AChuuMaPiggy的个人专页

專登去APM買嘢，順便試吓這間新開的食肆，普普通通的午餐，食物還可以地方就有啲滴水侍應做嘢就比較粗心大意，因為我見有個小朋友等食物時就瞓咗喺媽媽大髀上，但個侍應竟然喺佢頭上第嘢食，如果小朋友突然起身應該成碗湯麵招頭淋，到時就大家都麻煩，因為當時小朋友同媽媽是坐高枱位，所以我睇得比較清楚。扣哂分…查看更多

本來滿心歡喜生日飯局食北京填鴨，因為唔使等位一到就有枱，坐低就已經詢問有關信用卡優惠，但係根本部長侍應都冇時間回答，另外到點菜落單時候又混亂，根本就不夠人手完全冇招呼，到食物還是可以（北京填鴨），但係鴨係有我哋40片，但搞笑啲皮就有兩大龍，兩大龍起碼有50-60大片，唔知係俾多還是希望俾你哋食多啲皮，整體食物OK，但係食到隻碗原來有兩個崩口位，差D賴嘢跟住服務相當差估唔到，雖然現在係唔夠人手，但係都係一個大品牌連鎖食肆很失望，應該唔會有下次…查看更多

黑雨後要出街放一放電，就諗起大榮華，去到冇乜人等位，可能要處理家中水浸問題，我們很幸運沒有大礙，只見滔哥精神奕奕到每枱吹下水，提議我們食叉燒和燒鵝，但係已經太遲叉燒賣晒，但整體嘢食還是係可以的，入元朗的朋友，可以去飲個茶食個雞球大包。…查看更多

今日打風八號風球，但係唔太大風，就去咗元朗飲茶，好好彩有位，五個人九樣食物，最愛的砂礓豬手，超級好味，冇得輸。另外义燒反都係重點推介，其他點心都係熱騰騰的最後傳菜姐姐和待應都好好笑容（這點我覺得很重要👍…查看更多

其實Yoho 好多食肆選擇，但係呢間都係幾新咁又唔係太多人排隊就試吓，食物係好味的，我個湯麥麵上面放咗幾條柚子絲，令到成碗面好清新好特別，價錢合理，招呼唔錯，侍應會不停加水唔使叫，另外見到有個大肚媽媽用膳後起身準備離座，有位侍應好細心拉開張凳等佢可以慢慢離坐，又用手擋住其他凳怕撞到個位大肚媽媽好貼心。…查看更多

真係自己攞黎嬲，重來唔會等位，因為諗住等個女收工一齊食晚飯，知道大圍有商場新開，所以就試吓諗住提早攞飛就一定冇問題，點知都要等咗兩個半小時先至有得入去食，好彩我哋行街姐，但係老公喺度鬼殺咁嘈，一定冇下次，食品係可以嘅出品快食物都熱，但係咁樣唔掂，呀還有重點佢話只可用膳90分鐘，真係唔識俾反應。…查看更多

地方需細但係都算企理，本來想坐外邊，因為朋友是位煙民，但係老闆細心不如坐𥚃面，如果要食煙🚬先行出去食，因為天氣太熱怕你們食得辛苦。食物不錯，點了幾様，個人覺得咖喱南瓜軟殼蟹係最出色，大家可以不妨試下😆…查看更多

今日炎下同老公入西貢行下，眼見一間新開的西餐廳，門口有welcome drink 一路聽介紹，－邊飲酒🍸一路見裝修很吸引，就入內試吓，經老闆娘熱情細❤️介紹下，我哋試了幾個我覺得可以試吓的食品，雖然冇持別驚喜，但個人覺得食品、酒和價錢合理和滿足，地方真的很舒適，重點廁所很整潔，個人最怕廁所不整潔和濕，員工很好很有笑容😊和很細心，老闆娘還會介紹酒怎樣配食物，還會細心問需要幫你影相留念美好的二人世界。直得一試，因為慢慢食慢慢飲氣氛很好👍…查看更多

甜品不限於晚飯後，下午炎熱的天氣都係一個好選擇，路經一間新開的甜品店門口，不起眼但眼見內裏竟然鋪地氈，心想一定要好乾淨先可以咁夠膽，就入去試一試順便涼一涼冷氣，果然內裏好舒適好休閒的感覺首先招呼相當熱誠，因為我當初只叫咗兩個平價（$16）的糖水，但是待應相當熱誠不停問夠唔夠熱夠唔夠凍會唔會太甜？真係令我好想再試多個主打燕窩的湯水，果然沒有令我失望，不論賣相精緻味道處理都很滿意，重點不會太甜同做法有啲持別。一定會再去試其他，值得推介…查看更多

今日為咗買電子配件，去咗觀塘廣場，突然想起有一間上海店小店，咁就想介紹俾呀女去試，因為亞女鍾意食上海菜，但因為地方不是太好坐，仲要有搭抬，和比較舊，都怕呀女唔鍾意，但出奇佢又見到人哋食啲嘢都唔錯，所以最後都決定坐低食，兩個人食咗$186，叫咗一個酸辣湯一份上海粗炒一個小籠包，小籠包最抵食$39有八粒，雖然平，但味道一啲都唔錯雖然裝修不華麗，但是在這舊區沒有太大要求😅雖然平，但係品質都不太差，都大粒的😂…查看更多

話說之前在這間飲茶，見到片皮鴨超抵食，就想試一試佢，點知今晚四個人，一試有驚喜，地方都係正常酒樓，但侍應經理傳菜服務都唔錯👍我哋叫咗一份豬手送洒前菜，片皮鴨兩食，黃金蝦和小炒王，驚喜反而不是片皮鴨，而係個黃金蝦🦐做得非常之好，份量同味道都冇得輸，其他菜都唔錯，四個人食咗$560，一定會再去試其他😂這個前菜送酒都是不錯的選擇我鍾意佢唔係肥騰騰，同個皮好特別😝因為係我哋平時食的¼塊，我個人喜歡細細塊，但係塊鴨就好大塊🤣真係一定要試，好食過好多地方👍這個雖然普通平凡，但都一樣好味🤔…查看更多

呀仔今晚請食飯，知我鍾意食蠔🦪就帶我去咗大角咀一間唔起眼西餐廳食蠔，地方比想像中普通，門面自己去就唔會入去😝，當坐低就有少少會唔會中伏的感覺😅但睇完餐牌又好似好吸引，商量過後每人叫咗一份晚餐再加左半打🦪，心諗咁嘅地方試一試最基本的先。首先就上咗個生蠔先，夠冰凍夠多冰，啲蠔夠冰凍，麵包唔係普通豬仔包仲暧暖哋，個湯我覺得可以再熱啲，跟住上菜上得超快，上完牛扒上意粉，其實慢啲可以食到啲食物，熱辣辣可能更加美味。整體食物係可以的價錢合理，真心希望佢哋改進上菜時間。一定會再去。😍…查看更多