JimmyTsuiTH的个人专页

想去呢間野食好耐啦，星期日終於同女朋友去左。火鍋同燒烤一齊食，感覺的確好新奇。點左幾樣都ok,燒烤食物不錯，只要自己留意唔好燒“濃”就好。燒完食物有燒火香味，非常好。重點一提，服務好得出奇！全程有人教要點燒，要點整，仲批埋粟米，撈埋牛油。食完好滿意。好好味，好滿足。但埋單就真係貴左d既。我諗多d人黎，share食會好d。…查看更多

行過聞到都覺得香，同班friend黎試試先! 炭爐燒烤，8成自己燒，店員都會幫手燒下。叫左幾十樣野，難以盡述。最深刻既:大眼雞 X 2 : 要encore因為鹽燒太正! 成層鹽倒係條魚外面，燒完剝皮，魚肉多汁，滑!蜆 X 5 : 一定要加水燒，熟左都KEEP住D汁，鮮。茄子 X 2: 自己燒左隻，好麻麻。呢個時候，高手出現!!! 佢就係店員高佬，顧名思義，高佬一名。條茄子燒得好有大陸街邊風味，正! 有時間可以同高佬吹下水，佢都幾風趣。豆卜 X 10: 燒到卜卜脆。蕃薯 X 2: 又係高佬傑作，當係甜品食，食完滿足晒。　其他廿幾樣野包括腸仔、雞翼、菇等等普通野啦。好唔好食視乎閣下功力。呢度有樣好就係各樣調味料有齊，孜然粉、黑椒、七味粉、鹽、蜜糖，乜都有。自己唔識燒就要摸住石頭過河甘，自己探索下。都幾好玩既。呢度可以一炭爐兩食，可以只係燒野食，或者加個爐打邊爐都得。我地剩係燒都飽飽。埋單，千幾蚊五個人，瘋狂甘食，算係甘。價錢一般，風味一流。值得一試。…查看更多