my_utopia的个人专页

星期日到處人頭涌涌，family day !係第一城果面出黎，自己一個人食咩好？即刻諗起啲間燈色既餐廳，搭左30 分鐘車黎食🤤🤤🤤🤤叫左福建炒飯 - 送左碗麗湯，個炒飯底好夠獲氣，又多料，份量好大，真係抵食夾大件！…查看更多

星期日天氣勁好，晨咁早想一個人飲茶, 想食鳳爪排骨飯，之後黎左啲間酒樓。 啲間野實係好旺，差唔多滿哂，全都係附近街坊同老一輩既叔嬸。 我入去啲樓面當睇我唔到又冇招呼，我見附近有張細既4 人台，埋去問個呀姐可否坐低，佢都好好人叫我坐低，我見佢都應該等緊人。之後樓面埋黎問我幾位我話1 位，其實唔知佢心情唔好定點，佢全程西我面同冇望過我一眼，就走去開茶。 佢拎壺茶番黎後，我問佢有冇鳳爪排骨飯，佢突然好似想發爛咁大聲講：「買哂喇！你睇番啲張紙啦！特價果啲冇哂喇！」之後轉身就走左。 我真係勁嬲！我而家比錢黎食嘢，唔係乞米呀！之後我對面兩對好人夫婦啲點心到哂食到一半，我果籠荷葉飯同山竹牛肉球先到；食物都叫過得去冇太差；之後我食到一半果對夫婦走咗，又黎左2個呀姐食客，佢地話應該4-5位, 有另一樓面好好招呼佢地， 咁叫佢地坐住我果台先，再聽到樓面係我後面話：佢應該就走架喇，其實啲一下，佢係咪趕緊我走？一早破壞左我星期日既美好心情，咁既服務態度，我以後都唔會黎！一肚食…查看更多

同女友撐枱腳, 去到黃大仙樂只有兩間日本餐廳; 之前去都冇咁多人, 依家直頭門口排晒長龍場, 內全部滿座, 六點鐘門口已經好多人等位叫咗個三色魚生飯, 真係好大隻蝦, 好新鮮冇腥味咬落好爽口, 雖然帶子份量唔多但勝在夠新鮮, 三文魚刺身都有4-5片都好新鮮, 但個飯凍咗啲另外仲叫咗芝士玉子燒, 呢個做得唔錯, 好有蛋味同咬落去時啲芝士汁流出黎我哋仲叫咗原來軟殼蟹牛油果ROLL, 比例恰當, 每個ROLL大大舊一啖都咬唔晒之後仲叫咗自家製梅酒, 果然自家製既係唔同啲, 但梅酒好多冰, 啲冰多到一滿杯, 大家下次叫次前可以叫走冰, 不過自家製既梅酒, 比出面超市買嘅比較上真係香好多, 味道十分不錯…查看更多

同朋友係美孚新邨附近做完嘢，就去附近是但搵間食下野醫下肚，一直都知美孚新邨附近好多好嘢食, 但要即時即興去諗又諗唔起，好彩記得之前去過呢間咖啡店，成個美孚，只有佢地有 All Day Breakfast星期六下晝一點幾去到門口, 由於成場爆滿同工作人員得三個人, 佢地執枱嘅時間都冇, 我同朋友索性直接行入鋪頭坐低左先, 叫咗兩個ALL DAY BREAKFAST 餐同埋 SIGNATURE BURGER 餐, 加埋兩杯CAPPUCCINO 咖啡,咖啡水準依舊一流, 香氣四溢, 牛奶泡細棉密; 佢個漢堡包好大個, 漢堡扒依然有肉汁同香道, 個全餐食完係超飽, 奉住個肚走人…查看更多

今次同朋友食生日飯, 一向見到啲間野餐廳出面都都多人排隊, 7:30 到門口拎票, 等左成個鍾 終於入到去坐終於明白點解咁多人排隊, 佢地有個私人鐵板燒爐 人人都可以玩DIY, 人人都可以做大廚, 好好玩！同埋價值好實惠 仲有每個餐都好大份，兩個人食一個廣島燒已經好飽，今次錯誤叫左兩個真係食唔哂。叫左個雜綿廣島燒, 廣島燒 ,再叫左個沙律, 一個柚子酒，佢地係用新鮮柚子即閩比你手查汁，好新鮮下；再叫左一個生啤，啤酒味約清都好易入口，埋單都係$400，推薦！…查看更多

經朋友介紹嚟到呢間韓國出名嘅雪糕店 - 百味堂去到見到有成幾十款雪糕, 唔知食咩好, 就問咗門口嘅時應靚仔哥哥, 什麼味道係最值得試既, 佢就話應該試吓原味, 因為佢哋嘅雪糕用咗有機牛奶整, 好值得推薦.本人叫左原味而我朋友叫咗個南瓜味食，杯裝個底係勁熱的唔知咩事一口咬落去口感有別於一般雪糕，但佢唔屬於好奶油軟滑嗰種，反而係屬於似沙冰口感，食咗一啖落肚之後有好重嘅牛奶味味道回調門店裝修好靚，同埋果日去到唔需要等位，值得推介！…查看更多

想去觀塘區食素, 其實要去一啲食物有質素環境, 舒服又坐得好嘅素食餐廳, 真係冇乜乜邊幾間有得選擇. 今次同四個朋友一齊嚟食餐地點, 就腳又方便又唔使同人迫. 原本D 度係一間做YOGA 既中心, 但又推行素食. 我哋叫咗個芝士豆付煲, 上枱嘅時候個煲仲翻騰緊, 熱辣辣。另外叫咗個海鮮粒炒飯我就嫌唔夠熱, 但個味道幾好食。我哋再叫咗個沙律, 唔記得左叫咩名，其實呢個沙真係好抵食, 好大碟同用左好新鮮既配料。…查看更多

本身住九龍，如果唔係特登有嘢去港島嗰邊做，都唔會過海。呢幾日就一直諗起太安樓既海南雞飯；但係次次都見到排到人龍勁長，心諗一定要等勁耐，所以一直都冇機會食。今次終於有機會去太安樓度行吓，見到佢地新開嘅鋪仔可以買完即時入去坐低食，好方便！ 我都用左成20分鐘去排嗰個隊先至等到叫我，於是我就叫咗個海南雞髀飯，之後就匆匆忙忙入去佢哋新開個鋪頭度坐低食：海南雞食落去果然雞用嫩滑入口，可惜份量唔多，但係20零30蚊有一個飯，算係咁。本人特別欣賞佢哋嘅薑黃飯食落好有口感，雞油襯落啲雞肉度香氣四溢，口感一流；由於飯嘅份量唔多，本人食完個飯都要再買多串燒賣魚蛋同埋雞蛋仔食，當然有機會黎到太安樓係要試吓呢度嘅街頭小食，正呀！…查看更多

舊同事無啦啦提議入去布袋澳食海鮮，自己揸車真係好快，尖沙咀市區入去大約20分鐘就到。兩個人坐低主打叫咗墨魚兩食: 一味係刺身，另一味係酥炸魷魚，另外叫咗個時令海膽炒飯，雞泡魚干同油麥菜。海膽炒飯飯粒炒得鬆夠熱，海膽味不算太濃，可以話係幾淡味 墨魚刺身墨魚刺身好食! 師傅刀工犀利，每片墨魚切得好薄，咬落口感爽脆酥炸墨魚鬚雖然話係兩食, 兩人食嘅份量都叫做唔錯, 墨魚鬚放入口時都仲係熱辣辣，墨魚食得出係新鮮生檔，所以咬落有嚼勁同彈牙, D個好食!雞泡魚干雖然份量唔，多但咬落有雞泡魚味，送酒一流餐廳雖然位置於西貢最偏遠的布袋澳，但周末晚上都座無虛席，食完行出去碼頭吹下海風，郊外既空氣好清新同舒服, 下次可以早小小入黎睇日落.…查看更多

早前在OPENRICE 找到這間咖啡店, 看上去是很專業的意大利的咖啡店, 今次專登前來親身試試。 走進店內，店員都很有禮貌打招呼和介紹咖啡豆的噥啖味, 我選了個比較啖味FIRENZE咖啡豆的LATTE便坐下, 不消五分鐘熱哄哄的LATTE 便送到眼前。一口嗒下細綿密密的奶泡, 一邊聽著店內輕鬆又輕快的咖啡音樂, 一邊看著店內落地玻璃的斜陽, 整個下午的時光頓時份外閒適又幸福  :) :) :) :) . 雖然本人不是住在本區, 但有質素的咖啡店很難遇上, 會再來的, 謝謝美味的咖啡  :) :) …查看更多

近來因為媽媽身體唔係幾好, 所以特登同佢出到去九龍城搵下D 健康有機食品比佢。 途經D 間小店, 外面望落去幾舒服乾淨同齊整; 之後入左小店. 一入去就有位笑容可掬的女售貨員好主動咁上前同我地打招呼 - 之後惡夢就開始: 全程我諗我地係店內逗留20分鐘左右, 佢就全程跟到實, 我地一邊睇野,佢就一邊係我地身邊不停咀咁講講講冇停過, 都同左佢講我地想自己睇下, 但佢見我地眼望去邊隻產品, 佢就話果隻有幾好有幾正一定要買! 真係好煩! 我見果位女售貨員係那一邊同緊我媽咪介紹緊的時候, 我係這一邊見有機會就即刻走去櫃檯埋單 , 我放低幾件貨品就即刻比信用CARD係櫃檯D 位好年輕既女仔, 想快快趣趣埋左單就走人, 點知, 我等左好耐, 奇怪成分幾鐘張CARD 都未過數.... 就係D個時候, 果位女售貨員已經同我媽咪走番過來...女售貨員見到我企係櫃檯等埋單比錢, 佢就即刻又SELL 我放左係櫃檯上面的手製曲奇, 我同左佢講冇興趣但佢又質左去比我媽咪試, 務求要迫到我地買為止. SELL左2分鐘, 好, 我SAY OK 就範買 (成$60蚊就得果十幾粒, 成包野都大唔過我手掌!) 就係D個時候, 等左成4分鐘過數埋單既CARD 機即刻有反應, 我再問果個女仔個手製曲奇係咪己計埋係入面,佢話係! 我心入面即刻火都黎! 即係你一直扮過緊數, 就事實係唔比我埋單走人住, 想等埋個SELL 爆女售貨員過黎再SELL 埋我地其他野, 你先真係將我張CARD 過數囉!! D 間咁既野, 以後唔會再黎, 冇下次!! …查看更多

星期五放工諗住同女友晚餐或者HAPPY HOUR , 冇事先BOOK 定任何餐廳, 都知去得尖沙咀實多人難搵位,搵左幾間餐廳同BAR 都爆哂, 就突然諗起SHERATON 有間SKY Lounge, 就決定去試下,我地去到, 門口姐姐都好有禮貌問我地dinner 定飲野, 之後就引領我地去坐低去到都有8點, 仲有幾個位未滿; 但window位就full 哂.我地是但叫左2個cocktail, 一個係叫yoku yoku , 另一個係kiwi martini, 都係試下姐, 點知落左order 等左30分鐘都未來, 之後我地就問個 waiteress 姐姐點解咁耐未到,姐姐行左去check, 之後又番來問我地叫左咩野, 但係原來應該冇落單, 之後又等....cocktail 來到, 賣相合格, 就一飲.....嘩!! 苦到同廿四味冇分別, 真係飲唔出有kiwi味law! 仲有上面塊kiwi係冇shave 到d毛架law!!廿四味飲完都回甘, 好飲過佢, d 個kiwi martini 真係同藥水冇分別!!! 之後另一杯叫yoku yoku 既所謂有益力多成份既cocktail, 都真係唔好飲, omg!!我忍唔住叫個姐姐埋來同佢講真係好難飲, 佢就叫我叫過另一樣野飲, 我地到最後冇叫,有個黑黑地既肥中年waitress, 勁冇禮貌, 埋單時我問佢野佢當聽唔到就行左去,d cocktail 我地只係飲左1淡就冇飲, 因為真係好難飲!!! 仲話咩5星酒店, 咁既food & service quality 我家附近我茶餐廳仲好過佢!! 以後一定不會再來!!…查看更多