lkwan430的个人专页

話說放假冇乜嘢做，晏晝就去咗葵廣掃街，所以到7點都未見肚餓～但係天文台宣佈咗夜晚會掛8號波，餐廳話提早閂門，所以7點就到咗餐廳諗住求其嗌少少嘢兩個人share來食。我地叫咗慢煮春雞黑松露意大利飯($118)，白酒煮青口(小食$48)，南瓜湯(加配$9)。但係之後發現2人餐有2個main又送小食($248)，即係加多1個main只係加幾十蚊，我哋就加咗個羊架喇～個青口話咁快就嚟咗，雖然得5粒但係粒粒都好大，個汁超正，價錢又唔貴～—————————————————————春雞risotto份量好大，好香黑松露味，雞都又嫩又多汁！—————————————————————羊架我哋叫咗全熟但係竟然都超淋！仲有成顆蒜頭添！呢間嘢俾我地expect好食，dinner set好平，佢個lunch好似都好抵食，下次要再來試吓～！…查看更多

有幾次想來但係都full咗，今次book咗先來😎lunch set $78到 (包嘢飲，可以加小食)見到reviews話蝦餅好味，所以加咗來試($28)😋唯一不足係佢地lunch無菜食😅啲嘢食來到大家都o咗嘴，啲portion簡直係扎鐵嘅portion😆😆😆大家如果細食嘅話記得嗌*少飯*~~黃咖喱牛腩飯：牛腩超淋，咖哩不算太辣不過「傑」返少少會更加好。泰式燒豬頸肉飯：豬頸肉份量夠，唔太肥，個汁都幾辣，不過好惹味😋蝦餅超大舊同勁脆👍🏻玫瑰普洱茶好香🌹☕️想食甜品不過太飽食唔落了🤣 下次一定要留肚食!!…查看更多

今日土瓜灣一日遊～openrice見到呢間小店有豬油渣麵，reviews唔錯，未食過就去試吓！小店得幾張枱，坐低就叫咗碗招牌油渣麵 - 小辣($36) + 1個餸 - 魚皮餃 ($11)～唔好以為油渣麵一定好肥，其實唔係食到成口油嗰啲😆我諗應該同食碗車仔麵差唔多吧～真係唔似食緊豬油㗎😆佢有上海粗麵/上海幼麵/鮮米線揀，我就揀咗粗麵～碗麵有落蔥、蒜、菜圃粒，想走嘅話就要記得落單嗰時講喇。湯好香好夠熱，食到最後都係熱嘅☺️，辣度啱啱好、冬菇好香、白蘿蔔夠淋、豬皮浸咗落湯都好脆，唔油膩、魚皮餃都係正嘅，不過$11得2粒略嫌貴咗少少🤐 (如果揀餃子好似$9😛)…查看更多

有日經過見到好多人所以今日來試試佢個lunch menu～我地2人share咗1個火炙平目魚邊海膽三文魚子丼($168)、1個滑蛋雞親子丼定食($68)。兩個lunch set都有跟沙律+蒸蛋+麵豉湯嘅～講咗個刺身飯先：火炙平目魚邊竟然一夾就斷開，薄到食咗好似冇食嘢咁😤、海膽就正正常常，唔可以話超新鮮好味、而三文魚子算好食㗎啦。。。到滑蛋雞飯：竟然仲衰！！！雞肉超難入口，又乾又鞋，食咗一舊已經唔想再食落去😞。。。…查看更多

話說今日有啲事要入元朗搞，我地梗係要周圍搵吓有咩好嘢食啦！睇番上次來元朗已經差唔多2年前😅食完正餐後，我地喺openrice search咗幾間想食嘅小食店，去咗一間串燒店等雞串嗰時，諗緊加唔加塊雞扒，有個哥哥聽到就同我地講呢間「覓食家」啲雞脾正啲。雖然路程要十幾分鐘，我地都決定去試試。去到啱啱過咗6點，限聚令下只可以外賣～比完錢等咗10分鐘就有得食！塊雞脾太大所以切開2塊先擺得入個袋 😂 $28真係抵到爛！！雞脾唔油膩不特只，一咬落去就feel到塊皮有幾脆！！！唔只係家鄉chicken嗰隻脆，係又薄又脆嗰隻！！直情好似食緊台灣嗰啲薄片豬肉乾咁！雞肉都算淋同多汁（不過雞皮嘅好食程度遠遠拋開雞肉😆）我地留咗半塊攞返屋企，1個鐘後焗返熱竟然同之前無分別，實在好食到太誇張了😭再來元朗一定encore！…查看更多

i love cheese and just found out this hidden jem with yummy cheese fondue 火鍋份量夠2個人食，芝士好香好濃好滑!入面加咗白酒，一開頭酒味會濃啲，煲煲吓啲酒揮發咗就無咁濃~呢幾日天氣涼咗真係好啱食芝士火鍋they told us they have 40 years of history alreadyi’ll go often to have the amazing cheese fondue and help them survive the corona pandemic …查看更多

第一次寫食評, 係因為呢到啲豬扒實在係太太太太太好食!唔表揚吓佢有啲對唔住自己 豬扒勁大塊,仲要又脆又嫩!! 煎蛋都係超超超脆!!! 我地兩個不停咁話好脆好好食 話說唔記得點解openrice search 到呢間野, 見到零負評就save低咗, 見今日老公竟然唔洗ot, 就由原本嘅hea / 快食變咗來呢到~ 不過小店有啲難搵, 喺威靈頓街凹咗入去, 好容易會miss咗~我地都係叫咗豬扒滷肉汁飯 ($56) + 蛋 ($8)佢個飲品 (+$5) 都唔會hea你 - 我個薑茶啲薑係超多的!唯一希望可以有個選擇係豬扒滷肉飯(唔係得滷肉汁)>> 咁就perfect池啦!!非常surprised中環有咁平靚正嘅餐廳!下次會食蔥油豬扒飯 P.S. "炊豕"原來讀 "吹此"P.P.S. 原來銅鑼灣都有分店hahahahahP.P.P.S. openrice 寫九點閂門, 不過佢地今日八點就唔比人入 (可能因為嗰日咁啱唔乜客啩?) 想晏少少食嘅話可能要留意啦~~…查看更多