manditsui的个人专页

好失望嘅一次日本野…「古今二」荃灣店話說，之前為慶祝同事新居入伙，外賣左古今二嘅4-6人set, 係喜出望外！性價比高嘅！所以就突登出黎堂食佢啦～彩虹丼嘅整體味道，質素欠佳…魚生好淡味…唔知係咪唔新鮮，加上每片魚生得一對筷子咁上下闊。同埋杯檸檬茶有陣怪味….好似洗潔精味咁？呢間日本野其實價格相對較高，我見佢個角切魚生飯都比起出面貴$20左右。（因為我成日食呢款） 另外，張圖係牡丹蝦，但係碗丼到左之後就變左甜蝦，問個staff先話牡丹蝦賣哂…所以俾左兩隻甜蝦…… 今次嘅體驗真心失望……查看更多

哇哇哇！呢間Bamboo Thai令我太有驚喜！好好好食！！ 難得抽空食個午餐，又好耐都冇食過泰國野、就黎試下呢間評價高又成日排長龍嘅泰國菜啦～點左個紅咖哩豬頸肉飯- 繼我以前食過果間喺荃新天地1期羅麥記前身嘅泰國菜之後，好耐都冇食過咁好食嘅咖哩！！ 版主我要俾8.9分！（因為唔想俾咁盡😂），平時我好少會食得哂一個lunch,但呢碗野，係我食到盡（我覺得食得嘅野我都食哂，係食哂！差在未lam埋啲啲咖哩）佢個咖哩一啲都唔漏，又唔辣，甜甜地，好泰國風味，又酸酸地（因為有菠蘿），好mach 好flesh. 個豬頸肉又唔會鞋，又彈牙、初初以為得果4片豬頸肉啦，原來食食下仲有兩舊，所以份量都ok. 岩哂我呢啲要輕食嘅人。 不過佢個飯好細碗架，岩女士份量。我老公就點左份青咖哩雞肉飯、有陣椰汁味，甜甜地，都好好食，啲雞又唔會‘’穌‘’。 值得推薦。…查看更多

相約因為公事被壓抑好耐嘅同事一齊食個飯，出到旺角都未諗到食乜，點知就見到個大大招牌寫住「empty yourself定body」，就覺得應該一試。下面街係平時非常熱鬧嘅波鞋街/女人街，上到去非常驚喜，係一間木系cafe,好flesh嘅感覺。我同同事都點左個‘’懶人包‘’即係all day breakfast 😆連個名都別致過人。岩哂我地想懶嘅心情。 黎到係一份普通嘅all day breakfast,有炒蛋、有我最中意嘅薯餅、德國腸（？）、茄汁焗豆、兩塊有餐肉味嘅煙肉、厚多士。比想像中普通左啲，不過係lunchtime 想食all day breakfast 嘅唔錯選擇。唔記得左，呢間仲要加一...Btw.原來我隔黎位同事都係同一日去，某女同事話啲意粉唔夠食😂 …查看更多

話說，我一個腳短同事難得地生長左對腳，緊係要出遠少少嘅地方食好西啦！呢間Explore Kitchen 之前同老公食過一次，可能佢地岩岩新開冇耐啦，啲野食係唔錯，但服務態度真係麻麻，所以一直都唔敢食第二次。但係呢排啲抵食扒嘅餐廳執得一間少一間... 冇計...又想帶我同事去食好少少，咁唯有俾多次機會佢啦咦！入到餐廳，個阿姨都算好態度，加上多左兩個後生幫手樓面，即刻好好多咁😂 我地都係照叫左扒据，$68真係幾抵食，仲要係好食架～又大塊（我同事果塊又厚又大塊） （我地一行6個人）個汁都做得好好食，唔似一般黑椒汁。佢個蘑菇湯同蒜茸包都好好食！我嘅腳短同事就叫左魚扒，都好軟滑，佢兩面好似用左蛋汁煎咁，防止佢煎到散收收，好食！ 我再加杯Mocha，佢杯mocha咖啡好重咁，好香，苦苦地，中意咖啡嘅人一定要試下佢地嘅咖啡，係幾好飲嘅。雖然埋單都要8十幾蚊，不過食佢嘅野，緊係要食埋佢嘅Service, 今次幾滿意，下次會再食！Ps: 我地預先佢一開門我就打去卜枱，好彩都有枱俾我地。 餐廳啲位唔算多，人就愈黎愈多。…查看更多

是日my baby3個大加我媽生日，就去左東海堂試試佢啲新蛋糕～訂左個莓の遊び，用左日本赤莓做嘅海棉蛋糕，超正！ 士多啤梨係唔酸嘅～雖然都唔係甜，不過已經好難得～海棉蛋糕做左粉紅色～少女心爆發❤️ 我係忌廉控～好彩佢個蛋糕唔係多忌廉，唔係實肥死～食到停唔到口 面層有士多啤梨外仲有士多啤梨做嘅啫喱波波，入面仲用左士多啤梨果jam同啫喱做夾心，酸酸甜甜一啲都唔漏！真係好食到要寫下食評！2百幾蚊有1.3磅算係咁～4條友食都可以食到好飽～…查看更多

產假後第一日開工又黎寫下冇錢收嘅食評先。嘗鮮試下呢間位在Moko貴貴地嘅lunch今日叫左個set lunch-Rosemarry rosted chicken spaghetti 配蘑菇湯+$10 ice Mocha蘑菇湯加左Olive oil ...麻麻地..有啲卡喉，我冇飲哂..（平時絕對會飲哂最愛嘅蘑菇湯嘅）個意粉呢，係配雞胸同雞搥都幾滑嫩 但係味好普通..加上番茄意粉..好似食緊Euro gogo咁..我點解要俾咁貴黎食...同埋個ice mocha係暖上嘅...唔凍嘅...個cream就好好食，不過杯mocha又係普通..…查看更多

一間高質粵菜在青衣城話說，呢間餐廳食左好耐同好多次都冇幫佢寫過食評，今日點都要補番俾佢。一間少油少鹽ge中菜館，連平時細食GE FD都忍唔到口食哂。你就真係要黎試試喇~第一味: 煙燻蛋，超中意食呢個，每次去都必食，佢面有層Smokey ham，卜卜脆再帶點煙燻咪GE魯蛋，係一個好開胃GE前菜。第二味: 鰻魚每塊都厚過我個肚皮，又juicy，又肥美，超讚!!(其實食到呢舊都飽到5-6成) 第三味: 蒜泥白肉，即刻幫你胃level up，又一個開胃小菜，酸酸辣辣，幫你再戰下一味。第四味: 蟹粉豆苗。 黎得呢間，仲要蟹當造GE話，係一定要試佢D蟹小菜，我個FD每次同我一齊黎都必叫!第五味: 醉蟹!!!! 中意飲酒GE你，又食到生野GE你，一定要試!! 因為食我出佢落左幾重GE花鵰酒去壤佢! 雖然食後會gip gip地，但係酒味超香同甜甜地。又係米飯小偷~唔講以為我一次過食咁多味菜，我真係冇咁大個胃我係分開幾次食盡佢GE。第六味: 蟹鉗同蟹粉炸曼頭，哇...冇得唔讚..真係好好食.....滿足哂你唔想剥殼同拆蟹GE勞累。一啖過!!講到呢度先，搵番D相我再加!!去到叫茶一定要叫四寶茶!! 唔係度度都有我飲架~好好飲架~對女人好MA~…查看更多

先不論政治立場，一間好食嘅小店應該賦與支持！呢間熱狗開喺一個超隱閉唔係住荃灣嘅都唔知呢度有野食嘅地方！食過一次會想再番黎食嘅熱狗～好大件～料又夠，又有小食配搭～第一次食緊係要試下佢個招牌熱狗：火炙芝士辣肉腸肉醬熱狗～一打開個盒我就呆左，哇，咁大件我食唔食得哂...啲芝士配肉醬好好食！不過有少少咸，條腸似係司華力腸，都係咁大條。我仲要配埋薯條同粟米..最後我係食唔哂。 薯條個醬真係好好食！一定要叫！食過番尋味，再去試第二次，今次叫嘅係日式和風熱狗，個醬好似食緊八爪魚丸咁～因爲有木魚喺面～不過配嘅腸冇火炙果隻腸好食～私心希望腸仔可以換下下次要試埋其他味～排隊時間真係有啲耐，可能大住個肚實在不宜久站，第一次食等左半個鐘有多（因為又多人又有網上外賣平台)...第二次想叫網上外賣平台,但被取消order...可能人太多佢地做唔切..唯有老公去買..佢話人少啲等15分鐘左右。 …查看更多

一間位於彌敦道鬧區嘅上樓喵喵療癒cafe呢間超多貓！同啲同事lunch hour黎食，要一早卜定枱。 已經第二次黎，因為野食都好好食！第一次係食青蟹籽蜆忌廉意粉！賣相不錯，味道都好好食，份量正常，只係岩岩夠飽，因為係夜晚黎食，叫左個4人餐，都要5百幾...覺得有啲貴。 第二次食，lunch係平好多！叫左個卡邦尼意粉，都幾好食～又有沙律又有野飲，最緊要啲貓都任摸～比起其他meow cafe啲貓叫做冇咁驚人。 我卜果段時段，4人同行會放一客小食，但係啲staff忙到唔記得俾....同埋等野食到齊都好耐。…查看更多

又係時候試新野～lunch time要等位，證明應該唔錯。茶王嘅奶茶飲唔到..唯有試佢常餐。 叫左個沙嗲牛通粉配奄列多士～ 沙嗲牛幾好食，唔會「鞋」，本身佢係配出前一丁，但我轉左通粉佢都照俾包麻油我～好貼心o(｀ω´ )o 個奄列蛋乾啲同薄啲，多士算厚好好食（滿滿嘅牛油），成份餐好夠食，好飽！價錢都算正常，環境唔可以話坐得舒服，我覺得有啲熱...同迫。因為要搭枱，佢啲4人位都好細.. 同事試左佢普通奶茶都覺得有啲甜。下次要試試佢。…查看更多

香車街街市出名多好野食、但係唔洗只意坐得舒服。但係呢間新開嘅泰國餐廳超特出，門面靚唔洗講，入面都做到好似置身喺泰國cafe咁，真心不錯！ 一於試試佢。叫左個海南雞飯同埋泰式炒金邊粉，海南雞飯嘅雞，好新鮮！ 有啲似走地雞咁，好滑，又唔會韌，配埋海南雞醬一流！不過個油飯就稍有失色，個飯爛左啲，唔夠一粒粒，但味道唔錯。熱屎辣辣配埋杯西柚梳打，又加返分！另外個泰式蝦金邊粉，有啲普通，唔係好夠鍋氣（扮下野先），食得出陣番茄醬味...同埋價錢偏貴，不推薦！ 下次試試其他野食～…查看更多

週末放假想試試新野，專程黎到呢間喺荃昌昌寧中心嘅一間細cafe，聽講幾好食就黎試試。欸～叫左個黑松露雜菌意粉、慢煮牛肉Bagel。 個意粉不太濃味，淡淡地，滿滿嘅黑松醬配合好香嘅蒜香味，整體幾好食，佢意粉係用粗啲嘅意粉做，好用英國食過嘅意粉風味～平時出面大部分意粉都用幼身啲，呢個好有咬感。我覺得個Bagel好食過個意粉，佢舊牛肉煮得幾好食，不過太多cream, 一個包只係岩岩好，如果可以配啲沙律菜或薯條就更好！同埋價錢喺荃昌黎講叫做貴。$88一個意粉，lunch time都冇野飲送...野飲另外叫只係減$10..整體黎講好貴.. bagel要$64。叫左杯greentea latte $39-$10，成杯飲末茶粉同奶咁，我覺得東海堂嘅宇治末茶紅豆仲好飲， 成餐飯都要$181...荃昌係可以食到好多野，飽到嘔都係$100內。間cafe好細..位好少，同埋佢係開放式廚房 啲油煙飄哂出黎，好煙..煙到有啲人係咁咳。…查看更多

難得今日冇王管，就到遠少少喺油麻地嘅譽發廣場試試新野！我地一行5人，早一個鐘卜openrice book定位去到即刻有得坐～唔洗等！叫左3份肉眼扒、帆立貝黑松露意粉同埋魚柳Burger ，我就食肉眼扒，肉質鮮嫩！一啲都唔韌！好好食！配薯菜，我一個人食唔哂！仲有羅餸湯同餐包！$63+10% 都算幾抵食！ 值得攞廌！呢排揀嘅好彩都唔伏😂 但眼見個意粉賣相好似唔係咁吸引，同事食剩左。 魚柳漢堡睇落不錯，見平時細食嘅同事都食得哂，應該幾好食…查看更多

女人街一早已經係附近返工嘅人嘅食街，今日都唔例外。 之前經過呢間LA 俾佢餐牌價錢同openrice唯一食評吸引，決定試一試。之前已經食過一次，叫左個香煎雞扒配燒汁意粉，雞扒稍細左啲啲，啲汁又少左少少，但係都幾好食，意粉都煮得幾好食係好難得！同埋配是日餐湯（蘑菇湯幾好飲），加埋杯少冰都勁大杯嘅利賓納，決定今日再encore 呢間。今日就叫左個洋蔥豬扒意粉，竟然有一塊半嘅豬扒！突然之間好豐富！ 同埋啲洋蔥汁好香～整體幾好食！今日餐湯係羅餸湯，都不錯，又叫番上次果杯利賓納，不過今次叫佢少冰係冇少到..仲要細杯左..有啲失望。 下次有機會先再食。…查看更多

是日行Moko，搵下有咩好食啦，見水牌睇到呢間啲Menu相不錯，就卜取...哇...一上菜果下，中哂伏....叫左碟又貴又唔好食嘅巴拿馬芝士卡邦尼意粉。張圖個意粉砌得好靚下仲有紫菜喺面架、黎到變左一攤水咁嘅撈意粉、紫菜又冇...真係好唔掂...我自己買個醬整都唔會咁...咁嘅價錢..女人街大把好選擇...另外仲叫左明太子海鮮意粉同蟹子蛋pizza....個意粉又係咁...一pat醬再掉啲海鮮落去...pizza啲芝士係un un地...唉。總之冇樣好食又貴！…查看更多