chingching1205的个人专页

同朋友放工經過東涌東薈城，無意中發現6樓開咗間新扒房「金龍」，見到門口已經排咗一條人龍，心諗應該唔會差，決定排一排試下。餐廳裝修走懷舊港式路線，有啲似舊式香港西餐廳嘅影子，但又有少少現代感。入面坐位都幾寬敞，坐得舒服，唔會迫逼狹狹。我同朋友一齊order左兩個主食，再加兩杯童年回憶飲品，一齊分嚟食，啱晒放工後鬆一鬆又唔會太heavy。呢道係我哋一致覺得全場MVP！鐵板一上枱就「滋滋」聲加熱氣撲面，龍蝦開邊鋪面，蝦肉厚身彈牙，蝦膏香到不得了，唔會腥，仲幾鮮。中間嘅挽肉幾好食，令整個菜式層次更豐富。另外再跟一個意粉，夾住龍蝦肉一齊食，真係有種豪華版嘅feel，估唔到咁match！呢個焗飯就行另一個方向，成個焗飯香濃茄香味，唔會過酸。用料好足，入面有大蝦、魷魚、珍珠貝，啖啖都食到海鮮。飯粒偏向濕潤啲，但焗面做到微焦金黃，勁香脆，咬落有層次。整體好似港式焗飯融合少少西式做法，唔會太膩又好飽肚。另外，都同朋友一齊order飲品，因為太口渴所飲左先而無影到相。見到餐牌有呢兩杯童年回憶，即刻叫齊。黑牛係可樂加雪糕，雪糕慢慢溶入可樂，甜中帶少少汽水嘅刺激感，飲落即刻返童年；白牛係忌廉梳打加雲呢拿雪糕，冇黑牛咁heavy，帶點清新奶香，同焗飯配起嚟超夾。總結嚟講，「金龍」絕對唔係淨係靠裝修打卡，而係有心機做菜，每道菜都有啲新意思。無論係海鮮火候、口感處理，定係味道平衡都處理得唔錯。加上服務都幾有禮貌，價錢以地段同用料嚟講都算合理。下次會想試埋佢哋鐵板牛扒或者傳統扒餐！…查看更多

琴日收工約咗班姊妹想輕鬆吓，就喺K11 Art Mall對面發現咗間叫做LULU Bar & Restaurant嘅酒吧。地點真係超方便，一出地鐵行幾步就到。見佢門面裝修幾有feel，價錢睇落又唔係好離譜，就決定入去試吓佢哋嘅Happy Hour。一入到去，啲氣氛都幾好，播住啲音樂，燈光又唔會太暗，啱晒收工想放鬆嘅我哋。佢哋嘅Happy Hour做到七點，選擇都幾多，有好多款手工啤、Cocktail、紅白酒咁，真係花多眼亂。最後我哋揀咗兩杯佢哋嘅Beer Cocktail，價錢都幾親民，而且攞上手真係好大杯，感覺好抵飲！雖然佢哋都有啲Snack可以嗌，不過嗰日我哋都唔係太肚餓，所以就淨係Order咗一份share。個沙律嘅份量都幾足，啲菜都幾新鮮爽脆，唔會話淋晒。佢哋嘅Caesar Salad醬都調得幾好，唔會太膩，芝士碎都落得幾多。最正係上面鋪咗幾塊煙三文魚，啲魚肉幾滑，鹹香味啱啱好，同個沙律撈埋一齊食，口感同味道都豐富咗好多。不過如果佢哋可以多啲麵包糠或者脆粒喺入面，咁個口感就會更加有層次。整體嚟講，LULU Bar & Restaurant都算係一個收工後同朋友Happy Hour嘅好地方。佢哋嘅飲品夠抵飲大杯，環境都幾Chill，坐得幾舒服。雖然今次淨係試咗佢哋個沙律，但感覺都唔錯，下次有機會可以再去試吓佢哋其他嘅嘢食同Cocktail。如果想喺尖沙咀搵間價錢合理又坐得舒服嘅酒吧，呢間可以考慮吓！…查看更多

今日晏晝得閒，就同朋友去咗銅鑼灣間叫做十里嘅滬菜同淮揚菜館試佢哋個商務套餐。聽個名都幾有詩意，加上喺銅鑼灣呢個地段，都expect佢哋嘅嘢食有返咁上下水準。成個Set價錢都算合理，可以一次過試到點心、湯羹、主菜、主食同甜品，啱晒我呢啲貪心嘅人。首先上面嘅係，入面有三款點心，包括四喜烤麩、宇治蘿蔔絲酥餅同埋鮑汁水晶肴肉。呢個點心拼盤真係做得唔錯，每款都有特色。跟住就到個湯羹，我揀咗薺菜黃魚豆腐羹。個羹嘅賣相幾吸引，啲料都幾足，有薺菜嘅清香、黃魚嘅鮮甜，同埋滑溜嘅豆腐。個湯底都幾濃郁，飲落暖笠笠好舒服。不過如果可以再少少杰身啲，口感可能會更好。到咗重頭戲主菜部分，我揀咗瑤柱賽螃蟹，我另外個朋友就揀左鳳梨黑毛豬咕嚕肉。一上枱就聞到好香嘅蛋香味，啲蛋白炒得好滑嫩，加埋啲瑤柱絲，真係有幾分似食緊蟹肉嘅感覺，味道都幾鮮甜。撈飯一流！至於個，個賣相就比較傳統，但用咗黑毛豬，就expect佢嘅肉質會好啲。啲咕嚕肉炸得外脆內軟，酸甜度啱啱好，啲菠蘿都好新鮮，唔會太酸。不過如果可以再多啲唔同嘅蔬菜喺入面，口感可能會豐富啲。最後仲有甜點。個湯圓細細粒，做得幾得意，真係好似啲卵石咁。咬開入面係黑芝麻餡，熱辣辣嘅薑汁配埋軟糯嘅湯圓，真係一個暖胃又滿足嘅結尾。薑味唔會太辣，啱晒我呢啲唔太食得辣嘅人。總括嚟講，今次喺十里嘅商務猦餐都幾唔錯。佢哋嘅點心做得有水準，主菜都各有特色，甜品都夠心思。以呢個價錢嚟講，可以喺銅鑼灣呢個地段試到咁多唔同嘅滬淮風味菜式，都算係抵食。下次如果想一次過試多幾款嘢，呢度都係一個唔錯嘅選擇。…查看更多

超高CP值嘅山見台式火鍋終於登陸葵芳新都會廣場！Lunch time同一班同事經過4樓見到有間新打邊爐店，當然要試下啦 ！我地就揀左食「LV4特選和牛海鮮吃到飽」套餐，都幾多選擇可以揀。全部都係任點任食，最方便係用手機QR Code落單，唔洗下下都叫店員。（頭盤）澳洲和牛肩胛肉眼 🥩頭盤上左澳洲和牛肩胛肉眼🥩，賣相當唔錯，油花都相對平衡。（頭盤）海鮮拼盤🐟🦐🦪頭盤亦都上左個海鮮拼盤，有超大隻嘅帆立貝、鮑魚、大海老、白鱔片、墨魚滑等等，全部都好新鮮。台南烏雞玉卷🐔見到幾特別，因為好少地方有得order，所以有落到單，食落都幾煙韌，口感唔錯。月見封門柳🥩平時見得多封門柳係以刨片打邊爐，第一次見到厚切甘出比客人。最大賣點係牛肉沾上蛋液，食落都好有牛肉質感。澳洲和牛肩胛肉眼 🥩後期係QR Code落單嘅和牛肩胛肉眼，雖然無之前頭盤賣相甘好睇，但牛肉油花都足夠，牛肉味道都好濃郁。（追加）卜卜蜆 因為揀左食LV4，所以可能有得免費升級冬瓜卜卜蜆湯底，仲可以無限追加卜卜蜆。不過QR Code無得點卜卜蜆，要親自同店員落order先得。同埋每次份量都唔多，要一次過落多幾份。另外自助區仲有熱食、丸類、蔬菜🥬同埋超多飲品，最驚喜係仲有得自己DIY甜品。如果經QR Code落單仲可以加錢要台式手搖飲品。場內環境都幾舒服同埋唔會坐得太逼。場外環境都唔錯，仲可以打卡影相。問過店員話買一杯飲品都可以坐係出面，可以同朋友吹下水傾下計。不過當日落左少少雨，所以就無留太耐時間係出面坐下。…查看更多