samiey的个人专页

之前睇某討論區有人介紹意樂嘅滑蛋蓋飯好正, 今日打算早午餐一齊食, 就過嚟試下。因為係啱啱早餐轉午餐, 所以唔使等位。豬扒滑蛋蓋飯 配蒜蓉汁 $54.00  另加鮮榨檸檬茶 (因為呢個蓋飯唔係set lunch, 以半價+$10.00 加飲品)一上枱, 啲汁會唔會太多呢, 攪到啲飯勁濕, 試一啖 啲蒜蓉汁好咸囉. :(啲蛋夠滑嘅, 豬扒都唔鞋口, 但為咗滑蛋蓋飯而嚟嘛! 整體唔好食, 失望囉!鮮榨檸檬茶反而有驚喜, 唔使自己篤餐死, 檸檬味又夠, 幾好飲龍蝦湯海鮮湯飯 $56.00  (呢個係set lunch, 所以另加鮮榨檸檬茶只係+$3.00)湯頭味道唔似龍蝦湯, 似茄湯多啲, 但味道唔錯, 海鮮配料亦算豐足, 有蝦, 青口, 帶子, 蜆......埋單$123.00…查看更多

今日去圓玄學院掃墓, 順便落荃灣搵食, 喺鱟地坊食街食咗炸髀, 熱狗後, 再過嚟望下呢間甜品店有無開門,  (幾次行過都摸門釘) 今次真好彩啱啱開門, 今日有緣試到了!香蕉朱古力窩夫伴朱古力雪糕 $55.00一上枱當然相機食先啦! 好在佢球雪糕雪得夠實, 影完相都仲很完整 (可能係刻意嘅)窩夫餅外脆內軟, 連埋雪糕食, 又凍又暖很特別。厚pancake伴海鹽芝士醬+雲尼拿雪糕 $80.00疏乎厘 厚pancake很鬆軟綿滑,  海鹽芝士醬咸咸地, 好滋味, 點pancake食一流埋單 $135.00 有緣嘅話可以再encore…查看更多

呢間餐廳都開咗一段時間,  午市時段路過都會見到有人排隊. 今日早餐時段見無人排,  睇門口餐牌, 早餐比起附近餐廳略貴, 未試過嘛 就入去試下叫咗:叉燒意粉+奶油多+炒蛋+熱奶茶 $37.00沙爹牛肉麵+奶油多+炒蛋+熱檸水 $36.00叉燒意粉--湯底唔係好得, 意粉略嫌林了點沙爹牛肉麵--沙爹湯比一般的辣, 牛肉夠林唔韌, 公仔麵都係略嫌過了火奶油多--似係生命麵包嘅SIZE, 相對較薄較細塊炒蛋--正常一般熱奶茶--係全個餐最好嘅埋單 $73.00…查看更多

呢間小店都開咗一段時間, 今日返工前 兩公婆的起心肝去試一試叫咗兩個特餐豬骨湯米粉+吉列豬扒+腸仔+炒蛋+厚油多  配熱奶茶 $40.00湯米粉味道OK吉列豬扒都夠脆, 略嫌薄了少許腸仔 炒蛋都可以厚油多  最正, 入口非常鬆脆, 滿口牛油香豬骨湯公仔麵+吉列豬扒+餐肉+炒蛋+牛角包 (厚油多 轉牛角包另+$8.00)配熱檸水 $48.00湯公仔麵麵質剛好, 唔會過林, 但唔知點解個湯底比起湯米粉嘅湯咸 (唔係同一個湯底嘅咩)牛角包並唔係酥皮款, 包皮比較厚身, 都OK嘅, 但對於鍾情 酥皮牛角包嘅老公就話有點失望, 相對起要加錢嘅牛角包, 厚油多正好多埋單$88.00…查看更多

今日又係嚟兆禧食坊, 今之係買外賣俾百厭仔Whatsapp咗餐單俾百厭仔, 佢揀咗吉列豬扒咖哩烏冬,  咪照order囉. 原來menu意思係咖哩吉列豬扒飯+湯烏冬/拉麵 (真係眼大睇過龍)雖然係迷你咋, 大胃王百厭仔都夠食咖哩汁/飯/烏冬 分開3個兜載, 就真係唔太環保囉味道方面咖哩汁好香, 辣味剛好吉列豬扒雖然焗住拎返屋企食, 但都夠脆湯烏冬林咗少少, 但ok嘅另外兜飯有啲紅色酸味嘅嘢,  百厭仔揀晒出嚟, 佢話下次走晒呢啲就perfect喎總括嚟講百厭仔滿意呢餐 , 俾個讚喎  …查看更多

今日兩公婆又去試新嘢 就係兆禧食坊入面嘅潮州粉麵店 目測價錢比蝴蝶街市的平(平日早餐+飲品) , 但星期六/日就蝴蝶街市較化算了叫了平時喺蝴蝶街市叫開嘅作比較:魚蛋米$28.00--米粉較蝴蝶街市的粗身, 魚蛋就唔係我杯茶, 一啲都唔彈牙, 好林牛丸米$28.00---牛丸都唔錯, 略嫌有啲筋, 但可接受炸魚皮$10.00---夠鬆脆, 略嫌調味不均勻, 某啲很咸豆漿一支 +$7---唔太甜 OK啦埋單$73.00(總括蝴蝶街市粉麵舗啱口味啲, 下次有機會試埋呢間嘅牛雜, 再作評價)…查看更多

今日兩公婆去蝴蝶廣場搵食,  路經薩莉亞,  可能受疫情影響, 竟然無人排隊, 咁我哋就去試下啦!門口職員熱情招待,  座位任揀, 按鐘即到,  之後都陸續有客光顧, 一樣都係熱情招待. 嘩! 服務同新墟果間爭好遠喎!水牛芝士薄餅$30.00--芝士咸香味足,  批底鬆脆明太子魷魚蝦仁意粉$34.00--味道唔錯, 意粉口感適中有彈性, 唔會過林.原味雞翼8隻$32.00--原來呢間店只售原味雞翼,  雖則說小朋友也啱食啫, 但大人都係鐘情辣味果款雞翼多啲後加了一件榛子脆餅冰雪蛋糕$18.00--個面係好食嘅, 夠酥脆, 敗筆係個焦糖底太甜,  甜得過分,  變相難食囉! 真係寧願去美心買件凍餅食好過埋單 $114.00…查看更多

今日要到荃灣辦事, 就約埋老公食午飯, 老公話去試下校長燒肉.  原來喺沙咀道渣打銀行樓上, 舊時扒王之王個位午市燒烤 $88.00 另加一  (燒肉區/甜品沙律區/飲品區/熱食區) 任飲任食2小時  如果加埋打邊爐就$108.00 另加一我哋決定齋燒, 打邊爐幫襯火鍋店好啲唔! 大過元朗店好多喎, 職員帶我哋去一張2人枱, 望到街景又自成一角, 靜靜地又唔錯出去巡視一下+拎嘢食先, 基本肉類 (豬/牛/雞/雞翼)都有 仲有丸類/腸類......去相......飲品都有幾個大雪櫃任揀, 仲有甜品(啫喱/布甸/桂花糕...), 熱食區(蒸燒賣/意粉/雞翼尖/炆鴨腳...)基本上一定食得飽味道方面, 某一啲肉太重味, 要飲多啲茶解渴 ,  另外有啲肉嘅醃味有啲怪 (叉燒/ 黑椒牛扒/香茅雞翼/牛柳粒/腎片/魷魚鬚都值得推介)路過火鍋區八卦一下, 睇下如果加多$20, 會多啲咩食, 只見有炸魚皮/響鈴卷/麵/烏冬,  嘩! 如果加多廿蚊, 只係多咗呢啲嘢食, 唔加明智一點.食+飲足2個鐘, 真的飽飽了!每位$97.00…查看更多

慶祝阿爸生日, 佢話之前嚟過飲茶都OK, 想嚟呢度試下晚飯。 BOOK咗7:00--6位文昌雞半隻--隻碟大定係隻雞細呢?  真係幾細隻, 但事實又真係半隻雞, 吹佢唔脹。 味道都唔差嘅, OK啦!燒乳鴿3隻--皮脆肉嫩, 但略嫌未隔好油, 頗油膩蒜香一字排--斬開細件容易食, 炸得幾乾身, 脆口得嚟又夠味燒汁一口牛--薯仔多牛肉少, 食唔出燒汁味, 牛肉夠林唔韌通菜炒牛肉--麻麻啦! 無腐乳味,  碟頭又小。 $98.00碟, 仲未加一, 俾多啲菜都得呱瑤柱福建炒飯--只係白飯底並非炒飯底, 個獻汁太鹹, 唔掂!另加一支藍妹啤, 兩罐汽水, 茶芥, 酸菜花生, 加一埋單$820.00…查看更多

星期一, 又係兩公婆撑枱腳食早餐時間, 日前收到美心MX寄嚟嘅9折卡, 惠顧任何正價食品, 都可以有9折優惠. 咁今日就去試下啦!龍蝦湯螺絲粉+魚柳+粗麥多士+熱檸水 $35.00 龍蝦湯螺絲粉--龍蝦湯味濃而且比較杰身, 可以掛喺螺絲粉上, 入口每啖都有龍蝦湯味魚柳--炸得外面香脆, 內裡嫩滑, 一啲都咁老, 略嫌味道淡了少許.龍蝦湯螺絲粉+雞扒+粗麥多士+熱奶茶 $35.00--雞扒--嫩滑夠入味粗麥多士--新鮮烘起, 香脆有咬口熱奶茶--係用黑白淡奶, 入口濃滑總數 $70.00    (9折後 $63.00)…查看更多

今朝湊完百厭仔返學,  兩公婆就去試新嘢.  呢個舖前身係佳寶凍肉孖舖,  無柱位, 光猛闊落, 但可能我哋去幫襯嘅時間尚早, 就更顯得冷清.呢度主打魚蛋粉, 當然要試下佢嘅招牌手唧魚蛋啦! 手唧魚蛋米粉+腩汁 $29.00--魚蛋有鮮味, 係比較林身果款, 唔係爽口果款, 都唔錯. 唔知係腩汁問題定佢原本湯底係咁, 目測係有啲辣油咁嘅, 入口微辣.手唧魚蛋拼手打牛丸米粉 $35.00 (雙拼加$6.00)--手打牛丸非常爽口雞翼尖一份 $6.00-- 係滷水翼尖, 夠林夠入味凍檸檬茶 / 熱檸檬水 (早餐時段凍熱飲品加$2.00)埋單$74.00…查看更多

今朝一家三口去試新嘢, 今日星期六預咗要排隊等位, 因平日行過都見要排隊 (相反翠華就無人排) 可能大家都想試新嘢啦! 我哋去到大約8:45, 排咗15分鐘左右, 都算合理.呢度嘅早餐由7:00-12:00, 比起其他食店遲. 以後就算遲咗起身, 都唔怕無早餐食.-忌廉雞湯火腿通粉+炒滑蛋+牛油厚多士 X2 @32.00-沙茶牛肉公仔麵+炒滑蛋+牛油厚多士  @34.00奶茶(多奶) , 好立克, 檸檬水--火腿通粉湯底濃郁, 唔太咸, 通粉軟硬適中, 略嫌火腿絲太少, 得幾條.--沙茶牛肉麵入口香濃帶辣, 麵質亦都軟硬適中, 牛肉唔韌--牛油厚多士已飛邊, 入口非常香脆, 掂!--炒滑蛋尚算嫩滑, 入口充滿奶油香, 正!--好立克非常足料, 唔會水汪汪, 唔落糖都好濃味--奶茶唔落糖都無苦澀食食下聽到廣播話蛋撻出爐, 梗係要試啦! 叫多2隻蛋撻--真係新鮮出爐熱辣辣, 蛋汁偏甜, 但配上淡味嘅酥皮撻, 又剛剛好喎, 正!埋單$111.00…查看更多

呢間爭鮮都開咗好耐,  我亦都幫襯過無數次, 但竟然到而家都未有人寫食評, 咁就我嚟寫啦!今次係買嚟for tea time, 一盒小壽司+一盒藍莓芝士蛋糕就啱啱好蟹柳小壽司一盒12粒, 平均1蚊1粒, 一啖一舊, 快靚正!藍莓芝士蛋糕一盒2件,  味道一啲都唔差, 只係$16.00, 非常抵食!…查看更多

自從海趣坊間KFC執咗後, 一直都好期望碼頭區會開返間, 我幾鐘意食佢啲嘢, 尤其鬆餅, 火腿芝士脆卷同埋狂惹香燒雞.知道佢會喺蝴蝶廣場開返, 都幾期待. 今日有機會去試下, 一望--間舖咁細嘅?得三張枱 (2張四人枱 1張六人枱) 同海趣坊果間爭好遠啊!:(應該主力做外賣啦!可能仲早啦, 得一個職員, 收銀係佢, 執嘢食都係佢, 一腳踢叫咗7號餐 ($31.00) : 香腸, 炒蛋, 炸雞扒, 鬆餅+奶茶鬆餅同之前一樣咁鬆脆, yummy! 炒蛋雖然唔算滑, 但竟然有奶香. 炸雞扒配上佢嘅汁, 略嫌咸了少許, 但都算唔錯. …查看更多

例牌星期一湊完百厭仔返學, 都會同老公食埋嘢先返工. 今朝就去咗嘆茶. 之前搭車經過見到呢間酒樓,  今日專誠搭車過嚟試. 我哋大鄉里地喺樓下兜圈搵入口, 個門口都幾隱蔽, 並唔喺公路果邊, 而喺另一邊搭自動電梯上去.一入到去第一個印象--咁細嘅 目測只有三十張枱. 自行搵枱坐下, 職員人數不足, 我慢慢影晒啲餐牌, 才剛好開到茶.菜乾豬骨粥--尚算足料, 味道唔錯煎蝦米腸--腸粉質地較削, 麻麻地鴛鴦燒賣--原來係干蒸牛肉+干蒸魚球各兩粒--味道OK, 但入口較林, 欠缺口感時菜牛肉球--一樣欠缺口感, 而且超多嘅芫茜蔥, 個人唔LIKE.茶錢 $6.00一位TOTAL $58.50…查看更多