大吃牛肉麵的个人专页

老麥又出新shake shake 薯條粉，港式燒味風味，不過一d 燒味風都冇，反而有少少似麥樂雞個個bbq 醬味，唔係唔好食既，只係冇乜燒味姐，當佢普通shake shake 粉囉另外仲有新出的孜然麥炸雞，孜然粉份量落得岩岩好，炸雞充滿孜然香味，但唔會過咸…查看更多

星期日在上環食早餐，選擇唔多，因為好多餐廳都唔開，早餐都係例牌個d 沙嗲牛麵雪菜米粉，連炒蛋同餐包，三十幾蚊價錢合理，食物質素都冇乜要求了，算合格啦，正正常常咁，唔想食粉麵可以揀菠蘿油包飲品。早餐C 雪菜米粉，炒蛋，餐包 $38 味道同份量都正常菠蘿油餐，包飲品 $28大大舊牛油，正，不過如果唔想要可以走牛油，包個size 都算大，上枱時仲有少少暖，個包面頭好鬆脆，下面的麵包食落有空氣感，唔係好實個種包，個包好食過d 早餐ABC…查看更多

一直都好中意食呢間既涼皮，但次次都要過九龍先買到，依家終於港島都有分店啦！ 雖然太安樓距離屋企都係唔近。。 不過好過冇，希望將來灣仔上環個邊都會有分店我每次都係食死一味手工涼皮，今次轉一轉，食涼伴薯粉，基本上都係一樣味道，都係個d 汁料，我習慣係叫BB 辣多蒜水，重口味呀正。。平時油麻地分店叫BB 辣都幾辣下 (我食唔到好辣），呢度BB 辣係真BB 辣, 叫薯粉有個好處係拎到返屋企隔左兩個鐘先食都唔會林哂，薯粉都仲係彈牙，如果即刻食的話可以叫返涼皮都得…查看更多

一個人食飯, 最好就係食拉麵, 香港拉麵店好多, 但係會有興趣翻兜既就好少, 霸嗎拉麵係我其中一間會翻兜既拉麵拉麵既選擇唔多, 主要係揀食豬定食雞, 豬就係配濃厚豚骨湯, 雞就係配雞白湯, 兩款我都喜愛食, 豚骨湯比雞白湯濃味好多, 但雞白湯清得黎又唔會好淡, 各有各好, 好難比較邊隻好食D, 今次就叫左雞叉燒味玉雞白湯拉麵 ($88), 麵條係用左細麵, 可以揀軟硬度, 再加左蔥同炸熟蒜, 令碗麵更香口, 雞叉燒不過不失啦, 最驚喜既係隻蛋, 唔洗加錢仲要係原隻上, 88蚊其實算抵食呀…查看更多

今日冇帶飯返公司, 一個人出街食又唔係好餓, 仲要到左糧尾添! 就是但去左八方雲集啦, 平平地食幾隻餃子佢D套餐其實都幾抵食, 四十幾蚊有交易, 不過食十隻鍋貼/水餃真係會好濟, 其他麵食套餐對我黎講都係太多, 結果叫左6隻韭菜鍋貼, 份量對於細食既我岩岩好, 中意黎呢度食既原因就係可以隨意叫幾多隻鍋貼都得 (不過要最少叫5隻), 餓就叫多兩隻, 唔餓就叫少D, 長條形狀既鍋貼食得方便過傳統餃子形狀, 韭菜愛好者的我覺得佢D韭菜味都好足夠呢餐20蚊就搞店，真係糧尾恩物但香港仔呢間分店絕對有一個改善位, 就係衛生! !樓面好多飛飛小昆蟲呀, 上次黎食既時間都冇咁多架, 今次真係想快D 食完快D走!! …查看更多