or#Tm65404024的個人專頁

員工服務態度部分親切部分冷淡，叫咗份韮菜餃淥好咗就正滿心歡喜食啦，點知餿咗...即時𠼱都𠼱唔切，然後同店員講咗，點知個店員淨係嗌我等陣，結果我真係等咗陣都唔見有人嚟處理，就再同位應該係店長嘅職員再講，其實由頭到尾佢哋都無“危機處理”嘅意識咁，除咗識講聲唔好意思外，完全無主動提出任何解決方案，最後係我哋要求佢哋換個新鍋。之後用餐時間無補返俾我都算，但last order都唔講聲，最尾諗住喺自助區拎個公仔麵嚟淥，但求飽肚就算。點知個公仔麵由屋企人開袋嗰下我已經聞到好大陣膠味，淥咗之後我成煲湯都勁大陣油膱味，原來包麵膱咗，搞到鍋入面啲牛肉想食都食唔落口。最後我都廢事再要求換鍋，因為都無得要落單，佢哋又趕住清場，無謂阻人收工啦，最多走之前再同佢哋講聲，佢哋啲嘢食唔掂，邊樣嘢食變壞咗，希望佢哋會檢討吓check密啲食品新鮮度啦，我都唔想再有人好似我咁食到身心都唔舒服。…查看更多