妹頭~*的个人专页

之前一直都冇食過茶木其他分店..知道元朗開左間...既然咁近當然要一試啦!等左1個鐘, 終於都可以入去喇!入座後, 覺得環境尚算舒適!叫左一個肉燥炸豬扒飯, 同一個芒果香草蜜糖磚塊, 一杯珍珠奶茶珍珠奶茶係有COUPON送的!落單後好快送到!我個朋友一飲就話唔得..冇茶味 等左25MINS就問下侍應個飯仲要等多幾耐呢? 經他催促廚房後,5MINS個飯到喇!! 我個朋友已餓壞喇...肉燥幾香都唔差, 隻鹵蛋有少少流心不過係凍既! 炸豬扒肉好實同嚡, 微暖!整體黎講, 以呢價錢同埋要等半個鐘..唔多值!再等多15MINS...我個主菜到喇! 芒果香草蜜糖磚塊...賣相靚! 多士搽左蜜糖再焗香甜脆卜卜，加埋烘到脆卜卜，最估唔到係雪糕入面有一絲絲果肉!可能仲係新開階段, 落單既侍應對自己既出品唔夠熟!我問芒果香草蜜糖磚塊個雪糕係咩味..可唔可以轉其他味道..答我唔係好清楚!我本身係想叫香草巧克力蜜糖磚塊, 侍應話未有貨...但後來我食緊我個芒果磚塊時..竟然有兩個巧克力味蜜糖磚塊放落其他食客枱上~~唔通由我落單後45MINS就返左貨..? 定抑或侍應哥哥唔知道呢...總結:等入座60MINS+每枱用餐時間只限90MINS(但等飯需時30分鐘, 等蜜糖磚塊需時45-60MINS)暫時都唔會再去喇!…查看更多

放工一個人醫肚+買聖誕禮物比人，行去尖沙咀路經此店，貌似老闆的韓國人大叔熱情介紹，見午餐款式多選擇就一試！入到去聽到服務生姨姨唔係亞豬媽。。有少少擔心會唔對辦。。叫左個至愛炸醬麵。。然後奉上三小碟前菜，估唔到一個人都可以有三碟，有驚喜！炸醬麵熱辣辣送到，可惜一撈發現過多水喺底，溝稀左個炸醬。。所以味唔夠濃，但麵係彈牙的，洋蔥同肉既比例不錯！Lunch唔收加一。。抵食！…查看更多

一路以來，睇奇香的食評都覺得很吸引～可惜總覺得地點不是太方便～今日中午一個人。。就決定要一試！這冰室不大，座位不多，要搭枱坐是合理的！我一個人座坐在收銀檯後的二人枱，要了茄牛燴意+紅豆冰  意粉大概等五分鐘有得食。。賣相討好，有好多雜茄豆。。好吸引！意粉夠味。。牛肉又唔韌。整體唔錯。。略嫌份量唔夠我食。。幸好還有紅豆冰作美好的結尾，雖然不是大粒紅豆。。但份量多又不太甜乃可取之處！…查看更多

放工想起紅豆冰。。走到久遺了的中國冰室，因為已經六點了，連埋我只有兩枱客人～單點一杯紅豆冰好像不太化算。。所以叫碟西炒飯再加杯紅豆冰，來一個early dinner...紅豆冰雖然沒有了昔日的冰柱，但依舊多紅豆又夠淋西炒飯望落都唔錯。。夠味多餸，腸仔、火腿、叉燒粒、蛋絲、雜豆。。雖然唔係炒得完全粒粒分明，但係卻有家裡媽媽炒飯的味道！短短半小時，好滿足了！…查看更多

於商場內地下新開張既餐廳。。店內食品有華嫂既影子。。雖然店子不大，但一向係華嫂fans既我當然要一試啦！ 我地叫左皮蛋芫茜湯豬扒雞翼烏東，特色菠蘿包，羅宋湯，凍檸茶。。食品即叫即製，需耐心等候！大概5-10分鐘，皮蛋芫茜湯豬扒雞翼烏東先到。。飲啖湯都幾清。。皮蛋味道略嫌弱左d...但豬扒唔韌又夠味。。要求另外上既雞翼亦餣到入晒味。。唔錯！下次再黎要試埋蕃茄湯底...特色菠蘿包即係鮮油菠蘿加太陽蛋, 一切開,蛋黃流出黎, d牛油又係慢慢流出黎, 如果要同華嫂相比...不相伯仲,同樣好食最估唔到係羅宋湯足料夠味! 有心機之作! 但好似話唔係日日都有煲...下次去之前打去問定喇!唔錯..下次再試下其他野先!…查看更多

今晚會到元朗食晚餐, 所以預先上OR搵下好野食先...元朗越南菜選擇唔算多...而呢間個食評不俗....一於提議食呢間啦~~餐廳門面冇咩特別...原來都幾大間..而且坐得幾舒服...有位疑似老闆娘坐O係收銀位的女士, 見我地成日望出門口外....估到我地要睇車...主動幫我地換過方便睇車既位.....真細心!!:)我地叫左越式春卷($30), 燒牛肉法包($38), 蠔仔煎蛋( $78), 越式炒檬($68)等大約10MINS...炒檬先上枱...哈哈!~~望落似干炒牛河咁款...用左芽菜仔, 雞蛋絲, 雞肉, 蝦同炒~唔太油...味道正常...份量都幾大....跟住上枱既蠔仔煎蛋...賣相唔錯...比起其他餐廳好多時用鐵板上...冇咁油膩...但粉漿較厚...蠔仔份量都適中...如果人多SHARE食..每人1-2件就好...我地兩人..每人食4件都幾滯... 燒牛肉法包係因而見其他食家推介而叫的...果然! 新解做起...法包脆卜卜...中間餡料份量剛好...唔會一路食一路跌~值得再食...真係幾JUICY~越式春卷...餡料豐富冇欺埸...都OKAY~~兩個人合力清晒....好飽呀....咁既價錢,份量同質素...會有再去的機會!…查看更多

飲食節目常介紹...但究竟有幾好味..?今日決定一試~週末下晝竟然人唔太多...等第二個就到我...要左一底香芋味的雞蛋仔....做好後~要求以風筒吹耐一陣~務求達到更脆口感~怎料..得到的回應竟是: 仲駛講?!嘩~咩態度呢......算~ 拎上手後即食~香芋味弱...蛋味又不足~:(剛開始食時微脆...雞蛋仔內有空心....不太理想//希望他只是一時失手, 免得咁多人因睇到介紹後光顧而失望呢~下次買雞蛋仔...都係行多幾步去紅磡...都冇咁嬲…查看更多

book左19:45....早左15分鐘去拎枱....等左20mins先有位....order左牛肉餅..($30)..咸肉菠菜砂鍋飯...($58)..蔥爆羊肉配薄餅($68)...糟溜魚片..($72)牛肉餅(一客兩件)----望落唔覺油，好似煎得幾靚喎~咬開，燙口，肉汁唔多，外皮鬆軟,但有點兒乾，牛肉餡料調味都ok~夠味....蔥爆羊肉配薄餅...薄餅有四塊...蔥爆羊肉好濃味...羊肉有羶味又唔韌...配以好多京蔥一齊炒...這是相對較好的一道菜，烤薄餅跟肉絲相當配合。糟溜魚片--份量唔太多~~魚片加雲耳打獻汁, 賣相不太好, 半透明既獻汁見到一層油, 頗為油膩.... 魚片味道都ok....冇腥味! 推介的砂鍋鹹肉菠菜炒飯，最普通，飯雖然炒得乾身，但係成碟飯無乜味，很一般....好多茶餐廳既炒飯比佢更好....有一樣唔錯的就係~服務生加水頻密...但食物味道唔係特別好~專登等位就免喇.......…查看更多

一心諗住飲茶....點知想去o個間執左...咁岩見到呢間酒樓新開~~仲有9折添~咪攞飛等位....點知一等就等左25mins喇......下午茶點心: 大中小一律$11.8.....幾抵喎~~:)叫左7款點心: 叉燒腸粉, 蒸蘿蔔糕, 珍珠雞, 野菌餃, 奶皇千層糕, 香芋流沙包, 鮮蝦腐皮卷點心等得唔算好耐....先黎既野菌餃: 清清地...不過餃皮黏筷子...小心易破...後來黎左籠雞包仔...奇怪~我冇落order喎...侍應仲大大聲咁話: 你自己圈架, 拎番張點心單比你睇!!點知~佢自己睇完張單, 就知道係佢自己入錯單~~仲冇認錯...就咁話換番比你!!嘩....咩態度呀...就算真係我錯~都唔駛咁惡啦~~更何況未攪清楚係邊個錯....!!跟住黎既叉燒腸粉, 腸粉皮望落幾晶瑩...除左叉燒餡...仲有菜蓉添~感覺健康d~又好睇d~~但真的落得太多油....見到令立立...好似唔太好喎~~蒸蘿蔔糕食落一絲絲蘿蔔...清甜又足料...唔錯~:)珍珠雞普通...冇特別~~奶皇千層糕.....唔夠軟熟..奶皇甜左d~少見既香芋流沙包...賣相唔錯...雖然擺左一陣先食...但仍然流沙...流沙程度剛好~~芋蓉唔太甜...唔錯鮮蝦腐皮卷....太油膩索晒油咁樣...點食得落!!淨係食左入面d蝦就收手喇...!!總括今次....點心質素同侍應態度仍有待改善...但下午茶又幾抵食...都幾好坐...侍應加茶速度理想~~…查看更多

因有團購優惠...所以有機會試下呢間型格乳酪雪糕店.......不但裝修有style.......連店員同樣有格~~由order到拎雪糕後都冇笑容~要左大杯原味~~配料: blueberry...細細粒...帶酸~紅豆蓉- 從雪櫃取出~雪到一pat 野...賣相唔多好~又太甜...份量又少~點解唔用原粒紅豆呢~聰明豆cookies-唔錯...較特別~cookies仲係脆脆地.....彩色棉花糖-ok....色彩繽紛好可愛...乳酪雪糕......太冰...凍親d牙~而且太酸喇.....可能夏天食會好d啦~~起碼可能有消暑功效....…查看更多

期待左好耐既麥芝蛋終於番黎喇.........上一之推出好似係3-4年前喇......可惜只有星期一至五先供應~~配搭簡單...用魚柳包既包, 芝士, 蛋, 茄汁, 我要左走沙律醬....軟熟既包....而且蛋滑滑的~感覺較健康...唔油膩~:)作為早餐份量剛好...食完唔會太飽...又唔會滯住成朝個頭早.....配埋即磨咖啡....真係good morning!!!如果可以列入menu就好喇.........…查看更多

plan左去既餐廳，因太早食物仲未預備好~~於是，喺渡船街附近搵野食，所以遇上西安小吃，諗起之前睇過有雜誌介紹，一於入去試下啦！店子小，只有約十二個位，牆上貼左食物既相片...餐廳由一夫婦主理...另有一個幫手樓面的..我地唔肚餓~先叫左個土豆肉夾饃($15), 西安腊羊肉($48)...但因為俾同枱既其他食客既麵所吸引~所以都要左碗招牌辣妹麪($25)...先上枱既係西安腊羊肉...係老闆推介....話係新菜式...剛拎貨番黎...先食一口~羊肉好嫩...有羊味...唔覺有羶味...但估唔到會係凍的...附上既醬汁..辣得黎帶少少酸...我就鍾意就咁食~唔蘸汁~~食出羊既原味.....跟住就係招牌辣妹麪...要左小辣~但望落都好似唔少辣油喎.....份量足....仲有兩舊炆到好淋既肉排....有生菜..有豆卜...有紫菜...芽菜同蔥粒...麵好軟滑...原來係老闆娘自己打的....而且湯底好夠味...不過就油左d喇....隨後既土豆肉夾饃....土豆爽脆...同豬肉碎既比例剛好, 唔油膩...仲可以夾羊肉入去一齊食添....呢度有驢肉供應~唔知係咩味道既呢...仲有見到共他食客食餃子~都好似唔錯喎...下次要再黎試多幾款咁特色既食物....…查看更多

星期六既晚上，冇買餸，就同家人出黎食飯，其實而家物價升咁多，出街食分分鐘仲平過自己煮。八點鐘黎到，等左陣先有位。Order左一份羊腩煲（附送生菜一碟），另加一份唐蒿，魚香茄子肉鬆炆米。每人一碗例湯：合掌瓜南北杏唐排，但似乎加左'師傅'....所以都夠味~~羊腩煲-$65..雖然細細煲~但羊腩份量都幾多~~有好多支竹同兩粒馬蹄...生菜同加既唐蒿都算新鮮~$10加一份~都ok喎....魚香茄子肉鬆炆米$34...食到有鹹魚味...都好多茄子~不過....油左d喎~~一個食自己既星期日~因為要有紅豆冰贈飲卷....所以揀一個唔包drink既set~$20..o係A款既粥揀一款(如:碎牛粥, 皮蛋瘦肉粥, 艇仔粥等)...再揀一款b款小食(如: 蝦米腸, 炒麵, 炸兩, 蘿蔔糕等)我揀左艇仔粥+炸兩...艇仔粥有瘦肉, 碎牛, 魷魚..不過冇花生~.粥幾綿...份量剛好....炸兩既油條係翻炸...因為咬落超脆...都可以話係硬~~而份量係炸一...不過以咁既價錢都ok啦~~茶餐廳有粥食....方便隨時滿足想食粥既意欲....而送既紅豆冰...味道ok~但係好多冰..仲好大粒添~~…查看更多

呢間茶餐廳o係藍地已經立足左好耐喇....但一直都好難就到時間黎食~因為呢度平日6點就閂..星期日又唔開~難得呢排多左時間留o係屋企~一想近近地醫肚就落黎....第一次黎叫左魚香茄子炆米-$28, 占醬多-$6可能因為下午茶時間~人唔多....魚香茄子炆米好快就炒好上枱....份量適中...不過就油左d~鹹魚味唔重...肉粒偏肥...烘得唔係好燶~在我黎講~我唔介意燶d脆d~但占醬搽得剛剛好~唔好多到甜得滯~留邊係因為自己鍾意食+唔好浪費...其實包新鮮的話...邊係唔難食架....第二次黎...都係下午茶時間...見到午餐係粟米斑塊飯~不過因為唔想食飯~所以試下叫粟米斑塊炆米.....哈哈~~估唔到又會肯做....而且出黎效果咁好....首先炆米份量大碟左...唔油又夠味....跟住淋上既粟米茨...同炆米都幾match!!至於斑塊份量都唔少~仲係新鮮炸起~熱辣辣又夠脆...下次再黎必叫....媽媽早已見識過既三層多士....唔係時時有~我諗係睇水吧心情卦...哈哈~~今日有幸食到....真開心~擺得靚~又好食~再脆d更好添~~呢度另一驚喜係熱飲~有時候熱飲係用凍飲杯奉上....亦即係話大杯好多~~我最愛飲呢度既熱好立克~沖得好濃架...街坊生意冇計住計住咁......真好~~!…查看更多

食完燒烤店...故意留肚黎食糖水好耐冇黎喇~一切格局冇變~叫左我每次黎都必食既炒米粉-($9), 材料依舊不變...有大量椰菜絲, 炒蛋絲,甘筍絲... 炒得唔油夠乾身~賣相吸引:)煎蘿蔔糕-($3/件)...只要左一件~煎得好香~幾唔錯~有適量既臘肉...蘿蔔絲份量ok又唔多粉~媽媽既凍腐竹白果糖水-($12)....聽到其他食客大讚而揀呢款糖水....飲落好滑~~....幾潤既感覺~~腐竹完全溶晒~甜度適中~好多客人都選擇走白果~唔知係唔係因為咁樣所以我地呢碗有好多白果呢~~~哈哈我既熱喳咋-($12)...一睇好多豆呀~~西米, 三角豆, 紅腰豆, 眉豆, 芋頭...有兩舊大芋頭...已經煲到好粉甜...雖然冇椰絲同椰奶~~但都唔緊要的~幸好糖水夠熱~~不過~就真係甜左d~~臨走~買燒賣邊行邊食~~要左加咖哩汁.....點知好失望~~燒賣雖然夠熱~~但買唔靚既貨...咬落一舊好粉...唔彈牙...冇魚味~下次當然唔會叫啦.....雖然叫做糖水舖...但出色既唔只糖水架....一定會再返黎呢!!!…查看更多