micbon1125的个人专页

今次跟好友去尖沙咀K11的 Awesomeism CAVE食飯傾計！！一入門口覺得空間感很好，不算太多張枱，有足夠私人空間。開始時覺得音樂比較大聲，但開始傾計後，發現十分好，因為就算笑得大聲，也會被音樂覆蓋了，不會影響到別人！！食品餐牌很簡單只有2頁，不過已經足夠，不用花太多時間選擇，可以留更多時間享受食物和傾計！！是日餐湯 - 南瓜湯南瓜味濃郁 👍🏼冬蔭公奶油鳳尾蝦意大利粉超級好味道，冬蔭公味道夠濃，意大利粉完全吸收了冬蔭公醬，辣辣地，食完好想再食💕💕 鳳尾蝦彈牙 👍🏼冬蔭公烤粟米好味道，一舊接一舊食，少少辣，帶起粟米的甜味 👍🏼花生醬鹹蛋黃單骨雞翼花生味超香濃，雞肉夠滑，我自己好喜歡 💕朋友食了幾隻後覺得有點膩，剩低的全部由我包辦，好滿足🤣 醉花雕煮藍青口之前覺得這個應該是最穩陣好食的，但反而不太食得出有花雕味道 🤣手工蕃薯條味道唔錯，傾住計食 👍🏼如果有酒可以一起配搭，就更加完美。食物很有驚喜，服務也不錯，不斷會自動幫忙加水 👍🏼這間很不錯，有機會會再 encore！！…查看更多

話說老公突然想食點心放題，上網見到禮記有唔錯嘅評價，所以又去試下。因為是平日下午，所以不算太多人，可以靜靜地嘆下。飲茶嘛，一定要食蝦餃燒賣的😊蝦餃賣相幾特別，幾精緻，味道唔錯。炸物類特別出色，炸雲吞同明蝦桶必食推介！差不多點心紙上的食物都有嚐過，因為是即叫即蒸，所以上枱時，點心都是熱辣辣的，好開心！因為即叫即蒸，每次都要等10-20分鐘，不過食住等都唔覺要等太耐。最驚喜係有咕嚕肉、拍青瓜同口水雞，味道都幾好！整體味道唔錯，下次可以再encore！！…查看更多

新都城牛摩已經幫襯左幾年，係上年嫌悶所以跳船去其他邊爐店。今日再次光臨，完全係另一個感覺！牛小排仍然好味😋 無得輸！！增設了電話落單，真係好方便！仲要多左超多小食，仲有海鮮無限追加 (蝦、蠔 🥰、墨魚滑等)。最令我興奮的是有羊肉片，好好味道，肉好嫩又有羊味！！我自己都食左2碟，勁想再追加，不過已經太飽。印象中好少邊爐放題有羊肉，老公唔食羊，所以呢度一人一個爐就啱晒我地💕佢仲有牛舌，但今次太飽，下次再食。由今日起，牛摩又可以變返做我嘅 canteen 啦！！…查看更多

終於有時間剪頭髮，興奮🥰！之後就在附近食下午茶，今次食夏麵館！好耐之前食過，印象中是好味的😋。老公叫了豬扒擔擔麵+小籠包。豬扒好juicy，唔乾👍🏼湯底幾濃郁，好味，當然可以更濃稠就更好！！小籠包皮薄多汁，趁熱食要小心燙口！！我點了酸辣餛飩麵(加少少錢轉了淮山麵💕)+春卷。酸辣湯好夠味，辣但不會過分辣，酸味和辣味夾得好好👍🏼餛飩比較厚皮，不過我主要想要酸辣湯麵，所以都可以。春卷上枱仍然熱同脆，讚👍🏼…查看更多

臨別秋波，今日再和朋友去半島酒店食自助餐😆 種類不算多，但幾乎每款食過的都好味道😋除了一開始頭兩碟記得影相，其他的都忘記了，實在太專心食和傾計！超滿足的一晚💕💕💕海鮮和刺身最開始時已encore 2次🤣 龍蝦好鮮甜，而且彈牙，跟其他buffet的不同，不會乾和柴皮。不過海鮮和刺身放在同一區域，有時會太多客人堆在一起，而且左右也有人排隊，比較混亂。牛扒和羊架跟隨其後，特別推介牛脷，超好食。跟街外食到的牛脷，完全是兩種食法和口感，必食之選👍🏼另外，薑汁南瓜湯也encore了2次，太好味道，飲完有股薑汁暖流在喉嚨👍🏼甜品好味，各款也嚐過至少一次，好開心 🥳有機會的話，好想再食💕🥳…查看更多

今日心情好沉重😪，決定出街走一走，分散一下注意力！沒有心機走太遠，隨便食一下就算。到了台北車站，見到午餐有麻辣烤魚，一於試試，希望可以刺激一下自己味蕾及精神！上菜時是跟爐一起，熱辣辣咁，而且是原條魚再加上萵筍、蓮藕和芽菜等配料，感覺好豐富☺️ 我自己覺得可以再放多些辣味。食完之後，個口會有一陣陣的麻味，好過癮！(之後問了侍應是什麼魚，回覆：午餐是鰂魚，晚餐套餐是魽魚，晚餐散叫可以選桂花魚)老公選了港式下午茶-豬扒炒公仔麵，味道正常！另外，再加了鹽酥雞扒配薯條，雞扒好juicy！飲品不過不失，叫了香芋珍珠奶茶、水蜜桃紅茶和鴛鴦。香芋珍珠奶茶應該要再濃味才夠好飲。…查看更多

話說人生第一次art jam，畫畫前一定再要食飽先，因為一畫就要3小時。7pm開始，時間有d尷尬。本來想食西班牙菜，但發現真係太趕。之後搵到PickABowl，簡直係快靚正之選💕好多選擇，最後選了 I 彩虹🌈+黃薑椰菜花&半糙米。好多餸，怕食唔晒，叫小飯就好。感覺d餸好新鮮，見到都覺得好靚💕💕好鍾意有牛油果、三文魚 & Tuna🥰🥰當中嘅泰式熟蝦好好味，好清新💕💕雖然唔平，但下次都會想再encore😁…查看更多

終於第幾波後老友相聚！！！三個人好難又雞煲又泰國菜 (雖然我都好想食)，最後決定今次先試泰國菜！豬頸肉瀑布沙律：個汁好好味，豬頸肉出奇地多，好味！如果轉燒牛肉應該都好好味道！！咖哩軟殻蟹 + 蒜香法包: 好好味，好夾！！首先喜歡Menu寫明有4隻軟殻蟹，貨真價實！另外，用石鍋放咖喱，超級抵讚！！食到最後，仍然有溫度！！！串燒：雞、牛、豬、白鱔 & 牛舌：好味！豬牛雞無咩特別，唔太乾就已經好好！白鱔 & 牛舌：有厚度，唔乾，好食！馬拉盞炒芥蘭：爽脆 ，好味！本來想食椰菜苗 & 通菜，但都缺貨，唯有轉食芥蘭，好好味道！下次希望可以多些人一起食，就可以試雞煲了！…查看更多

今日繼續牛氣！！繼續見到7月有優惠：指定套餐，需於19:00前離座！2人同行，1人半價；4人同行，1人免費。除指定套餐，午市每人可享激減$40。看看大家各自所需來選擇啦！！最想講的是：他們終於加了芫茜！！！！！！！！作為芫茜控，簡直令我喜出望外，簡直想俾100分！！！澳洲和牛仍然好好味！！當加了芫茜，又發現他們改了海鮮/甜品品種：沒有了puff；改了一些精緻甜點，但老公話唔好食；帶子：改為帆立貝，味道更好！(本來帶子沒有味道)；蠔：改為水魷； 水魷出奇地好味，當然我想食蠔多D！！今次發現他們推出了優惠：購買$2000 現金劵，即享 $3000 餐飲劵！！…查看更多

今日好開心，老公早收工，又可以陪我飲飲食食！今日繼續東港城！之前日日排長龍，今日竟然見到無人等位，立即九秒九入天丼試食天婦羅！其實之前不認識這間店，只見到它們說是"No. 1 Tempura Tendon In Japan"，所以很想試試，想知道是否值得這個名聲(名附其實)！看餐牌好似好多選擇，但其實每款都差不多🤣最後選了 1. 天婦羅湯烏冬+豚骨白湯 & 2. 穴子海老天丼。1. 天婦羅湯烏冬+豚骨白湯黑虎蝦 x 2，蟹柳、茄子、蓮藕 & 四季豆各一。天婦羅唔錯，粉薄！湯底味道OK，但不夠濃。烏冬份量足夠，不是太大食的話，應該夠飽。2. 穴子海老天婦羅黑虎蝦、穴子、蟹柳、紫菜、本菇、茄子 & 四季豆，各一。天婦羅唔錯，但希望可以加多些少飯，否則不夠飽！之後加了小食：八爪魚天婦羅、茶碗蒸 & 櫻花蝦薯仔沙律。八爪魚天婦羅：店員推介，青森縣出產，刺身級！意外地覺得好好味，好鮮甜。可能因為八爪魚是刺身級，不用一定煮熟才可以食用，所以薄薄的加天婦羅粉炸一炸就可以了，推介！茶碗蒸：加了蟹籽，口感豐富了，好味！(基本上每間有茶碗蒸的店舖，我都一定會點！)櫻花蝦薯仔沙律：好味！本來薯仔沙律都悶悶地，但加了櫻花蝦後，增加了口 感，覺得好好味！我不肯定這家是否做到 "No. 1 Tempura Tendon In Japan"，但下次想食天婦羅，我應該會想起這店！😊…查看更多

途經東港城畔溪尚粵樓，記得幾年前食過唔錯，趁機入去下午茶。疫情前差不多每個星期日也會去飲茶，想起也開心！！一眼望入去裝修幾規，亦夠光猛，可惜我們被帶到轉彎位附近，燈光比較暗(我自己不太喜歡)。坐低就已經聽到侍應說燒味只有雞了(燒鵝、燒鴨和叉燒等已售罄🤣)，雖然是下午茶時間，但都至少應該準備足夠食材吧！只見旁邊的茶客反眼反到太空🤣🤣🤣在看下午茶點心紙時，見到幾款已沒有了(包括我本來想食的粥品)，再加上沒有燒味(除了雞)，所以不算太多選擇。最後點了6個點心，都夠飽的。1. 蟹籽燒賣皇：味道可以。2. 豬扒Q版擔擔麵：雖然一早知道是Q版，但真的太細碗啦！兩三啖就食完。湯底味道可以，但實在太稀，麵條太軟。3. XO醬炒腸粉：味道可以。老公覺得不夠XO醬，可以再濃味少少。4. 四式點心拼盆(蝦餃、豆苗餃、蟹籽餃&黃金糕，各2件)這次最好味的點心！蟹籽餃有驚喜，因為加了韮黃，增加了口感及層次，喜歡！蝦餃和豆苗餃都可以。黃金糕比較差，口感比較硬，而且份量似是將一塊剪成兩小塊🤣🤣🤣5. 鮮竹牛肉球：基本上去任何酒樓必叫的食物。太林，無牛味，完！6. 四寶滑雞扎：整體都算可以。嗯⋯那塊應該是魚肚吧！第一啖是酸的，明明記得其他酒樓不是這個味道，但老公食完說沒有問題，就信他啦！嗯⋯食完腸胃無事🤣🤣🤣記得以前在浸會大學讀書時，間中有去過九龍塘畔溪(已結業)，感覺比較高級。今次再食，感覺平民化了，但又好似想在平民化中高貴一些？最近食的貴價或平價酒樓，水準也好像走了樣。嗯⋯下次食其他種類好了！香港實在有很多美食等著我！！…查看更多

很久以前食過半島酒店-今佐，感覺唔錯，因為朋友移民，今次特意去嘉麟樓食飯。感覺有點名過其實，可能期望太高 😅環境擺設好好，很優雅 👍🏼地方靜靜的，當然也有人們傾計聲，不過唔嘈。味道其實是可以的，只是沒有驚喜 ☺️餐前小食-合桃、元貝浸皇菜苗 和 和牛崧炒飯唔錯！片皮鴨味道可以，沒有太大驚喜。我自己不太喜歡蝦球這道菜，雖然蝦球彈牙唔錯，可惜個汁太酸，嗆喉！之後甜品的杏汁茶，打開時好香杏仁味，滿心歡喜。但飲落無杏仁味，亦無甜味，太稀！！🤣(相信今次只是失手之作，朋友話平時不是這樣)服務好好，侍應們不斷幫忙加水、換碟，也很有禮貌，十分欣賞！！嘉麟樓最好的地方是無限時，而且環境優雅，入到來真的可以輕輕鬆鬆，放鬆心情，完全不覺得時間流逝，可以同朋友傾計傾得很暢快！！👍🏼…查看更多

話說公司被業主逼遷，今日中午繼續食外賣，專心執野🥲.老公一早到了公司開始收拾，我中午時在附近餐廳買外賣。開頭幾間都不合大爺心水，到了豪苑見有抗疫自取外賣餐，問了侍應跟正常份量一樣的 (態度好好💕)，只是外賣特價，見到今日特價餐好吸引，即刻要試啦！！.在公司開餐時，應該隔了10分鐘，魚塊仍然熱熱地、脆脆地，雖然唔係厚魚扒 (大佬呀，$38 你想點呀！？)，但個咖哩汁仲有薯仔、紅蘿蔔，仲要個汁濃濃地，唔稀！成個感覺好好，見到 & 食完之後，個人好開心，好滿意！！.老實講，外賣有呢個感覺，我覺得超值！！！食評唔一定淨係俾餐廳、酒店，茶餐廳都值得有好評！！！💕💕…查看更多

由於之前疫情反反覆覆，特別是第五波極度嚴峻，根本不太敢約朋友食飯。除非朋友要移民，才會冒險出街食飯。(家中長者為長期病患，實在不敢任性).隔了差不多兩年半，終於可以跟舊同學食飯，十分興奮，當然要盡情吹水啦！！.因為想開懷傾計，最好可以有獨立房，不怕笑得太大聲而影響別人！！.今次來到嶺南會所食飯，食物好味，但不是驚天地 泣鬼神那類，而是似在家食飯咁，舒舒服服，應該沒有或很少味精，因為食完不會想狂飲水。.雖然我們坐房，但侍應也會在適當時候入來幫忙，幫手分湯。還會提點一下：小心碟邊好熱、d湯趁熱飲，又會問下今晚d餸好無食等等。感覺服務都幾好、幾貼心。.2022。7。6…查看更多

今日再去馬祖打邊爐，要了 ‘PrimeGrade極上霜降牛小排套餐 $353’ 兩小時放題 👍🏼 5月尾食過，今日再encore！！上次試左蕃茄湯底 和 壽喜燒湯底，普普通通。今次再試椰子雞湯 同 勁爆芫茜湯底，不得了咁好味！！ 椰子雞湯直頭可以當湯飲，好濃味💕 作為芫茜控嘅我，今次一定要試勁爆芫茜湯底，滿滿的芫茜味，超級享受💕 睇住佢滾都覺得興奮😂 佢嘅牛真係好好味，滑溜、花紋靚仔又牛味重 👍🏼 叫左4 round （Total12碟) 油花越來越靚 🥰🥰🥰 第三四 round嘅牛真係不得了咁好味👍🏼👍🏼👍🏼 黑毛豬都好味，不過我地主攻牛肉，所以叫一碟豬就夠。我地來馬祖打邊爐，基本上真係淨攻牛肉，因為蔬菜類同丸類都唔係好吸引，同埋佢無海鮮😅雪糕有Movenpick 🥰 當然都有其他牌子嘅。其實呢幾年疫情反反覆覆，相信大家都關心衛生。我自己就唔太喜歡馬祖d蔬菜&味料無蓋蓋住，同埋堂食飲管無獨立包裝(我知道唔環保，但真心想乾淨同減少風險)。…查看更多