FHyumyum的个人专页

今日同朋友黎咗海之戀商場，搵咗呢間韓國嘢食，我地叫咗芝士辣炒雞（$135），八爪魚煎餅（$138），烤牛肉水冷麵（$135）首先上菜嘅係烤牛肉水冷麵，牛肉方面有3塊，都算有一定厚度，亦都唔細塊，味道好有牛板腱嘅味道，覺得肉質素唔差，可惜烤完非常靭，超級難咬開，而且比起普通水冷麵貴$42，3塊牛肉值唔值40幾就見人見智啦，我個人就覺得一般！而面頭就有一條炸秋葵，入面係白蘿蔔片，而唔係雪梨片，但都做到清新嘅效果，但原來有一pat 辣醬放左係入面，所以如果唔想食辣嘅，就要一早同職員講啦！第2道菜係八爪魚煎餅（$138），上到枱有少少失望，因為比想像中薄好多，但味道上面因為佢係即煎出嚟，塊餅非常脆，但餡方面，麵粉比較多，入面都有韭菜，但八爪魚份量非常少，而且亦好碎碎濕濕咁，主要都係得中間，夾埋都可能唔知有冇2條八爪魚腳所以覺得好唔抵食！第3道菜就係芝士辣炒雞（$135），佢係即炒嘅，一叫咗就會俾個爐我哋，上左菜職員等佢煮一煮之後會返轉頭幫我地撈+熄火。味道上，舊雞道田有少少少辣，但加埋芝士就會中和到個味道，不過我個人就鍾意食辣d嘅，而份量方面大概都有5-6 塊雞塊，可惜雞塊都係偏細，大概1-1.5 口size總括而言，菜式味道唔錯，但可惜份量偏細，+1 後覺得更加唔抵食，所以如果大家真係想食，建議大家book 返d 有折嘅時間，咁就會抵食d…查看更多

今次已經係第三次嚟食呢間餐，真係值得推薦大家一試，今次嗌咗兩個意粉，一個小食，意粉分別係芝士牛肉醬千層麵 （$148），QB明太子帆立貝意粉 轉絲帶麵（$168 +$25），小食就叫左香辣水牛城雞塊 （$88）意粉同往常一樣都係咁好食，尤其是QB明太子帆立貝意粉，每次嚟都必食，今次就（+$25）轉咗絲帶面，絲帶面口感煙靭，但上次冇加錢食扁意粉，口感一樣咁煙靭，而麵條就相對絲帶麵冇咁粗，所以睇大家口味，我個人就覺得唔需要加錢轉麵都一樣咁好食！成個麵最欣賞係佢明太子份量足夠，撈完之後，每一啖都會有明太子，咬落去d面會係有卜卜卜嘅感覺，帆立貝方面勁新鮮，一份入面有3大粒，咬開佢發現佢煎到半生熟，成粒帆立貝都超腍同埋大粒，而且又唔腥，大家真係必試！至於芝士牛肉醬千層麵，都非常好食，屬於中上水平，芝士份量足夠，牛肉量亦都好多，最欣賞係麵上面有沙律菜，俾人感覺健康左少少😂而麵嘅周邊都唔會焗燶同硬晒，成個麵都仍然好彈牙，但比起其他地方嘅肉醬千層味道分別唔大，就相對上面個個意粉就冇咁出色同驚艷小食方面，叫左香辣水牛城雞塊，本身以為係炸雞，點知原來係雞扒剪開左，而且亦都唔係炸，好似係烤/煎，冇咁熱氣，但相對亦冇咁香口，而味道上比想像中辣，有譚仔小辣嘅程度，但加左個醬之後就變中和左個辣，變左10小辣嘅程度，就算食唔到好辣嘅人都份量值得一試！…查看更多

同朋友2個人今晚嚟咗呢間食西餐，入面得1張4人枱，5-6 張2人枱，一個侍應，本身入去對面個客未都走就叫我地坐住先，話佢飲埋杯野就走，好似趕緊對方走咁，有點尷尬我地坐左係4人枱，但叫完野食冇幾耐就俾人叫我地轉細枱，但我地下一張枱咁岩又係2個人，坐左冇耐4人枱又同我地一樣轉細枱，明白佢小店想賺多d錢，做多幾個客嘅生意，但咁樣做俾人感覺麻麻，其實大家都唔介意門口等一等以免咁尷尬😣我地就叫咗個二人晚餐，入面包括西湯，前菜，主食和飲品，主食方面，我哋叫咗扒大蝦海鮮飛魚子忌廉汁燴意粉同埋燒厚切加拿大穀飼豬鞍紅酒汁（$339）湯方面，蕃茄忌廉湯，蕃茄味重，但份量偏細，類似一個迷你咖啡杯，旁邊只可以穿一隻手指攞起，2-3 口就冇晒。前菜方面，煙三文魚凱撒沙律跟蒜蓉包，蒜蓉包較為出色，因為既香脆又有蒜香味，而煙三文魚份量就大概2-3 塊，整體沙律不過不失。主食方面，扒大蝦同我想像中有所出入，麵上面有兩隻急凍蝦，唔講以為係雜錦海鮮嘅一部分，冇咩蝦味，整體味道方面，海鮮雜錦如同超市買嘅一大包急凍海鮮雜錦，冇咩味道，但勝在份量充足，成包海鮮雜錦煮晒俾我地咁，醬汁就較為稀，唔算太重忌廉汁味，味道一般，唔算好食，但唔算難食。至於燒豬鞍，份量大，口感軟熟，但問題同樣，味道較為清淡，即使點左醬都冇咩味道，至於薯條方面，較為軟身，個人比較喜愛脆少少嘅！飲品方面，我哋加錢（$10）轉咗柚子梳打同雜果梳打，直接俾咗兩罐梳打水我哋加落個杯度，大概都有1.5 杯野飲，味道都唔錯。總括而言，餐廳份量充足，但味道上仍有改善空間，希望佢之後會越做越好食！…查看更多

成日都聽日講呢間點心好好食，今日專登同朋友一齊黎，本身去左工業大廈個邊排隊，發現有好多人等緊就立即轉黎呢邊呢間排，排左大概半個鐘就有位！不過建議大家想黎試可以去the GULU 攞定飛，咁就唔使等咁耐啦！一入到去就有職員問我地飲咩茶，點心方面就係自己掃QR code 落單嘅！我地就叫左蝦仁燒賣皇（$26/2粒），點心拼盤（$50），鮮蝦菜苗餃（$26），蜜汁叉燒腸（$30），杞子濃湯鮮竹卷（$24），醬汁茄子拼尖椒（$32），xo醬蘿蔔糕（$30），蒜香芝士鮮蝦長春卷（$36）。第一個黎嘅就係蒜香芝士鮮蝦長春卷（$36），芝士味都濃嘅，但蒜香就唔算話好出啦，佢配嘅醬唔係普通沙律醬，而係類似蜜糖芥末醬，都幾特別，佢仲要配上青瓜俾大家解膩，食完一條長春卷再食一條青瓜就可以繼續食埋第2條啦！再上嘅就係蜜汁叉燒腸（$30），上枱嘅時候係冇豉油嘅，我地可以自己倒豉油，自已調味，咁就唔怕人地落得過多，岩晒d唔想食太鹹嘅人，講返腸粉，皮薄餡靚，叉燒超級足料，俾得超級多，腸粉皮唔算薄，但都超級滑，推介大家可以試下腸粉類嘅野食！Xo 醬蘿蔔糕（$30），少少辣嘅煎蘿蔔糕，但唔知係咪因為有醬，所以蘿蔔糕比我想像中冇煎得咁香，我個人而言喜愛半煎炸式，煎得脆口少少嘅，所以對於呢款蘿蔔糕就麻麻地啦！跟住點心就陸續上枱，點心方面，點心拼盤（$50）入面包含1個叉燒包、1個奶黃包，2粒蝦餃、2粒粉果。蝦餃、粉果同埋菜苗餃餡料豐富，超級大粒，非常足料，但可惜有一大敗筆，就係個餃皮，全部餃皮都超級軟爛，一d 都唔煙韌，本身第一盤食以為係蒸得太耐，蒸到d皮霉爛晒，一夾個餃個皮就已經爛左，但再食其他餃裡先發現係佢地嘅特色，我只能夠話我唔識欣賞啦蝦仁燒賣皇（$26），大大粒，d肉都好紥實，味道唔錯！杞子濃湯鮮竹卷（$24），講到濃湯，以為味道好重，但其實味道非常清淡，同以往出面食嘅鮮竹卷好唔同，外面比較濃味，所以如果愛好清淡人士應該就會鍾意呢款！醬汁茄子拼尖椒（$32），茄子青椒各2件，其實味道就係普通嘅煎釀三寶，但餡料一如點心，都係非常足料，而且個魚肉亦無同茄子或尖椒煮到分離，一邊食都唔會分開！總括而言，對於一間賣點心嘅鋪頭黎講我係有點失望，成日都聽人推介呢個鋪頭，但食完餃類嘅食品後對餃皮真係好失望，唯一能夠推介俾大家試嘅係腸粉！…查看更多

今日同朋友去石門尋找美食，本身諗住去食拉麵嘅，行左一個圈，朋友話俾呢間中菜吸引左，因為附近餐廳好似都唔算多人，得呢間比較多人，可能會好食d掛！入到去睇完menu, 我地就叫左老潼關肉夾膜（$38）、夫妻肺片（$58）、雪菜湯年糕（$62）、半隻雲吞雞煲（$148）。第一樣黎嘅係夫妻肺片（$58），入面主要都係牛肚，同埋幾片牛肉，又唔覺話食到好多其他牛嘅部位，本身黎嘅時候見到滿滿一碟，以為有好多牛雜，點知原來下面其實係一舊舊嘅青瓜，有d失望，雖然冇想像中咁大份，但其實都唔算細份，2個人食剛剛好！味道方面，雖然見到成個底都係辣椒油，但唔麻亦都唔辣，如果係辣味愛好者可能就要額外咁加辣啦！老潼關肉夾膜（$35），外面酥皮夾住鹹鹹地嘅肉碎，外層酥皮係脆嘅，餡料都好豐富，口感非常好，亦都好足料，朋友食完係大推，話下次要再黎食，但我個人就覺得個餅略為有點乾，配返個野飲會好d!雪菜湯年糕（$62），本身叫呢個嘅原因係因為怕個夫妻肺片太辣，所以叫個湯年糕，中和下，點知原來根本冇呢個需要入面除左有雪菜外，仲有好多嘅切碎左嘅娃娃菜，湯底方面我覺得有少少似魚湯，因為有少少腥味，年糕方面都麻麻地，成盤入面可能有幾塊係味道有少少奇怪嘅，但大多都係正常嘅年糕，影響唔大，不過成個菜式整體黎講味道非常之淡，好似冇調味過咁，所以都唔推薦大家嘗試！最後一味菜式就係半隻雲吞雞煲（$143），份量比我想像中大好多，完全足夠一家4口黎食，入面有大概5粒菜肉雲吞，好多嘅娃娃菜，少量嘅金華火腿同埋冇切開嘅半隻雞！湯底方面，食得出淡淡雞湯味，d菜方面都非常入味，至於隻雞，可能因為煮過湯嘅原因啦，唔算嫩滑，但份量唔細，非常足料！值得一試…查看更多

同朋友係附近staycation 完左就黎食晏，因為之前食過，知道d野食都偏大份，所以我地3個人就只係叫左一個午市套餐+一個主食+一個甜品。午市套餐方面，我地就叫左個鮮椰汁海鮮焗飯（$75）椰汁味勁濃，而且海鮮方面都唔少，有魚柳、大蝦、細蝦、蜆肉… 海鮮方面味道正常，冇話有雪味，但都冇咩海鮮味，但最令我欣賞嘅位係入面有椰肉，撈埋一齊更突出到椰子嘅味道，對於椰子愛好者嘅我地黎講，非常欣賞！主菜方面我地就叫左個麵包焗咖喱軟殼蟹（$208），入面係黃咖喱，唔算太辣，而且都重椰醬味，配埋個麵包好惹味，出面個麵包係有幫我地焗過，表皮都係脆嘅！至於軟殼蟹方面，外脆內軟，配埋個醬汁！！唯一一個要注意嘅位就係份量真係唔細，而且麵包配咖喱係勁飽，對於細食嘅我地黎講，食完呢個真係好難再叫多幾樣其他野食！呢個菜適合多人分享，所以想試多幾款野食嘅人就唔建議試呢個菜！雖然食完2個菜式好飽，但都覺得要食埋個甜品先叫做完滿，所以都堅持叫埋個泰式甜品小拼盤（$88）。當中有4款點心，包括椰青班戟、椰汁千層糕、椰汁馬豆西米糕，椰汁大菜糕。班戟同埋千層糕都係熱嘅，而馬豆同埋椰汁糕則係凍食嘅。我最推薦係椰子班戟，入面有椰絲，煙煙韌韌嘅口感，而且係其他地方比較少見，但另外2個朋友就嫌略為有點膩，佢地反而比較鐘意千層糕同椰汁馬豆糕。但我地嘅最後一名都係椰汁大菜糕，椰汁味唔算太濃，大菜味道更為突出，而且口感偏硬，好似食緊普通大菜糕咁，所以比起其他幾款甜品就會略為有點失色！因為到左13:30 時間就係午市高峰期，會有人黎吹賣單，因為話有好多客book 左位，對於食得快嘅我地黎講完全冇問題，但如果唔想食得咁急/想坐耐少少嘅話可能1點幾先過黎食就會好d！…查看更多

今日同朋友收左工黎沙田呢間越男仔食下午茶，我地分別叫左2個下午茶餐+一個小食。選擇勁多，樣樣都好想食！上次食過串燒唔錯，本身諗住叫串燒拼盤，但原來得3串，怕唔夠飽，所以最後都係放棄左，唯有下次先再試啦！最後我地分別叫左招牌海南雞配黃薑飯（$51）同埋豬頸肉豬仔包（$41），再額外加多個推介小食-法式芝心蝦多士（$39）。海南雞飯方面，係雞髀黎架！雞肉嫩滑，份量都唔少，唯一一個可惜嘅位就係薑黃飯味道略為有點淡，不過由於我個人本身食得比較淡口味，所以覺得都唔錯，但重口味嘅人就未必滿意！越式豬仔包方面，有幾個位值得欣賞，第一，材料豐富；第二，包脆唔硬；第三，醬汁美味。入面材料勁豐富，有青瓜絲，生菜，蕃茄，酸蘿蔔，豬頸肉，除了材料豐富之外，個包都超級脆，脆得黎又唔硬，完全唔係出面有時會食到嘅脆得黎好硬嘅法包，所以應該就唔係返熱俾你嘅麵包，個醬汁先係令我回味嘅地方，本身打開見到燈燈黃黃，以為係千島醬，略知食落去完全唔係個回事，麵包面頭塗滿嘅原來係沙律醬，配埋酸蘿蔔，味道酸酸甜甜勁開胃！但唯一一個有少失望嘅位係豬頸肉份量唔多，只有薄薄三片，對於肉食愛好者嘅我黎講完全唔夠，下次再叫可能就會叫豬扒啦！至於餐廳推介小食-法式芝心蝦多士嘅味道就令我略為失望😢，外面係一層鋪滿白芝麻嘅麵包 包住蝦膠，蝦膠中間又再包住芝士，雖然蝦膠係彈牙，但可惜冇咩特別嘅味道，主要味道來源都係芝士味，但芝士味再加埋外皮吸滿油嘅炸麵包皮，一舊就已經好膩，即使有俾酸蘿蔔係旁邊中和一下個味道，但都仍然覺得有少少膩，所以唔建議一個人自己加呢個小食！2-3人分享試下味都可以嘅！至於越式拉茶方面，就係普通奶茶嘅味道，冇咩特別，反而個椰香拉茶更為驚艷，面頭飄住滿滿嘅椰漿，第一啖飲落去勁重椰子味，攪拌後雖然冇咁重椰子味，但反而奶茶味出返黎，2個味道配合得非常好！即使冇落糖，個茶味都唔會澀，但我個人認為落左糖個味道係昇華左，不過朋友就覺得唔落糖更香茶味！…查看更多

今日同朋友行深水埗，想搵個地方休息下吹下水，所以就黎左呢間coffee shop ，可能因為係平日，而且又偏早，所以成間鋪頭都冇人，播住音樂，同朋友好chill 咁一邊吹水一邊飲野！係門口睇左menu, 呢間coffee shop 主要都係提供唔同咖啡同埋輕食為主，如果係咖啡愛好者或者想休息下消磨下時間嘅話，呢間係一個唔錯嘅選擇因為我同朋友都唔太愛咖啡，純粹因為個環境而吸引左我地入黎，我地都各種叫左杯latte，佢就叫左凍嘅earl grey latte （$50），而我就叫左個matcha latte（$45），我地仲一齊share 左個plain bagel ($40)Earl grey 味比奶味濃，但唔知係咪凍嘅原因，味道偏淡，同埋因為凍嘅原因，冇左個靚靚拉花，朋友勁後悔！下次都係飲返熱嘅！賣相好靚，抹茶味重，但重得黎又飲到香濃奶味！至於bagel 方面，佢有3種味，包括原味、莓味、黑芝麻味！我地就叫左個原味，唔知係太早嘅原因定係點，好似係隔夜嘅麵包，但翻熱得唔好嘅感覺，唔建議大家試。cream cheese 個味都okay, 就係普通嘅cream cheese 味，最令人接受唔到嘅係佢個外皮，超級硬，咬落去好似成緊法國麵包咁，要咬勁耐先得，所以唔建議大家試！如果大家真係想食輕食，可以試下其他！ …查看更多

平時經過已經成日見到有好多人係門口排隊，今日返工前專登黎試下係咪真係咁正！我地就分別叫左西冷牛扒配德國腸配嫩滑炒蛋+香酥丹麥多士（$43）同埋脆脆魚柳配德國腸配嫩滑炒蛋+香酥丹麥多士（$42）餐上到之後終於明點解咁多人排隊，雖然價錢唔算話好平，但對比起連鎖式餐廳，佢地既性價比更高西冷牛扒唔似其他早餐店一樣咁細塊，佢大塊得黎仲有d厚度，最重要係佢個蒜蓉汁，配上多士，就變成左蒜蓉包既味道（本身食完以為佢塊多士係蒜蓉包，同朋友講完先發現原來蒜蓉味黎來自塊牛扒）愛食蒜蓉包既大家不妨可以試下！脆魚柳同樣份量充足，炸得夠脆，配上沙律醬，正！至於炒蛋方面，非常嫩滑！最為可惜既一部分就係德國腸，如果佢係煎而唔係煮既會更正！…查看更多

今日放假，本身諗住同朋友食同一棟大慶入面既另一間餐廳，但黎到既時候發現初六先啟市，唯有同朋友揀過第2間，最後就揀左呢一間！Set lunch 真係超級抵食！係尖沙咀地區，有齊餐湯、頭盤、主菜、飲品、甜品都只係約$100！因為聽聞呢度係主打海鮮，所以本身同朋友係諗住叫扒海鮮（$108）同埋大蝦菠菜忌廉汁闊條麵（$98），但點知落完單冇耐佢同我地講扒海鮮賣晒，最後唯有轉成炸蝦漢堡配薯條（$98）首先餐湯方面，係龍蝦湯，一啖飲落去濃濃蝦油味，有配一塊細細既麵包，一咬落去就碎晒，好脆，但浸完湯都一樣咬落去就碎晒，完全吸唔到龍蝦湯既味道，同我想像中係有所出入，個人而言麻麻地！頭盤方面，我地一個叫沙律，另一個加錢叫左個迷你蟹餅，沙律味道正常，而個蟹餅黎到既時候以為係炸既，但原來唔係，一切落去軟淋淋，而且仲要係滿滿既蟹肉！主菜方面，大蝦菠菜忌廉汁闊條麵（$98），大蝦好彈牙，而且份量都唔少，有足足5隻麵條唔會過硬或過軟，配埋d忌廉汁剛剛好！忌廉汁亦都唔會太稀或者太濃稠！菠菜亦都唔係煮到爛晒既，仍然係爽口既，撈埋一齊口感好好！推薦！至於炸蝦漢堡配薯條（$98），炸蝦係2塊細既炸蝦餅，外脆內軟，可惜冇蝦味得黎麵粉味好重，比不上闊條麵入面既大蝦味道，而入面既餡料就包括生洋蔥圈、番茄、椰菜同埋魚柳包醬，因為個人麻麻生洋蔥圈 ，所以食個陣自已挑走左（如果有人同我地一樣唔食既話記得要早d講）！而薯條方面唔鹹，好似冇落鹽咁，完全係開正我呢種食薯條要走鹽既人，但可惜佢炸得硬左少少（唔知係咪因為我太遲先食，所以凍硬左）飲品我地就叫左杯凍奶茶同熱咖啡（可以再額外加錢upgrade 做特飲，但我地就冇），奶茶方面，糖水係另上既，落糖水之前飲左一啖，但發現完全冇茶味，落左半杯糖水就已經好甜，所以我就唔推薦大家揀呢個啦，可能檸茶檸水會係個更好既選擇！但如果大家真係揀左奶茶，杯糖水就最好慢慢落，慢慢試岩自己甜度，唔好好似我咁一落落半杯！相比起奶茶，咖啡反而唔錯，奶同糖係會另上，可以俾大家自由調味，仲要佢個奶係有打到既，最後倒晒係會有層奶泡係面！甜品就係一件士多啤梨蛋糕，唔會過甜剛剛好！份量唔多，正正就最適合作為完滿一餐的收尾！…查看更多

一直都聽早大圍有間好好食既湯麵，今日專登同個朋友一齊黎食！一黎到已經有人排隊，但都唔使等好耐就入到去！因為係門口等既時間已經睇定餐牌，所以一入去就已經可以落單！第一次黎，當然就要試下官方推薦既湯麵啦！所以我同朋友就分別叫左棉花雞（$92）同海龍皇湯（$130）！本身係想試好頭好尾既，但可惜黎到已經賣晒，所以唯有下次有機會先再試啦！叫完野食唔使15分鐘就上菜，速度都算快！海龍皇湯蝦子味濃，可能因為佢包涵左蝦頭抽啦，一口飲落去好重蝦子味，朋友覺得味道剛剛好，但個人而言佢都偏鹹同油，而陽春麵細細一條，煮得剛剛好，又唔會過硬，又唔會一夾就爛，撈埋d蟹肉一齊食剛好！至於大蝦同帶子方面，2樣都好彈牙，但唔知係咪因為湯底太濃味，食落去反而冇咩海鮮味，只有濃濃既湯底蝦子味！棉花雞，高湯好飲，鹹鹹地，配上清淡既扁陽春麵就剛剛好！唔知係咪隻匙羹太大隻定碗湯太少，飲下飲下好快就飲晒，好想飲多d至於d雞，超級軟，唔會老唯一一個敗筆之處就係d麵太硬，硬到好似中間未煮熟咁，但因為我已經食左一啖同埋疫情既問題，我就冇要求到佢地再幫我返煮耐少少，但如果大家鍾意食軟少少既話，可能就要係落單既時候講一聲雖然兩個湯底對我而言都算偏重口味，但飲完唔會覺得口渴，唔好好似其他地方味精令到人覺得口渴，可能呢樣就係佢點解值得大家再嚟一次嘅原因！…查看更多

今日黎到牛大人，叫左最貴既套餐，極尚澳洲和牛套餐（$298），而湯底方面就叫左酸菜白肉同埋鳳梨雞湯底！湯底方面，我個人覺得2個味道分別不大，鳳梨雞湯唔酸亦都唔甜，而且入面竟然有苦瓜，唔知係咪落錯左！酸菜白肉湯底亦都唔酸，白肉份量多，但唔好食，可能我地煮耐左，冇咩道理得黎口感都麻麻！2個湯底都比較清淡！套餐方面，果然最貴既套餐入面既牛肉係比起其他餐既牛肉更為高質！牛味會較重！雖然牛肉係好食，但性價比方面就真係見人見智啦！出面自助櫃有勁多平時火鍋店食唔到既丸，味道冇話邊一粒特別令我印象深刻，但喜愛試新野既大家可以一試！！至於最令人印象深刻既野食係鴨血同埋和牛丸，鴨血勁滑，而和牛丸勁有牛味！推薦！即使冇叫最貴個個餐，都要加錢食！！至於野飲方面，我見好多人都強推，但試完咁多款，個人覺得火鍋店黎講好有誠意，但味道方面真係偏為清淡，洛神花茶唔夠酸，白桃烏龍桃味同埋茶味都唔濃，桂花烏龍桂花味有，但同樣烏龍味都唔算重！而且因為每一樽都好大支，飲完一支都好難再飲第2支，因為唔想浪費，所以最後都試唔晒咁多隻味！至於甜品方面，賣單既時候職員會俾埋張甜品落單紙俾我地，有movenpick 雪糕同埋仙草揀，因為見仙草係限定，所以就試左個仙草，但令我好失望！超級甜，唔知係咪佢落得太重手，糖水味道超級重，每一口都好似只係食到糖水既味道！最後連一半都食唔到！有小小唔明點解湯底同飲品都咁淡既時候，個甜品可以咁重口味！下次都係保守d, 叫返movenpick 會好d!…查看更多

同朋友係附近食完晚飯諗住食埋個甜品為今日畫上一個完美既句號！我地就揀左呢間，因為附近既甜品鋪都幾早刪，而呢間就可以開到好晏！我地就分別叫左鮮士多啤梨窩夫配特製士多啤梨醬（$65）同埋養顏蛋白燉鮮奶（$32）窩夫份量唔少，就咁食既話味就麻麻，有少少梳打粉既鹼味，本身有d失望，但原來加埋個士多啤梨醬，成個感覺唔同晒，士多啤梨醬混合埋忌廉，個味道變左士多啤梨奶昔，配合埋個窩夫，變得好味左好多，忌廉唔甜，但士多啤梨醬好甜，所以混合埋一齊就變得剛剛好，因為我地試過分開食，發覺冇撈埋一齊咁好食！不過大家都可以試下邊種方法最好味！！本身朋友想叫個凍既，但個店家推薦話熱既更好食，但熱既話蛋白腥味偏重，而且個甜唔唔太甜，唔好甜既人可以一試，但我個人都係比較喜愛甜d既燉奶，而唔鍾意腥味既，我會推薦食凍既，因為凍左既燉奶腥味唔會咁出！…查看更多

今日約左朋友去尖沙嘴食野，本身諗住食間cafe但最後因為太多人等位而放棄左，黎左附近The ONE 搵間餐廳食！專登揀左間大餐廳，而且又唔full, 希望可以俾我地坐好耐既鋪頭！今次我同個朋友就各叫左個套餐，分別係溫野菜唐揚雞栗子飯（$138）同埋鰻魚壽司飯（$148），隨餐仲會附送一杯鍚蘭紅茶同埋一件細蛋卷，可以揀芝麻/抹茶/雲呢拿味道，而我地2個都揀左抹茶味！鰻魚壽司飯，面頭唔係一件大既鰻魚，而係切好左既鰻魚，數量都唔少！而飯入面就有蛋絲同埋青瓜絲俾我地撈埋個飯一齊食，味道甜甜地，唔錯！溫野菜唐揚雞栗子飯，唐揚雞方面係即叫即炸，上到枱個陣都仲係好熱同埋好脆，而且就算食到最尾有d凍左都好，舊雞都唔會話林啤啤，而且舊炸雞都尚算鮮嫩多汁，唔會話炸到乾晒，至於個栗子飯，就令我略感失望，栗子只有面頭2個半粒，夾埋都只係一粒栗子，下面既飯同栗子完全冇關係，只係白飯，而栗子偏乾，好彩有個鰹魚湯，令到成個餐冇咁乾！隨餐附送既小菜，入面有蒟蒻粒、紅蘿蔔、秋葵......既蔬菜，味道甜甜地，好開胃！鰹魚湯就偏鹹，但因為飯、雞都唔算鹹，所以配合一齊既時候都唔錯！跟餐跟左杯錫蘭紅茶，飲完之後，個職員好好咁行過黎問使唔使加水，但因為個人麻麻地茶，所以就冇加到，而朋友就好鍾意啦，因為可以飲多杯！:)至於跟餐既細蛋捲，份量唔大，4-5口就食完，味道會有少少抹茶既苦澀味，成個甜品都唔算太甜，朋友大推，但我就偏向甜少少既甜品，所以下次可能會叫其他味道試下！雖然張單寫左用餐時間90分鐘，但可能因為唔full, 而且冇人等位，所以坐超過左時間都冇黎吹我地走！開心！所以如果大家都想搵個可以坐耐少少既地方，見晚市唔多人，呢個都係個好選擇！…查看更多

今日同個friend 出完街，行到黎大圍突然好想食甜品，就專登search d甜品鋪，本身諗住去第2間既，但點知因為太早未開，行行下諗住繼續搵既時候就俾個店員係門口說服到食呢間！一入黎睇menu, 以為得甜品揀，點知原來都有賣午餐，可惜因為我地目標就係食甜品，所以都冇叫到佢既牛肉麵，我地最後分別叫左黑糖琥珀珍珠紫薯窩夫（$42）同埋紫霞仙子（$38）！一坐底未叫野食，佢就會先送上一壺茶，我聽就好似話係普洱茶，但唔知係咪聽錯左，因為飲落就似係涼茶，苦苦地，但唔係難飲既苦，而係甘甘苦苦！首先黎既係紫霞仙子（$38），入面有意大利凍粉、椰汁紫米、黑糖紫薯圓、地瓜圓、芋圓，面頭仲可以加一種口味既意大利雪糕，而我地就揀左抹茶味，意大利凍粉口感就好似仙草凍絲咁，冇咩特別既味道，椰汁紫米都煮得好林，而d地瓜、紫薯、芋圓口感煙韌，唔會因為凍左而硬晒但最令人驚喜都係個雪糕，抹茶雪糕味道有少少苦，唔似街上食個d好甜，但苦得黎又唔會過火，反而又好似有d甜甜地，呢個矛盾既感覺令人想一啖一啖咁試真d個味！至於我地第2個甜品就係黑糖琥珀珍珠紫薯窩夫，個雪糕我地就揀左芋頭味，雪糕面有少量金，成個感覺高級左好多！窩夫既形狀同其他甜品鋪有d唔同，人地係方形/三角形，而佢係圓形既！搬開左個雪糕，紫薯同埋珍珠就係窩夫上面，但紫薯偏凍，而且唔甜，似係就咁將煮熟左既紫薯切開而冇加任何糖，對於愛吃甜食既我黎講就略為失望，至於黑糖珍珠方面，黑糖味夠，但可惜珍珠太硬，唔太煙韌好彩個窩夫同個雪糕救左成個甜品，窩夫即叫即做，雖然要等得耐少少，但都值得既，而個雪糕芋頭味濃，但開頭就偏硬身，都係要等一等，等佢軟化左之後芋頭味更為突出！雖然以呢個價錢黎講，個窩夫份量偏細，但因為當中有部份收益係會攞黎做慈善，所以感覺上都okay! 下次可以黎試埋其他菜式！…查看更多