陳小強的个人专页

今日經過見到呢間甜品鋪派傳單,就入去試下,點知......一入去招待真係一流,侍應好詳細介紹有咩甜品出名,我同女朋友叫左一個心太軟同橙酒火焰雪山,先講火焰雪山,一個字"正"因為用橙酒點火後再落個雪山上面,令到有好香橙味,心太軟非常好食,一開D朱古力就流出黎,勁!!!…查看更多

咁我因為要去果頭睇隻痛腳,所以去左果頭食野,咁見到果度有麵線食就入左去啦大腸柯仔麵線,水準之作,好似台北街頭果D咁,當然就冇阿宗麵線咁好食啦煎餃,我記得我果陣去台北打風,食果D煎餃就係呢D,好多汁,好正水餃,可能係煎餃太出色,攪到D水餃好似失色D囉......芒果綠茶,出事啦,原來果度做得最差就係杯茶......選擇小,味道唔太好,如果佢有做蜂蜜綠茶果D好穩陣果D茶就完美啦…查看更多

果日我約左朋友去睇戲,咁一行三人諗唔到食咩,我忽然有奇想就去金鳳食飯(當時係18:00),去到金鳳果陣係冇咩人,咁我地就叫左:西冷牛扒碟上:都幾大塊,味道一般啦,算抵食鐵板牛柳:好普通,算係咁啦鐵板羊扒:佢做到羊扒唔係好騷,幾好食燒汁蠔:腥,細,唔抵食炸薯角:味道唔錯整體:如果你係想同朋友食飯傾計,金鳳係好選擇,因為冇咩人嘛......不過都算抵食P.S.:我下次會去試個燒西冷牛肉,價錢$80果個…查看更多

果日因為前老闆請食飯,所以去左松屋,咁因為同前同事食飯,所以食左咩都唔多記得,我覺得佢D食物同佢個名有D出入囉,不過D燒蝦好好食,我食左好多,如果我要比錢我可能唔會去松屋囉......…查看更多

果日因為要去九龍灣比賽就去左果頭,因為隊友們叫我食自已,我諗左一陣就記得果道有宜家,咁緊係去宜家食啦,因為佢個價錢平得黎食物資數好,我叫左個肉丸,腸,三文魚三文治同咖啡,肉丸真係唔洗講,係人都知好好食,咖啡非常抵飲,我果下覺得自已全無壓力,簡直一流......…查看更多

其實呢篇食評都幾耐,希望佢地水準可以保持到啦講番正題先,我果日兩個人叫左生煎包,排骨擔擔麵,糖醋排骨,小籠包生煎包做得好好,內面好多汁,擔擔麵就比較正宗,好重花生味,其它都唔係好記得,不過味道比較清,比較健康…查看更多

我其實就成日去筲箕灣間老媽食,果日因為約左朋友食飯,所以出左旺角食飯,食完飯緊係食糖水啦,因為之前都聽講糖百府D冰好得,緊係要試下啦......我地叫左三個冰,一個牛奶冰,一個好立克冰同一個杏仁冰,其實我就唔食杏仁,所以冇試,另外兩個我都有食,牛奶冰因為我係要煉奶,所以奶味十足,個好立克冰就麻麻地囉......整體黎講,有機會去開旺角,我會再去食(同另一間作選擇)…查看更多

今日約左個女仔出黎約會,琴晚因為睇左食評所以決定去金田食放題.結果:剌身唔多新鮮,不過唔太差(鱆紅魚,劍魚腩同三文魚真係唔得) 壽司我淨係叫左松葉蟹柳壽司,真係一如之前D食評所講,真係好好食 鐵板燒就叫左薄燒牛肉,香草汁天使魚,個牛肉第一次食就有驚喜,第二次叫就失望,其實用唔穩定呢個字眼會好D,個魚就味唔錯,係我唔鐘意食 燒物就叫左羊鞍,串燒雞軟骨同串燒魚腐,羊鞍做得好,不過有個小插曲,就係D魚腐發臭,初頭黎果陣我重以為係地方唔乾淨,等個女仔食左舊魚廚先發覺魚腐發臭,最後我同左侍應講叫師傅睇睇D魚腐. 料理就叫左醬汁豬軟骨,朋友就話好好食,我就覺得唔錯 炸物我就叫左芝士年糕,真係好香芝士味結論:除左個魚腐之外,其實野都唔錯…查看更多

因為我朋友生日,所以見放假就搵佢食午餐,咁我地一行3人叫左一個海膽三文魚飯,一個帶子三文魚飯,一個雜錦魚生飯,咁我食果個海膽三文魚飯內面有海膽,三文魚,蝦啦......因為我整親隻腳關係,唔可以食蝦,D海膽算係新鮮啦,三文魚都唔錯,其實我最欣賞都係我朋友果個雜錦飯,真係好足料,非常抵食,下次有機會就試下佢個放題先......…查看更多

自從佢開左之後都成日去食.因為我本身都鐘意食冰,我通常都係食芒果雪花冰加芒果,D冰做得唔錯,係個碟就差D囉,用碗會好好多…查看更多

其實呢.......我同朋友兩個人果日都係周圍行先見到呢間一休,其實如果講價錢都算幾平,質數都唔錯,我果日叫左一碟三文魚,一個四色刺身,一板海膽,一個三文魚頭,一個壽司個三文魚係好平同好靚.四色刺身就唔多抵食,不過個海膽好正,之後我地再叫多客海膽,已經冇咁靚啦......希望下次再去果陣D海膽質數可以穩定D啦…查看更多

食物質數好好,味道接近台灣,推薦:肉燥飯,台式拼盤及皮旦豆腐…查看更多

我先前寫過呢間車仔麵,不過寫左去第二個板,如果睇到就知其實係同一間…查看更多

屋企指定車仔麵鋪,呢間係我食過最好之車仔麵,不論任何食物都係好好食,連遠到廣洲親戚每次黎香港都要去食番餐(老闆娘次次都識到我,知道你口味,真係好勁)…查看更多

我有日同我老豆去食海南雞飯,因我老豆係做燒味,所以以下食評出自我老豆:個雞冇雪味,肉夠嫩,又有雞味,如果用咁價錢食係有80分(半隻$65)雞油飯太多油,味就唔係咁夠,串燒唔錯,係唔方便(要分開叫同分開比錢)選擇夠多…查看更多