我都是第一次寫食評，因為之前就算食過好伏既野都係幾百蚊，未至於需要為佢寫篇食評。但呢間富小路人均消費差不多成$3000一位，我實在唔忍心見到有人再中伏，所以決定寫人生第一篇食評。本來都知道懷石料理有別於omakase，心諗米芝蓮餐廳喎，$2500蚊位，差極有限掛，點知原來都幾超乎想像。-第一道菜，日本糭，第一次試，似鹼水糭。菜式特別，味道正常。-第二道菜，好期待的，因為一入餐廳就見到大廚預備左一碟鱔，心諗正啦，我自己本身好鐘意食燒膳的，而我又見到佢又拎左個好靚既日式炭爐出黎，諗住正野啦。點知原來個日式炭爐係做裝飾，佢竟然就咁拎支gas火槍燒幾野條鱔就上菜
（我心諗鱔可以唔熟嘅咩）真定假呀？ 最後又唔想質疑師傅底下，就食左啦....佢預備左兩隻醬汁，一碟梅醬汁，一碟wasabi 醬油。 口感霉霉地...-牛柳木魚湯，好清，牛肉好淋好軟，呢道菜幾好的。-燒魚仔，每人一條，似多春魚，幾好食，不過魚頭苦苦地。-鮑魚，呢間餐廳好識得捉緊香港人鐘意post 上社交平台呃like既心理。每一道菜將最精彩既一part係上菜前讓各食客影完相先再分食物比各食客進食。呢味鮑魚好大隻，先給我們影相，我心諗正啦，但原來最後每人分得兩片鮑魚...真係多謝晒。-去到佢地招牌菜，海膽熱狗，其實我覺得一間咁出名既懷石料理菜，要用到海膽去做signature, 我真心覺得有啲奇怪，其他壽司餐廳入一板高質海膽係咪就可以成為招牌菜呢？ 呢轉海膽有一幕令我有少少疑惑，一如其他菜式，佢預備定兩板日文寫住北海道xxx既海膽比我地影相，影完之後佢收埋呢兩板海膽，佢再拎另一牌子（冇寫北海道）既海膽比我哋食。當然我唔知另外果一款係唔係靚啲定係差啲，但呢個換包行為比我感覺唔太好。-之後日本白飯。大開眼界。真係白飯，佢仲準備左少少白飯魚，明太子，油漬金菇比我餸飯漆.....佢地既白飯係好有飯香，係好好食，不過比幾千蚊食白飯有少少超出我預期姐
-跟住清雞湯，入面有兩舊雞，好似話係咩知日本邊個地區既走地雞，肉質結實，幾好食，唔錯，不過一餐飯飲兩款湯，又係有啲出乎預期。跟住經理姐姐仲好好人問我夠唔夠飽，問我洗唔洗添白飯，不過食完白飯飲完碗湯當時有啲飽，所以禮貌地回絕了她。-最後甜品，一粒日本糕點，兩小塊桃，一塊芒果，完。是晚叫左兩杯酒，每杯$158。跟手經理問我地要唔要茶，我地話好。後尾睇番張單，原來飲杯茶都要$48杯最後連埋落訂的$1000 合共$6000埋單。感覺好像被人水了咁。感覺成餐飯都好多蔬菜類配菜，主菜佔小小，用料有啲孤寒，我食完出到海傍行左幾分鐘就開始肚餓了
希望唔會有第二次寫食評既機會吧，多謝收看。（以上食評全為個人感覺，絕無冒犯之意）…查看更多
（我心諗鱔可以唔熟嘅咩）真定假呀？ 最後又唔想質疑師傅底下，就食左啦....佢預備左兩隻醬汁，一碟梅醬汁，一碟wasabi 醬油。 口感霉霉地...-牛柳木魚湯，好清，牛肉好淋好軟，呢道菜幾好的。-燒魚仔，每人一條，似多春魚，幾好食，不過魚頭苦苦地。-鮑魚，呢間餐廳好識得捉緊香港人鐘意post 上社交平台呃like既心理。每一道菜將最精彩既一part係上菜前讓各食客影完相先再分食物比各食客進食。呢味鮑魚好大隻，先給我們影相，我心諗正啦，但原來最後每人分得兩片鮑魚...真係多謝晒。-去到佢地招牌菜，海膽熱狗，其實我覺得一間咁出名既懷石料理菜，要用到海膽去做signature, 我真心覺得有啲奇怪，其他壽司餐廳入一板高質海膽係咪就可以成為招牌菜呢？ 呢轉海膽有一幕令我有少少疑惑，一如其他菜式，佢預備定兩板日文寫住北海道xxx既海膽比我地影相，影完之後佢收埋呢兩板海膽，佢再拎另一牌子（冇寫北海道）既海膽比我哋食。當然我唔知另外果一款係唔係靚啲定係差啲，但呢個換包行為比我感覺唔太好。-之後日本白飯。大開眼界。真係白飯，佢仲準備左少少白飯魚，明太子，油漬金菇比我餸飯漆.....佢地既白飯係好有飯香，係好好食，不過比幾千蚊食白飯有少少超出我預期姐-跟住清雞湯，入面有兩舊雞，好似話係咩知日本邊個地區既走地雞，肉質結實，幾好食，唔錯，不過一餐飯飲兩款湯，又係有啲出乎預期。跟住經理姐姐仲好好人問我夠唔夠飽，問我洗唔洗添白飯，不過食完白飯飲完碗湯當時有啲飽，所以禮貌地回絕了她。-最後甜品，一粒日本糕點，兩小塊桃，一塊芒果，完。是晚叫左兩杯酒，每杯$158。跟手經理問我地要唔要茶，我地話好。後尾睇番張單，原來飲杯茶都要$48杯最後連埋落訂的$1000 合共$6000埋單。感覺好像被人水了咁。感覺成餐飯都好多蔬菜類配菜，主菜佔小小，用料有啲孤寒，我食完出到海傍行左幾分鐘就開始肚餓了希望唔會有第二次寫食評既機會吧，多謝收看。（以上食評全為個人感覺，絕無冒犯之意）…查看更多
