WY Lau的個人專頁

好耐冇去食自助餐，因為覺得食得唔多，質素高的自助餐好貴唔捨得；質素低價平，但唔好食。之前去過中環文華東方酒店食，買一送一，應該性價比高，但證明「沒有免費午餐」：生蠔偏瘦又有細少碎殼；燒羊肉好味但很快不再出了；燒牛肉太老；熱盤奇奇怪怪只想令你填飽肚子。連高質素酒店都要這樣求存，所以真係唔好再以為「一分錢可得二分貨」！一個月前去了任食火鍋，突發奇想，將不同時間叫來的牛肉排順，排完一看，想了一句說話：「想像好性感；現實很骨感」看了餐牌圖片無限想像，看到實物就回到現實。都係那句話：「大家都係揾餐晏仔食啫」…查看更多

化妝不是男女的專利，食物也要化妝。不是嗎，「色、香、味」啊！但是，你可以化妝，但絕不可以偽裝。偽裝有點欺騙之嫌啊！今天到了金鐘，想留點錢在口袋，食一丁點東西罷。麥當勞為不二之選。看到相片：炒雙蛋看似濃郁美味，又嫩又滑，QQ感覺，厚厚的蛋給我滿足的感覺。漢堡牛肉頓時變為配角。相片即時治癒了我的選擇障礙症，便立即下單。漢堡包出來了，「失望」也夾在漢堡包中一同而來。炒蛋過熟，只差一步可以說是「上了大年紀」。我即時放棄了「濃郁」的預期，但挽救不了「美味」。原來一切都是遐想， QQ不是形容「感覺」，是形容相信偽裝的我，而且一個Q也不夠，而是2個Q：阿QQ。由預期跑到現實，進行了180度反轉，沒有半點角度殘留。漢堡牛肉即時由配角變為第二主角，但不足以扭轉大局。友善的評語是：炒蛋和漢堡牛肉不相伯仲。正當心中感慨，「茄喱啡」炸薯餅憑着香脆外皮和熱辣辣的薯肉，把套餐從六尺地底下拉上地面。天使的我：「炒蛋要全熟才沒有沙門氏菌，這是為你健康着想。牛肉給你足夠動物蛋白質，油份也不多，也是為你健康唄。這套餐「價」「值」相宜啊！」魔鬼的我：「$26.5，比嘉道理農場的農場雞蛋、日本A5和牛免治肉、半島酒店大廚煮俾你好唔好，凡人（煩人）」凡人的我：「🙄」…查看更多

讀書時，教授時常給予古怪的評級：「Good,Good,Good...Overall Grade D」🧐，不明所以，但今天覺得可以用在這裡！見到這店好多明星相，於是走進去，叫了四個點心。神灣菠蘿焗餐包，不太甜，對我來說甜度剛剛好，餡料裡加菠蘿，是真正的菠蘿包。Good!脆皮蝦腸粉，剛剛做好上碟，炸蝦還是脆的，Good! 只是蝦比較少。也是一句話：$30元給你大虎蝦嗎！一分錢 一分貨。但是，可會有辦法？因為原本用油炸鬼也好好味，最重要是做得好。流沙煎堆仔，放涼了一會餡料也還是暖暖的流沙奶黃。跟神灣菠蘿焗餐包一樣，不太甜，剛剛好。Good。懷舊糯米雞是我最想食的點心。皆因從前參加野外活動，要大清早跑到集合地點，所以買糯米雞作為早餐，開開心心去玩。對懷舊糯米雞滿懷期待，最後也是失望，不是味道不夠好，而是欠了一只鵪鶉蛋，換了少許鹹蛋黃...👊強烈要求懷舊糯米雞加鵪鶉蛋…查看更多

剛剛去完飲啤酒，行去鏞記買膶腸。見到這間越南河粉店，便想起勇記。好多年沒有食勇記生牛河了，對它的味道也遺忘了，只掂記著「好食」回音。那不如先食牛肉河，再買膶腸。坐低即叫餐。不二之選-生牛肉河。湯底清，對我來說有點鹹。所有配菜當然有：芽菜、辣椒、青檸、香草🌿...加在一起後，湯🥣又好OK喎！牛肉普通可接受（跟價錢比較），河粉中等不差。食完，用$88幫我串連記憶。但心目中也是勇記最好食！不是這家店做得不好，而是我們相識於微時。…查看更多

突然想食臘味飯。在商場見到介紹牌，便走進去這餐廳。當然立即叫了一個臘味煲仔飯，再加一個扎肉酸辣薯粉。扎肉酸辣薯粉不是我杯茶，因為不太受這樣油及辛辣味道。但是薯粉、蔥、扎肉絲加在一起（不要加湯），就好好味。如果這道菜可以多給扎肉絲，會好好多！最重要的主菜當然是臘味煲仔飯。拿到枱時砂煲熱熱的，豉油倒進去發出啫啫聲（可惜沒有蓋，所以沒有焗一焗煲飯）。膶腸好味、臘腸不硬、臘肉又不肥不瘦。最重要是飯焦是脆的。只可惜沒有西洋菜湯給我做湯飯。最後叫了凍檸茶，覺得茶胆不苦澀，好👌🏻。當然，臘味煲仔飯用鵝膶腸，我更加瘋狂。但是$68一個煲仔飯，這個已經很好了。如果要好D又要平D，唯有自己做飯吧⋯⋯你會嗎？回家後走進廚房找砂煲，發覺砂煲都發霉了😅…查看更多

早上到這裡工作，完事後想去early bird lunch，但太興原來尚未開業，走來走去，試試這新店。早上11點，原來早餐未完，所以來個late breakfast。煎蛋好好食，有我最喜歡的菌味，又滑，一個字，Good。炸魚夠脆，魚柳有一定厚度，又唔dry，炸得好。醬汁又配合得好，三個字，I like it。沙拉菜雖然不是主要部份，ok喎！鬆餅比較乾，not my style，我要的是「很不健康」那種啊！下次要叫走焗荳，因為我唔食，唔好浪費！$40大元，又是三個字，value for money。下次試試午餐。…查看更多

約了朋友晚飯，時間尚早，走了一趟Twist,沒有吸引眼球的東西（其實是折扣），便走入The One，巡視IT各大店鋪，看看可會在下半年多一點零用錢走到了HD門前。噢，很多年沒有堂食了，買回家享用也已經是一年多前。以前，坐在店內，一個一個大大的雪糕球，放在我們面前（亦是放在店內其他人驚奇的眼睛裡），肆無忌憚，大口大口的，享受獨一無二的味道！懷念湧上心頭，眼睛也被吸引，買了一個五個雪糕球的，只要$70多元。當然，不是大大雪糕球，只是小小雪糕球（跟chocolate fountain的差不多大小）。雖然是預期的大小，雪糕味道也是依舊，但懷念的心已經下沉至平復。罷了，還是嘗試其他品牌。M字頭的已經是我的心頭好！而D字頭的Premium也可以。雪糕這甜點，我想只要配料新鮮，質量高端，手作小店相信會做得更出色，希望往後回憶會再有更新！…查看更多

星期天，想食Brunch，又唔想行出街被「火攻」就要選地鐵站的商場店鋪了。在酒店頂層，可以遠眺青山，都幾舒服，但是如果人多，是家庭樂，有小朋友，那就要忍一忍...Brunch有自助沙拉，少許小食。但只是最基本的，沒有什麼期望或驚喜！我對沙拉比較喜好，但今次少了介芥末蜜糖醬有少許失望。其實沙拉bar可以有很大進步空間，配料多一點，沙拉醬多一點，再冰涼多一點，當然，價錢也會多一點多年前，喜歡到尖沙咀一西餐廳食Sunday Lunch，其實最主要食沙拉，但可惜已經關門（印象中名字叫California）。現在最想的，是澳門Kitchen，可能是不可常常去，所以想得很麵包也有進步的空間。麵包也是不可小窺，熱烘烘的麵包，有軟的、有硬的、有香草的，想起也流口水。當然，也是價錢問題！主菜有多種選擇，但今次沒有想食的種類。重有甜點但今次Brownie太乾了。但也是太方便了，價錢也可接受。無他，等價交換！…查看更多

到灣仔走一走，走到這地下商場來。好特別，商店不多，都是小店。雖然現在人流很少，但現在興建隧道到地鐵站，將來應該很旺場。行到這食店，見到限定Cold Brew Coffee，便買了一杯品嚐。之前在中環試過Ice Drip Coffee （不同的食店），感覺很好。這次試Cold Brew，感覺大不同。Cold Brew 口感比較濃厚，味重，可能加點奶會好一點。 Ice Drip看表面會淡如水，味也淡，但咖啡強度高得很。當然，兩者的分別可能是出於不同咖啡豆所致，亦會因個人喜好影響。在這一刻，還是Ice Drip略勝一籌。但試這兩種咖啡前，最好先食一點東西，因齋啡好傷胃啊！…查看更多

再次到Casa食午餐。好有期望！食生蠔絕，對我來說是必食之選，但不會吃太多，因爲通常吃生蠔都會飲酒，但中午不適宜😎，而且今天有開車😑前菜要沙拉，友人要湯。個人覺得今次沙拉比較好。湯也好，但不是喜歡類別。如果有creamy南瓜湯，或者蘑菇湯，下次會試試。唔知Casa會唔會睇到這個（抽水）要求😬叫了意粉，但今次略嫌過熟，可以硬少許，但都好食。今次最想分享是甜品，需然只是一小份，但厨師心思，令人心悅，也可能因為本身也甚為喜愛樹木花草🖖🏻比個Like你👍🏻…查看更多

不太喜好食自助餐。訂位時知道沒有生蠔，沒有燒龍蝦，我真的不情願去食一個$6xx的自助晚餐😑但是選擇權不在我方😅坐在不太滿意的地方（Bar枱-訂坐時已經說明，又是選擇權不在我方），遠離食物，又暗😶但勝在服務員殷勤，每事都有回應要求👍🏻真的是員工是公司最重要的資產🥇突然發現有燒龍蝦，上前問問，原來是al carte，但沒有失望，因為有燒大虎蝦🤤肉多，有燒烤味道👍🏻食多幾隻都覺得非常好食見到冰凍開邊龍蝦和海蝦，試試都好啦。突然廚師煮了一盤炒龍蝦，我立即放下冰凍食物，一個箭步，走到熱食區取炒龍蝦，好食，美味，但是燒虎蝦>炒龍蝦，所以只是一嘗心願而已。我朋友取蟹（好似叫三點蟹）他說肉多又甜，超好味。可適，我想取時已經沒有供應了😭走前一點，原來也有蠔，只不過是燒生蠔。廚師跟我說要燒6分鐘，她好用心地燒烤，放涼，塗上醬料，並叮囑要趁熱食。燒蠔跟醬料混在一起，是另一個味道👍🏻我起到日本菜那裡，嘩！我最喜歡吃的帶子。又大又肥美又走回西餐枱，取了燒烤牛肉，喎，又有鵝肝。牛肉嫩滑，鵝肝外脆內軟又見和牛Shabu shabu，好好食啊，但可惜，對我來說，湯是重味了。還有parma ham，海南雞飯，海鮮湯飯，Mozzarella and Tomato Salad...Oh我已經很飽了但我都食了拿破倫脆餅但已經沒辦法食芒果卷了😓食不了，就不再取，這是我食自助餐的守則😎…查看更多

放假日，想出外用午餐，又想shopping ,所以去銅鑼灣。朋友介紹CASA，可能當日是假期，沒有太多客人，所以比較清靜。看完餐牌，朋友說湯類是不錯的選擇，但當天沒有他推薦的那個湯，所以點了沙律，還點了當天特別推薦，黑毛豬扒。還點了生蠔，因為買一送一，Mermaid及Gillardeau各一，Mermaid 略勝一籌。沙拉清爽，有我喜歡的芝士及酸瓜。主菜來了，雖然肉扒份量比較少，但以質量取勝，肉汁、肉味豐富，腍，嫩滑，好好味，我個人相信比牛排好！亦嚐嚐朋友點的意粉。是我最喜歡的al dente，傳統意大利口味，有少少辛辣，。但如果你喜歡食比較腍的，就不是一個好的選擇。最後，甜品奉上，味道好，擺放及圖案看得出花了心思，值得一讚。但可惜不是我杯茶，但我依然很欣賞。但有一直不改善的地方，就是最後來的咖啡，如果可以有一杯意大利特濃咖啡的香味，或很久以前在「為你鍾情」嚐過的黑咖啡（雖然這黑咖啡跟這西餐有點配合，但在那刻突然想起這往日的味道），對我來說是Perfect。朋友說午餐比較便宜，晚餐比較高價。但也想找一個晚上來試試看。:)…查看更多

星期天，又焗又落雨　惗番之前話連蠔名都記唔到，突然想食生蠔，就走赴CWB6點去到ANA，今天落雨，又係星期日，所以好靜主食生蠔....其實是學食生蠔:)話明要學嘢，所以叫咗MENU既ALL AROUND THE WORLD，就係每款一隻，每隻$45，當晩有13款，咁就13隻啦一個大盤，生蠔圍圏，中間有只PACIFIC! 适先食中間隻PACIFIC，再逆時計食好正常咁惗，係由淡味食到濃味。一邊食，一邊記住個蠔名，哈哈哈，好忙.....揾到幾個品種，啱自己口味，但係己經有Ｄ滯滯哋，可能因為我都唔好白酒，食咗咁多有Ｄ過火但係都再叫咗個意粉，忘記同佢講要AL DENTE，CHEF都會自動波　如果你唔鍾意，就要落單時講出要求啊！個意粉好OK，味道好啱我，只係個汁水咗Ｄ，因為我比較喜歡粘Ｄ，汁黏住意粉嗰Ｄ睇OPENRICE，原來重多款未試，見到佢有個7th ANNIVERSARY CELEBRATION既PROMOTION ，下次要試吓其他生蠔o，但係見到有Ｄ真係好貴 　希望VALUE ENJOYED > PRICE PAID:)…查看更多

星期五，Friday night，冇去濕平，唯有約人去食新店！就人家去將軍澳，就食泰菜話，都好多人，但用膳時間只係個半鐘，應該唔會等太耐，等！坐低，本來想叫單點，但睇個set又好似幾好，就２人餐啦青咖哩豬頸肉，肥牛海鮮鍋，前菜拼盤青咖哩，份量唔多，但味道不太火辣，前菜拼盤，熱辣辣，唔係Hea住做 ，但係我唔多食生嘢，所以冇食三文魚主菜，肥牛海鮮鍋，大堆頭，有蝦，蛤，青口，魷魚圏，OK 啦!見其他人都叫魚做主菜，唔知係咪signature food，下次試吓！食飽，叫咗Ｏ茶消滯....唔覺套餐特別平，可以叫a la carte…查看更多

忘了是否21號再試這店　但一定是Weekend...比上次多人，就坐後，不用多想....食BrunchＯ　自助前菜+main course 首先行一個圏，決定先食...........生蠔。　自己不是專業食家，以前都係餐廰請教過蠔的產地跟味道的分別：鹹度，creamy，口感，大少...  :)最後當然只係覺得好食定唔好食，連生蠔既名都唔記得這隻生蠔，新鮮，不是大size品種，口感軟身，不太肥，適中，但對我來說，醎了少許（平時我食得好清淡啊:)），但可接受，要食有Ｄ腌制食物，我想是意大利當地特色食品，食左個似係青椒卷住Ｄ醬菜，好醎　好在只係攞咗一件，奉勸各位，最好攞少少試下人哋特色食品，但係唔好太多，啱口味先至攞多Ｄ。但係呢個真是not my style 其他前菜就啱我口味。個蕃茄湯用電爐暖住，試一碗。自己很喜歡又濃又creamy既湯，但係會好滯。這個濃湯，有Ｄ厚感，味道重，side effect係---唔影響我繼續食其他嘢Parma ham 我的最愛，沙拉清新，加其他前菜，雖說不是好多，但已經滿足甜點沒有食，因為自己平時好少食甜嘢，所以繼續食前菜當然，緊係點咗個Pizza做main course啦好飽，但都要食生果先至當complete。沒有什麽特別，菠蘿，西瓜，都不要緊，好食最重要。但西瓜就係唔太好食。西瓜自己買也是撞手神，但唔好彩買個唔甜，我都會冰一冰佢，起碼都有凉快感，攞番Ｄ分本來想叫杯Ｏ茶消消滯，再去Pacific Coffee嘆咖啡。但最後都係叫咗Latte。細細杯，OK喎下次再黎，唔好咁貪心，食前菜Buffet或者Pizza單點，either one。重有經Openrice訂，有折…查看更多