foodlovermanman的个人专页

銅鑼灣的這間意大利餐廳，在朋友的生日飯局初嘗到這間餐廳。吃了一次,我便很喜歡，好岩我囗味，所以今日老公放假就帶同我的愛人再回味一下。坐落黎，馬上就有welcome bread, 好香脆既䔉容包,胃口都大增了。我既頭盤係焗蠔沙律，一百蚊左右既餐頭盤就有蠔，的確好蠔。男友係大蝦沙律，D汁好好味。龍蝦湯，上次dinner 飲過，我好中意，所以我志在必要，而且lunch 都係加$20 就可以轉龍蝦湯仲有粒粒龍蝦肉。可能我真係好中意所以我覺得好底飲主菜到了，羊排係我上次食過又想再回味既菜式，所以我冇試其他。男仔要左豬仔腳，雖然味道吾錯，不過我仍然中情羊排。最後見到menu 上既圖片，加$38 有心太軟同甜品拼盤，平時其他糖水店食心太軟起碼五十蚊，仲要未必好味，這間的心太軟實在值得一吃。甜品拼盤更精彩。不用多說，看圖已經知道，一次過滿足了幾個願望。…查看更多

水準不斷下降的小南國，本來也是當家常便飯，但去多幾次真係開始覺得水準向下滑左好多。香茜牛健，一來到，第一下：嘩～少到甘好似得返半碟甘，而且味道仲怪怪地。差辣椒炸子雞，一D辣味都冇，又冇雞味，得個脆卜卜。雲吞雞，係清湯加雲吞加雞比，不算難食，更不算好味。糖醋排骨，得醋味，完全冇糖醋味。蟹粉豆腐獅子頭，算是可以的一個，獅子頭D肉又好一般。生煎包，也算可以的一個，有汁有肉味。總結來說，真係差左好多。開始要轉食其他啦。…查看更多

本身好中意乳酪既味道，所以crumbs 的確係我所好，而crumbs 我都真係食過好多次啦，而且每次都叫超級杯，因為感覺上超級杯最底食。但係愈來愈覺得D配料冇甘好味啦，我本身好中意個蕉糖香蕉，但愈來愈覺得D香蕉好生，完全吾入味，芒果又太欄啦，所以開始覺得水準差了好多。…查看更多

國金軒的任食點心，腦海中無幾間有任食點心這回事，國金軒係一間高級飯店，環境舒適，服務員態度也不錯，不過當天我坐小房裏，不容易叫到服務員。佢推出$248 一位任食點心尚算合理，不過都要䏲下食物水準先。任食點心的menu, 望落去還好，不過食食下就覺得冇幾款。第一次當然心急叫左好多野食，味道其實都有水準，所以有餃類都幾好味，我都有重複再叫。幾款腸粉也不錯，皮薄肉多，好味。總結來話對於高級餐廳，食物都比較有水準，這間$248 + 10% service charge 也算合理。只是任食選擇太少，會不斷重複幾款。…查看更多

秋冬季節有不少人都要補一補，蛇店已變成幾好既選擇。熱烘烘既一碗蛇羹加上熱龜湯再加一碟海南雞飯。的確暖到腸胃之餘又可以補一補身體，好味又健康。主角蛇羹，好味又足料，曾經食過其他蛇店，瘦肉仲多過蛇肉，依間算係幾好啦～熱金錢龜湯，味道好濃，有點平時在家飮到既味道，但係咪真係能排毒解毒就末知知數。海南雞飯，加左錢要雞比，依個飯就冇咩特別，冇話好吾好味，不過非常飽肚。本人今次叫左B餐，加大蛇羹再轉雞比，兩個人食其實都好夠。比起同區蛇王如價錢貴D但地方乾淨D，味道也不錯。尚算合理。…查看更多

九龍城，出名多好野食，例如小曼谷，禾牛薈都好多人去過。禾牛薈門口一大堆名人明星既合照都係賣點之一，不錯既免費廣告效果。等待中，可能太肚餓，見到個刺身拼盤相被吸引了。所以又叫左大拼盤食住等。打邊爐最難過就係等湯滾，等野食熟，有個刺身食下，真係幫助打發時間。老實講，三百蚊一個刺身拼盤可以接受，不過就吾系特別好味甘，冇咩特別。主菜有幾個要推介一下，嚮令係真係幾好味幾香，真的比其他飯店炸得好。其次牛肉也不錯，禾牛薈當然會賣好牛肉，也值得一食。最後是個人特別喜歡的魚卜，沒有特別原因，因為無論咩魚卜都係我最愛。不過禾和薈D選擇好普通，而且價錢加左不少，可能有時自己去街市買食材仲好。…查看更多

流浮山出名是海鮮聖地，如果要同西貢相比，我個人比較喜歡流浮山，因為論海鮮品種價格我覺得流浮山比較平及新鮮。歡樂是比較著名的一間，食物其實真的比其他煮得好味，當然價格也比其他的飯貴，也貴頗多的。如果你是成日到流浮山的話，有時凈買海鮮再找飯店加工也是另一選擇。流浮山好幾間我也試過，的確歡樂味道最出色的。芝士龍蝦伊麵是很多人的心頭好，也是我必叫之選。歡樂的芝士龍蝦伊麵煮得很棒，推介。其他推介的有斑頭腩，是我個人最愛的一道菜，那大魚最肥美的魚腩去炸，非常脆口及美味，不過歡樂不是常常有。如果自己去買餸再找飯店，一般買一條大魚，再跟飯店說要煮「魚兩味」，一道是斑片炒西蘭花，叧一道便是炸斑頭腩。推介推介…查看更多

外賣了一個中式牛柳，味道如店名住家菜，沒有什麼特別的，這也算正常吧，因為這店主要是有住家的感覺吧。可惜外賣的質數也太差了，D牛柳都黑到甘，不用多説已經知道如何啦，住家菜主要是健康少味精，如果煮到甘何來健康呢？…查看更多

飯後當然要食個甜品才算完滿啦，其實好多時都係因為幾個女仔未傾夠所以食完飯要搵間糖水鋪坐下才傾過。不過發記就不是一個好地方比你慢慢傾個飽啦。芒果黑珍珠，沒有什麼特別，只是芒果有點酸。後來想加點椰奶汁，都要叧外加錢:(上面的芒果是自己後加的，也是不過不失的一個紅棗雪耳圓肉，太甜的一個，回家仲覺得甜。在銅鑼灣好少吃糖水的，所以選擇不多。…查看更多