anstice_cyc的个人专页

晚上八點幾才食晚餐飯，雖然食差不多，但係食物用心之作，環境良好，冷氣夠涼；餐單剛好，清楚明白，自己order碗麵唔小心嗌咗辣，員工都樂意幫我換清湯,感動！會再encore ！…查看更多

以前在深水埗食很好食，可是搬咗舖之後，第一次幫襯，但食畢後深感有食安問題，今日專程來到，叫了蟹膏番茄湯檬+凍啡；食到中段，咬到一口沙，吐出來，見到一些有絲沙布粒，細緻看，竟然我食到清潔用的百潔布碎🧽，有冇搞錯？！湯底番梘水味，帶酸；湯底很多沙和肉碎，懷疑是環保湯底？？扎肉有耳仔毛，明顯是很低劣的食材。然後跟侍應反映，他說換過一碗給我，我說不用了，反正都是同一批食材！我都食不下去了，直接付款離開，永不回來！…查看更多

而加要最低消費$25，所以要食佢$24 馳名蛋牛治 要加杯$18凍奶茶；唔抵lo,埋單$42；而加多左好多內地遊客食， 而加唔好食了，水準低左，我諗唔會再幫襯，多謝晒！…查看更多

完全感受到廚師嘅執着，精湛嘅刀工，食物嘅鮮味，油炸嘅溫度，醒目嘅員工，樣樣加埋很出色，我好滿意！首先食佢嘅生蠔，已經感受到佢對食物嘅品質控制，生蠔沒有感覺一點骯髒的感覺，食落很鮮甜美味；蟹膏，上面加咗個鵪鶉蛋，半生熟，撈埋一齊，令到食物味道更加昇華；然後食佢個刺身，彷彿魚，味道鮮甜，感受到師傅嘅刀工，係鋒利同埋手起刀落，食落去冇筋；後上一個魚湯味噌湯，鮮甜可口，冇味精，唔口渴。掂！然後食佢$128得六粒嘅烏賊紫蘇梅子卷，雖然好細粒，但係味道出色，食一口感覺物超所值。是次食晚餐，係自費，冇任何贊助！…查看更多

聖誕節如果去食，盡量唔選呢間，問侍應攞紙巾，第二次先記得幫我拎；侍應冇記性，每一台客都有派麵包，我哋嗰台冇🤥人生食過第一次最難食嘅威靈頓牛扒，而且係凍！成枱叫咗五樣嘢，最耐等咗成個鐘頭先至嚟，而且冇諗過個威靈頓牛扒唔係一整件上，而係一片上！期望落差很大。…查看更多

糖醋排骨骨米線，好耐之前食過，覺得好好食，但係而家越嚟越差！點解可以咁樣上枱俾人食？以前係分碟上，都仲有糖醋汁，而家如圖片，將啲肉同埋米線放咗一起，啲味道冇晒；我問返佢點解會擺埋一碟，佢話：「你冇講就會擺埋一齊」咁大家諗吓，點解鹽酥雞扒直接分碟上？食落去啲肉好嚡，仲嚡過煲湯湯渣！糖醋排骨冇排骨，糖醋排骨冇糖醋味，剩係得酸味！質素咁差，冇下次！！D肉我都唔好意思比隻狗食啦！…查看更多

中午入內進食， 太陽反射入嚟好刺眼，室內太暗，形成光暗大對比，眼睛撐唔大， 睇唔到自己食緊咩；冷氣又唔凍，邊食邊出汗；野食ok, 不過價錢就唔太吸引，餐牌標價之後要加一服務費。深水埗區要食日式定食，平靚正出面可會更多選擇。…查看更多

食物味道ok,合格唔知係咪物價通脹， $48得2條豬骨，份量少得可憐🥺一上菜， 我驚訝地道：「咁”大”碗？！」侍姐呀姐仲要話：「係架係咁架」我無言😑不過唔會再黎！餐牌圖片同真實既份量好大出入，有點受騙既感覺！不會再幫襯！…查看更多

以前既特色冇曬，冇得一格格坐食，降格同一般日式餐廳無分別。先購票後排隊40分鐘，冇曬mood…排隊通道又凍又臭，一陣尿壓味，未食已經唔開胃！咁大間餐廳，一半地方用來排隊，點解唔俾人入座先坐？…查看更多

肉太少，又多肥；蘿白太淋👎🏿唔值$63唔岩食，冇下次了， 多謝晒！想在深水埗福華街食肆林立既地方生存， 一係平，一係好食，再唔係就份量多；三樣都做唔好，唔知點解仲可以係度！？…查看更多

入店內干淨，店員好sharp醒，充滿活力，覆單用日文，覺得自己返左日本🇯🇵🥰食物好新鮮，湯底夠濃，夠熱！店舖不大，需要中途轉位置坐，都好有禮貌！食完店員細心提點拎遮，服務態度一流👍值得讚賞！…查看更多

外賣自取便當，係價錢優惠同埋製作好快搞掂，值得一讚！配菜都好新鮮，泡菜就中規中矩！隻蛋都幾好味😋啲牛筋都好味，但係有80%都係好韌，食完會增加咀嚼肌，食完個口好攰😂…查看更多

呢間野係平，所以都唔可以太大期望，但係想食得開心，入唔入去自己諗！1. 一坐入去，張木凳好搖好鬆，差啲向後傾，非常危險嘅座位，然後我要自己過隔離換過一張2. 茶杯很污糟，裏面還有茶漬，叫侍應幫手換一隻之後都係好污糟，摸上手好痴粒粒鞋颯颯，應該係成log茶杯都洗唔乾淨，都唔敢想像碗碟點樣洗3.見到Menu張圖案好吸引，叫咗一個菠蘿炒飯，但唔係圖中所見有菠蘿殼，又唔似即炒出嚟，有少少凍，亦都有啲黑色鑊屎粒4.叫咗唔知乜蝦餅，最熱係呢一個餸，但個外皮好un，個餡料好L鹹5.上續個蝦餅，佢個醬汁，正常應該係泰式辣醬嗰種質地，但係呢個杰撻撻結到好似啫喱咁6.蒜蓉炒菜苗，見到有黑色鑊屎粒都不在話下，微熱仲有d凍，真係食到咀都歪7. 侍應-正常開一壺茶， 當飲晒壺茶，要加水，正常客人會拎起個茶壺蓋，示意需要斟滾水，隔離枱叫個侍應斟完水，都唔幫我斟埋（其實唔夠一米距離，正常會睇到）8. 侍應-叫埋單找數，我舉手示意，佢都可以望完一眼當睇唔到，好唔積極；9.見到另一個侍應拎住一機茶杯好大力放喺個櫃度嘅時候發出很大聲響，感覺係消極嘅工作態度正所謂「好嘅一餐唔好嘅七餐」，拿拿林食完快啲走，離開呢一個地獄，完！…查看更多

第一次食晚餐，碗碟很乾淨，望落放心；食物有一定水準，好味；特別想讚下侍應服務細心，高敏感度，望下你嘅眼神，很像了解你的需要，用心服務，一流！整潔10分食物10分服務100分…查看更多

走我單，等左15分鐘，旁邊食客都食曬；我問係咪走單， 個侍應碌大對眼話話：「人多係咁」，但都冇同我解決問題，要再搵另一個侍應先肯同我重要落單⋯呢次我第一次食的不快經歷！冇下次！…查看更多