Caseym_1的个人专页

今晚29/08/2025食完晚飯，買個甜品食下，想試呢間好耐。滿心歡喜，點知一打開黎食，芋圓全部都未熟，中間係硬㗎，好失望。。。。未試過向出面食芋圓係唔熟，今次第一次，浪費左$38。。。得返芋泥同仙草可以食，唔知係咪太甜食完條脷唔舒服。店舖10pm收工，我地9:3x pm購買，仲有半個鐘先收工，已經無咩人幫襯，員工反應冷淡無咩禮貌，無熱誠。。。。唔願做咁。。。另外，店舖擺滿紙箱，一片凌亂。芋圓唔熟真係嬲到要即刻留comment, 之後唔會再幫襯。。。以免再中伏。…查看更多

見新開menu 睇到菜式都幾多，又有得openrice book 枱，於是試下。Book 左Friday收工7點15分，當日早左幾個字到，餐廳外面已經企滿人，問下職員可唔可以早啲入去，但真係太多人，都係要等都合理。等左3個字左右已經安排入座，都係按時仲早左少少比到枱我地。食物款式多，味道唔錯好入味，份量足。點左麻辣鴨血（夠辣）芋泥肉鬆蛋餅（唔記得影相），牛肉麵，最開心係最後叫左個好好食既甜品，夏天食真係好消暑，非常滿足服務好好又有效率，上菜快唔駛等好耐，無叫野飲員工比左兩杯水仲會定時加水。餐廳好大，員工安排好，食具精美，影相都幾靚，食物質素不錯，開心…查看更多

厚福街平日lunch大部分餐廳都等好耐先有位。平時經過見呢間魚旦粉舖唔駛排隊於是提議入去試下，簡單食個粉面。餐牌寫住包熱飲，落單時朋友問清楚係咪包熱飲，員工唔耐煩問飲咩又無講要收錢。老婆娘聽到大大聲話野飲點會唔駛收錢呀，熱飲$8, 仲問係咪唔要呀。餐牌寫得唔清楚誤導人仲要大聲夾惡。。。眼見老闆娘對其他食客態度都非常差。其中一個食客講普通話，問老婆娘攞牙籤，佢既態度就好似鬧人"盲ga, 樽牙籤咪向枱度lor, 要唔要教埋你點拎佢出黎呀".....:(黎食野，多謝都無句，食客仲有禮貌過佢。完全都唔狠做大家生意。食到一肚氣。今時今日，幾十蚊一碗粉面，都唔係要你點有禮貌，正常答句飲品另計咪算lor, 講咁多廢話。香港餐飲業成日比人話服務態度差，咪就係呢啲。野食又勁一般，魚旦粉無咩特別個湯底無咩味。返到公司仲要勁口渴，味精重。。。。尖沙咀區lunch 唔駛等位。。。原來真係伏。。厚福街大把好野食，有特色又抵又好食，服務態度又好，$5x-$6x 仲包凍飲，下次寧願排隊都唔會再幫襯呢間"樂園"魚旦粉。。。連累朋友受氣，真係好過意唔去。…查看更多