呢間餐廳真係垃圾級數，從頭到尾都踩晒界。泰式青咖喱雞乾到似柴皮，冇味冇香，完全唔似泰式嘢，咖喱汁淡到好似用水溝出嚟，雞肉又嚡又難咬，食到想喊。份量少得可憐，但收費就高得離譜，真係唔知錢俾咗邊度。前菜都冇好到邊，一樣難食，毫無誠意，啲材料又唔新鮮，味道亂晒籠，仲要貴得冇道理。上菜次序更加離譜，主菜出咗先至慢慢送前菜上嚟，服務亂七八糟。講真，連杯嘢飲都難飲，唔知係唔係即溝，味道淡又冇層次.服務態度差，黑面唔耐煩，催幾次都唔黎啲嘢，冇笑容冇禮貌。成餐飯食到火都嚟晒，真係一次夠晒，朋友問起我會直接話：千祈唔好中伏！總結一句：貴、難食、服務差，食到一肚氣，絕對唔會再幫襯第二次！…查看更多
浪谷 (AIRSIDE)
2025-07-24
以上食记乃用户个人意见 , 并不代表OpenRice之观点。
1
用餐途径
堂食
