lck036026的个人专页

今次去咗中環一間食黎巴嫰菜嘅餐廳，香港真係好少有，餐廳環境超有中東feel。我先點了前菜，聽聞出名食鷹嘴豆，我哋嗌咗兩款，一個系鷹嘴豆豆泥，佢溝咗橄欖油同小小調味，口感綿滑，配上熱烘烘的Pita Bread，餅身煙韌有咬口，兩樣夾埋食美味度加倍提升；另外利用鷹嘴豆泥炸成球，配上中東醬汁非常惹味；主菜點咗烤肉串，最正係肉質唔柴唔鞋，烤得乾身又juicy；連平凡嘅烤椰菜花都整得好出色，烤到恰到好處，簡單的食材烤一烤就已經化身成美食。想試新口味嘅朋友，呢間真係可以mark低～…查看更多

觀塘依間中午可以食足三小時，長者仲有88折，超抵食仲可以慢慢嘆！ 入到去食物種類多到嚇親！招牌刺身夠吸引，厚切夠誠意，重點係超新鮮，近期仲新加入藍鰭吞拿，油脂均勻，仲有藍鰭吞拿周邊菜式，鐘意食刺身嘅朋友實要狂掃！今期主打嘅甘雕立鱗燒都好出色，鳞超香脆，肉質又嫩又多汁，食完仲想再食多件。依度唔淨得日式嘢食，仲有中式點心，可自家製黑松露蝦饺，咬開滿滿蝦肉彈牙，自由加黑松露，香氣夠晒突出；蒸聖子王每隻都超大隻，鮮甜到冇得頂，乳鸽亦烤得皮脆肉嫩，汁鎖得好。呢餐真係食得大滿足！…查看更多

隱藏喺富山邨呢間酒樓，簡直係鬧市入面難得一見嘅懷舊寶地，見到一種歷史嘅印證， 一磚一瓦一木都保留著，好似坐穿梭機回到七八十年代氣息，最難得係保留住龍鳳大禮堂，感受到昔日喜宴嘅熱鬧聲同人情味。 菜單更加係少見嘅驚喜，係用毛筆手寫嘅菜單，墨跡帶住溫度，每一筆都滲住老食肆嘅心思。 食物更加不負所望，款款都係地道風味，熱餸捧上台，鑊氣十足，入口滿是熟悉嘅家常濃情，呢種味道係流水線餐廳做唔到 而家保留住老香港韻味嘅酒樓越嚟越少，如果大家鐘意舊時光嘅溫度，真係要嚟試下。亦都真心希望呢份懷舊feel可以一直維持落去。…查看更多

依間餐廳嘅裝潢好有特色，主打日本主題，仲以東京富士山為核心，店內仲有富士山周邊產品可以買，坐低就感受到滿滿嘅和式咖啡廳風格，氛圍好舒服。 食嘅菜式亦都好精緻，全部係小碟裝，但調配得好別出心裁，唔係周圍都食到嘅款式，我最印象深刻系梅酒冷蕃茄，完全冇諗過有這樣配搭，蕃茄唔會好淋，帶有少少咬口，加上淡淡梅味，正丫！香菇昆布釀南瓜貝貝，入口味道好出色，層次好豐富。 整體嚟講，呢間咖啡屋無論環境定食物都好有驚喜，尤其鍾意日式風格同精緻美食嘅朋友。…查看更多

周末下午茶餐抵到爛！星馬小食三拼先 $49 ！重點係味道超接近係馬來西亞，星加坡食嘅味道。 🔥 必食推介：海南雞飯$48油香味夠晒足，雞肉嫩滑 🍛 紅茄參巴醬鴨腿摻摻$48湯底濃郁，鴨腿超腍嫩，仲好入味！ 星馬小食$49三拼：🥯 椰香咖央南洋包同斑蘭咖央多士一定要試馬來西亞直送，搽埋厚厚牛油，超正！🦐 鳳尾蝦春卷外層脆到「咔哧」聲，入面鮮☕️斑蘭咖啡香滑濃郁，夠地道經常都長長人龍排隊，星馬菜 fans 要留意！…查看更多

今日10月1號，真系好興奮！原來敏華餐廳係屬於太興集團，國慶日整個太興集團都做7折仲免加一，梗係要去食返餐啦！我一向都鍾意去敏華食早餐，雖然今日人多得誇張，但水準依舊保持得好好，我最愛嘅滑蛋滑溜溜，口感一流；沙爹牛肉麵亦都好地道，面質唔會太腍，沙爹味濃郁，牛肉又夠腍滑，仲有杯招牌奶茶，茶底夠香、奶滑夠醇，入口濃滑唔會澀。今日人多都一樣有效率，呢個優惠真係難得，唔知下年會唔會一樣有依個優惠呢？！雖然冇我都係會間中去食下😋…查看更多

朋友見到屯門有一間無限時任食，星期一至四做緊$168，仲要唔使加一，好似好抵，所以一試。雞煲有多款味道，我哋食咗台式三杯雞，非常惹味，重點係雞好嫩滑，雞煲真係出色，打邊爐就正常發揮，主要係台式丸比較出色，仲有紫菜響鈴嗦嗮湯底個味超正。同埋有好多特色飲品，譬如奶茶紅豆冰、忌廉泡泡阿華田等，出邊就噉飲一杯特飲都唔平啦！打邊爐點少得啤酒，都係任飲。我覺得依個價錢性價比好高，同朋友相聚，搵個地方坐耐啲係一個唔錯嘅選擇。…查看更多

今日約咗朋友喺中環小聚，行咗一陣覺得攰，打算搵間環境好啲嘅餐廳坐低抖吓。 行到近大館位置，手機一搵就見到間印度菜餐廳評價幾好，就決定去試吓，一入門真係有驚喜，裝修走印度宮廷風，格調好高，坐低即刻覺得放鬆曬。 最貼心係菜單有中文譯名，就算英文攪唔掂都唔使慌，揀嘢食好方便。我哋tea time無點太多野食，只是點了咖喱同印度薄餅，咖喱醬夠濃，香料味好正又唔會太搶；薄餅烤到外脆內軟，蘸住咖喱食，真係好地道，完全有驚喜。…查看更多

見酒店9月轉了「泰」地道主題餐，所以一試。 有泰式精髓，生蝦鮮彈，熱菜區金不換大頭蝦有獨特香草香，咖喱軟殼蟹更是冇得彈。不少得回本食物：龍蝦肉質結實多膏，長腳蟹蟹肉飽滿，即開嘅澳洲生蠔尤其出色，入口鮮甜帶住淡淡海水味！ 甜品區一樣冇令人失望，泰茶蛋糕茶香濃厚，榴槤西米布甸綿密香甜，芒果糯米飯拿破崙創意配搭有驚喜，最意想不到係茅台味雪糕，酒香同奶香融合得岩岩好。 由熱菜到甜品都無甩拖，今次泰式美食之旅真係食到捧住個肚走，期待下次嘅新主題！…查看更多

2025年大閘蟹開季，喺陶園酒家食大閘蟹自助！重點要讚下大閘蟹嘅質素——隻隻都爆膏， 金黃金黃的，好似啖啖鹹蛋黃香，蟹膏厚實綿密，蟹肉鮮甜緊實，完全冇空殼情況， 冇諗過任食食到咁高質，真係超驚喜！ 除咗主角大閘蟹，仲有酒家招牌鮑魚，一人一份夠晒實在，咬落Q彈入味，點心更係直擊蟹迷個心：蟹粉小籠包皮薄汁多、蟹黃麵超正、蟹黃春卷外脆內嫩，連其他常規點心都做得精緻好味。 今次簡直食回本，無論想歎蟹歎到飽，定係同屋企人聚餐都好適合，真心推畀各位蟹迷！…查看更多

「CUIT」 雖然唔係位於西貢市中心位置， 但上網見呢間cafe 好出名所以諗住一試！ 門口綠色遮陽篷配住綠色植物，氛圍感十足 ，露天小區域坐喺度好舒服，好寫意，似喺秘密花園度歎咖啡～點知一定要預約先可於店內用餐， 好在都有得買外賣， 店內的 酸種麵包，甜點曲奇都超吸引， 最終我們都叫咗兩款不同甜點， 我自己就最鍾意伯爵茶果醬曲奇， 茶味十足，中間嗰層醬好濃郁， 下次一定要預約， 再試下其他食物，期待下次再嚟探索新口味啦～😋😋😋…查看更多

霸王茶姬登陸屯門市廣場，唔使過關都歎到招牌茶飲 今日路過屯門市廣場發現咗間新店！向來要過深圳先飲到嘅霸王茶姬，而家正式登陸屯門市廣場，以後想飲唔使特登跨境、唔使捱車程，留喺香港就搞掂，對於鐘意飲茶飲嘅朋友嚟講真係好消息！ 除咗「唔使過關」呢個賣點，更值得一提的是，香港分店的定價十分親民，與深圳門市價錢差不多，並未因地域因素大幅加價，性價比顯著。 實測體驗中，飲品味道也與深圳門市保持一致，延續了品牌一貫的高品質水準，未讓我失望。😋😍🥤…查看更多

今日返工忙到飛起，晚餐同屋企人揀咗大家樂快餐，見新出左花膠椰子雞煲，我選了牛肉+海鮮餐，質素超出我預期！三款海鮮都唔錯，特別係蝦咬落爽口彈牙，牛肉肥瘦均勻，肉味夠濃郁 。 火鍋餐仲可以加15蚊有兩杯特飲，超級化算。阿媽點扒餐都有驚喜，牛扒唔會太過薄身好鞋好韌，配埋個酥皮濃湯，水準好高完全唔輸俾好多西餐廳。 另外，好耐冇食嘅招牌一哥焗豬扒飯，水準依然保持到，大家亦都記得留意佢有兩款唔同套餐，有一款係多一蚊多個葡撻，一個精明消費者梗係要揀嗰個餐。其實我自己都好耐冇食過大家樂，但我覺得今次啲質素有所提升，希望佢保持得到。…查看更多

帶爸媽去尖沙咀YMCA食自助晚餐，真係一擊即中長輩個心！佢哋9月開始做經典懷舊廣東菜主題，誠意滿滿， 除了美食，整個餐廳環境爸媽即刻話「呢啲先係舊時嘅味道嘛！」 滷水拼盤夠晒入味，脆香豬手咬落爽脆又唔膩，煎鯪魚餅滿滿都係魚肉鮮味，每一款都係地道老廣滋味。仲有回本區凍海鮮龍蝦、長腳蟹任你拎，完全冇雪味，解凍得夠，啖啖鮮甜，爸媽都不停話「呢個價錢真係抵食！」 甜品區仲有驚喜，懷舊布置影相打卡超靚，樽裝可樂即時有復古feel。芝麻卷軟滑煙韌，核桃拿破崙酥鬆脆到不得了，缽仔糕同紅豆沙茶果都夠晒傳統，連細個成日食嘅啫喱都還原到十足十，有返把遮仔即刻童年返曬黎！記得係網上平台買抵好多！…查看更多

今次有西貢地膽帶路食好野，食連續16年獲米芝蓮一星餐廳，質量全沒踩雷，列入西貢必食清單！ 西貢地道魚湯，完全把食材煮到出曬味，重點冇魚腥味，冇魚骨喺入面， 鮮甜到忍唔住連飲兩碗。 海鮮類更是餐廳「拿手好戲」，米湯低溫慢煮元貝創意與鮮味的結合，用米水慢煮讓元貝慢慢熟透，帶子的鮮甜滲進米水中，入口既有米香的溫潤，又有海鮮的清鮮，唯一遺憾是米水分量偏少，食完總覺「唔夠喉」。 椒鹽焗大連鮮鮑魚個頭十足，肉質Q彈，外層的椒鹽惹味。椒鹽魷魚同樣值得一試，脆漿不會很厚，咬開滿是魷魚的彈牙口感， 最啱送酒。 就連看似普通的椒鹽豆腐都藏着驚喜，外脆內嫩腐滿是濃郁豆香，香口不膩，瞬間被掃光。 蜜糖欖角骨，選用的部位肥瘦適中，軟腍不柴，輕輕一咬就能脫骨。 豉油王炒麵和芒果沙冰結尾，炒麵鑊氣十足；芒果沙冰一啖落去透心涼，完美的一餐。…查看更多