Tongsumyu的个人专页

今日約左好姊妹係粉嶺附近食飯，想搵一個可以坐得舒服又唔會趕住要走既餐廳食飯。路經呢間餐廳見裝潢都幾靚幾古典，又睇落幾舒服，重點又唔會好多人唔洗等位，於是就入左去食了。呢度都有好多選擇，我地一行三人都揀食唔同既扒，可以share 食。叫左牛柳、豬扒同埋三文魚。先有餐湯，揀左平時少有得飲既周打魚湯，都幾鮮味好飲。跟埋餐包，餐包微暖，塗牛油，都好食牛柳配薯菜，牛柳7成熟，都易切，味道都唔錯，食落都有咬口唔會韌，薯條都熱辣辣既。豬扒唔記得影相，相對冇咁嫩口，但印象中都唔差。三文魚扒都煎得幾香，不過有少少油，但都香脆既，意粉超多！其實佢仲配埋餐飲同啫喱，個啫喱又幾好食喎！又有果肉！ 個餐超豐富、量多，好飽肚，我地完全食唔曬啊！ 呢間餐廳幾好，服務唔錯，份量又多，程點係坐得舒服，環境幾好。…查看更多

呢間日本店都屹立左好多年，今日繼續想食日本野，就入去試下，結果係....食完好灰先叫左呢個黃金墨魚餅，味道係普通炸野既味，咬落好腍，其實就唔太食到有墨魚味，好普通既味道，但都可接受既。再黎呢碟加州大蝦卷。一睇個賣相已經好唔吸引。d蟹籽一忽忽，重點係d壽司飯，真心未見到有黏埋一團既壽司飯，個賣相大打折扣。食落都係一團，炸蝦亦冇炸蝦既鬆脆，真心好難食..... 仲有就係海鮮炒麵。首先佢附送一條短曲毛髮係碟邊，之後d麵亦比較黏，味道怪怪的。唔知係放d咩醬汁去炒，總之就.....非常麻麻。其實仲叫左兩串串燒，等左好耐都未有，原來係冇落到單，而明明只有三四檯人...不過算啦，食完其他都已經唔係咁期待個串燒。…查看更多

今日係公眾假期，一家人難得齊人，所以就齊齊去飲茶。我地一行五人，叫左10個點心加一個炒飯。可能因為今日人多既關係，食物質素好似比之前差dd。先有叉燒腸同蝦米腸，d腸粉好黏同埋散，不過味道還好既。仲叫左蘿蔔糕，本身諗住係煎既，點知係蒸既，不過食落都幾好食，清清地。另有兩款包，都正正常常不過不失。有蒸排骨，份量比較少，d排骨有d肥。山竹牛肉都好食。咖喱土魷冇咩特別。仲有煎堆同埋小籠包，不過我冇食 XD最後有楊州炒飯，呢個一般，d飯都黏黏地，亦冇咩穫氣，但感覺健康唔油膩，份量好多下！ 五個人食左四百蚊，唔太平，但又唔叫好貴既，始終係假日，價錢質素都會有d唔同。…查看更多

行經附近，見到有間日式小舖，適逢今日勁想食蟹棒壽司，見佢有，就入左去食晚餐。叫左三樣野食，有芝士蟹棒壽司、芝士炸蝦卷、海鮮炒烏冬。味道其實都ok，但略嫌細舊，價錢亦貴，好似係29蚊加一得兩件。芝士炸蝦卷其實味道都唔錯，但冇咩驚喜，都係偏細舊。海鮮炒烏冬，都好食既，炒得幾香，但份量比較少。呢間小店既野食其實都ok，不過價錢真係偏貴，份量亦少。我地係食飯時間黎，但係一檯客人都冇，如果佢價錢上可以調整一下，又或者份量上多返dd，咁會比較合理。 …查看更多

之前係呢度食過晚餐，記得食過佢既壽司、鹽燒鯖魚，味道好唔錯！ 今日下午想食日本野，就諗起可以黎呢度試下！ 叫左十勝豚肉飯同埋雞軟骨餃子烏冬！（其實仲加配左個章魚小丸子，但唔記得影相！印象中都幾好食，個外皮都香脆）首先有前菜，個味噌湯值得一讚，入面有一大舊三文魚，個湯好鮮味，唔似一般既味噌湯咁喊！ 呢個豚肉飯好唔錯，d豬肉有咬口好食，份量都好足夠，加埋燒汁好香，唔錯！ 烏冬味道都ok，味道好正常！ 個餃子幾好食，煎得岩岩好，好香。其實好想食佢既壽司魚生，不過近排戒食魚生類，所以冇得叫，等第日有機會先再試啦！ …查看更多

黎到銅鑼灣，諗唔到食咩好，因為呢度食野都偏貴。。最後同朋友決定去食沙嗲王！ 去沙嗲王，必食既永遠都係白咖喱豬扒飯！冇得輸既豬扒同白咖喱汁！ 豬扒好腍又香香茅味，個汁好開胃，總之就好好食！ 再叫左個沙嗲雞扒烏冬！雞扒比想像中好食，鮮嫩，層皮好香脆，有肉汁。雖然有dd膿，但整體係好食！ 個湯都唔錯，沙嗲唔會辣，配埋烏冬都好惹味！ 最後叫多個小食春卷，試新野，配越式醬汁個春卷不過不失，比較硬同咸d，都係蝦春卷好食d！沙嗲王既食物整體都好好食，係價錢愈來愈貴... …查看更多

今晚想食泰國菜，行下行下見到呢間小店，見到價錢都相宜，入面都有幾檯食客，於是就入去試下啦！ 叫左三樣野食，包括有豬頸肉炒飯、泰式粉粉絲同埋炸蝦餅~呢個炒飯都唔錯，食落幾香，亦冇油膩感，d豬頸肉亦都夠腍，感覺幾健康！呢碟粉粉絲都夠份量，都有唔少海鮮，亦炒得香，唔油！ 蝦餅好好食呀！ 彈牙香脆，點埋甜酸醬，冇得輸！ ：）呢間小店食物份量足，感覺健康，而且價錢相宜，值得再食！店舖少少，但選擇好多，下次可以試下其他野食！例如串燒！ …查看更多

呢間點心屋睇落比較舊式，但入面咩都有得食，點心又有，飯粉都有，價錢仲十分親民！因為好抵食既關係，我地兩個人都叫左幾多野食😋 （有d掛住食，冇影到相）佢既蒸點本身已蒸好左，不過仍然好熱！ 味道仲好唔錯，大大件！ d排骨飯好香好好食，排骨又滑，飯又香：）大推！呢個春卷勁好食， 又足料！個姐姐好好，本身話賣曬，都即時包俾我地食！每件春卷入面都有三至四粒大蝦，即叫即炸，但感覺又唔會油膩！ 脆卜卜！超推！ 價錢勁抵（雖然唔記得幾錢）！ 哈哈哈街坊小店果然有誠意 ；）…查看更多

記得當年係日本食既吉烈牛超級好食，外脆內軟，一試難忘。今日偶爾經過見到呢間秘，見到又係食吉烈牛，於是決定一試！ 我地5：45已經到左門口，距離開店只有15分鐘，但好快條人龍就好長好長，好誇張！ 入到去已經即時叫左吉烈牛同埋鰻魚飯！ 吉烈牛好快就黎到，有個小小既熱石鍋，俾你自己燒，都幾得意！ 不過食落同想像中有少少落差。牛肉比較韌，d吉列亦唔脆，味道還好，相信佢都整好左一排，以應付咁多人。鰻魚飯反而有驚喜d! 好香亦大條，配埋紫菜幾好食啊！ 味道唔錯，燒汁量亦恰到好處。整體黎講都ok ge，價錢合理，份量亦足夠，係吉烈牛有d失色。…查看更多

今晚諗唔到食乜好，行行下又黎到呢間大排檔，諗起上次食過覺得好好食，所以決定再去試下其他小菜！ 上次食過佢既黑松露藕餅、沙拉骨同欖角肉碎四季豆，樣樣都好好食！ 特別係個藕餅，好香，食落唔會覺得油膩熱氣，超好食！ 今次都係揀佢既招牌小菜！ 飛天通菜煲有蝦醬、蝦乾，再加埋少量紅椒青椒，好香好好食！ 熱辣辣，好惹味！ 再黎脆皮豬大腸，配菠蘿佢有溫馨提示叫客人即食，食落香脆，點埋d酸甜醬，好食呀！ 我呢個以前對大腸冇好感既人都覺得好好食！ 食完一件豬大腸再食舊菠蘿，感覺好舒服，亦解膩！ 兩者好match！ 呢味叫做海山骨，話係加左蝦醬去製作，味道都幾特別，d肉肥瘦均勻，唔會痴口，香口得黎又唔會覺得真係好熱氣！ 都係好食之選！ 呢間大排擋環境幾舒服，選擇又多，味道又好，值得一試！ ；） …查看更多

平時呢間拉麵舖經常大排長龍，難得今日只需要等一張檯，就毫不猶豫去左排隊食！ 舖頭細細，但感覺都唔會好擠擁。今次係我地第二次食，能保持水準！ 上次都有食呢碗骨膠原bb撈拉麵，好少地方會有撈拉麵呢個選擇。拉麵味道濃郁，軟硬適中，佢有圖介紹先試曬咁多樣配料，再撈埋骨膠原食，最後可以加d胡椒同埋蒜蓉黎食。每樣配料都感覺新鮮好味，撈埋所有野一齊食又另有一番風味。值得一提係蒜蓉又真係出奇地同拉麵好夾，食落多左份香味，好好食！ 呢款第一次食，係蕃茄湯底。佢既叉燒上面有微微燒過既芝士，味道好特別，又唔會蓋過叉燒原有既味道！ 湯底好濃，感覺到係真材實料，雖然唔係好食得出蕃茄既味，但個湯底都係好味既！ d配菜例如荀、蕃茄都好食！ 碗拉麵好大碗！ 份量好足夠！ 呢度既拉麵選擇唔多，但好感覺到佢地既誠意，每一碗都食得出係足料用心製作既！ 值得去試！ …查看更多

當個日諗唔到食乜，又想平食，食唔同款既野，第一下必然會諗到薩利亞！ 每次必叫既肉醬多利亞！ 有好香濃既芝士味，加埋肉醬，跟飯一齊食，無得輸！ 呢條鯖魚都唔錯，雖然冇日本餐廳燒得咁好食香脆，但以呢個價錢黎講算唔錯，都幾好食！ 呢款係新品，明太子魷魚圏意粉！ 味道又ok wor! 冇話好驚喜，但係做到正常明太子意粉既味道，都唔錯！ 呢個一般，都係新品，但唔記得叫咩名堂，裡面有粟米、蛋同薯角，d蛋好乾身，d薯角亦冇咩味，揀返芝士焗薯角會好d... 整體黎講，味道唔錯，價格相宜，係便食既好選擇！ …查看更多

路經嘉維邨，見仲有茶餐食，又見價錢幾抵，就入去食茶餐當晚餐😆叫左一碟炒豬扒烏冬，一碟雪菜肉絲炆米！ 呢碟炒烏冬有穫氣，足料，味濃，味道唔錯！ 炆米相對清d，冇咁濃味，但都一樣好夠份量，食完都唔會口渴！ 以40蚊一個茶餐配飲品，真係超值！ …查看更多

我同老公間中都會幫襯點心店，土瓜灣呢頭都有好多點心店選擇！ 今次食呢間真心唔錯，值得推介！ 我地兩個人叫左4樣野食：木魚花蘿蔔絲腸粉，呢個好好味！ 好鬆脆，亦有好香蘿蔔味，食落又唔會覺得油膩！唔洗點豉油都得😋呢個係野菌腐皮卷，都係好夠味，但好香脆。惟一不足係佢炸燶左，影響左個味道。呢個係吮吮包，都幾特別，其實係大版小籠包，可以先用飲管吮左部份湯汁再食。味道同一般小籠包無異，都唔錯既！ 最鐘意係呢個！ 金蒜排骨飯，用荷葉包著，有陣陣荷葉香，配有炸蒜，d排骨好滑，d飯好香，加埋豉油好好味！大推！ 呢度既點心非常唔錯，價錢合理 ，可以有下次啊！ …查看更多

今晚食自己，久唔久會經過呢間小店，都見到有人幫襯。 小店只做外賣，但都有唔少款式食物可以選擇。之前食過豬頸肉飯，但因為佢既肉之前已燒好，當你點呢d類似串燒食物時佢會再係爐度烘返熱。可能係再烘熱既關係，上次食既豬頸肉比較硬，但個汁就酸酸辣辣好開胃，不過不失！ 今次叫左泰式金邊粉，佢即叫即炒，份量好多！ 炒得好香，亦足料！ 味道偏濃味，但幾好食！ 同出面餐廳食既金邊粉無異！佢就無蝦肉，係配有雞肉、芽菜、蛋、蔥等等，份量好多！ 以40蚊呢個價錢，好抵食，食完超飽！ …查看更多