Kaikaifrog的个人专页

話說晚上叫左兩個碟頭飯，其中一個係羅白牛筋腩飯，好大碟，但d牛肉正方形十分柴，算啦，但求食個晚飯快d返屋企。點知食到一半，突然見到隻大概2cm既小強係碟飯度，d腳都仲係度，嚇死人咩！同職員講左，職員都好有禮貌，可以轉其他野食或者取消單。最後轉左個乾炒牛河。今次真係第一次食到小強飯咋，我諗大部份人都會想嘔返碟飯出黎。另一碟係味菜魷魚飯，d魷魚真係好大條，成條魷魚腳放上碟咁，係好大條，不過味道一般。大家要唔要食呢間請自行決定吧！…查看更多

一值無為意呢間茶餐廳，最近黎食下，竟然喜出望外。叫個牛腩麵，d牛腩好足料同好味。沙嗲牛肉麵加火腿奄列膠仔，麵比較硬，浸耐d ok。火腿奄列d蛋熟既程度剛好，內裡juicy。今日試左個下午茶，炸雞脾西多士紅豆冰，嘩，好邪惡既組合，紅豆冰既紅豆硬硬地，夠煉奶。炸脾都厚肉。西多新鮮加牛油蜜糖超好享受。係一個好令人滿足既組合。呢度價錢合理，味道不錯，推介一下。…查看更多

原本果間上海舖又抵食又好味，無啦啦裝修變咗而家呢一間試食下啦。叫咗最基本嘅小籠包、擔擔面。小籠包d皮好厚，雖然有汁，不過無驚喜。自問對食嘅要求唔高都覺得個擔擔麵唔合格。第一啖好大陣薑蓉味😞之後冇乜花生醬既味，仲好水。另外叫左個排骨湯麵，個排骨無骨，好厚肉似叉燒，鬆軟味道可以。總括黎講貴左又難食左，唔會再有下次。深水埗無左間抵食同好味既上海鋪真係好可惜。…查看更多