靚裝修餐廳🍴 ROYAL INN 2024-09-16首先佢哋嘅英式裝修係真係冇得輸啦!十分吸睛又舒服,簡單乾淨嘅環境已經可以值得俾個好評佢!顏色同埋裝飾嘅搭配都唔錯,打卡人士都10分適合,而且佢個噴水泉裝飾已經見到每一個餐廳嘅人士都要去影張相了!食物質素還可以,每一樣嘢都平平穩穩絕對合格亦都同佢嘅價錢成正比嘅!我哋五個人分別叫咗牛扒,黑松露薯條,意粉,因為我哋9:15先到達,時間比較趕急,佢哋要截單,都唔想阻住廚房收工嘅我哋所以臨急臨忙叫咗三個菜!沒有細細品嚐!但係食物的確不過不失!就算係為咗個裝修去都覺得OK!…查看更多以上食记乃用户个人意见 , 并不代表OpenRice之观点。赞好分享靚裝修餐廳🍴 ROYAL INN https://s.openrice.com/QrLT02BfM00检举 张贴 评分--味道5环境5服务5卫生--抵食用餐日期2024-09-14用餐途径堂食人均消费$180 (晚餐)庆祝纪念生日
令人驚喜的味道 成都小巷 2023-02-20入到黎本身左諗右諗都唔知食咩,我對面個位就嚟食晒我都未諗到。點知比老闆成功吸引咗嘗試佢哋未曾推出嘅雞煲醬乾撈米線,淨係聽到個名已經引起我嘅食欲!米線首先聞落去已經好香,隻顏色都好吸引,食落去濃濃嘅醬汁味道真係令我食慾大開!佢食落去唔係真係完全雞煲醬嗰隻味道,係有少少香甜但又濃香,食過返尋味!我最後再叫多左碟食不過唔記得影。(老闆好fun好好人,多謝你杯學生優惠飲品,估唔到唔係中學生都可以享受到呢個優惠❤️)肯定下次會再幫襯!…查看更多以上食记乃用户个人意见 , 并不代表OpenRice之观点。赞好分享令人驚喜的味道 成都小巷 https://s.openrice.com/QrLT0DGL800检举 张贴 评分5味道4环境5服务4卫生5抵食推介美食雞煲醬乾撈米線用餐日期2023-02-20用餐途径堂食人均消费$50 (晚餐)
中伏之半自助餐 Give Me 5 2022-04-25今次終於幫襯呢一間聽講性價比好高嘅半自助餐。首先,我哋打左電話過去,問左係咪會有生蠔,個店員話係,加錢就有得食,點知去到之後,哇又話根本冇生蠔,係得BBQ燒蠔,雖然我地都有少少失望,但係由於太肚餓,決定依然留低食野,同埋都加錢試吓個半自助餐。我地叫咗個意粉同炸魚薯條,之後就出去拎食物,值得一讚係所有員工態度都好好,返到過去同佢講燒d咩食之後你坐喺張枱等佢拎過嚟俾你就得🫵🏻服務好貼心,態度一百分。首先評價下佢嘅意粉好食嘅,出乎我意料之外,但亦都冇乜特別。炸魚薯條🍟麻麻地…炸魚皮太厚..薯條就正正常常燒烤食物..好難食 唯一雞翼同埋蝦算正常 真心難食 加左一種好奇怪嘅甜味 不過食材本身都唔好 加上燒得差甜品藍莓芝士蛋糕超好食!!!我差啲諗住清空佢個架,因為唯一最好食嘅嘢!海鹽味道雪糕幾新鮮水果哈密瓜好食不過冇影到 亦都好快俾人清晒西瓜…冇味 唔甜 難食 爛左總括嚟講其實半自助餐黎講真係好平 2個人$366埋單 但真係好難食 過唔到自己個關 真係唔會再去啦 不過希望可以keep住佢地宜家呢個服務態度!因為真係非常欣賞!如果食物質量可以提升小小,真係唔好樣樣都咁難食先,我諗真係會再去!…查看更多+ 4以上食记乃用户个人意见 , 并不代表OpenRice之观点。赞好分享中伏之半自助餐 Give Me 5 https://s.openrice.com/QrLT0zKuX00检举 WallaceWong3105 兩人366,諗下都知無可能有生蠔啦2022-07-01 回应 张贴 评分2味道4环境5服务3卫生1抵食用餐日期2022-04-12用餐途径堂食人均消费$186
下午茶打折時段而吸引 新泰東南亞餐廳 2022-04-08突如其來的泰國之旅個日又熱又餓 行行下見到2:30有折就膽粗粗行入去了~入面環境有震驚到我,好大好靚,有泰國風味,尤其啲座位好舒服,有泰feel今次叫咗每次食泰國菜都必叫嘅冬陰功湯(細)魚(唔記得名)生菜包(豬肉)1.冬陰功湯$80一碗真係有啲細 不過味道可以 係正宗個隻味 但辣度完全唔夠 酸度差小小 但仲係好飲嘅 坊間太多好難飲溝太多水或者奶嘅冬陰功 正宗味道已經值得一飲2.魚!$160幾?大大條 食得好滋味 啲魚肉好滑 點汁惹味 唔點一樣好食 唔講咁多 必食推介!3.生菜包好難食呀 生菜好新鮮嘅 但啲肉碎搞唔掂 完全冇味 越食越難受 但我不浪費食物唯點埋魚汁食埋佢 有種比$買難受嘅感覺 肉碎冇辣又冇酸味 仲點叫泰國生菜包 好失望但200幾蚊食得飽2個人 幾抵:)…查看更多以上食记乃用户个人意见 , 并不代表OpenRice之观点。赞好分享下午茶打折時段而吸引 新泰東南亞餐廳 https://s.openrice.com/QrLT0kMn200检举 张贴 评分3味道5环境4服务3卫生4抵食用餐途径堂食
一貫的水準不錯 和味餐室 2022-04-05食厭了外賣,今天午餐突然想食個高質西多士~地方大個位坐得幾舒服!入正題,於是乎午餐時間都去吃左個小食餐 38$厚厚嘅粒粒西多士+炸雞脾 同一時間滿足我兩個願望!本身冇預個西多士有幾大 因為粒粒 以為輕食點知原來大大舊而且每粒都好足料 好夠味!不過!可惜牛油太少啦! 同埋貌似冇鍊奶~不過純粹我係需要好多醬汁嘅人(要食就食最肥XD),正常人應該足夠。不過雞脾炸得幾好味肉多皮脆,唔錯!不過今次唔記得咗叫最經典嘅紅豆冰試吓佢,下次試吓飲再俾Feedback!總評價係值得一試!性價比高!…查看更多以上食记乃用户个人意见 , 并不代表OpenRice之观点。赞好分享一貫的水準不錯 和味餐室 https://s.openrice.com/QrLT0zB8X00检举 张贴 评分4味道3环境4服务5卫生5抵食用餐日期2022-04-01用餐途径堂食人均消费$38 (午餐)
疫情下的好選擇 齊柏林熱狗店 (龍門居) 2022-04-05今日來到屯門嘅齊柏林熱狗店,係好多人疫情下的選擇首先講吓服務態度先 雖然細細間,但係態度都唔錯,明白佢哋做到好攰所以都唔會太多笑容,整體都幾好!食物方面今次要比大大like澳式風情熱狗🌭️!我係平時只食辣之人,但係太多人話呢個包好食啦,所以忍唔住今次叫埋試下,呢個包甜甜地真係好好味😋腸仔同個菠蘿真係好match!加埋佢係用千島醬做調味,完美。如果下次再食一定會叫多次(原諒我食得太快唔記得咗影)之後佢個辣雞包,我覺得就爭少少!因為唔夠辣!其實已經要來咗多辣,代表我哋呢啲食得辣之人本身個包已經係唔夠辣。但係都好食嘅!只不過下次直接叫辣雞塊就算🤣之後有懷舊菠蘿冰!正常程度好食!👌🏼 仲有個牛油粟米我就冇食了,本身唔係好鍾意食,加上已經食咗兩個包,飽囉🌭️推介指數:4粒星🌟…查看更多以上食记乃用户个人意见 , 并不代表OpenRice之观点。赞好分享疫情下的好選擇 齊柏林熱狗店 (龍門居) https://s.openrice.com/QrLT0m6H200检举 张贴 评分5味道4环境4服务4卫生5抵食推介美食澳式風情熱狗雞塊用餐途径堂食
絕對不伏之韓國菜 Yung Chicken Beer 2021-11-15好食,久違五年後的李家 依然保持水準。今日突然間好想食韓國菜 經開土瓜灣就亳不猶豫地走進李家,因為印象李家好食,性價比都高。甜辣炸雞十分驚喜,好耐冇食過甜辣適中,外脆內嫩嘅雞,皮唔會太厚,肉又嫩,正。牛肉粉絲就正正常常,非常韓式。年糕湯都不錯,滿滿嘅年糕同魚板好飽肚,湯汁可以,不過係黏稠個隻湯底~所以年糕十分入味,不辣,怕辣人也可一嘗。最後可以提下佢哋嘅超辣的韓式辣醬,我係超級食得辣之人點小小都要飲幾啖水,愛辣之人絕對要嘗試吓。…查看更多以上食记乃用户个人意见 , 并不代表OpenRice之观点。赞好分享絕對不伏之韓國菜 Yung Chicken Beer https://s.openrice.com/QrLT0jf9000检举 张贴 评分5味道4环境4服务4卫生5抵食推介美食甜辣炸雞用餐日期2021-11-15用餐途径堂食人均消费$150 (晚餐)
每次去都不開心 差差差差 茶泰 (啟田商場) 2021-07-01又再一次令我大為失望的泰國菜!每次黎尼到食飯有十次八次都係乜嘢食都冇 食泰國菜最main point嘅生菜包永遠都冇。今日可能閒日終於食到一次想食嘅嘢 但又做漏野!落單大大聲講左話要酸辣鳯爪,又落漏,佢哋唔係第一次,其本上每次都會做錯野,落漏單,又係咁其實好難唔嬲!如果唔係附近得尼間泰國菜可以揀真係唔會過嚟食,食物算係ok嘅,但唔會話好食,真係貪一個近字。唉。一間令我忍唔住下戴open rice俾差評嘅舖頭。…查看更多以上食记乃用户个人意见 , 并不代表OpenRice之观点。1分享每次去都不開心 差差差差 茶泰 (啟田商場) https://s.openrice.com/QrLT0BWaz00检举 张贴 评分3味道3环境1服务2卫生3抵食用餐日期2021-07-01等候时间30 分钟 (堂食)人均消费$50 (下午茶)