王仁9518的个人专页

我喜愛喇沙程度大約每星期都要食兩次，公司樓下皇室堡開了間新星馬餐廳，睇餐廳介紹係由星馬名廚主理，當然要試試。雅娘的喇沙是常見的星加波咖哩喇沙類型，第一個印象是好大碗！ 湯底好香椰奶味，比平常食的要辣少少，喇沙湯有明顯顆粒感，明顯湯底好足料。魚蛋彈牙唔粉，尤魚好味，蝦亦新鮮。食材靚本身已經贏了。對得住一舊水一碗的價錢！如果比例上少些滲滲多些湯就完美。另外點了個蝦球炒貴刁，傳統參巴醬炒好惹味，不過相對上喇沙太過出色，我連續去了幾次午餐都係重複叫這喇沙，真係在香港試過數一數二的高質！…查看更多

早幾日去土瓜灣做野，順便搭下屯馬線，真係大鄉里，咁鍾意食喇沙都係第一次食馬六，知佢開左幾間分店但係無經過，上網睇過d食評覺得又未至於要特登去食。經過時係下午茶時段，好！就試一試魚蛋喇沙，都係咖哩喇沙果類，幾重椰奶，湯好有味但唔算濃，即係無果d一粒粒既粿粒口感，個人鍾意果類多d，不過只係個人口味問題，我估都會有人鍾意好滑。我仍然係覺得好飲，你睇我影張相係連湯都飲晒就知 hahaha。可惜既佢唔係滲滲，同埋魚蛋質感太粉，扣了好多分。不過下午茶價錢就下午茶既要求，算係咁。＊唔知夜晚會唔會比好d既料。。。😏有機會再試。…查看更多

大慨呢 d 就係治愈我心的 comfort food，利申中學時間中有食，當時只有呀sir同有錢同學先幫襯得起，我間中都會去，所以每次食都開心得要寫日記咁滯。。。長大左先識真正西餐係另一回事，叫六成半熟原來會比人笑不過唔緊要既，中學雞果時邊識咁多，而且呢d先係我呢代既集體回憶。前幾日要去土瓜灣工作，六點收工行過呢到，見到門面都係同二三十年前一樣，土瓜灣已經有地鐵，相信唔洗好耐都會重建講bye bye了。下次再經過可能又三兩年後所以雖然下午茶未落格都入去食了個 $130 鐵板牛柳。呢兩年因為疫情經常在家煮食，買一塊同價既牛扒可以煎得好好食，所以現在對煎牛扒標準都高了好多， 不過咁樣比較唔公平既。講返食物，用同類既豉油西餐餐廳比較，我覺得完勝了花園/金鳳/第尾。無乸口既蘇打粉鹼味，肉又無太硬好難吃。份量在相片反映到，有2塊大約250g既牛柳，只係覺得蒜容汁太多生粉。個羅宋湯酸了點，不過我回憶就係要呢種味。一邊食一邊欣賞佢地既menu，上面寫住佢地知自己唔係100分，只求有60分客人覺得ok會返轉頭。都幾老實，味道係60分左右啦。到最後waiter問啫厘要唔要落花奶，果刻又係勾起一陣中學時期的美好回憶。畢竟我相信呢次會係我最後一次去，因為客觀講真係未至於好食得我要搭一小時屯馬線到來。…查看更多

呀妹好介紹，知我減肥都帶我黎，呢次大鑊因為真係好好好食！喂呀！『蕉糖花手醬芝士脆煙肉奶式』可以話係我做左幾十年人最好飲既奶式，今次好大鑊！好彩佢位置唔就腳，如果開晌我樓下肯定為左呢杯野肥十磅。脆煙肉真係神來之筆，原來好夾花生醬。至於個三文治就當係配角吧，唔洗食只睇相片只要你鍾意芝士都知道幾好食啦。hahaha果日星期六見到多數係一pair pair文青情侶黎拍拖，目測無人超過三十歲，我呢個大叔在場顯得有d另類。不過講翻個價錢又唔算平，一杯野飲加一個三文治要$150。…查看更多

星期日入左屯門，朋友遲到有半個鐘唔知點打發，所以晌早餐同午餐之間再食一餐，我咁肥係有原因。。。堅石燒/堅韓燒聞名已久，第一次幫襯佢地早餐，見餐牌係一般港式茶記，無咩特別期望下叫了個雞排辛辣麵餐早餐，凍加啡。座位舒適始終係韓燒餐廳唔會太迫。所以環境舒服價錢唔貴，唔知是否平日都一樣價錢。如果我唔係叫辛辣麵同凍飲，雞排麵餐早餐有牛油多士同飲品只係$35，平過一般茶餐廳。等十分鐘送上碗麵，竟然有d擺盤，吹漲。太陽蛋上面仲有蕃茜碎。雞排皮沉在湯仲有少少脆。味道無伏，正正常常無投訴。杯凍啡我叫了走甜，order完有d後悔，因為一般茶記真係唔可以叫走甜既凍咖啡，大多數唔加糖水會勁苦。但呢杯又正正常常。我唔係話超好飲不過絕對比一般茶記好。總結係抵食好座，下次經過開會再黎。…查看更多