錯，慶生聚會可以考慮…查看更多