pegpegpeg的个人专页

今日同朋友放假終於book到咁滿心歡喜去打下卡chill 下最後真係十分無奈 我唔嬲 只係冇下次一入去齊陰啡金色中長曲髮女店員（下稱A)勁晦氣問我有冇訂位 我比左電話資料A, A就咁指一指張枱示意就走左..我當下已經覺得好無奈....講講食物先溫泉蛋卡邦尼意粉$128溫泉蛋番茄肉碎薯粒 $58兩杯梳打$58 each 今日唔算多人 野食15分鐘左右就到味道正常偏淡味同埋比較水野食細份 價錢偏貴巨峰提子梳打同菠蘿柚子梳打好普通既甜味氣水嗰度空間不大 要影到靚相係困難的每一張相都好大機會會影到隔離枱同埋記住一定要book枱 限2hours 到比$ 果時 我舉手示意 另一斜陰紅色長髮女店員B 反應好快 即刻比左張單我我同朋友預備好錢 費事再叫員工過嚟收所以就行咗過去收錢個位 諗住直接比佢亦都唔使找錢點知我行到埋去 B行開咗 得返A企喺度側面對住我 佢見到我想俾錢然後佢即刻背對我 伸出一隻手板去左邊要我將張單同錢放喺佢手 全程一粒聲都冇出過 一眼都冇望過我繼續背對我其實先唔講佢返緊工餐飲服務性行業其實真係冇欠到你啲咩 你心情唔好 個客都冇必要受你氣總括一句冇下次。…查看更多

見有雜誌 之前都比較難book到夜晚今日咁啱有位 又同朋友訂咗6:30食酸菜魚6:30去到門口即刻安排入座店舖啲枱嘅位置比較闊落喺疫情底下都比較有安全感店員服務殷勤一坐低咗就同我哋介紹番啲套餐但我哋兩個女仔都唔係太肚餓散叫咗一個酸菜魚同埋木耳惹火山木耳係估唔到咁辣唔太食得辣嘅朋友仔要注意但整體係好香 好味道份量亦都大大碟酸菜魚小辣酸菜魚配料有酸菜、筍同埋芽菜味道偏淡 冇麻味 冇辣味 導致到所有配菜都唔入味 酸菜亦都唔酸都真係希望越大失望越大值得讚嘅係啲魚好新鮮 份量亦都算好多若果可以改善個湯底 相信會大受歡迎整體係有啲失望..希望下次嚟試其他菜會有驚喜:)…查看更多

星期日去到都幾多人係門口排隊枱都排到出門口 同後巷但衛生環境有啲驚嚇 呀姐問我地坐唔坐出邊都即刻拒絕 玩口啲阿叔又狂食煙最後等左五分鐘左右就入咗去坐-招牌沙嗲牛肉蟹黃麵 個沙嗲汁真係無敵唔算太甜仲有輕微既辣味仲有細細粒嘅花生碎個牛唔韌入味 易入口豬扒出前一丁+沙嗲汁湯底唔使講啦個豬扒好實淨 唔好食 個炸粉好厚檸樂煲姜好正 好暖身 咁啱喉嚨好痛飲完好似殺左菌咁凍鴛鴦個茶底好靚 比例啱啱好味道 9/10價錢 10/10 所有嘢食大約10至30元環境 5/10…查看更多

-有可能係香港最好味嘅牛舌-等男友教完水 就去APM 食期待已久嘅一杯六點半去到已經要等位半個鐘左右就入到 唔想等太耐要早啲去喇!!-店內有吧枱、鐵板燒枱同普通枱今次我地坐普通枱，環境舒適，唔會太迫。-燒牛舌$48一啖咬落去 也太juicy了吧!!燒得岩岩好 一啲都唔難𡁻啖啖都充滿住牛既香味配埋少少鹽同黑椒 係完美啊-關西燒(豚+貝)$78店員會原個上再係你面前切開個餡係多到流出黎 入面有海量菜同蛋 再加自選1-3款餸配上沙律醬同燒汁成件事係豐富既!-總結仲叫左雞肉京蔥串$25、明太子雞肉串$25、泡菜豚肉石頭鍋飯$78?三樣都出色嘅，係性價比幾高嘅一間居酒屋，期待下次試佢嘅鐵板燒🙆🏻🙆🏻‍♂️…查看更多

-手撕雞鵝油撈粗$44好味指數7.5/10-其實我是唔喜歡食撈麵的但男友好喜食 所以陪佢吧🙆🏻佢鋪仔細細 普通茶記咁因為個鵝油撈麵出左少少名-撈粗唔會太油太鹹，味道香口手撕雞中規中矩，比上不足比下有餘勝在價錢夠公道，住荃灣區既朋友不妨trytry*牛腩飯都不錯 只係冇跟碗蔥花湯 得碗白飯食落dry啲其實加埋碗湯食係加分不少，很可惜！等候時間係15分鐘。但內部真係好細 坐係到係比較迫同難啲郁動，加些台與台之間都係窄，待應經過都會撞到客。 不過價錢搭救！…查看更多

-早兩日連假去左元朗覓食飲左依杯近期好火熱既夏茶-芝士草莓冰沙 $38如果大家有飲過大陸既奈雪之茶/喜茶你就會覺得夏茶不過不失但價錢就偏貴喇芝士香口，冰沙係用真草莓加奶加冰打出泥，每一啖都係果肉，大大粒果隻。整體感覺較為濃郁，飲完會飽，係香港泥講算係好好飲嚕。見到飲品種類都好多，但同時間都好多人排隊所以都等得比較耐，值唔值得就見仁見智啦！都好過排2個鐘喜茶既！總等候時間30分鐘，但條路就比較窄所以都比較麻煩...唔知企邊好…查看更多

-豬骨煲啊豬骨煲🐽依間豬骨煲真係冇得輸~~~-其實佢最出名係煲仔飯亦係我係香港食過最好味既（好食過四季好多）-講返個豬骨煲 二百幾蚊一煲好足料，8舊豬骨、栗米、支竹、白蘿蔔，跟煲送一藍菜。除左啲豬骨好好啜之外，個湯低我真係認為無懈可擊。 係胡椒豬骨底，最好係你打打下邊爐想加湯，佢係會加返原本個湯比你咖crazy!!其他火鍋配料，如肥牛滑牛等等都係$6-70 一碟，大大碟，冇4個人都好難食得晒唷！我當日同友人3人成行，最後係勉強食晒，叫左肥牛滑牛支竹墨魚丸連一個煲埋單每人$140！-…查看更多

-立鮨同男友去尖沙咀行下街突然我港女上身話要食壽司咁就揀左依間立食壽司店-入到去其實容納到8-10位客人咖咋因為下午4點就唔需要等位叫左圖中既壽司有3文魚、火灸3文魚、左口魚、吞拿魚、蟹腳、帶魚同埋赤海蝦。啲飯係落左啲醬 啡啡地色，加上師父係魚生上面都落左啲洋蔥/蔥，再用火槍燙一燙個面，令到每一粒飯、每一條魚、每一樣配料，都非常之匹配。每一舊都好香好好味呀☺️埋單加一$204 其實平均一舊$20左右咁既價錢 咁既質素係超值呀！會再返泥食咖😆…查看更多

知道葵芳開咗outback姊妹店Aussie 同男朋友滿心期待咁由港島走去試11點幾去到冇人排隊直接落完單就入去坐！經理服務幾殷勤帶位同介紹點樣用嗰個送餐器！等左唔夠10分鐘個餐就嚟咗喇！同男朋友各叫咗一個餐，我就食classic burger + 雞飯，男友叫左beacon bomb + 手工薯片。Classic burger +雞飯 $88 其實就係一個單層牛肉嘅漢堡入邊有啲酸瓜青瓜芝士煙肉，其實講真係比想像中多料既！味道方面就真係有啲失望，個牛冇牛味，成個包剩係得芝士同煙肉味，好dry....個雞飯係似炒飯版KFC蘑菇飯...Beacon Bomb + 手工薯條 $98個餡同classic burger 其實大同小異但個面就多咗隻青辣椒，俾你一啖包一啖辣椒！呢個果醬應該係少少唔同所以其實食落就好味好多，但塊牛都係冇牛味....但個薯片係意料之外咁好味！熱辣辣又脆又香薯仔味！食到停唔到口！價錢方面其實都幾抵食嘅，$100樓下有個餐加汽水都係$12任飲環境方面乾淨企理唔迫夾嘅！地點都易搵喺正葵涌廣場對面…查看更多

同男朋友喺旺角食完飯行咗陣想食個甜品先返屋企！就諗起成日都好多人棋喺條街度等嘅黃巴士，經常喺條街度見到佢貼嘅poster，相入邊嘅疏乎厘都望落勁吸引！但次次都勁飽食唔落！去到見到依然係好多人本來想試吓佢個流心疏乎厘，因為限量發售我去買嘅時候已經賣晒了。一場嚟到都照叫咗個tiramisu疏乎厘 $45 + $10可以有雲呢拿雪糕。等左大約10分鐘就有得拎喇！拎上手係熱辣辣㗎好香好吸引！味道方面其實都幾好味對比起日本出名嗰啲都唔算差，鬆軟清新，食落冇乜負擔感。個雪糕都幾重奶味！不過不失！賣相方面用紙兜裝住都幾方便。價錢方面非常抵食，啲日本過江龍閑閑哋都百幾蚊一份，仲要限售。…查看更多

幾左朋友係中環食生日飯想買個蛋糕比佢，但係得四個人一般買到嗰啲都太大個，食飽飯之後次次都食唔晒變咗大晒鬼！係ifc 閒逛嘅時候見到呢間鋪頭啲蛋糕好的骰好精緻就忍唔住行左埋去睇！係依排都好hit嘅戚風蛋糕啊，有伯爵茶、芒果、綠茶、玫瑰同埋朱古力味。其實應該仲有更多，只不過係我太夜去賣晒嚕！仲要每個都只係$56-60咋！花多眼亂，最後揀左朋友鍾意既double chocolate 味，三位友人見到都話我買得好，細細個食完唔太飽！味道方面係估你唔到咁好味啵，朱古力海綿蛋糕上有一層chocolate cream, cream 好幼滑香口，朱古力味濃郁，但又唔會過甜，完全係我杯茶呀！個海綿蛋糕都不錯，兩者配合得好好！賣相方面蛋糕面有啲細細粒既朱古力脆脆，整體美觀。價錢方面$50-60 有交易，仲有大量款式，抵食之選。…查看更多