Qnac的个人专页

以前食開元氣都好方便又快捷，因為職員幫我地一次過落單，食完閃人。依家反而麻煩多多，話説今日一家三口去食元氣，老公以為bb手抱住唔計，所以禁2位，咁我之後排隊時都同個門口男職員講聲，希望盡量幫我地安排坐卡位，等左半個鐘，終於到我地入去坐，點知個带位職員好悔氣話，其實呢你地下次記得攞位攞3位，個bb都計，又唔洗錢，方便我地安排，心諗 :等左咁耐都安排唔到，最多咪抱住bb坐bar枱逼小小幸好有個女職員拎左個bb櫈俾我地1 :坐底左周圍望個pad係邊，都無pad俾我地落單2 :仲要用自己部手機落單，禁到無嘜電，如果手機無電咪唔洗食3 :每次最多可以落6樣，而且每次來都係一隻碟一件4 :仲要每次來親野食，都要拎完擺落枱，又要禁一禁個制，來幾次野食就要禁幾次制，禁到我都炆...又要顧住bb，真係好鬼煩5 : 怪唔之得比以前等位時間長左，係因為啲人用pad慢慢揀，慢慢食，食完都無人手拾枱，真係好浪費時間…查看更多

大前晚大約十點零到買個魚柳包餐外買，返到去個包熱，薯條凍冰冰，硬碰碰，已經無食到薯條，好氣！今晚又行落去買兩個包外買，點知返到來，老豆咬左一啖話個麥香雞包凍嘅，跟住擲左，凍冰冰食壞人，好彩魚柳包無事，我原本想拎個包落去換，老豆話費時行來行去，一次又係咁，兩次又係咁，雖然夜晚啫，賣唔哂都唔應該拎出來再賣，賺錢都唔係咁，食壞人點算.....啲員工經常吹水，又拾錯野，態度又差，以前都唔會咁，間野越來越差......下次再係咁會拎証物打去食物安全中心投訴！…查看更多

原來以為係戲院附近，食完可以順便睇戲，咁諗住試下，2人入到去就嗌野食，食海南雞都正正常常，但飯唔係油飯，青咖哩雞飯就一般般，最厲害係炸蝦餅，比出面泰國餐細碟之餘，外皮炸得太硬，內面肉食到粉，完全難食，唔值得依個價，即刻中伏！仲要係落單前嗌左一杯野飲，叫佢俾一杯熱水我，點知佢望住我，可以揀其他野飲，心諗....唔係我唔想嗌野飲，而係自己因本身懷孕唔可以飲凍野，加上佢地菜單又無熱飲提供，感覺逼住人地嗌野飲！食物都上哂，杯水都未上到俾我，嗌左幾次，又舉手都無人理，最後老公幫我大聲叫先俾到杯水我，激死我！無下次，正常一間餐廳，客人坐底都自然俾水人飲，依間就三番四次求人...…查看更多

第一次朋友介紹來食，第二次同老公二人茫檯腳，連續兩晚都過來食，本人唔多鍾意食煲仔飯都被依間吸引，我個人認為係荃灣來講臘味飯最好食既一間(^-^)，好正，會再來幫襯，…查看更多

今晚為左同朋友補生日飯局，同另一伴三人就試下新開既韓國菜，大約10點到，收左工就來食 ，無訂位，又唔洗排隊，職員安排我地坐，張枱係圓得來有d細，坐落去都有d狹窄 跟足韓國設計，3個人叫左2人餐同三款散叫，原本叫三枝酒，但佢地無酒牌無得買 ，酒類多過其他選擇，根本無得揀，為有飲茶，好彩凍茶，眼見張張枱都係飲茶多，一坐底已經上左前菜，唔知係咪已經預備好哂，野食來得太快，根本都未開始食，已經擺唔落張枱 ，搬左兩張櫈俾我地擺野食，雖然效率快係好事，但不只於咁……… 我地嗱嗱聲食 ，一路食，一路有職員幫我地燒， ，服務真係好，辛苦佢！埋單仲打左8折俾我地 …查看更多

我同另一伴都係收夜班一族，返到屋企通常無野食，所以每一次收工都去荃灣食野，食完就返屋企，因為依間鋪頭收好晏，所以又唔洗食得太趕，主要成為左我地最快選擇既鋪頭 ，兼提供晚餐地方 ，對於我地方便就腳 ，野食又啱我地胃口，我鍾意食菜，比較多選擇，而另一伴鍾意食辣同咖哩，所以最啱我地食，又唔需要排隊！…查看更多

2個人來到元朗行街，買野，到夜晚肚仔餓，上openrice查下附近有咩好食，加上田中好多朋友都來食過，聽就聽得多，自己又未食過，所以決定同另一伴試下，未入去之前就係門口度填野食，好快安排我地坐，一坐底野食都好快上，眼見比平時食開壽司店真係大好多，舊飯都厚好多，嗌左六樣野，正常就應該食得哂，但2人食到唔夠一半，已經飽到想放棄， 真係好飽喎！下次應該同大班朋友來先啱 …查看更多

喜歡放假晏就同另一伴專程陪我去葵芳食肉醬意粉 ，比其他餐廳夠抵食，個意粉夠多醬，野味，加小小錢就換個沙律同野飲兼甜品，所以真係抵食都丫！滿意程度滿分滿分，因為除左傳統意大利餐個肉醬意粉正常之外，都未食過平價野依一間一樣正常肉醬意粉，試過幾次食茶餐廳局肉醬意粉 ，粉又硬 ，顏色又白，醬又少 ，一句到尾難食，為一又想(亨)錢，又唔想去高級意大利餐廳食，值得推介依一間 ，平得來又好食！…查看更多

期待咁耐青衣終於開左啦，喜歡食炸醬既我當然要去試一試啦，環境好寬闊，比起平時去餐既譚仔靚好多，坐落去舒服好多，加上唔係圓台，又唔洗搭枱，仲要人多唔洗自己行入去揀位，門口有部機禁飛出來等嗌號碼就得，自從青衣開左，一個星期大約食2至3次，食個早餐就返工，而且都少左去荃灣食譚仔啦，一來唔洗搭車，二來方便！ …查看更多

因為係附近，想食果陣時就會來食，尤其辣鍋貼餃子同原味鍋貼餃子係我最愛，每一次來食都會叫兩份 ，本小姐實在太愛吃，因為兩樣都想試，有時食唔哂，都會打包返去，真係味味都極！…查看更多

第一次食，因為另一伴超級鍾意食拉麵，所以來試下，一入到去，無嘜人，坐底打開menu睇，除左d湯唔同之外，碗碗價錢一樣，根本就無咩特別，仲有幾款小食揀，貪得意用$100申請會員返來，但就要等一個月先拎到會員卡，所以俾左臨時卡我，點知大頭蝦既我張臨時卡原來有時間限制，唔記得換返張會員卡，咁就無左$100之餘，覺得多此一舉，有我資料點解唔寄俾我，一個月咁耐都唔記得啦，又無信息通知，當我拎臨時卡去換話無得換，因為過左期，所以有d嬲嬲地，唔會再去…查看更多

每晚宵夜都經過此地，同另一伴或朋友，一想搵個地方吹水又想食小小野，就會諗起燒皇，職員態度又親切，用具係即棄，只接受現金，食過一次又會再來一次，尤其個炒麵真係好抵食，又大碟，都係$38無記錯！…查看更多

第一次用團購買套餐，諗住近近地又係附近，所以決定同老公慶祝結婚一週年，野食喇錯，而且又坐得舒服，可惜2人都唔飲酒，又唔知可唔可以加錢換無酒精飲品，最後當然無飲2杯酒，轉飲水，原來仲可以帶生日蛋糕來，唔需要切餅費，下次再來試下！…查看更多

今年第二年情人節，大家都要各自返工，等到收工路經此店，2人無刻意去慶祝，只為醫個肚而進入，入到去安排我地坐2人枱，但我地叫既野食張枱根本就擺唔到，野食來得太快，之後個店員都好好人幫我地轉左去4人枱，整體來講食物唔錯，但野飲希望唔好罐裝上，睇落去細之如又唔凍，改善下用杯上再加冰，起碼睇落去角度都靚d同大杯d！…查看更多

來到“屯門”專程來依家餐廳食野，聽朋友推介話間野唔錯，所以入來食下！希望野飲方面需要改善下，太多冰之如，仲有粒大冰內面，寧願飲水好過，怪唔知得左右隔離都無叫野飲…查看更多